Tíminn - 26.01.1990, Blaðsíða 4

4 Tíminn
Föstudagur 26. janúar 1990
FRÉTTAYFIRLIT
MOSKVA - Þjóöernissinn-
aðir Armenar og Azerar hafa
samið um vopnahlé á hluta
landamæra Azerbajdzhan og
Armeníu. Átti vopnahléið ao
ganga í gildi klukkan fjögur í
nótt. Landamærin sem um er
að ræða eru landamæri sjálf-
stjórnarhéraðsins Nakítsjevan
sem liggur að landamærum
Tyrklands en telst til Azer-
bajdzhan, þó það sé umlukið
Armeníu. Armenar og Azerar
höfðu ráðist hvorir á aðra á
þessum slóðum undanfarið.
Þá munu sovéskir og íranskir
embættismenn hittast að máli
í Teheran, en Iranar hafa boð-
ist til þess að aðstoða við lausn
vandamálanna í Azerbajdzhan.
MOSKVA - Framleiðsla í
Sovétríkjunum jókst lítillega
árinu 1989, en hins vegarjókst
skortur á neysluvörum vegna
víðtækra verkfalla og ólgu.
JÓHANNESARBORG-
Dagblað í Höfðaborg birti frið-
aráætlun fyrir Suður-Afríku
sem blaðið fullyrðir að sé runn-
in undan rifjum Nelsons Mand-
ela leiðtoga Afríska þjóðar-
ráðsins. I áætluninni hvetur
Mandela til samningavið-
ræðna milli hvíta minnihlutans
og Afríska þjóðarráðsins.
PORT-AU-PRINCE -
Prosper Avril forseti og yfir-
maður hersins á Haiti sagðist
búast við að aflétta umsáturs-
ástandslögum í dag og halda
ótrauður áfram með undirbún-
ing fyrir kosningar í október.
Umsátursástandi var lýst yfir
fyrir fimm dögum þegar andóf
stjórnarandstöðunnar var brot-
ið á bak aftur.
SAL - Jóhannes Páll páfi II
kom til Grænhöfðaeyja og er
það fyrsti viðkomustaðurinn í
Afríkuför hans, en hann mun
næstu vikuna heimsækja ríki í
Vestur- og Mið-Afríku.
SRINAGAR - Indverski
ríkisstjórinn i Kasmír, sem á í
höggi við herskáa múslíma
sem berjast fyrir aðkilnaði
Jammu og Kamsír, varaði
múslímana við þvi að hann
muni beita hvaða þeim brögð-
um sem þyrfti til að brjóta þá á
bak aftur.
WASHINGTON - George
Bush forsti Bandaríkjanna
mátti þola niðurlægjandi úrslit
í fulltrúadeild Bandaríkjaþings,
þegar 390 þingmenn greiddu
atkvæði með lögum um kín-
verska stúdenta í Bandaríkjun-
um sem forsetinn hafði beitt
neitunarvaldi gegn. Einungis
25 þingmenn stóðu með for-
setanum.
LONDON - Hin fræga leik-
kona Ava Gardner lést úr
lungnabólgu á heimili sfnu 67
ára gömul.
|í ÚTLÖND aillllllllllllllW ..................Illllllllll................I...III
Þjóðfylking Azera ítrekar hótanir sínar um borgarastyrjöld eftir að sovéski
herinn sökkti nokkrum kaupskipum sem voru á valdi þjóðernissinna:
Leyniskyttur skjóta
á hersveitir í Bakú
Leyniskyttur skjóta enn á sovéskar hersveitir í Bakú
höfuðborg Azerbajdzhan. Þrátt fyrir að flestir leiðtogar
vopnaðra sveita Þjóðfylkingar Azera hafa verið handteknir,
þá ítrekar fylkingin hótanir um borgarastyrjöld.
- Azerska þjóðin mun ekki sætta
sig við þetta hernám og mun berjast
gegn því til síðasta manns. Bardag-
arnir halda áfram ef hermennirnir
verða ekki kallaðir á brott á næst-
unni. Skæruhernaður verður háður
vítt og breitt um Azerbajdzhan. Ef
Gorbatsjof vill annað Afganistan,
þá fær hann það í Azerbajdzhan,
sagði Ekhtibar Mamedov meðlimur
í framkvæmdastjórn Þjóðfylkingar
Azera í gær.
í fyrrinótt gerði sovéski herinn og
flotinn árás á nokkur kaupskip sem
þjóðernissinnaðir Azerar höfðu lagt
fyrir mynni hafnarinnar í Bakú til að
hindra skipaumferð til og frá borg-
inni. Einhver kaupskip sukku.
Ayjaz Mutalibov forsætisráðherra
Azerbajdzhan var kjörinn formaður
kommúnistaflokksins í lýðveldinu á
næturlöngum fundi í fyrrinótt, en
Vezirov fyrrum formanni var spark-
að í kjölfar þess að sovéskar her-
sveitir réðust gegnum vegatálma í
Bakú á laugardaginn með þeim af-
leiðingum að nokkrir tugir Azera
féllu. Opinberlega er sagt að um
hundrað manns hafi fallið í innrás
sovéska hersins í Bakú.
Bakú er lömuð af verkföllum og
þá mun brottflutningum um 30 þús-
und Armena og ættingja sovéskra
hermanna frá borginni vera lokið.
Sovéskir hermenn í hernaðaraðgerðum gegn vopnuðum Azerum í Bakú, en
lcyniskyttur Þjóðfylkingarinnar skjóta enn á hermennina. Flestir leiðtogar
Þjóðfylkingarinnar hafa verið handteknir, en Þjóðfylkingin ítrekaði í gær
hótun sína um borgarastyrjöld ef sovéska „hemámsliðið“ hafí sig ekki á brott.
Óveður gengur yfir Bretlandseyjar:
KÁRI STYTTIR
LÍF 15 BRETA
Kári gamli gerði mikinn usla á eyjum nokkrum sinnum á ári. Hefur
Bretlandseyjum í gær þegar að rokið ekki orðið meira á Bretlandi
minnsta kosti fimmtán manns fórust frá því í októbermánuði 1987, en þá
í miklu óveðri er gekk þar yfir í gær. var stormurinn sá mesti sem komið
Þök fuku af húsum, tré lögðust á hafði í 300 ár.
hiiðina og risaþota feyktist út af Flestir þeirra er fórust í óveðrinu
flugbraut. Náði veðurhæðin 195 km urðu undir trjám sem Kári reif upp
á klukkustund, sem er mikið á með rótum. Þó urðu fjórir þeirra er
Bretlandseyjum þó slíkir vindar létust undir veggjum sem þoldu ekki
gnæði um Stórhöfða í Vestmanna- veðuráganginn.
w Líbanon:
Israelar gera
enn loftárás
Enn gera ísraelar loftárás á stöðv-
ar Palestínumanna í suðurhluta Lí-
banons. Nú voru það bækistöðvar
Fatha byltingaráðs Abu Nidals sem
lagðar voru í rúst í þorpinu Majdal-
youn 40 km suður af Beirút. Að
minnsta kosti fimm skæruliðar særð-
ust alvarlega og stóð ekki steinn yfir
steini af byggingunni.
Þetta er þriðja árás ísraela á
stöðvar skæruliða í suðurhluta Líba-
nons á þessu ári. Þessi árás var
greinileg hefnd fyrir drápið á Yitz-
hak Rahimov ofursta í her ísraela en
hann féll í átökum SLA hersveita
kristinna manna í Suður-Líbanon og
palestínskra skæruliða. ísraelar og
SLA vinna saman innan svokallaðs
öryggissvæðis ísraela í Líbanon, við
landamærin að ísrael.
Ákaft reynt aö mynda þjóöstjórn í Austur-Þýskalandi:
Tvennarsögur
um hugsanlega
úrsögn Modrows
Það urðu nokkrar sviptingar í
austurþýskum stjórnmálum í gær
þegar orðrómur komst á kreik um
að Hans Modrow forsætisráðherra
hefði boðist til þess að segja sig úr
kommúnistaflokknum mætti það
liðka fyrir samsteypustjórn núver-
andi stjórnarflokka og stjórnar-
andstöðunnar í Austur-Þýska-
landi.
Þóttu þetta mikil tíðindi og var
talið að myndun einskonar þjóð-
stjórnar sem starfa myndi fram að
kosningum væri komin á skrið,
Fjórflokkarnir sem starfa með
kommúnistunum í núverandi ríkis-
stjórn höfðu tekið höndum saman
með stjórnarandstöðunni og kraf-
ist þess að Modrow segði skilið við
valdapósta sína innan kommún-
istaflokksins ef af myndun þjóð-
stjórnar yrði.
Hins vegar kom babb í bátinn
þegar Modrow lýsti því yfir að
hann myndi ekki fórna tengslum
sínum við kommúnistaflokkinn
fyrir slíka samsteypustjórn.
Það var Martin Kirchner for-
maður Kristilegra demókrata sem
fullyrti að Modrow hefði boðist til
að segja af sér sem varaformaður
kommúnistaflokksins og jafnvel
segja sig úr flokknum til að liðka
fyrir myndun þjóðstjórnar.
Modrow sagði hins vegar við
blaðamenn að hann hefði ekki
lofað neinu slíku, en sagt að hann
myndi láta þjóðarhag ráða gerðum
sínum frekar en flokkshag komm-
únistaflokksins.
Þess má geta að Wolfgang Berg-
hofer borgarstjóri í Dresden, einn
af fáum leiðtogum kommúnista
sem enn var virtur meðal almenn-
ings þegar hann sagði sig úr flokkn-
um í síðustu viku, hlaut einróma
stuðning hinna 223 meðlima borg-
arráðsins í Dresden í sérstakri
atkvæðagreiðslu sem fram fór
vegna úrsagnar hans úr flokknum.
Svo bregðast krosstre sem önnur:
UMBÓTASKÍMA í ALBANÍU
Svo bregðast krosstré sem önnur
tré. Kommúnistaflokkurinn í Alban-
íu sem hingað til hefur ekki látið
aðra kommúnistaflokka segja sér
fyrir verkum heldur haldið ótrauður
í gamla stalínismann, hefur nú í
hyggju að veita smá umbótaskímu
inn í hið stalínska stjórnkerfi. Frá
þessu skýrði Ramiz Alia leiðtogi
Albana á miðstjórnarfundi komm-
únistaflokksins í gær.
Alia hét því að auka valddreifingu
ákvarðanatöku í Albaníu, launa-
uppbætur til verkamanna sem bera
sérstaka ábyrgð og breytingar á
verðmyndunarkerfinu. Þá sagði
hann ekki útilokað að leyfa fleiri en
einum að bjóða sig fram í hvert
þingsæti, en hingað til hefur komm-
únistaflokkurinn einungis tilnefnt
einn mann í framboð fyrir hvert
sæti. Aðrir stjórnmálaflokkar hafa
að sjálfsögðu ekki fengið að starfa,
hvað þá bjóða fram til þings.
Þá lofaði Alia að auka framboð á
mat og neysluvörum í Albaníu strax
á þessu ári. Hins vegar tók Alia það
skýrt fram að ekki kæmi til greina að
afnema valdaeinokun kommúnista-
flokksins, áætlunarbúskap, hvað þá
að leyfa öðrum flokkum að starfa.
Alia sagði fjarri lagi að kommún-
isminn væri úr sögunni og sagði
ástæðu hruns kommúnismans í
Austur-Evrópu vera vanhæfum
leiðtogum að kenna, en þeir hefðu
fest sig í skrifræði og tapað samband-
inu við alþýðuna. Slíkt gæti ekki
gerst í Albaníu.
Fréttir hafa borist af mótmælaað-
gerðum í Albaníu undanfarna daga
og mun lögregla hafa beitt kylfum
gegn mótmælendum sem söfnuðust
saman við styttu hins óþekkta verka-
ntanns í Tirana höfuðborg Albaníu
í fyrradag.