Tíminn - 05.12.1990, Blaðsíða 2

2 Tíminn
Miðvikudagur 5. desember 1990
Halldór Ásgrímsson sjávarútvegsráðherra segir að ekki komi til greina að smábátarnir fái aukna hlutdeild í heildaraflanum:
Aukin hlutdeild smábáta
skerðir hlut annarra
Eins og kom fram í opnugrein Tímans í gær eru smábátaeigendur
margir hverjir ekki sáttir viö sinn hlut í tilraunaúthlutun sjávarút-
vegsráðuneytisins og gera þeir kröfu um aö fá stærri hlutdeild í
heildaraflanum.
Halldór Ásgrímsson, sjávarútvegs-
ráðherra, sagði að hlutdeild smábáta í
heildaraflanum hefði aldrei verið
meiri en árið 1989 og sú hlutdeild
væri samkvæmt lögunum til viðmið-
unar í þessari tilraunaúthlutun. Ef
smábátamir fengju meira, væri jafn-
framt verið að ganga á hlut stærri
skipanna.
Halldór sagði að þeir smábátar, sem
bættust við í ár, tækju kvóta sinn frá
öllum flotanum í réttu hlutfalli við
heildarhlutdeildina og mikil óánægja
væri með það hjá þeim hluta flotans,
sem er yfir 10 brúttórúmlestir, hvað
smábátamir hafa áunnið sér mikið á
undanfömum árum. Aðspurður sagði
Halldór að það væri eðlilegt að menn
væru óánægðir með fjölgunina í smá-
bátaflotanum. Hins vegar hefði aldrei
náðst um það samstaða að stöðva
þessa þróun. Hann sagði að ýmsir að-
ilar hefðu átt þar hlut að máli og þar á
meðal smábátaeigendur sjálfir.
„Sannleikurinn er sá að margir hafa
keypt báta í fullkominni óvissu um
framtíðina. Því miður mun það koma
illa við marga", sagði Halldór.
Aðspurður hvort ekki mætti eiga von
á fækkun smábáta sagði Halldór að
það væri alveg ljóst að margir þeirra
sem keyptu bát í þessari óvissu ættu
Halldór Ásgrímsson.
ekki annarra kosta völ en að selja sína
báta eða þá að leita eftir samvinnu við
aðra og sameina veiðiheimildir.
-Kom ekki til greina að þeir bátar,
sem voru á banndagakerfinu, fengju
aðlögunartíma eins og gert var með
stærri skipin 1984?
„Þetta er fyrst og fremst spumingin
um það hvaðan á að taka afla handa
þessum bátum. Þeir hafa fengið þessa
hlutdeild og það er enginn möguleiki
á því að ganga meira á hlut hins hluta
flotans. Það er út af fyrir sig auðvelt
fyrir þá að segja að það skuli tekið af
hinum, en þeir munu að sjálfsögðu
ekki una því“, sagði Halldór.
Samkvæmt útreikningum Lands-
ambands smábátaeigenda munu
smábátaeigendur taka á sig 6% skerð-
ingu á afla umfram aðra. Þetta hlut-
fall er fengið með því að bera saman
hlut báts samkvæmt tilraunaúthlut-
uninni og þann hlut sem hann hefði
fengið hefði kerfið fra ‘88 gilt áfram.
Halldór sagði að þessi samanburður
væri óraunhæfur vegna þess að kerfið
sem var gekk ekki lengur upp. „Þeir fá
sömu hlutdeild í heildaraflanum og
1989 og þar að auki koma inn nýir
bátar árið 1990. Allur samanburður
við það sem var og gat ekki gengið
lengur, er tilgangslaus að mínu rnati",
sagði Halldór.
Aðspurður sagðist Halldór ekki geta
sagt á þessu stigi hvort búast mætti
við miklum breytingum þegar til
lokaúthlutunar kemur. „Það verða
einhverjar breytingar, en ég vona að
þær verði ekki mjög miklar því allar
leiðréttingar eru líklegri til hækkunar
og það mun valda lækkun hjá öðrum
hluta flotans", sagði Halldór. —SE
Skoðanakönnun DV:
Norðurland eystra:
Mikill meirihluti styður
ríkisstjórnina í BHMR máli
Mikill meiríhluti þcirra, sem tóku
afstöðu í skoðanakönnun DV og
blaðið birti í gær, er fylgjandi
setningu bráðabirgöalaga ríkis-
stjórnarinnar á BHMR. Og ef
marka má könnunina nýtur af-
staða Sjálfstæðisflokksins lítils
stuðnings þjóðarínnar, en aðeins
28% sögðust styðja flokkinn í
málinu.
Könnunin studdist við 600 manna
úrtak, jafnmargar konur og karla
og jöfn skipting var á milli lands-
hluta. Var annars vegar spurt hvort
fólk væri fylgjandi eða andvígt
bráðabirgðalögunum, og hins veg-
ar hvort það væri fylgjandi eða
andvígt afstöðu þingflokks Sjálf-
stæðisflokksins. Varðandi fyrri
spurninguna var niðurstaðan sú,
að 50,5% voru fylgjandi bráða-
birgðalögunum, 27% andvígir,
17,7% óákveðnir og 4,8% vildu
ekki svara. Það þýðir að af þeim
sem afstöðu tóku eru rúm 65%
fylgjandi lögunum, en 34,8% and-
vígir.
Aðeins 21,8% svarenda sögðust
vera fylgjandi afstöðu þingflokks
Sjálfstæðisflokksins, 55,8% voru á
móti, rúmlega 17% voru óákveðnir
og um 5% vildu ekki svara spurn-
ingunni. Ef aðeins eru teknir þeir
sem tóku afstöðu, þá eru 28,1%
fylgjandi afstöðu þingflokksins, en
andvígir henni eru 71,9%. Ef
marka má könnunina nýtur afstaða
þingflokksins því lítillar hylli með-
al þjóðarinnar, og Ijóst er að mikill
meirihluti þjóðarinnar er fylgjandi
bráðabirgðalögum ríkisstjórnar-
innar á kjarasamning BHMR. -hs.
Arni Steinar efstur
hjá Þjóðarflokknum
- uppgjör vegna framboðsmála
Stjórn Félags Þjóðarflokksins í
Norðurlandskjördæmi eystra skip-
aði í sex efstu sæti lista flokksins fyr-
ir komandi Alþingiskosningar um
helgina. Á fundinum sagði Benedikt
Sigurðarson af sér formennsku í Fé-
lagi Þjóðarflokksins og vék af fundi.
Afsögnin kom í kjölfar þess að Bene-
dikt bar fram tiílögu þess efnis að
teknar yrðu upp formlegar viðræður
við Samtök Jafnréttis og félags-
hyggju, og jafnvel fleiri aðila, um
sameiginlegt framboð. Sú tillaga var
felld og Benedikt sagði af sér. Anna
Helgadóttir kennari á Kópaskeri
hefur nú tekið við formennsku.
Sex efstu sæti lista Þjóðarflokksins
skipa eftirtaldir:
1. Árni Steinar Jóhannsson garð-
yrkjustjóri Akureyri.
2. Anna Helgadóttir kennari Kópa-
skeri.
3. Björgvin Leifsson líffræðingur
Húsavík.
4. Oktavía Jóhannsdóttir húsmóðir
Svalbarðseyri.
5. Klara Geirsdóttir nemi Akureyri.
6. Gunnlaugur Sigvaldason bóndi
Hofsárkoti Svarfaðardal.
Ekki er ákveðið hvenær gengið
verður endanlega frá framboðslist-
anum. hiá-akureyri.
Akureyri:
Jón Gauti
ráðinn til
atvinnu-
mála-
nefndar
Jón Gauti Jónsson landfræö-
ingur og framkvæmdastjórí Hót-
els Áningar á Sauðárkróki hefur
verið ráðinn starfsmaður At-
vinnumálanefndar Akureyrar.
Jón Gauti tekur við starfinu 1.
janúar n.k. Er honum ætlað að
vinna brautryðjendastarf og hafa
frumkvæði að margskonar við-
fangsefnum sem snerta atvinnu-
líf og uppbyggingu þess á Akur-
eyri. Sjö umsækjendur voru um
stöðuna.
Jón Gauti er fæddur og uppal-
ínn Akureyringur. Hann lauk
námi í landafræði við Háskóla
íslands áríö 1978. Að námi
loknu starfaði hann hjá Náttúru*
vemdarráöi til ársins 1985, m.a.
var hann framkvæmdastjórí
ráðsins um tíma. Árið 1985
flutti Jón Gauti tU Sauðárkróks
og gerðist kennarí þar. Samhliða
kennslunni ritstýrói hann Feyld
um tíma, og síðustu þrjú árin
hefur hann auk kennslunnar séð
um rckstur Hótels Áningar á
Sauðárkróki.
hiá-akurcyri.
Vaxtahækkun hjá
Búnaðarbankanum?
Bankaráð Búnaðarbankans kem-
ur saman nk. fimmtudag og mun
þar verða tekin ákvörðun um
hvort nauðsynlegt er að hækka
nafnvexti. Guðni Ágústsson, for-
maður bankaráðs Búnaðarbank-
ans, sagði að hækka þyrfti nafn-
vexti til að það sparifé, sem væri á
Iaunareikningum og almennum
sparisjóðsbókum, myndi ekki
rýrna. Vísitalan og verðbólgan sjái
um að annað sparifé rýrni ekki og
því verði að hækka nafnvextina í
samræmi við hækkun verðbólgu
og vísitölu. Guðni sagðist ekki vita
hvort hugsanleg vaxtahækkun
mætti andstöðu innan ríkisstjórn-
arinnar, en sagði að hún hefði
samið um það í þjóðarsáttarsam-
komulagi að það ætti að vera jafn-
vægi milli verðtryggðra kjara og
nafnvaxtakjara.
Bankaráð Landsbankans hefur
einnig verið að velta því fyrir sér
hvort nauðsynlegt geti verið að
hækka nafnvextina. Fundur var í
bankaráðinu í síðustu viku en ekki
hefur verið boðaður fundur í þess-
ari viku. Næsti vaxtahækkunar-
dagur er 11. desember. —SE
Tryggingastofnun ríkisins:
Trygginga-
bætur hækka
Almannatryggingar hækkuðu
um 2,83% frá og með 1. desem-
ber s.l. Þessi hækkun er sam-
kvæmt reglugerð og kemur í kjöl-
far hækkana á almennum laun-
um skv. kjarasamningum. Einnig
bætist 20% tekjuhyggingarauki
við eftlrfarandi bótarflokka í des-
ember: tekjutryggingu, heimilis-
uppbót og sérstök heimilisupp-
bót. Þessi tekjutrygginarauki
greiðist aðeins í desember og
kemur á nóvemberbætumar.
Samskonar tekjutryggingarauki
kom til greiðslu í ágúst og októ-
ber en var þá 15%. —GEÓ
Norðurland eystra:
Steingrímur í efsta sæti
Steingrímur J. Sigfússon
Framboðslisti Alþýðubandalagsins
í Norðurlandskjördæmi eystra var
ákveðinn á fundi kjördæmisráðs,
sem haldinn var í Skúlagarði um
helgina. Steingrímur J. Sigfússon er
áfram í efsta sæti iistans. Athygli
vekur að Svanfríður Jónasdóttir að-
stoðarmaður fjármálaráðherra, sem
skipaði annað sætið fyrir síðustu
kosningar, er ekki með í slagnum
nú. í annað sætið er hins vegar
kominn fyrrverandi formaður Al-
þýðubandalagsfélags Reykjavíkur,
Stefanía Traustadóttir. Eftirtaldir
skipa listann:
1. Steingrímur J. Sigfússon land-
búnaðar-og samgönguráðherra Þist-
ilfirði.
2. Stefanía Traustadóttir félags-
fræðingur Reykjavík.
3. Björn Valur Gíslason sjómaður
Ólafsfirði.
4. Örlygur Hnefill Jónsson héraðs-
dómslögmaður Húsavík.
5. Sigrún Sveinbjörnsdóttir sál-
fræðingur Akureyri.
6. Kristín Margrét Jóhannsdóttir
nemi Akureyri.
7. Kristján Eldjárn Hjartarson
bóndi Tjörn Svarfaðardal.
8. Sigrún Þorláksdóttir húsmóðir
Grímsey.
9. Jón Geir Lúthersson bóndi Sól-
vangi Fnjóskadal.
10. Rósa Eggertsdóttir skólastjóri
Eyjafjarðarsveit.
11. Guðmundur Lúðvíksson sjó-
maður Húsavík.
12. Kristín Hjálmarsdóttir formað-
ur Iðju Akureyri.
13. Kristján Ásgeirsson fram-
kvæmdastjóri Húsavík.
14. Jakobína Sigurðardóttir rithöf-
undur Garði Mývatnssveit.
hiá-akureyri.