Tíminn - 26.10.1990, Blaðsíða 16
RÍKISSKIP
NUTIMA FLUTNINGAR
Halnafhusinu v Tryggvagotu.
_____» 28«??
SAMVINNUBANKINN
í BYGGÐUM LANDSINS
NORÐ- AUSTURLAND
AKTU EKKI ÚT
í ÓVISSUNA.
AKTUÁ
Ingvar
Helgason hf.
Sævartröföa 2
Sími 91-674000
I íniinn
FÖSTUDAGUR 26. OKTÓBER1990
MS segir sig úr MORFIS
Mælsku- og rökræðukeppni framhaldsskólanna á íslandi hefur enn
og aftur valdi fjaðrafoki í félagslífi skólanna. Menntaskólinn við
Sund hefur sagt sig úr MORFÍS og telja nemendur skólans að
keppnin sé gróf móðgun við alla sanna mælsku- og rökræðulist.
Dropinn, sem fyllti mælinn hjá MS-
ingum, voru úrslit í ræðukeppni á
milli MS og Fjölbrautarskólans í
Garðabæ í fyrstu umferð MORFÍS
sem fram fór sl. fimmtudag. MS-ing-
ar töpuðu keppninni og töldu sannast
í niðurstöðum dómara að sígild
mælsku- og rökræðulist, sem þeir að-
hyllast, eigi ekki lengur heima í
MORFIS- keppninni. Elsa Valsdóttir,
tengill oddadómararáðs MORFÍS og
oddadómari í fyrmefndri ræðukeppni
sagði að það væri afskaplega hæpið
fyrir MS að segja sig úr keppni sem
þeir væru þegar fallnir úr og í öðru
lagi hafi þeir skrifað undir skjal þess
efnis fyrir keppnina að það kæmi ekki
til neinna eftirmála út af þessari
keppni og þetta skjal sagðist hún hafa
undir höndum og sagði Elsa að þetta
hefðu þeir svo sannarlega ekki staðið
við.
Viðmælandi Tímans, sem ekki vill
láta nafns síns getið, sagði að MS-
ingar stæðu í þeirri trú að það sem
hlegið væri að teldist ekki til raka og
það hafi farið mjög fyrir brjóstið á
þeim að fyndnara ræðuliðið skyldi
sigra. Þar að auki hefði á síðasta aðal-
fundi félagsins verið samþykkt breyt-
ing á dómblaði þar sem vægi rökfestu
hefði verið hækkað á kostnað annarra
liða og þar með væri um að ræða
undirstrikun á því að hin sígilda
mælsku- og rökræðulist væri aðalat-
riðið hjá MORFÍS. „En MS-ingum
veitist erfitt að skilja að menn geti
verið rökfastir og fyndnir um leið“,
sagði viðmælandinn.
700 af 850 nemendum í MS sam-
þykktu úrsögn úr MORFÍS á almenn-
um fundi sem haldinn var sl. mánu-
dag. Ályktun Skólafélags MS um úr-
sögn úr MORFÍS er svohljóðandi: „í
ljósi þeirrar fáheyrðu dómsniður-
stöðu, að Menntaskólinn við Sund
hafi beðið afgerandi ósigur í öllum
liðum á dómblaði, í báðum umferð-
um rökræðukeppninnar við Fjöl-
brautaskólann í Garðabæ hinn 18.
október 1990 - sér skólinn sig til-
neyddan að draga sig út úr MORFÍS-
keppninni. Við teljum þessi úrslit
sýna og sanna að þessi keppni er nú
orðið mælsku- og rökræðulist með
öllu óviðkomandi. Önnur og annar-
legri sjónarmið virðast hafa ráðið úr-
slitum við þennan dóm. Við skiljum
hreinlega ekki forsendur hans frekar
en allur þorri áheyrenda þetta kvöld,
þar með talinn fjöldi manna sem
hlýddi á keppnina í beinni útsend-
ingu á Rás 2 í Ríkisútvarpinu. Við telj-
um virðingu Menntaskólans við Sund
ekki samboðið að taka þátt f slíkri
keppni í framtíðinni. Hún er gróf
móðgun við alla sanna mælsku- og
rökræðulist."
Eins og áður sagði er þetta ekki í
fyrsta skipti sem MORFÍS veldur deil-
um innan framhaldsskólanna. 1987
sagði Menntaskólinn við Hamrahlíð
sig úr keppni þar sem einn liðsmaður
ræðuliðsins hafði verið sakaður um
ólögmætt athæfi og dæmdur í keppn-
isbann. Þar að auki hafa oft staðið
deilur um dómara en mikið er um
það að skólar hafni þeim dómurum
sem dæma eiga keppnina á mjög svo
fjölbreyttum forsendum.
Fyrstu umferð MORFÍS lýkur í kvöld
en þá tekur Menntaskólinn við
Hamrahlíð á móti Menntaskólanum á
Akureyri í MH. Þau lið, sem þegar eru
komin í átta liða úrslit, eru lið Fjöl-
brautaskólans í Garðabæ, Flensborg-
arskóla í Hafnarfirði, Menntaskólans í
Kópavogi, Menntaskólans í Reykjavík,
Verslunarskóla íslands, Fjölbrauta-
skólans við Ármúla og lið Fjölbrauta-
skóla Suðumesja. Menntaskólinn á
Laugarvatni sat hjá í fyrstu umferð og
mun hann keppa við eitthvert þeirra
átta liða sem komust áfram.
—SE
NU ER HANN TV0FALDUR
NÚERÁÐ HITTAÁ RÉTTU KÚLURNAR
Efþú hittirfœrðu milljónir
Sími 685111. Upplýsingasímsvari 681511.