Tíminn - 27.11.1990, Blaðsíða 8

Eldur í þaki Landssímah ússins um helcjina:
Tjónið getur numið allt að 200 m.kr.
Eldur kom upp í þaki Landssíma-
hússins við Austurvöll um klukkan
6.40 á laugardagsmorgun. í gær-
morgun var búið að reisa nýtt þak á
húsið, en það hafði skemmst að
stórum hluta í brunanum. Miklar
skemmdir urðu einnig á tækjabún-
aði í húsinu sem höfðu í för með
sér að talsverðar truflanir urðu á
símasambandi innanlands og til út-
landa á laugardeginum. Strax á
laugardagskvöld var búið að koma í
veg fyrir mikið af þessum truflun-
um. Sumar símalínumar voru þó
ekki á fullum afköstum, eins og
t.d. línur til Bretlands og Norður-
landa sem voru með þriðjungs af-
köst þangað til á sunnudagskvöld.
Full afköst voru komin á allar
símalínur í gærmorgun.
Það var klukkan 6.44 að nætur-
vörður í Alþingishúsinu gerði
slökkviliðinu viðvart og aðeins 6
mínútum síðar var slökkvistarfið
hafið. Allir slökkviliðsmenn borgar-
innar voru kvaddir á staðinn og not-
aður var allur búnaður slökkviliðs-
ins til að ráða niðurlögum eldsins.
Sex manns voru við vinnu í húsinu
þegar eldurinn braust út, en engan
þeirra sakaði. Slökkviliðinu tókst að
hindra að eldurinn breiddist út til
viðbygginga eða bærist niður hæðir
Landssímahússins og um klukkan
níu hafði eldurinn verið slökktur.
Starfsmenn Símans höfðu þá þegar
hafist handa við að gera ráðstafanir
vegna bilana í símakerfinu og við að
meta tjónið.
Að sögn Ólafs Tómassonar, póst-
og símamálastjóra, hafa starfsmenn
Símstöðvarinnar, smiðir og slökkvi-
menn gengið mjög vel fram við
björgunarstörf og sagði hann að
þetta sýndi okkur hvað íslendingar
gætu þegar mikið lægi við. Rann-
sóknarlögregla ríkisins er að kanna
eldsupptökin sem enn eru ókunn,
en tiígátur eru uppi um að þau
megi rekja til vinnuljósa sem voru á
þaki hússins, eða rafmagns.
Ólafur sagði einnig að það kæmi
honum ekki á óvart þó að tjónið
vegna brunans myndi nema ein-
hversstaðar á bilinu 100-200 millj-
ónir króna. „Starfsfólk hefur lagt
nótt við dag við að vinna að viðgerð-
um á tækjabúnaði og skipta um
tæki þar sem þarf. Þó má búast við
að það séu allskonar skemmdir sem
eiga eftir að koma fram núna næstu
dagana eða vikurnar. Þarf þá jafnvel
að skipta um búnað sem er í gangi í
dag. Varðandi tjón á húsinu sjálfu
geri ég ráð fyrir að brunatryggingar
meti það, en tjón á tækjum verður
tekið saman á næstunni," bætti Ól-
afur við.
Mestar skemmdir urðu á tölvu-
deild tæknideildar sem hefur aðset-
ur sitt á efstu hæð Landssímahúss-
ins. Símstöðvar og búnaður á neðri
hæðum í húsinu urðu fyrir tals-
verðum skemmdum af völdum
vatns sem streymdi á milli hæða,
þrátt fyrir að slökkviliðinu hafi ver-
ið unnt að veita mestu af vatninu
niður eftir stigahúsinu. Búið er að
leggja pappa á norðurþak hússins,
þakið sem snýr að Austurvelli var
bæði rifið og byggt samtímis. Hafa
þær framkvæmdir gengið mjög
hratt fyrir sig. Eitt af því sem rask-
aði starfsemi stöðvarinnar voru
millistöðvastrengir sem brunnu
saman og þurfti að klippa þá í sund-
ur og tengja saman. Sjálfvirku
stöðvarnar biluðu hins vegar ekki.
Ólafur sagði að nú þyrfti að gera
ráðstafanir til að fá ný tæki strax til
viðgerða og áframhaldandi upp-
byggingar. „Mikið af þessum tækj-
um eru ekki búðarhilluvarningur,
heldur þarf að smíða þetta hverju
sinni, þannig að það getur vel verið
að við reynum að fá lánuð einhver
tæki erlendis. Ég á von á því að þrátt
fyrir brunann eigi rekstur Pósts og
síma eftir að ganga eðlilega og þær
lækkanir sem við gerðum á síma-
gjöldum um síðustu mánaðamót
munu koma til framkvæmda. Við
vitum ekki í sjálfu sér hvernig þetta
tjón verður greitt, en við reiknum
a.m.k. ekki með að breyta gjald-
skránni vegna þessa. Það er búið að
flytja mikið af tækjum út úr húsinu
og á verkstæði og við sjáum á sumu
að ekkert er hægt að gera við það
nema henda því á haugana. Annað
er ef til vill hægt að gera við. Það
kemur allt í ljós í nákvæmu mati,
sem verður gert á því tjóni sem orð-
ið hefur“, sagði Ólafur. khg.
Kústar, ekki tölvur, voru í lykilhlutverkum í húsnæöi tölvudeildar Pósts og síma í gar. Þar
var f gær unnið að viðgerð og endurbótum.
Nýtt þak á Landssímahúsinu var byggt nær jafnóöum og það gamla var rifið.
Timamyndlr PJotur
aioKKvmoio noiaoi KorruDiia tii ao sprauta a eidinn i paKinu tii aö byrja með.