Tíminn - 19.01.1990, Blaðsíða 2

2 Tíminn
Föstudagur 19. janúar 1990
25 ára gamall Englendingur hélt einn síns liðs á Hvannadalshnjúk,
illa nestaöur og vanbúinn, þrátt fyrir fortölur heimamanna:
Ætlaði að nærast á
berjum á leiðinni
Óttast er um afdrif 25 ára gamals Englendings sem hélt
gangandi einn síns liðs á Hvannadalshnjúk á mánudagsmorg-
un. Maðurinn var illa nestaður og sagði húsráðendum á Hofi
í Öræfum, þaðan sem hannn lagði upp, að hann ætlaði sér að
lifa á berjum.
Ari Magnússon bóndi að Hofi I
reyndi ítrekað að telja manninum
hughvarf en án árangurs. Þá hafði
Ari samband við lögreglu á Höfn í
Hornafirði og kannaði hvort ekki
væri hægt að meina manninum för-
ina. Fékk hann þau svör að lögum
samkvæmt væri slíkt skerðing á
ferðafrelsi mannsins og því ekki
hægt að meina honum förina, sem
hann sótti svo ákaft.
Björgunarsveitir frá Höfn í
Hornafirði, Kirkjubæjarklaustri,
Mýrum og Fagurhólsmýri voru í
viðbragðsstöðu í gær. Þegar sveitir
frá Höfn og Klaustri komu að Hofi
í Öræfum í gær um klukkan 14 var
kominn skafrenningur á jöklinum
og snjókoma. Skyggni var svo lélegt
að ekki var talið ráðlegt að hefja leit.
Ætluðu björgunarsveitarmenn að
gista að Hofi og kanna málið í
birtingu.
Stephan Willham Reader, lagði af
stað frá Hofi klukkan 7 á mánudags-
morgun og sagðist ætla svokallaða
„Sandfellsleið“ á Hvannadalshnjúk
í Öræfajökli sem er hæsti tindur á
íslandi 2119 metrar.
„Við reyndum með öllum brögð-
um að telja honum hughvarf, en
honum varð ekki þokað. Við höfð-
um samband við lögreglu en þeir
tjáðu okkur að ekki væri hægt að
hefta för mannsins. Við spurðum
hann hversu vel hann væri nestaður
og hann tjáði okkur að hann ætlaði
að lifa á berjum. Ég hváði við og þá
var eins og hann áttaði sig á hvaða
árstími væri.“ Svo segist Ara Magn-
ússyni bónda á Hofi I frá er hann
lýsir brottför mannsins á mánudags-
morgun. Ari vildi hafa vaðið fyrir
neðan sig og rakti slóð mannsins sem
fyrsta kastið lá eftir „Sandfellsleið,"
„Svo hefur hann snúið við og slóðin
lá aftur heim að bænum og upp
Hofsfellið. Þar rakti ég slóð hans
upp að klettabelti," sagði Ari.
Það var með naumindum að hús-
freyjunni að Hofi tókst að neyða
brauðpoka upp á manninn um það
leyti sem hann var að hverfa út úr
dyrunum. Hvort það er eina nestið
sem hann hafði meðferðis er ekki
vitað.
„Útbúnaðurinn var ekki upp á
marga fiska. Að vísu var hann með
bakpoka og ég veit að hann var með
ísöxi og brodda. Klossarnir sem
hann var í virtust ekki vatnsheldir.
Þá var hann ekki með tjald en
sagðist grafa sig í fönn. Við spurðum
hann eftir varmapoka eða slíku og
reyndist hann hafa einhvern slíkan
poka.“ sagði Ari.
Honum og fleirum er vissu um
ferðir unga Englendingsins sveið að
horfa á eftir honum út í slíkt glap-
ræði sem ferð á Hvannadalshnjúk er
við þessar aðstæður og raunar alltaf
ef menn eru einir á ferð.
„Það er grátlegt að ekki skuli vera
til lög til að stöðva menn í slíkum
áformum. Ég gat ekki farið að leggja
hendur á manninn til að stöðva
hann. Þetta svæði er þannig að
hættur leynast við hvert fótmál og ég
man ekki dæmi þess að menn hafi
farið einir á jökul, hvað þá á þessum
tíma. Vel búnir flokkar manna eiga
oft fullt í fangi með að komast til
byggða þegar þessi árstími er kom-
inn og veður versnar snögglega."
sagði Ari
Að tilmælum lögreglu tóku hús-
ráðendur veski mannsins og vega-
bréf. Einhverjir peningar eru í vesk-
inu og vildi lögregla á Höfn að það
yrði skilið eftir sem trygging vegna
hugsanlegrar leitar, sem nú er komin
á daginn.
Samkvæmt áætlun ferðalangsins
ætlaði hann að koma niður á mið-
vikudag, en þegar ekkert bólaði á
honum um miðjan dag á miðvikudag
fóru húsráðendur að leita, en urðu
ekki vör við mannaferðir. Lögreglu
á Höfn í Hornafirði var gert viðvart
í gær klukkan 11:45. Skömmu síðar
fór flugvél á loft frá Höfn og ætlaði
að leita á jöklinum en þá var veður
farið að versna og vélin nýttist ekki
skyldi. Klukkan 13 voru áðurnefnd-
ar björgunarsveitir kallaðar út, sem
biðu birtingar að Hofi í nótt.
-ES
Hvannadalshnjúkur á góðum dcgi. Jafnvel þá er varhugavert að fara
einn síns liðs á hnjúkinn.
Sveitarstjórnarmenn á landsbyggöinni eru í stökustu
vandræðum meö nýja fasteignagrunninn:
Fasteignaskattar
hækka eða lækka
Sveitarstjórnarmenn vita ekki í
hvom fótinn þeir eiga að stíga, nú
þegar þeir eiga að fara að leggja á
fasteignaskatta. Um áramót tók
gildi nýr fasteignagrannur sem
hækkar fastcignamat á húsum úti á
landsbyggðinni um tugi prósenta.
Mat á hlunnindum og landi hækk-
aði ekki, en það kemur til með að
valda mildu misræmi í álagningu.
Fasteignir eru nú metnar á sama
hátt alls staðar á landinu. Gert var
ráð fyrir því að samhliða þessari
breytingu á grundvellinum myndu
sveitarfélögin lækka álagningar-
prósentuna, en fram að þessu hefur
hún verið allnokkru hærri á lands-
byggðinni en á höfuðborgarsvæð-
inu. Ef að sveitarfélög lækka ekki
prósentuna mun það þýða að fast-
eignaskattar hækka gífurlega
mikið, í sumum tilfellum yfir
100%. Þegar hefur verið gerð grei n
fyrir þessu á síðum Tímans.
Mat á landi og hlunnindum
breyttist ekki um áramótin líkt og
mat á húsbyggingum. Það mun
þýða mikið misræmi ef að sveitar-
félög lækka álagningarprósentuna
því þá lækka fasteignaskattar af
landi og hlunnindum. Misræmið
verður sérstaklega áberandi þegar
um er að ræða hlunnindi eins og
laxveiðihlunnindi.
Svanur Guðmundsson, bóndi í
Dalsmynni og oddviti í Eyjahrepp
í Hnappadal, segir að sveitar-
stjórnarmenn víða um land séu nú
að uppgötva galla á nýja fasteigna-
grunninum. Svanur segir mjög erf-
itt að ákveða álagningarprósent-
una vegna þess að ef þeir hafi hana
óbreytta hækka fasteignaskattar af
byggingum óeðlilega mikið. Ef þeir
hins vegar lækka hana, lækka fast-
eignaskattar af landi og hlunnind-
um og segir Svanur að slíkt sé
einnig óeðlilegt. Svanur segir að
skynsamlegast sé að notast áfram
við gamla grunninn. Til þess þarf
stj ómvaldsákvörðun.
Magnús E. Guðjónsson, fram-
kvæmdastjóri Sambands íslenskra
sveitarfélaga, segir að sveitar-
stjómarmenn séu að ræða um þetta
vandamál í sínum hópi. Magnús
segir að ekki sé búið að ákveða
hvenær eða hvernig verður tekið á
þessu vandamáli. -EÓ
Oddur Ólafsson
læknir, látinn
Oddur Ólafsson læknir og fyrrver-
andi alþingismaður lést aðfaranótt
fimmtudags, áttræður að aldri. Odd-
ur var fæddur að Kalmanstjörn í
Hafnarhreppi í Gullbringusýslu 26.
apríl 1909. Foreldrar hans voru Ólaf-
ur Ketilsson og Steinunn Oddsdótt-
ir. Hann lauk prófi í læknisfræði
1936 og sérfræðiprófi í berklalækn-
ingum 1943. Oddur var aðstoðar-
læknir á Vífilstöðum á árunum 1936-
1945. Hann var yfirlæknir á Vinnu-
heimilinu að Reykjalundi frá 1945-
1972 og læknir hjá Óryrkjavinnustöð
SÍBS í Múlalundi frá stofnun hennar
1959 til 1972.
Oddur gegndi mörgum trúnaðar-
störfum um ævina, sat m.a. í stjórn
Rauða kross íslands, SÍBS, Öryrkja-
bandalagsins, Berklavarnarsam-
bands Norðurlanda og Alþjóðasam-
bands brjóstholssjúklinga. Oddur
var kjörinn alþingismaður Reykja-
neskjördæmis 1971 fyrir Sjálfstæðis-
flokkinn og var þingmaður til 1979.
Oddur kvæntist 1938 Ragnheiði
Ég heítí DODDI
Frumsýning á laugardag
Eg er meyja
SJÁUMST1DANSHÖLLINNI
Jóhannesdóttur og eignuðust þau
sex böm.
Hafnarfjörður:
Kratar verða
með prófkjör
Alþýðuflokkurinn í Hafnar-
firði hefur ákveðið að hafa opið
prófkjör um val í tíu efstu sæti á
framboðslista flokksins við
bæjarstjórnarkosningarnar næsta
vor.
Prófkjörið fer fram dagana 24.
og 25. febrúar næst komandi, en
framboðsfrestur rennur út á
miðnætti 3. febrúar.