Tíminn - 05.06.1991, Page 15

Míðvikudágúr 5. júní 1991
Tíminn 15
IÞROTTIR
Island-Tékkóslóvakía í kvöld:
„Gott að fólk gerir kröfur“
„Ég veit ekki við hverju fólk
bjóst fyrir leikinn í Albaníu, en
það er gott að fólk skuli gera
kröfur og vera óánægt með úr-
slitin. Það er alltaf erfitt að leika
á útivelli, fyrir hvaða lið sem er.
Leikurinn var erfiður og við vor-
um svekktir að tapa, en þetta var
ekkert reiðarslag," sagði Bo Jo-
hansson, landsliðsþjálfari í
knattspyrnu, um síðasta leik ís-
lenska landsliðsins.
En hvað segir Bo um leikinn sem
framundan er: „Þetta er allt annar
leikur og öðruvísi. Nú erum við á
heimavelli og því er ég bjartsýnn.
Ef ég væri það ekki væri leikurinn
tapaður fyrirfram. Tékkarnir eru
mun sterkari en Albanir, þeir
unnu 0-2 í Tirana og nýiega lögðu
þeir Pólverja 4-0 á heimavelli. En
það hefur oft sýnt sig að við getum
leikið vel gegn góðum liðum.
Áhorfendur verða að styðja vel við
bakið á okkur og láta Tékkana
finna fyrir því að þeir séu á úti-
velli, annars erum við í vandræð-
um. Það er langt síðan við lékum
heima og því er um að gera fyrir
fólk að drífa sig á völlinn. Síðan ég
tók við höfum við leikið 12 leiki,
þar af 10 á útivelli, en nú er það
heimavöllurinn sem gildir.
Við munum leika svipað og við
höfum gert, uppistaðan er 4-4-2,
en varnarmennirnir mega líka fara
Kubik er
lykilmaður
Tékkneska liðið, sem mætir því ís-
lenska í Laugardalnum í kvöld, er
sterkt. Sex leikmenn sem léku á HM
á Ítalíu eru í liðinu. Þeirra þekktast-
ir eru Lubos Kubik frá Fiorentina,
sem er lykilmaður í liðinu, og fram-
herjarnir Tomas Skuravy frá Genoa
og Vaclav Danek frá FC Tyrol. Aðrir
leikmenn eru: Ludek Miklosko, Pa-
vel Kouba, Jan Kocian, Miroslav
Kadlec, Dusan Tittel, Alois Gruss-
mann, Ivan Hasek, Michal Frydek,
Pavel Hapal, Karen Kula, Jiri
Nemec, Roman Kukleta, Pavel
Kuka, Alexander Vencel, Bartolomej
Jurasko og Ondrej Kristofik.
BL
Körfuknattleikur:
Karlí
Karl Guðlaugsson, bakvörðurinn
snjalli úr ÍR, hefur ákveðið að
færa sig um og leika með Snæfelli
í úrvalsdeildinni næsta vetur.
Karl hefur verið aðalbakvörður
ÍR-liðsins undanfarin ár.
„Það var stór ákvörðun að halda
til Stykkishólms og yfirgefa ÍR, en
mér líst vel þetta og sló því til
þegar þeir báðu mig að koma,“
sagði Karl í samtali við Tímann í
gær.
Karl mun styrkja lið Snæfells
mjög mikið, en hann er einmitt
leikmaður sem þá vantaði. Að
sama skapi er það slæmt fyrir ÍR
að missa Karl, en ÍR- liðið leikur í
1. deild næsta vetur, en stefnir að
því að endurheimta sæti sitt í úr-
valsdeildinni.
Hreinn Þorkelsson mun áfram
þjálfa lið Snæfells næsta vetur.
Liðið hefur misst Brynjar Harðar-
son og óvíst er hvaða erlendur
leikmaður verður með liðinu.
BL
- segir Bo Johansson landsliðsþjálfari
í sóknina, jafnvel meira en þeir
hafa gert,“ sagði Bo Johansson.
En aftur um Ieikinn í Albaníu,
hvað fór úrskeiðis? „Það voru sjálf-
sagt margar ástæður fyrir tapinu,
en erfitt er að benda á eitthvað
eitt. Við vorum óheppnir að fá
þetta mark á okkur og liðið datt
niður eftir það. Síðan hafði aðbún-
aðurinn sitt að segja. Það er varla
hægt að finna erfiðara land að
sækja heim en Albaníu, en nú eru
strákarnir reynslunni ríkari. Við
höfum reynt að laga allt það sem
við mögulega getum á æfingum
nú fyrir leikinn gegn Tékkum,"
sagði Bo Johansson landsliðsþjálf-
ari.
Bo var að mestu búinn að velja þá
leikmenn sem byrja leikinn, en
liðið verður ekki endanlega til-
kynnt fyrr en í dag. Ólafur Þórðar-
son er meiddur á Iærvöðva og óvíst
er að hann geti leikið með í dag.
Aðrir leikmenn eru leikhæfir, þótt
sumir eigi við smávægileg meiðsl
að stríða.
BL
SÉRÍSLENSK
CLAAS-ÚTGÁFA
MED ÖLLU
Á FRÁBÆRU VERÐI
Viö bjóðum CLAAS R-46 rúllubindivélar fyrir 120x120 sm bagga á aðeins
789 ÞÚSUND KRÓNUR
miðað við gengi 1/5 1991.
Meðal þess útbúnaðar, sem er innifalinn í verðinu hjá CLAAS en telst gjarnan til auka-
búnaðar hjá öðrum, má nefna:
• Búnaður í ekilshúsi dráttarvélar sem gefur Ijós og hljóðmerki þegar baggahólf er
fullt. Þá er ýtt á hnapp og binding hefst.
• Vökvalyfta sópvindu (pickup).
• Matara fyrir aftan sópvindu, sem m.a. kemur í veg fyrir að hey flækist eða safnist fyrir
í aðfærslustokki. Eykur afköst.
• Sérstakan búnað, sem kemur í veg fyrir að smágert hey slæðist.
• Sjálfsmurðar öflugri keðjur en áður.
• Breið dekk (yfirstærð). Enn stærri dekk fáanleg.
• Baggasparkara.
• Landhjól á sópvindu.
• Baggahólf, sem haldið er saman með vökvaþrýstingi en ekki læsingu, svo ekki er
hætta á skemmdum þótt oftroðið sé í vélina.
Auk þessa er fáanlegur áreiðanlegur netbindibúnaður, sem styttir bindingartímann um
75%.
Berið þessi frábæru kaup saman við það sem aðrir bjóða!
CLAAS-rúllubindivélarnar hafa nú verið sérstaklega aðlagaðar íslenskum aðstæðum.
Aðalátaksrúllur hafa verið styrktar, svo vélin þolir betur hið smágerða íslenska hey.
Þess má til gamans geta að „íslenska" útgáfan er aðeins seld hér og í einu héraði Norð-
ur-ítalíu, í hlíðum Alpanna, þar sem sami styrkleiki er talinn nauðsynlegur!
Kynnið ykkur prófanir á rúllubindivélum frá Bútæknideildinni á Hvanneyri.
FÁÐU JÖTUN OG CLAAS TIL LIÐS VIÐ ÞIG í SUMAR!
MUðsQiðfý
HÖFÐABAKKA 9 112 REYKJAVÍK SÍMI 91 -670000