Tíminn - 20.12.1989, Blaðsíða 4

4 Tíminn
Miðvikudagur 20. desember 1989
FRÉTTAYFIRLIT
Dresden - Heiumut Kohi
kanslara V-Þýskalands var
fagnað mjög þegar hann kom
til Dresden í A-Þýskalandi til
fundar við Hans Modrow for-
saetisráðherra A-Þýskalands.
Mannfjöldinn kallaði Þýska-
land, Þýskaland sem tákn um
vilja sinn til sameiningar þýsku
ríkjanna. Fundur þeirra Kohls
og Modrows erfimmti leiðtoga-
fundur þýsku ríkjanna í fjora
áratugi. Leiðtogarnir hafa
ákveðið að hittast aftur í næsta
mánuði.
Brussel - Manfred Wörner
framkvæmdastjóri NATO seg-
ist ætla að íhuqa óformlegt
boð Eduards Snevardnadze
utanríkisráðherra Sovétríkj-
anna um að heimsækja
Moskvu, en segist vera á moti
formlegri samskiptum við ríki
Varsjárbandalagsins.
Prag - Þúsundir tékkneskra
námsmanna umkringdu þing-
húsið í Prag í gær þegar
umræður um hvernig standa
skildi að vali á nýjum forseta
landsins voru að hefjast.
Námsmennirnir veifuðu borð-
um þar sem þeir lýstu yfir
stuðningi við leikritaskáldið
Vaclav Havel, en hann er einn
þeirra manna sem talinn til
greina koma sem næsti forseti
landsins.
Varsjá - Pólverjar frestuðu í
gær undirritun á mjög mikil-
væqum samningi við Alþjóða
GjaTdeyrissjóðinn og fulltrúar
sjóðsins tóku næstu flugvél
heim til Washington. Pólsk yfir-
völd sögðu að samkomulag
væri fyrir hendi um þörf á 725
milljón dala láni frá sióðnum,
en báðir aðilar þyrftu ao ganga
frá lausum endum áður hægt
væri að skrifa undir samning-
inn.
Jóhannesarbora - Orð-
rómur þess efnis að Nelson
Mandela, þekktasti Dólitíski
fangi samtimans verði látinn
laus fyrir jól, var nokkuð hávær
í S- Afríku í gær. Á morgun
mun Mandela hafa verið 10
þúsund daga í haldi í fangels-
um í S-Afríku.
Tókýó - Makiko Hamada,
eiginkona eins af þingmönnum
Frjálsa demókrataflokksins í
Japan, segði í gær að hún
væri orðin svo þreytt á forystu
flokks manns síns í japönskum
stjórnmálum, að hún væri sjálf
fáanleg til þess að bjóða sig
fram á óháðum lista í næstu
kosningum.
ÚTIÖNP lllllllllllllllllllllllllllllll^ ......Illlllllllllllllllllllllllllllllll
BLÓÐBAÐIÐ I TIMISOARA:
Fleiri hundruð féllu
fyrir kúlum öryggis-
lögreglu Ceausescus
Á milli þrjúhundruð og fjögurhundruð manns féllu fyrir kúlum
rúmensku öryggislögreglunnar í bænum Timisoara um síðustu helgi
ef marka má fréttir ungverska ríkisútvarpsins. Vitnar útvarpið í
ungan Ungverja í Timisoara sem á skyldfólk sem starfar sem læknar
á sjúkrahúsi í bænum, en hann hefur eftir skyldfólki sínu að 250
manns hafi látist af skotsárum á því sjúkrahúsi eingöngu.
- Hundruð manna liggja á sjúkra-
húsinu með hræðileg sár, sum eftir
byssukúlur, önnur eftir belti skrið-
dreka, sagði Ungverjinn við ættingja
sína í Ungverjalandi, en hann náði
við þá símasambandi í gærmorgun.
Öryggislögreglan gerði árás á mót-
mælendur í Timisoara eftir að þeir
höfðu hindrað lögreglu í að hand-
taka prest, sem er af ungversku
bergi brotinn. Hins vegar eru hinir
föllnu og særðu ekki nema að litlum
hluta til af ungverskum ætfum, held-
ur rúmenskum, sem sýnir að ekki
voru mótmælin vegna þjóðernis
manna, heldur var verið að mótmæla
kommúnistastjórninni í Rúmeníu.
Nicolae Causescu forseti Rúmen-
íu lét blóðbaðið í Timisoara ekki
mikið á sig fá. Hann er nú í opinberri
heimsókn í íran og hefur ekki minnst
á að nokkuð sérstakt væri á seyði í
Rúmeníu. Þvert á móti sagði hann
að allt væri með kyrrum kjörum í
landinu.
Rúmenar lokuðu landamærum
sínum að Júgóslavíu og Ungverja-
landi strax í kjölfarið á blóðbaðinu í
Timisoara. f gær bættu þeir um
betur og lokuðu einnig landamærun-
um að sovétlýðveldinu Moldavíu,
sem Causescau gerði reyndar tilkall
til á dögunum, auk þess sem umferð
yfir landamærin að Búlgaríu eru svo
til algerlega lokuð.
Stórir hlutar Rúmeníu eru nú í
raun undir beinni stjórn hersins eftir
átök helgarinnar eftir lokun landa-
mæranna og berast fréttir að skrið-
drekar og brynvarðar bifreiðar séu á
ferð um allt landið.
Nicolae Ceausescu forseti Rúmeníu
heldur þjóð sinni í heljargreipum og
sigaði öryggislögregiu sinni á mót-
mælendur í bænum Timisoara um
helgina. Er talið að rúmlega 300
manns hafi fallið fyrir skotum blóð-
hunda Ceausescus á sunnudaginn.
Forsetinn braut
samskiptabann
við Kína
Fulltrúaþing Sovétríkjanna:
Grænt Ijós gefið á efna-
hagsáætlun Ryzhkovs
Fulltrúaþing Sovétríkjanna sam-
þykkti efnahagsáætlun sovésku
ríkisstjórnarinnar á fundi sínum í
gær eftir heitar umræður undanfarna
daga. Um ellefuhundruð af hinum
rúmlega fimmtán hundruð fulltrúum
á fulltrúaþinginu greiddu atkvæði
með áætluninni sem miðar að því að
bjarga því sem bjargað verður í
bágbornu efnahagslífi Sovétríkj-
Brandenborgar-
hliðið opnað
gangandi fólki
Þjóðverjar munu geta gengið milli
Austur-Berlín og Vestur-Berlín
gegnum hið fræga Brandenborgar-
hlið í jólaösinni. Hans Modrow
forsætisráðherra Austur-Þýskalands
skýrði frá því í gær að Berlínarmúr-
inn yrði rofinn við hið sögufræga
hlið og að gangandi vegfarendur
gætu gengið um það hindrunarlaust,
en almenningur hefur ekki átt kost á
því að ganga um þetta sögufræga
hlið um langt árabil, enda er það í
Austur-Berlín, rétt við Berlínarmúr-
inn.
Þá lýsti Modrow því yfir að austur-
þýsk stjórnvöld muni leyfa frjáls
ferðalög Vestur-Þjóðverja til Aust-
ur-Þýskalands frá 24. desember að
telja. Hingað til hafa þeir þurft að
sækja um vegabréfsáritun til að kom-
ast til landsins.
Modrow skýrði frá þessu á blaða-
mannafundi í Dresden, en þar áttu
þeir fund saman hann, Gerlach for-
seti og Helmut Kohl kanslari Vestur-
Þýskalands, sem kom í sína fyrstu
heimsókn til Austur-Þýskalands í
gær. Þeir félagarnir hyggjast halda
annan fund í byrjun janúar.
anna. Er litið á þessi úrslit sem
mikinn sigur fyrir Nikolai Ryzhkov
forsætisráðherra Sovétríkjanna.
Mikhaíl Gorbatsjof leiðtogi sov-
éska kommúnistaflokksins varaði
þingheim við því að koma með
breytingartillögur við áætlunina þar
sem það rýrði gildi hennar.
- Annaðhvort styðjið þið áætlun-
ina eins og hún kemur fyrir eða þið
styðjið hana ekki, sagði Gorbatsjof
þegar umræður voru hvað heitastar
um ýmis umdeild atriði hcnnar.
Róttækir fulltrúar á fulltrúaþing-
inu hafa sagt að áætlunin gangi ekki
nægilega langt og að hún dugi ekki
til að koma böndum á efnahagslífið.
íhaldsmennirnir telja áætlunina hins
vegar ekki rétta leið, enda á skjön
við áætlunarbúskapinn.
Fyrsta skrefið í sex ára áætlun
Ryzhkovs er uppstokkun á verðlagn-
ingakerfi landsins sem hefja á í
ársbyrjun 1991, aukin framleiðsla á
neysluvörum og matvælum og mikill
niðurskurður á ríkisútgjöldum fyrir
árið 1993. Annað stigið felst í því að
færa hagkerfið í átt til markaðshag-
kerfis þar sem ríkisstjórnin geti beitt
verðlagi, sköttum, lánastarfsemi og
fjárfestingum til að hafa stjórn a
efnahagslífinu.
Hins vegar er ekki gert ráð fyrir
að áætlanabúskapur ríkisstjórnar-
innar leggist af né að róttækar að-
gerðir verði gerðar í gjaldeyrismál-
um né á eignarhaldi.
Ryzhkov hafði hótað að segja af
sér forsætisráðherraembættinu ef
áætlun hans yrði ekki samþykkt.
Bandaríkjastjórn lét blóðbaðið á
Torgi hins himneska friðar í júní-
mánuði ekki eins mikið á sig fá og
hún vildi vera láta. George Bush
Bandaríkjaforseti bannaði bein sam-
skipti við kínversk stjórnvöld í kjöl-
far blóðbaðsins þar sem hundruð
lýðræðissinnaðra stúdenta féllu fyrir
fyrir kúlum Alþýðuhersins. Þrátt
fyrir það sendi Bush sjálfur Brent
Scowcroft hershöfðingja og ráðgjafa
bandaríska þjóðarráðsins til Kína á
laun í byrjun júlímánaðar aðeins
mánuði eftir blóðbaðið.
Þetta kom fram í yfirlýsingu Hvíta
hússins í gær, en að undanförnu
hefur George Bush verið mjög gagn-
rýndur fyrir að senda Scowcroft til
Kína nú í desember.
George Bush dvaldi í rúmt ár í
Kína áður en Bandaríkjamenn tóku
upp formleg tengsl við Kínverja
fyrir einum og hálfum áratug.
Bandaríkjamaður:
Eyðniveirunni eytt með
beinmergsflutningi
Eyðniveirunni var eytt í banda-
rískum eyðnisjúklingi fyrir nokkru
með beinmergsflutningi og AZT
lyfjagjöf. Er þetta í fyrsta sinn sem
slíkum árangri er náð í meðhöndl-
un þessa banvæna sjúkdóms og er
talið stórt skref fram á við í barátt-
unni gegn eyðni. Sjúklingurinn lést
hins vegar úr hvítblæði níu dögum
eftir að eyðniveirunni hafði verið
eytt úr líkama hans. Frá þessu var
skýrt í New York Times í gær.
Það voru vísindamenn og læknar
við Johns Hopkins læknaháskól-
ann í Baltimore undir stjórn dr.
Rein Saral sem framkvæmdu að-
gerðina og telja þeir að með þessu
sé tendruð von um að hægt sé að
ná tökum á þessum sjúkdóm.
Vísindamennirnir segjast hins
vegar þurfa að meðhöndla mun
fleiri eyðninsjúklinga á þennan
máta áður en hægt verði að fullyrða
að hér sé möguleg lækning á ferð-
inni, en ekki undarleg tilviljun og
kraftaverk.
Það var 41 árs eyðnisjúklingur
sem einnig þjáðist af hvítblæði sem
gekkst undir mergskiptin. Merg
sjúklingsins var eytt með mikilli
geislun og lyfjagjöf og nýjum rnerg
komið fyrir. Á sama tíma var
sjúklingnum gefið AZT lyf, sem
hindrar eyðniveiruna í að ráðast á
ósýktar frumur. Það lyf hefur verið
notað til að halda eyðni í skefjum
um stundarsakir.
Mánuði eftir mergskiptin fannst
ekki nokkur vottur um eyðniveir-
una í líkama siúklingsins. Hins
vegar dró hvítblæðið hann til
dauða.
Alger mergskipti sem þessi eru
mjög áhættusöm og voru einungis
framkvæmd þar sem eyðnisjúk-
lingurinn þjáðist af hvítblæði.