Tíminn - 31.12.1992, Page 15

Fimmtudagur 31. desember 1992
Tíminn 15
2 x 2. í tilefni af því að fjölburamæður fjölmenntu í júlí á fund heil-
brigðisráðherra til aö berjast fyrir sínum rétti, hitti Ttminn að máli
ung hjón í Reykjavík sem þá höfðu nýlega eignast tvíbura — í ann-
að sinn á fjórum árum.
Hálaunaelíta
Þrátt fyrir áralangan launajöfnun-
arsöng í þjóðfélaginu, upplýsti Þjóð-
hagsstofnun að launamismunur
hafi aukist jafnt og þétt í mörg und-
anfarin ár og hópur hálaunaelítu
verið að myndast. Þannig náði
tekjuhæsti 10. hluti launþega í land-
inu sér í 146% launahækkun á sama
tíma og lægst launaði 10. hlutinn
varð að láta sér nægja 88% kaup-
hækkun. Nýjustu skýrslur sýna að
þessi 10% hálaunaelíta deildi með
sér nærri 30% allra greiddra launa í
Iandinu, eða álíka upphæð og 60%
launþega, þegar talið var frá botni
tekjuskalans.
Lestur það sem máli
skiptir
Það var loks staðfest með hávís-
indalegum hætti að til þess að læra
að lesa skiptir það langmestu máli
að lesa, lesa, lesa og lesa ennþá
meira. Öfugt við það, sem oft er
haldið fram, var það niðurstaða
lestrarprófs í meira en þrjátíu lönd-
um, að litlu máli skiptir hvort lestr-
arkennsla hefst seint eða snemma,
hvort börn ganga í forskóla eða ekki,
hvort fáir eða margir eru í bekkjum,
hvort skólaárið er Iangt eöa stutt og
hvort bekkur hefur sama kennara ár
eftir ár. Það sem mestu máli skipti
voru góð skólabókasöfn, mikil útlán
bóka, mikill hljóðlestur í skólanum,
tíður sögulestur kennara fyrir nem-
endur, mikil móðurmálskennsla og
mikil heimavinna nemenda.
Fátt svo með öllu illt
Þótt landinn þreyttist á rysjóttu
tíðarfari framan af sumri, gat hann
þó þakkað því að mun minna varð
nú vart við geitunga og stórar hun-
angsfluguhlussur, sem svo mjög
voru fólki til angurs sumarið næsta
á undan.
Rjúpan í jólakrásir en
ekki rebba
Refaskytta í Biskupstungum var
snemma í júlí búinn að veiða hátt í
50 dýr, eða um tífalt fleiri en venju-
lega. Líklegustu skýringuna taldi
hann þá, að mikill fjöldi skotmanna
hafi gengið svo nærri rjúpnastofnin-
um að rebbi héldi til byggða í æti-
sleit.
Ölsala minni og minni
í júlí var komið í ljós að landinn
hafði keypt um 300.000 lítrum
(11%) minna af áfengu öli á fyrri
helmingi ársins heldur en á sama
tímabili árið 1991 og m.a.s. 550.000
lítrum minna heldur en á fyrri
helmingi ársins 1990.
Þjóðemi Leifs leynir
sér ekki
Rómuð frægðarför Leifs heppna til
Ameríku hefur líka væntanlega tek-
ið af allan vafa um rétt þjóðerni
hans, í eitt skipti fyrir öll. Leifur
virðist hafa lifað flott í útlandinu,
eins og góðra íslendinga er siður, og
eyddi 6,8 milljónum króna í ferða-
lagið. Hins vegar tókst honum að-
eins að fala 1,7 milljónir upp í ferða-
kostnaðinn og snéri því heim með
5,2 milljóna króna ferðaskuld á bak-
inu.
Heimsmet í notkun
plastkorta
Hvort Leifur heppni hafði með sér
VISA-kort í Amerikuferðinni skal
ósagt látið. En hitt er víst að íslend-
ingar eru orðnir óskoraðir heims-
meistarar í notkun greiðslukorta,
bæði innanlands og utan. Tíminn
færði mönnum m.a. þær fréttir í júlí
Víst þarf vissan kjark til þess
að stökkva úr margra tuga
metra háum krana með teygju
bundna um fæturna. Sá, sem
hér sýnir hreysti sína, er Jó-
hannes Guðnason, forystu-
maður mótframboös gegn
Guðmundi jaka í Dagsbrún.
Kannski þarf ekki síðri kjark til
þess en að stökkva úr krana.
að hver íslendingur verslaði nú orð-
ið fyrir tvöfalt hærri upphæð út á
greiðslukortin sín að meðaltali held-
ur en hver Bandaríkjamaður, og fyr-
ir fjórum sinnum hærri upphæð
heldur en Evrópubúar gera að með-
altali.
Það voru margir svekktir, þegar þeir ætluðu að vitja um farseðla
sína, sem þeir höfðu annað hvort greitt inn á eða aö fullu, hjá Flug-
ferðum- Sólarfiugi. Ferðaskrifstofan hætti starfsemi og fjölmargir
töpuðu peningum.

Sendum bestu óskir um
gleðilegt nýtt ár
til starfsfólks, viðskiptavina, svo og
landsmanna allra,
með þökk fyrir samstarf
og viðskipti á liðnu ári.
Hraðfrystihús Tálknafjarðar h.f.
TÁLKNAFIRÐI

Nýr Herjólfur í Reykjavíkurhöfn.
Timamynd: GE
ekki að komast í viðskipti þar, vegna
bágrar fjárhagsstöðu sinnar. Hundr-
uð farþega urðu strandaglópar á er-
lendri grundu, flestir á sólarströndu.
Ásakanir gengu á milli málsaðila um
svik og pretti, en svo fór að lokum að
allir farþegar komust til síns heima
og var greitt fyrir þá með trygging-
arfé Flugferða-Sólarflugs. Það var
hins vegar verra með þá sem höfðu
greitt ferðir sínar, eða greitt inn á
þær, því þeir peningar voru tapaðir
og var um háar fjárhæðir að ræða
fyrir marga.
Eldsvoði í Sandgerði
Timburhús í Sandgerði gjöreyði-
lagðist í eldsvoða og kom eldurinn
upp í sjónvarpstæki. Níu ára dreng-
ur, sem hafði sofnað út frá tækinu,
náði að vekja móður sína og þrjú
önnur börn og komast út.
Réttlætið sigraði
Evrópudómstóllinn komst að þeirri
niðurstöðu að íslenska ríkið hefði
brotið mannréttindasáttmála Evr-
ópu um tjáningarfrelsi, þegar Þor-
geir Þorgeirsson var dæmdur fyrir
meiðyrði um lögregluna, í hæstar-
rétti árið 1987. Ríkið var dæmt til að
greiða Þorgeiri 530 þús. krónur í
skaðabætur. Þorgeir var dæmdur í
hæstarétti samkvæmt 108 gr. hegn-
ingarlaga, eins og Hallur Magnús-
son. í framhaldi af dómi Evrópu-
dómstólsins komu upp efasemdir
um réttmæti dóms yfir Halli.
Bigfoot á íslandi
Það vakti mikla athygli þegar Bigfo-
ot-bflarnir komu hingað til lands.
Þessir 16 tonna bílar sýndu víða um
Iand, tróðu á og stukku yfir bfla við
fögnuð áhorfenda.
INNLAUSNARVERÐ
VAXTAMBA VERÐTRYGGÐRA
SPARISKÍRTEINA RÍKISSJÓÐS
Í1.FLB. 1985
Hinn 10. janúar 1993 er sextándi fasti gjalddagi vaxtamiða verðtryggðra
spariskírteina ríkissjóðs með vaxtamiðum í 1. fl. B 1985.
Gegn framvísun vaxtamiða nr. 16 verður frá og með 10. janúar nk. greitt sem hér segir:
Vaxtamiði með 5.000,- kr. skírteini = kr. 532,40
" " 10.000,-kr. " = kr. 1.064,80
" " 100.000,-kr. " = kr.10.648,00
Ofangreind fjárhæð er vextir af höfuðstól spariskírteinanna fyrir tímabilið
10. júlí 1992 til 10. janúar 1993 að viðbættum verðbótum sem fylgja hækkun
sem orðið hefur á láriskjaravísitölu frá grunnvísitölu 1006
hinn 1. janúar 1985 til 3246 hinn 1. janúar 1993.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða nr.16 ferfram gegn framvísun þeirra í afgreiðslu Seðlabanka íslands,
Kalkofnsvegi 1, Reykjavík, og hefst hinn 10. janúar 1993.
Reykjavík, 31. desember 1992.
SEÐLABANKI ÍSLANDS