Tíminn - 04.10.1990, Blaðsíða 11

lOTíminn
Fimmtudagur 4. október 1990
Fimmtudagur 4. október 1990
Tíminn 11
Tölvusýning í Þjóðarbókhlöðunni 3. til 7. október:
TOLVUSTYR
í gær var opnuð tölvusýningin Tölvur á
tækniöld í Þjóðarbókhlöðunni. Sýningin er
haldin á vegum tölvunarfræðinema í Háskóla
íslands og hefur undirbúningur fyrir hana
staðið í allt sumar. Á sýningunni munu rúm-
lega 30 fyrirtæki kynna vörur sínar og þjón-
ustu. Þá verður margt til skemmtunar á sýn-
ingunni, gestir geta fengið að reyna flug-
hermi, þarna verður tölvustýrt Lego, kynntar
verða tölvuveirur og varnir gegn þeim, fram
fer fjöltefli við skáktölvur og ýmislegt fleira.
Meðal nýjunga sem kynntar verða eru nýjar
gerðir af tölvum, nýjasta tækni í netkerfum,
geislaprentarar sem afkasta margfalt á við það
sem nú þekkist, geisladiskar sem hægt er að
skrifa á og lesa af, ásamt flestu því sem telst
nýtt og merkilegt í vél- og hugbúnaði. Meðal
stærstu sýnenda á sýningunni má nefna Einar
J. Skúlason, Póst og síma, Þór hf. og Kristján
Ó. Skagfjörð. Einnig verður á sýningunni bás
frá Háskóla íslands, þar sem nám í tölvunar-
fræði verður kynnt og svo sjá nemendur í fjöl-
miðlafræðideild um kaffi- og veitingasölu.
Blaðamaður Tímans hitti í gær þrjá af að-
standendum sýningarinnar, þá Agnar Má
Jónsson, Ara Kristin Jónsson og Björn Þór
Jónsson. Sögðu þeir að það væri samdóma álit
þeirra, sem ynnu að tölvumálum á íslandi, að
slíkar sýningar væru mjög þarft framtak. Fyr-
irtæki á íslandi væru mörg hver smá og svona
sýning gæfi þeim tækifæri til að koma vörum
sínum og þjónustu á framfæri við almenning
og það sé staðreynd að erfitt sé að kynna slíka
hluti á öðrum vettvangi. Aðspurðir um það
hvað það kostaði að setja upp svona sýningu,
sögðu þeir félagar að kostnaðurinn yrði í
kringum 7-8 milljónir. Fermetrinn á sýning-
arsvæðinu verður seldur fyrirtækjum á
12.000 krónur og aðgangseyrir væri 500
krónur fyrir fullorðna en 250 krónur fyrir
börn.
Sýningin fyrir alla,
bæði leika og lærða
Þeir félagarnir sögðu að sýningin væri sett
upp með fagmenn jafnt sem almenning í
huga. Sýnendur verða með allra nýjustu
tækni tölvuheimsins fyrir fag- og kunnáttu-
menn, en allur þorri almennings getur haft
gaman af þessum nýjustu tækniundrum. Þá
yrðu þarna skemmtiiegar uppákomur sem
eru ætlaðar til að skemmta háum sem lágum.
Sýningin er einnig leið tölvunarfræðinema til
að afla fjár til námsferðar, sem farin verður
næsta sumar.
í tengslum við sýninguna var haldin ráð-
stefna á Hótel Sögu í gær og fjallaði hún um
tölvunet og framtíðarsýn í tölvumálum. Ari
sagði að þátttakan á ráðstefnunni hafi farið
fram úr björtustu vonum og þurft hafi að
stækka salinn í gærmorgun, þar sem 130
manns höfðu skráð sig á ráðstefnuna. Hann
sagði að hugmyndin með þessari ráðstefnu
hafi verið að kynna tölvunetin og öll þau hug-
tök og orð sem væru í kringum þau, svo að
stjórnendur fyrirtækja og allir þeir, sem
þyrftu að taka ákvarðanir um tölvunet, gætu
fengið sæmilega hlutlaust yfirlit yfir mögu-
leikana sem væru í boði. Ari sagði að mikið
hefði komið fram af nýjungum í sambandi við
tölvunet eða netkerfi á þessu ári og á stærstu
tölvusýningum erlendis hafa nettengingar
verið rauði þráðurinn í sýningunum. Hug-
búnaðurinn sem stýrir netkerfunum er orð-
inn það fullkominn og það öflugur að ekki
þarf lengur rándýrar tölvur til að stjórna kerf-
unum, heldur er hægt að notast við venjuleg-
ar tölvur. Agnar sagði að engu máli skipti
hvernig tölvur fólk væri með þegar það tengdi
sig inn í fullkomið netkerfi. Menn gætu notað
sínar tölvur óháð því hvemig aðrar tölvur,
sem tengdust kerfinu, væru. Tækninýjungar í
netkerfum hafa gert það kleift að nú er hægt
með tölvu að nýta ýmsa þjónustu, sem annars
þyrfti að sækja langt að, svo sem bókanir og
kaup á farseðlum, millifærslur í bönkum og
margt fleira. Þeir félagarnir sögðu að nú væri
orðið mögulegt að nettengja tölvur með sára-
litlum tilkostnaði og þar með væri einnig ver-
ið að nýta mun betur þann tölvukost sem fyr-
ir væri í fyrirtækjum. í dag væri bylting á sviði
tölvuneta að fara af stað hér á landi. Ýmsir að-
ilar, jafnt einkafyrirtæki sem opinberir aðilar,
væru um þessar mundir að undirbúa netvæð-
ingu, eða hefðu jafnvel nú þegar komið sér
upp netkerfi.
Tölvustýrt Lego fyrir böm
og unglinga á öllum aldri
Á sýningunni verður í fyrsta skipti kynnt
tölvustýrt og forritanlegt Lego. Krökkum á
öllum aldri gefst með þessari nýjung tækifæri
til að smíða og forrita eigin vélmenni, teikn-
ara, lyftara, umferðarljós og hvað það sem
ímyndunaraflið býður upp á. Björn Þór Jóns-
son hefur kynnt sér þetta tölvustýrða Lego og
gert forrit sem gerir manni kleift að búa til sín
eigin hreyfingarmunstur fyrir vélarma og
teiknara. Kallar hann forritið Lego Logo.
Skólar hafa sýnt þessu áhuga og hefur Mela-
skólinn í hyggju að kaupa tölvustýrt Lego til
að nota við kennslu í tölvufræðum. Á sýning-
unni verður m.a. sýndur vélarmur, sem Jó-
hann Breiðfjörð, sextán ára hugvitsmaður,
smíðaði fyrir 2 árum.
Aðspurður um það, hvaðan sú hugmynd
kæmi að tengja Lego við tölvur, sagði Björn
að hún hefði örugglega fæðst hjá Lego. Mót-
orar og bretti séu frá þeim og hugmyndin að
tengja Legoið við tölvur hafi líklega fæðst hjá
þeim. Björn sagði að fyrst og fremst væri
hægt að nota þetta tölvustýrða Lego í kennslu
og til að efla almennan þroska. Hann sagði að
með þessu væri verið að framlengja Lego-ald-
urinn um nokkur ár. Þetta væri bráðsniðugt
kennslutæki, því hægt væri að byggja hvað
sem er úr kubbunum, síðan prófaði maður sig
áfram með því að stýra því með höndunum.
„Þegar það er orðið gott, þá tengirðu það sem
þú smíðaðir við tölvuna og lætur arminn, eða
hvað það er sem smíðað er, gera eitthvað og ef
notað væri Lego Logo-forritið þá ertu þar
kominn með forritað vélmenni. Sem kynning
á tölvum og forritun er þetta mjög skemmti-
legt og heppilegt," sagði Björn.
Tölvan bölvar ef skrifað er
Margrét Thatcher
Á sýningunni gefst áhorfendum eins og áður
sagði kostur á að kynnast tölvuveirum og
vörnum gegn þeim. Fluttur verður fyrirlestur,
þar sem skýrt verður út fyrir fólki hvað tölvu-
veirur séu og hvernig hægt sé að varast að fá
þær inn í tölvurnar. Sýnt verður hvernig
nokkrar tölvuveirur virka á skjá og sagði Agn-
ar að fólki þætti það án efa forvitnilegt, þar
sem á þessu ári hafi þessar veirur vakið mikla
athygli. Agnar sagði að veirur væru ekkert
annað en forrit. Aðspurður um það hvort
tölvuveirur gætu eyðilagt tölvur, sagði Agnar
að hægt væri að búa til veirur sem eyðilegðu
annað hvort monitor eða disklingadrif en ekki
hefði enn fundist veira sem gerði það og yrði
það vonandi aldrei, þó svo það væri tæknilega
mögulegt. Agnar sagði að verknaðurinn að
búa til og dreifa tölvuveirum væri án efa
glæpsamlegur, en ekki hefði ennþá tekist að
finna neinn sem hefði búið til veiru. Þó hefðu
böndin oft borist að ákveðnum aðilum. T.d.
var fyrsta tölvuveiran, sem fannst árið 1986,
„brain“-veiran, eflaust gerð af tveimur bræðr-
um í Pakistan, sem voru með svokallaða „sjó-
ræningja“-hugbúnaðarverslun. Sagan segir
að þeir hafi selt útlendingum smitaðan hug-
búnað, en innlendum aðilum aftur á móti
hugbúnað sem var ósmitaður. Ástæðan fyrir
því að böndin bárust að þeim, var sú að inni í
veiruforritinu var textastrengur og í honum
var símanúmerið hjá þessum þokkapiltum.
Aðspurður um það hvort einhver íslensk veira
væri í gangi, sagði Agnar að diskettuveiran
svonefnda væri að öllum líkindum íslensk.
Hún hefði fyrst fundist á íslandi og ákveðin
atriði bentu til þess að hún væri frá íslendingi
komin.
Agnar sagðist gruna það að þeir, sem væru að
gera svona veirur, væru góðir forritarar sem
hefðu ekki nógu skemmtilega, skapandi eða
krefjandi vinnu. Sagt er að þriðjungur allra
tölvuveira komi frá Búlgaríu og er ástæðan
sögð sú að forritarar þar vinni hjá ríkinu og
séu þar á lúsarlaunum og séu óánægðir með
þau og starfið yfirleitt. Því hafi þeir farið út í
að gera veirur til að klekkja á tölvukerfum rík-
isins og skemmta sjálfum sér. Ein búlgörsk
veira kallast „Yankee Doodle". Undir ákveðn-
um kringumstæðum byrjar tölvan að spila
Eftir
Stefán
Eiríksson
lagið Yankee Doodle sem er lag sem amerísk-
ir hermenn sungu í frelsisstríðinu. Þessi veira
flúði til vesturs frá Búlgaríu og er talið að for-
ritarinn, sem skapaði hana, hafi búið til u.þ.b.
50 veirur og tvö afbrigði af þeim hafa sloppið
til Vesturlanda. Agnar sagði að þær veirur,
sem sýndar verða á sýningunni væru mein-
lausar, því ekki væri forsvaranlegt að sýna
veirur sem væru virkilegir skaðvaldar. Bjöm
sagði að til væri veira sem virkaði þannig að ef
skrifað væri inn Margrét Thatcher á tölvuna,
þá kæmi góð blótsyrðaruna á skjáinn. Það
sama gerðist ef skrifað væri inn Khaddafi eða
Reagan.
Bjöm Þór Jónsson situr þama við tölvu og gefúr tölvustýrða arminum skipanir um að hreyfa sig. Bjöm sagði að tölvustýrt Lego gæfi ýmsa möguleika í kennslu og væri til þess fallið að efla almennan þroska.
Ttmamynd: Pjetur
Margt gert til gamans og
skemmtunar
Á sýningunni verður m.a. í gangi tölvuvædd
pörun. Agnar sagði að þetta væri að mestu í
gamni gert, en þarna væri hægt að skrá sig,
ásamt helstu áhugamálum sínum, og síðan
sæi tölvan um að raða saman því fólki sem
passaði best saman. í lokin yrði svo valið par
sýningarinnar og væri því boðið út að borða
saman. Hver einstaklingur, sem tæki þátt í
þessu gamni, fengi síðan útskrift af þeim
fimm einstaklingum sem passa best við hann.
Stórmeistararnir Helgi Ólafsson og Margeir
Pétursson ætla að etja kappi við nýjustu og
öflugustu skáktölvurnar. Einnig verður ætt-
fræðiforritið Espólín kynnt, þar sem fjölmarg-
ir íslendingar geta rakið ættir sínar aldir aftur
í tímann. Forritið ISBLISS, sem er tjáskipta-
forrit fyrir fatlaða, verður kynnt og einnig for-
rit sem gera tölvu kleift að yrkja og flytja at-
ómljóð. Allra nýjustu tækin í tölvutónlistar-
heiminum verða kynnt og munu atvinnu-
menn sýna hvernig á að nota þau.
Myndlistarmaður verður á staðnum og sýnir
gestum hvernig nota má tölvur í myndlist.
Nær allar stúlkur í
tölvunarfræði í HÍ ófrískar
eða nýbúnar að eiga
Tölvunarfræði er þriggja ára nám við Háskóla
íslands. Námið skiptist í grófum dráttum í
þrennt. Einn þriðjungur er stærðffæði, annar
er tölvunarfræði og sá síðasti er val. Tölvunar-
fræði skiptist í kennslu um hugbúnað og vél-
búnað, meira er þó fjallað um hugbúnað og
stærðfræðin er að mestu leyti hagnýt Mikið er
kennt um hönnun og smíði hugbúnaðar. Björn
sagði að atvinnumöguleikar að loknu námi
væru mjög góðir núna. Menn fái vinnu við for-
ritun og hönnun forrita og jafnvel stjómun við
hugbúnaðargerð. Bandaríkin heilla marga,
hvað framhaldsnám varðar, og segja menn að
námið í Háskólanum sé mjög góður undirbún-
ingur fyrir frekara nám og sagt er að ef eitthvað
sé þá séu íslendingar betur undirbúnir undir
framhaldsnámið heldur en Bandaríkjamenn-
imir. Björn sagði að þeir hefðu úrvals kennara,
Snorri Agnarsson væri einn af fremstu fræði-
mönnum á sínu sviði í heiminum og aðrir
kennarar mjög góðir, þannig að þeir sem hyggi
á framhaldsnám erlendis komi mjög vel undir-
búnir undir það héðan. Bjöm sagði að félagslíf
í deildinni væri mjög gott. Árshátíðir væm
stórskemmtilegar og yfirleitt mjög vel heppn-
aðar. Konur em í minnihluta í tölvunarfræði-
skor. Svo einkennilega vildi til síðasta vetur að
allar nema ein vom óléttar eða nýorðnar mæð-
ur og samkvæmt grein eftir Guðrúnu Bimu
Gunnarsdóttur í blaði tölvunarfræðinema sér
ekki fyrir endann á því. Sýningin í Þjóðarbók-
hlöðunni verður opin í dag og á morgun á milli
14:00 og 22:00 og á laugardag og sunnudag
verður opið milli kl. 10:00 og 20:00. Sýning-
unni lýkur á sunnudaginn.
i íi
■

. - ■ . . ....