Tíminn - 25.01.1990, Blaðsíða 2

2 Tíminn
iWf vitjns' ?.?i v;»;.»itutnjrriiT
Fimmtudagur 25. janúar 1990
Heilbrigöisráö Reykjavíkur:
Kvartanir vegna hunda
jukust um 42% milli ára
Annaðhvort fjölgar stöðugt þeim hundaeigendum í
Reykjavík sem gefa skít í allar reglur, ellegar að þolinmæði
annarra borgarbúa gagnvart þeim fer minnkandi. Kvörtunum
til lögreglu og/eða heilbrigðisráðs Reykjavíkur vegna brota á
reglum um hundahald fjölgar stórum með hverju ári og sama
er að segja um fjölda hunda sem þarf að aflífa. Árið 1988
komust skráðar kvartanir hátt í 300. Alvarlegastar eru
kvartanir og kærur vegna hundsbita. En oftast er hins vegar
kvartað vegna lausra hunda, ónæðis af þeim og óþrifa.
Grönnum hundaeigenda er t.d.
ekki skemmt þegar hundar þeirra
bregða sér ítrekað yfir lóðarmörkin
til að gera þar þarfir sínar. Þá virðist
það hátt hlutfall ef opinber yfirvöld
þurfa að láta aflífa allt að 10. hvern
leyfðan hund á ári vegna umhirðu-
leysis eigenda þeirra.
Kær 300 kvartanir
„Kvörtunum vegna hundahalds
fjölgar ár frá ári,“ segir í skýrslu fyrir
árið 1987. Alls komust þá 200 kvart-
anir á skýrslur. Árið eftir (árið sem
kosið var um hundahald) fjölgaði
kvörtunum enn stórlega, eða í 284,
sem hlýtur að teljast hátt hlutfall
miðað við að skráðir hundar í borg-
inni eru innan við þúsund. „Það er
alveg greinilegt að kvörtunum sem
lögreglan hefur þurft að hafa afskipti
af fjölgaði enn mikið á nýliðnu ári,
samkvæmt upplýsingum sem ég hef
þaðan, en lögreglan hefur verið
mjög dugleg að eltast við þetta,"
sagði Oddur Rúnar Hjartarson yfir-
maður heilbrigðiseftirlits Reykja-
víkur, spurður um þróunina frá
1988.
Skýrsla fyrir 1989 er enn ekki
tilbúin, en þannig litu kvörtunarlist-
1987 1988
Hundsbit 2 3
Áreitni 7
Ónæði 30 50
Óþrif 34 49
Lausir hundar 137 175
(þ.a.fl. áDýrasp.) (88)
Samtals:
200 284
Kvörtunum hefur þarna fjölgað
um 42% á einu ári. Lausir hundar
voru t.d. síðara árið 64% fleiri en
1986. Kvartanir um óþrif eru aðal-
lega frá fólki sem hefur ekki frið
með eigin lóð vegna ágangs lausra
hunda grannanna sem koma þangað
til að gera þarfir sínar og svo t.d.
vegna fólks sem fer með hundana
sína á opin svæði og þrífur þar ekki
eftir þá skítinn. í árslok 1988 voru
um 980 hundar á skrá í borginni.
Fólk ótrúlega kærulaust
„Já, óneitanlega eru kvartanir
margar miðað við fjölda hunda, og
það hefur greinilega ekki lagast á
nýliðnu ári nema síður sé. Ástandið
er þannig, a.m.k. í mínum huga, að
margt fólk er alveg ótrúlega kæru-
laust hvað snertir að halda reglur um
hundahald í Reykjavík," sagði
Oddur. ítrekuð brot leiða til þess að
menn missa leyfi til hundahalds.
„Við höfum smám saman verið að
koma okkur upp almennri „yfir-
sjónaskráningu" þ.e. hverjir það eru
sem eru sífellt að brjóta af sér. Það
líður að því að farið verður að svipta
menn leyfi eftir ítrekuð brot.“
107 leyfi afturkölluð
Árið 1988 voru afturkölluð 107
leyfi til hundahalds í borginni, sem
var fjölgun úr 83 árið áður. Slík
afturköllun er m.a. vegna þess að
hundar eru fluttir úr lögsagnarum-
dæminu en þó, að sögn Odds, að
miklum meirihluta vegna þess að
hundar eru aflífaðir.
Samkvæmt því gæti látið nærri að
hátt í tíundi hver leyfður hundur
hafi verið aflífaður árið 1988.
Sama ár voru veitt um 280 ný leyfi
til hundahalds. Við leyfisveitingu er
gefið út áritað merki fyrir hundinn
og sömuleiðis hreinsunarmerki, sem
skiptir um lit við árlega hundahreins-
un og endurnýjun leyfisins.
Sóttir heim ef.
Láti hundaeigendur ekki hreinsa
hunda sína og endurnýi leyfi fyrir
þeim á réttum tíma eru hundarnir

Gelta þeir meira, eða er þoiinmæði náungans minni
sóttir heim til þeirra. Þeim er þá
komið í geymslu á Dýraspítalanum
í 10 daga á kostnað eiganda. Komi
eigandinn ekki og leysi hundinn út
innan þess tíma er hann aflífaður.
Að mati Odds er allt of algengt að
fólk fái sér hunda án þess að gera sér
grein fyrir því hvaða ábyrgð og
skyldur þeir þar með eru að takast á
hendur og hversu mikil vinna fylgir
því að halda hund. Oft virðist þaí
svo, að fólk reynist síðan ekki hafi
aðstöðu eða tíma, frá þessu lífsgæða
kapphlaupi sínu, til að vera að eltas
við hunda. - HE
Fjármálamisferlið á Kópavogshæli:
Fölsuðu nótur upp
á tvær milljónir
Eins og Tíminn greindi frá í gær
hefur Rannsóknarlögregla ríkisins
fengið til meðferðar mál fyrrum
gjaldkera og þriggja deildarþroska-
þjálfa á Kópavogshæli. Starfs-
mennirnir fjórir drógu til sín fé af
vasapeningum vistmanna með því
að falsa nótur þannig að samkvæmt
bókhaldi höfðu vistmennirnir eytt
peningunum. Að sögn Arnar Guð-
mundssonar hjá Rannsóknarlögregl-
unni mun rannsókn málsins taka
nokkra daga.
Fyrir nokkrum árum komst upp
um svipað mál á Kópavogshæli og
var þá fyrrnefndur gjaldkeri látinn
taka við yfirumsjón með greiðslum
til vistmanna. Gjaldkerinn lét af
störfum í október á síðastliðnu ári
og í kjölfar þess kom í ljós að hann
hafði dregið sér fé að upphæð 1,5
milljónum króna. Við nánari rann-
sókn kom í Ijós að deildarþroska-
þjálfarnir þrír sem höfðu með fjár-
reiður vistmanna á deildum sínum
að gera höfðu tekið úr sjóðunum, 30
þúsund, 50 þúsund og 650 þúsund
krónur. Samtals nemur því fjárdrátt-
urinn rúmuni tveimur milljónum
króna.
í hverjum mánuði fá vistmenn
hælisins 5000 krónur í vasapeninga
frá Tryggingastofnun ríkisins og
munu sökudólgarnir fjórir hafa fals-
að nótur þannig að svo leit út að
vistmennirnir hefðu sjálfir eytt pen-
ingunum. Starfsmennirnir fjórir,
sem eru konur á aldrinum 30-35 ára,
hafa allar hætt störfum á hælinu.
SSH
Finnur Ingólfsson aðstoðarmaður
heilbrigðisráðherra.
stoðarmaður heilbrigðisráðherra og
Elín Líndal hreppstjóri, hafa tekið
sæti á Alþingi tímabundið í stað
Elín Líndal, hreppstjóri.
Guðmundar G. Þórarinssonar,
Reykjavíkurkjördæmi og Stefáns
Guðmundssonar, Norðurlandskjör-
dæmi vestra.
Varamenn á þing
Tveir varaþingmenn Framsóknar-
flokksins, þau Finnur Ingólfsson að-