Tíminn - 05.12.1990, Blaðsíða 10

10 Tíminn
Miðvikudagur 5. desember 1990
Ljóöabrot senda frá sér hljómplötu
Út cr komin hljómplata ásamt disk og snældu með fimm manna hópi sem nefnist Ljóða-
brot. Hópur þcssi flytur tónlist sem að mestu lcyti er gerð við ljóð eftir nokkur íslensk nú-
tímaskáld, m.ö.o. brot úr íslenskri nútímaljóðlist. Skáldin ásamt tcxtahöfundum eru
kynnt í meðfylgjandi ritmáli útgáfunnar á ensku og íslensku, auk þess sem útdrættir úr
ljóðum og tcxtum fylgja á ensku. Hér cr þó ckki um að ræða dæmigerða vísnamúsík.
Frcmur mætti kalla þctta millitónlist sem fclur í scr ýmiss konar stílbrigði úr poppi, rokki
og djassi og einnig gcfúr að heyra sömbu, vals, tangó o.fl.
Ljóðabrot er ekki hljómsveit eða söngflokkur, heldur „samstarfshópur" sem kemur nú í
fyrsta sinn fram undir þessu nafhi. í hópnum eru söngvaramir Sif Ragnhildardóttir, Guð-
rún Gunnarsdóttir og Bjami Arason ásamt þeim Ingva Þór Kormákssyni og Stefáni S.
Stefánssyni scm sá um útsctningar. Ljóð og textar em eflir Steinunni Sigurðardóttur,
Sveinbjöm Þorkclsson, Pctur Eggerz, Magneu Matthíasdóttur, Ragnar Inga Aðalsteins-
son, Guðrúnu Guðlaugsdóttur, Ingva Þór Kormáksson, Áma Grétar Finnsson og danska
skáldið Benny Andcrsen.
Hljóðfæralcikarar cm Þórir Baldursson, Bjöm Thoroddsen, Stefán S. Stefánsson, Bjami
Sveinbjömsson, Halldór Gunnlaugur Hauksson, Magnús Einarsson og Eyþór Gunnars-
son. Bakraddir em sungnar af Eddu Borg og Jóhanni Helgasyni og upptökumaður var Jó-
hann Asmundsson.
Sérstaða þessara hljóðritana er sú, að hér cm fluttir textar scm á hcildina litið ættu að
vera vcl í mcðallagi, a.m.k. miðað við það sem gcngur og gerist, og gætu jafnvcl sumir
hvcijir nýst við bókmenntakennslu. Músíkin er aðgengileg og mjög á léttari nótunum án
þcss að vcra nein flatneskja og flutningur allur hinn vandaðasti. Útgcfandi er Hrynjandi
en drcifingu sjá Stcinar um.

^1” TÖL'VUNOTENDUR
Við í Prentsmiðjunni Eddu
hönnum, setjum og prentum
allar gerðir eyðublaða fyrir tölvuvinnslu.
Smiðjuvegi 3, 200 Kópavogur. Sími 45000
Afmælis- og
minningargreinar
Þeim, sem óska birtingar á afmælis- og/eða
minningargreinum í blaðinu, er bent á, að
þær þurfa að berast a.m.k. tveimur dögum
fyrir birtingardag. Þær þurfa að vera vél-
ritaðar.
---------------------------------------------------------\
Móðir okkar, tengdamóðir, amma og langamma
Sigríður Sigurðardóttir
frá Syðrí-Gegnishólum,
Álftahólum 6
verður jarðsungin frá Bústaðakirkju föstudaginn 7. desember kl.
13.30.
Birgir Sigurösson
Bjöm Ólafsson
Sigríöur G. Ólafsdóttir
Jökull Ólafsson
Sigurður Ólafsson
tengdaböm, bamaböm og bamabamaböm
Jólaglögg og laufabrauðsgerð í
Neskirkju
í samvcrustundinni kl. 3-5 laugardaginn
8. dcscmbcr er ætlunin að halda í hciðri
þann gamla norðlcnska sið að skcra út
laufabrauð, cn það cr nú almennt orðinn
fastur liður í undirbúningi jóla á mörgum
heimilum. Þcir sem ætla að taka þátt i
skurðinum þurfa aðeins að hafa með scr
hníf og bretti. Ingibjörg Þórarinsdóttir,
skólastjóri Hússtjómarskóla Reykjavíkur,
lciðbeinir og sér um steikingu. Kökumar
verða seldar við vægu verði.
Jólalögin verða leikin og Viggó Nat-
hanaelsson mun sýna kvikmynd scm ekki
hefúr verið sýnd opinbcrlega áður, m.a.
ffá fyrstu innsetningu Ásgeirs Ásgeirs-
sonar í embætti forscta Islands og eftir-
minnilegri for í Landmannalaugar. Boðið
verður upp á óáfenga jólaglögg og pipar-
kökur ásamt kaffisopa.
Þann 15. desembcr er jólafúndurinn.
Gengið verður í kringum jólatréð og sr.
Frank M. Halldórsson sýnir litskyggnur
ífá margbreytilcgum jólaundirbúningi í
Houston í Texas. Þá verður ffamreiddur
jólamatur. Þeir scm ætla að taka þátt í
laufabrauðsgerðiuni þurfa að skrá sig hjá
kirkjuverði í viðtaistíma kl. 5-6 og veitir
hann nánari upplýsingar. Það þurfa einnig
þeir að gera sem ætla að vera með á jóla-
fundinum.
Kvenfélag Óháöa safnaðarins
verður með jóiafund fimmtudaginn 6.,
des. kl. 8 í Kirkjubæ. Félagskonur til-
kynni þátttöku til Elsu í sima 676267 og
til Guðrúnar í sima 10246.
Leikskólalögin, plata og
snælda
Lcikskólalögin nefnist plata og snælda
sem Almcnna bókafclagið hefur gefið út.
Leikskólalögin eru saffi laga scm vin-
sælda hafa notið á leikskólum, ekki síst
þau lög þar sem bömin taka þátt í lciknum
mcð hreyfmgum cða dansi. Mcðal laga á
plötunni má ncftia: Fílaleik, Einn hljóm-
listarmaður, Eg á gamla ffænku, Stræt-
óvísur, Kisa mín, Pompulagið og Þrír litl-
ir hcrmenn.
Lcikskólalögin eru sctt ffam scm sam-
söngur og samtal bamanna Tótu og Sölva
og það em þau Ása Hlín Svavarsdóttir og
Öm Ámason sem tala og syngja fyrir
þeirra munn. Hljóðfæraleikarar em
hljómsveitin Fílabandið, en hana skpa
Stefán S. Stefánsson sem leikur á flautur,
saxófóna, hljómborð og slagverk, Ari
Einarsson sem leikur á gítar og Gunnar
Hrafnsson sem spilar á bassa. Áðstoðar-
hljóðfæraleikari var Sigurður Rúnar Jóns-
son sem lék á orgel.
Útsetningar og stjóm upptöku annaðist
Stefán S. Stefánsson. Hljóðmaður var
Sigurður Rúnar Jónsson, upptökur fóru
ffam í Studio Stemmu.
Steinar hf. annast dreifingu Leikskóla-
laganna.
Frá Félagi eldri borgara
Opið hús í dag miðvikudag í Risinu,
Hverfisgötu 105, ffá kl. 14. KI. 20.30:
Umræðufúndur um lífeyrismál og al-
mannatryggingar. Bencdikt Davíðsson
svarar fyrirspumum.
íþróttafélag fatlaöra
í Reykjavík
hefúr opnað jólamarkað í íþróttahúsi fatl-
aðra, Hátúni 14. Opið alla daga ifá kl. 13-
18.
Skagfirska söngsveitin gefur
út hljómplötu
Skagfirska söngsveitin í Reykjavík hcfur
nýlega sent frá sér nýja hljómplötu, scm
ncfúist Ljómar heimur. Þetta er fimmta
platan sem kórinn gcfúr út. Við efúisval cr
lögð mcgináhersla á flutning íslenskrar
tónlistar og hefúr stjómandi kórsins,
Björgvin Þ. Valdimarsson, útsett mörg
laganna fyrir kórflutning ásamt einsöng
eða tvísöng. Björgvin er einnig höfúndur
fimm laga á þessari plötu.
Einsöngvarar eru flestir úr röðum kórfó-
laga, en þeir em: Friður Sigurðardóttir,
Guðmundur Kr. Sigurðsson, Halla S. Jón-
asdóttir, Hreiðar Pálmason, Óskar Péturs-
son, Sigurður Steingrímsson og Svanhild-
ur Sveinbjömsdóttir. Píanóleik annast
Violeta Smid.
Starf Skagfirsku söngsveitarinnar stend-
ur með miklum blóma um þessar mundir.
Kórinn hélt þrcnna tónlcika í október-
mánuði: í Reykjavík, á Selfossi og í
Njarðvíkum. Á öllum stöðunum vom tón-
leikamir vel sóttir og undirtektir áheyr-
cnda mjög uppörvandi. — Nú standa yfir
æfingar á tónlist tengdri jólum og veröur
sú efúisskrá flutt á aðventukvöldi í Fella-
og Hólakirkju 2. dcsember. Eftir áramót
verður svo hafist handa við æfmgar fyrir
vortónleika, sem jafúan em haldnir í lok
vetrarstarfs.
Digranesprestakall
Jólafúndur kirkjufélagsins verður i safú-
aðarheimilinu við Bjamhólastíg fimmtu-
daginn 6. des. kl. 20.30. Séra Fjalarr Sig-
uijónsson, fyrrverandi prófastur, kcmur á
fundinn. Nemendur úr Söngskóla Reykja-
víkur syngja. Jólasaga. Jólaljóð. Veislu-
kaffi að lokum helgistundar.
MINNING
Gestur Geirsson
Fæddur 5. apríl 1943
Dáinn 26. nóvember 1990
Vinur minn í rúma tvo áratugi er
látinn. Aðeins 47 ára.
Eftir að hafa fylgst með veikindum
hans kom þetta ekki á óvart. Samt er
svo erfitt að trúa því að þessi glað-
væri, góði drengur sé allur, að eiga
þess ekki kost að heyra framar glað-
væran hlátur hans, né að eiga þess
kost að hlusta á framtíðaráform
hans sem öll voru full af bjartsýni
þótt hann ætti við mikið mótlæti að
stríða á síðustu árum sínum.
Kynni okkar hófust er fjölskylda
mín fluttist að Grýtubakka þar sem
hann bjó þá með fjölskyldu sinni.
Leiðir okkar lágu strax saman í
störfum fyrir húsfélagið og þar lá
Gesturinn, eins og hann nefndi
sjálfan sig stundum, ekki á liði sínu.
Ekkert mál að smíða sæti og bólstra
í fundarherbergið né að smíða fund-
arborð sem einnig þjónaði því hlut-
verki að vera veisluborð á heimilum
þeirra félagsmanna sem voru að láta
ferma eða við önnur tækifæri. Já,
það var ólatur maður til verka fyrir
náungann, hann Deddi blessaður.
Þegar hann hóf svo að byggja sér
raðhús að Norðurfelli 7, þá var kom-
inn tími til að gera slíkt hið sama,
því svona lagað getur orðið bráð-
smitandi yfir ótöldu kaffibollaspjalli
sem við áttum alltaf saman.
Eina rökrétta leiðin til að hrinda
því í framkvæmd var að fá Gestinn
til að reisa húsið okkar í Engjaseli,
hann var jú húsasmiður; og það var
auðvitað ekkert mál, enda fluttum
við inn rúmum 7 mánuðum síðar.
Ekkert iðnaðarmannafúsk þar á
ferðinni.
Þegar svo Kiwanisklúbburinn Ell-
iði var stofnaður í Breiðholtinu,
fyrstur þjónustuklúbba í borginni,
kenndur við borgarhverfi, þá var
Gesturinn að sjálfsögðu með og upp
frá því söng K-línan í brjósti hans.
Þegar dagana tekur að stytta
vetur konungur tekur völd.
Þd er gott sína félaga að hitta
í Kiwanis kvöld og kvöld.
Þarsaman blöndum leikjum ogstörfum,
því að mörgu við þurfum að gá.
„Velja verður úr allara þörfum
og þvi naest að stefna að markmiði og ná. “
ÖE.
Þau voru fá störfin í klúbbnum
okkar sem við byggðum saman, sem
hann hafði ekki gegnt bæði í nefnd-
um og stjórn, en klúbbforseti var
hann 1981 til 1982. Hann var söng-
maður góður og afbragðs minnugur
á texta og þurfti aldrei að syngja af
blaði. Hann kunni sitt hlutverk.
Þegar uppákomur voru í klúbbnum,
svo sem á konukvöldum, var einfald-
ast að leita til hans til að taka þátt í
skemmtiatriðum, hann var alltaf til-
búinn í slaginn. Þeir voru ekki
margir sem höfðu jafnbrennandi
áhuga fyrir Kiwanisstarfinu og
hann. Það eru eldhugar eins og
hann sem gera veröldina aðeins
betri búsetustað, þó ekki fari hátt
um störf þeirra út á við.
Ský bar á himin fyrir einum sex ár-
um síðan er hann gekk í gegnum
erfiðan skilnað. Hann sá mikið eftir
samvistunum við fjölskyldu sína, en
lét ekki bugast. Hugsun hans snérist
um það að gera sitt besta fyrir börn-
in sín sem hann unni svo heitt og
voru sífellt í huga hans. Þá vopnað-
ist hann bæninni og bjartsýninni
sem honum var svo eiginleg og það
dugði til. Fljótlega upp úr þessu
kom í ljós að hann var kominn með
sykursýki, en hann gaf ekki eftir í
neinu, enda virtist hann alltaf vera í
framför eftir að hann hafði fengið
viðeigandi læknismeðferð. Því mið-
ur þá reyndust veikindi hans vera al-
varlegri en nokkurn grunaði og í
mars s.l. fór hann bráðsjúkur á
sjúkrahús þar sem hann undir-
gekkst stóra aðgerð. Aftur lifnaði
vonin hjá okkur vinum hans. Hann
virtist allur vera að braggast eftir að
hafa jafnað sig eftir aðgerðina, en
þær vonir urðu þó að engu er hann
aftur veiktist nú í nóvember s.l. All-
an þennan tíma neitaði hann að gef-
ast upp og beitti gömlu vopnunum
sínum sem áður um gat, en nú var
tíminn kominn. Tími kominn til að
kveðja þessa lífsvist og halda á eftir
föður sínum, Geir Gestssyni sem
einnig var trésmiður, og yngri bróð-
ur sínum Áskeli, en hann lést einnig
langt fýrir aldur fram, en allir féllu
þeir feðgar fýrir sama mannskæða
sjúkdómnum.
Við Deddi vorum alltaf meira og
minna að gantast og því sagði ég við
hann er ég heimsótti hann á sjúkra-
húsið og hitti hann þar fýrir hressan
að vanda þó þreyttur væri, að við
yrðum nú að hætta að hittast svona,
við yrðum að finna okkur annan
fundarstað.
Hann er nú farinn, blessaður, að
undirbúa endurfundi okkar sem ég
er viss um að framundan eru, enda
ekkert mál fýrir hann að sjá um það.
Ég kveð nú góðan vin minn og
drengskaparmann með söknuði í
þessum fátæklegu orðum mínum,
en mér er tregt um tjáningu á skiln-
aðarstundinni.
Ég bið góðan Guð að blessa og
styrkja ástvini hans, börnin hans,
Guðrúnu, Gerði, Geir, Áskel og Ingi-
björgu, svo og móður hans Ingi-
björgu Sigurðardóttur sem hefur
þurft að sjá á eftir öllum drengjun-
um sínum yfir móðuna miklu sem
skilur okkur að frá horfnum ástvin-
um okkar.
Deddi minn. Far þú í friði og friður
Guðs þig blessi. Hafðu þökk okkar
Lonniar fýrir samfylgdina og vin-
skap þinn og gakk með Guði nú sem
endranær.
Þinn vinur,
Öm Egilsson.