Tíminn - 03.11.1990, Blaðsíða 16

& 686300
RÍKISSKIP
NUTIMA FLUTNINGAR
Halnarhusmu v Tryggvogolu,
S 28822
a IMI5SAN
Réttur bíll á
réttum stað.
•Ingvar
Helgason hff.
Sævartiöfða 2
Sími 91-674000
9
I íniinn
LAU6AR0AGUR 3. NÓVEMBER1990
Þorsteinn Pálsson segir aö sýndarmennskan
sé rík hjá alþýöuflokksmönnum:
Vilja kratar
pappírsálver?
í ræðu sem Þorsteinn Pálson, formaður Sjálfstæðisflokksins,
hélt fyrir flokksráðsfund sem hófst í gær, sagði hann í sambandi
við nýtt álver, að það hefði vaidið vonbrigðum að raforkuverðið,
sem um hafl verið samið, sé við lægstu veijanlegu mörk. Enn
hafl ekki verið samið um mjög mikilvæg atriði, eins og ábyrgð er-
lendu samstarfsaðilanna á orkukaupum og sanngirnisákvæði er
heimili endurskoðun vegna breyttra forsendna.
Þorsteinn sagði að alþýðuflokks-
menn hafi verið með ásakanir í
garð sjálfstæðismanna, vegna þess
að hvorki þeirra menn né fulltrúar
Framsóknar og Alþýðubandalags í
Landsvirkjun hafi viljað fallast á að
gengið yrði frá þessum samning-
um án þess að niðurstaða fengist
um þessi tvö mikilvægu atriði. Þá
sagði Þorsteinn að sýndarmennsk-
an væri rík í alþýðuflokksmönn-
um. Engu sé líkara en þeim sé
meira í mun að sýna álver á papp-
írunum en að ljúka samningunum
þannig að ábyrgð á orkukaupum
sé trygg og samið hafi verið um
hvernig bregðast eigi við breyttum
forsendum. Öllum megi vera Ijóst
að það væri fullkomið ábyrgðar-
leysi að ganga frá málum án þess-
ara mikilvægu atriða og því verði
að treysta því að stjórn Landsvirkj-
unar nái samningum um þessi at-
riði, þannig að verjanleg niður-
staða fáist áður en yfir lýkur.
Þá vék Þorsteinn að því í ræðu
sinni að þau umskipti, sem orðið
hafa í þjóðfélaginu til hins betra í
tíð ríkisstjórnar Steingríms Her-
mannssonar, hafi átt sér stað þrátt
fyrir þá ríkisstjórn en ekki vegna
hennar. Þorsteinn benti á það að
erlend skuldasöfnun hafi farið vax-
andi og að hagvöxtur hafi verið
ónógur og fyrir þá sök hafi kaup-
máttarrýrnun orðið mun meiri en
þurft hefði að vera.
—SE
Kviknaði
ífitu
í viftu
Eldur kviknaði í íbúð á annarri hæð
í Krummahólum 2 í Breiðholti um
hádegisbilið í gær. Tálið er að kvikn-
að hafi í út frá eldavél. Kveikt var á
eldavélarhellu og er talið að hitinn
frá henni hafi náð að bræða fitu, sem
safnast hafði saman í viftu þar fyrir
ofan. Fitan Iak síðan niður á helluna
með fyrrgreindum afleiðingum.
íbúðin er mikið skemmd, sérstak-
lega viftan og eldhúsinnréttingin, en
skemmdir eru einnig í íbúðinni eftir
reyk. íbúðin var mannlaus þegar eld-
urinn kom upp og náðu íbúar nær-
liggjandi íbúða að slökkva eldinn að
mestu með duftslökkvitæki. Þegar
slökkviliðið kom á staðinn, lagði
mikinn reyk frá íbúðinni og sást
reykur í kringum blokkina víðs veg-
ar að úr Reykjavík. Slökkviliðsmenn
slökktu í glóðum og reyklosuðu
íbúðina. Ekki hafa borist kvartanir
frá öðrum íbúum hússins vegna
reykskemmda og er talin mikil mildi
að ekki fór verr. Vert er að brýna fyr-
ir fólki að athuga viftur eða gufu-
gleypa fyrir ofan eldavélar sínar og
kanna hvort mikil fita hefur safnast í
síuna. Til að koma í veg fyrir svona
óhöpp er ágætt ráð að þrífa síuna
upp úr heitu vatni og ætti aö það að
minnka líkurnar á því að kvikni í fitu
sem safnast hefur þar fyrir.
—SE
Lögreglu- og slökkviliðsmenn hífa
reyklosunartækið upp á svalir
íbúðarínnar.
Tímamynd: Pjetur
Anna Margrét Valgeirsdóttir, nemi í Háskóla fslands, hefur ákveðið að
gefa kost á sér í skoðanakönnun framsóknarfélaganna í Reykjavík og
lætur það ekki aftra sér, þó hún hafi eignast sitt annað bam s.l. miðviku-
dag. Tíminn heimsótti Onnu Margréti á Fæðingarheimilið í gær og var
hún hin hressasta, og sagði hinn nokkurra daga gamla svein vera
hreinræktaðan framsóknarmann. Hún sagðist jafnframt hafa óskað eft-
ir því, að fá sérstakt herbergi fyrir sig og sveininn á flokksþingi fram-
sóknarmanna, sem haldið verður um miðjan nóvember. Eiginmaður
Önnu Margrétar er Höskuldur Eriingsson. -hs.
Framsóknarflokkurinn í Reykjavík:
Níu gefa
kost á sér
Frestur til að tilkynna framboð í
efstu sæti á framboðslista Fram-
sóknarflokksins í Reykjavík rann út
í gær. Níu menn gefa kost á sér.
Skoðanakönnun um val á frambjóð-
endum fer fram dagana 10. og 11.
nóvember. Rétt til þátttöku hafa að-
al- og varamenn í fulltrúaráði fram-
sóknarfélaganna í Reykjavík, alls
rúmlega 500 manns.
Þeir sem gefa kost á sér eru: Ásta
Ragnheiður Jóhannesdóttir upplýs-
ingafulltrúi, Anna Margrét Valgeirs-
dóttir nemi og húsmóðir og formað-
ur FUF í Rvík, Bolli Héðinsson hag-
fræðingur, Finnur Ingólfsson að-
stoðarmaður heilbrigðisráðherra,
Guðmundur Birgir Heiðarsson bfl-
stjóri, Guðmundur G. Þórarinsson
alþingismaður, Hermann Svein-
björnsson aðstoðarmaður sjávarút-
vegsráðherra, Sigfús Ægir Árnason
framkvæmdastjóri TBR og Þór Jak-
obsson veðurfræðingur.
Framsóknarflokkurinn fékk einn
þingmann kjörinn í Reykjavík í síð-
ustu kosningum, Guðmund G. Þór-
arinsson. í öðru sæti listans var
Finnur Ingólfsson.
-EÓ
Neytendur og verkalýður í Borgarfirði funda
um innflutning búvara í Hótel Borgarnesi:
Dönsk egg í jólakökur?
Á að leyfa innflutning á landbúnaðarvörum? Ólíklégt er að menn verði sam-
mála um svör við þessari spumingu, sem tekin verður til umræðu á fundi
sem Neytendafélag Borgarfjarðar og Verkalýðsfélag Borgamess efna til í
Hótel Borgamesi n.k. fimmtudagskvöld.
Frummælendur verða: Steingrímur J. Sigfússon landbúnaðarráðherra, Jón
Magnússon form. Neytendafélags höfuðborgarsvæðisins, Ásmundur Stefáns-
son forseti ASÍ og Haukur Halldórsson formaður Stéttarsambands bænda.
Að afloknum stuttum framsöguræðum verða frjálsar umræður og fyrir-
spurnir.