Fréttablaðið - 28.02.2009, Qupperneq 94

66 28. febrúar 2009 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. brennt vín, 6. hljóm, 8. andmæli,
9. fæðu, 11. tveir eins, 12. egó, 14.
söngleikur, 16. utan, 17. loft, 18. lærir,
20. í röð, 21. heimsálfa.
LÓÐRÉTT
1. mats, 3. öfug röð, 4. samhliða, 5.
sigti, 7. sósa, 10. fjör, 13. móðurlíf, 15.
hófdýr, 16. spíra, 19. ætíð.
LAUSN
„Ég gekk áfram minn veg. Niður
til heljar hér um bil. Reyndu aftur,
ég bæði sé og veit og skil. Þetta
samdi karlinn eftir að hafa lent
í tveggja daga „blackouti“ þegar
hann hafði fengið rauða spjaldið
hjá frúnni. Lögreglan farin að leita
hans og allt. Búinn að fá sér aðeins
of mikið,“ segir Tómas Hermanns-
son, útgefandi hjá Sögum.
Tómas er einhver einlægasti
aðdáandi tónlistarmannsins Magn-
úsar Eiríkssonar sem um getur.
Hann hafði lengi gengið á eftir
Magnúsi með að fá að gefa út ævi-
sögu hans, eða í þrjú ár. Og boðið
upp á ýmsa rithöfunda til að ganga
í málið. En svarið var fyrir fram-
an hann allan tímann. Sjálfur var
Tómas auðvitað maðurinn í verkið.
Hann er nú í draumastarfinu. Fæst
við að skrifa um ævi snillingsins
og segir Magnús hafa lifað ótrú-
lega viðburðaríku lífi. Verklag-
ið sem þeir hafa á er að aka um
borg og bý. Tómas keyrir, er með
segulbandstæki í gangi og Magnús
lætur dæluna ganga. „Já, og reykir
út um gluggann. Eini sénsinn til að
kallinn nenni að tala. Við keyrum
á söguslóðir. Til Keflavíkur þang-
að sem hann bauð konunni á fyrsta
ballið. Keyrum fyrir utan staði þar
sem hann hefur spilað. Og þá koma
sögurnar í kippum. Um Laugarnes-
hverfið, á Reykjanesvita, keyrum
fram hjá Höfnum þar sem Villi Vill
ólst upp. Og þá segir Magnús Villa-
sögur. Snilld. Þetta er enginn með-
almaður, Magnús,“ segir Tómas.
Hann segir flesta texta Magnús-
ar byggjast á reynslu höfundar. Og
rekur söguna á bak við Braggablús
með orðum Magnúsar: „Síðustu
virku braggahverfin í Reykjavík
voru Campknox á Meistaravöll-
um og síðan einn og einn braggi á
stangli. Bæði í Laugarneshverfinu
og uppi í Árbæ. Ég svona rétt náði
í skottið á þessum síðustu áður en
þeir fluttu alla íbúana í blokkir
sem þá var verið að reisa. Ég var
aðstoðarmaður bílstjórans og hann
lét mig stökkva út og dæla olíu á
braggana og rukka síðan fólkið
sem þar bjó. Bílstjórinn sat bara
í bílnum og keyrði á milli staða.
Kveikjan að Braggablús kom til
mín þegar bílstjórarnir fóru allt-
af sjálfir úr bílnum við ákveð-
inn bragga í Campknox, dældu á
braggann og rukkuðu konuna sem
þar bjó. Það var ljóshærð þybbin
kerling sem mátti muna fífil sinn
fegurri. Hún tók alltaf rosaleg vel
á móti þeim. Ég beið yfirleitt eftir
þeim í svona hálftíma í bílnum á
meðan.“
Tómas fæst ekki eingöngu við
útgáfu bóka heldur ætlar hann
að gefa út nýjustu Mannakorn-
splötuna sem er nú í vinnslu. Ævi-
saga Magga Eiríks kemur út fyrir
næstu jól. jakob@frettabladid.is
TÓMAS HERMANNSSON: EINA LEIÐIN TIL AÐ FÁ KARLINN TIL AÐ TALA
Ævisaga Magga Eiríks
skráð í löngum bíltúrum
MAGNÚS OG TÓMAS Þeir keyra á söguslóðir, Magnús reykir út um gluggann og lætur
dæluna ganga. FRÉTTABLAÐIÐ/GVA
PERSÓNAN
Þór Stiefel, eða Þóra Victoria.
Aldur: 41 árs, en verð 42 ára 5.
mars.
Starf: Listamaður.
Stjörnumerki: Fiskur.
Búseta: 101 Reykjavík.
Fjölskylda: Er einhleypur og á einn
son.
Þór Stiefel er fyrsti íslenski klæðskipting-
urinn, eða transinn, sem opnar heima-
síðu með myndum af sér uppáklæddum
á www.toravictoria.com.
Nýlega lauk tökum á tugmilljóna auglýsingu fyrir
gosdrykkjarframleiðandann Pepsi hér á landi. Tök-
urnar fóru fram á Skálafellsjökli og við Jökulsárlón
og stóðu yfir í tvo daga.
Tölvugerð mörgæs er í aðalhlutverki í auglýsing-
unni, sem sænski leikstjórahópurinn Traktor stend-
ur á bak við. Hópurinn þykir á meðal þeirra færustu
í heiminum á sínu sviði, enda margverðlaunaður.
Hefur hann starfað fyrir Miller Lite, Diesel, MTV
og Nike og einnig gert tónlistarmyndbönd fyrir
Madonnu, Fatboy Slim og The Prodigy. „Maður er
búinn að reyna að tæla þá til landsins lengi,“ segir
Einar Sveinn Þórðarson hjá Pegasus sem aðstoð-
aði við gerð auglýsingarinnar. „Þeir voru rosalega
ánægðir og eru spenntir að koma aftur. Það er alltaf
stór kostur. Við erum allir að leggjast á eitt með að
reyna að trekkja sem mest til landsins,“ segir hann.
Auglýsingin er aðallega ætluð fyrir Bandaríkja-
markað en verður þó líklega sýnd víðar um heim-
inn, hugsanlega á Íslandi. Þrjátíu manns tóku þátt í
tökunum, þar á meðal brellu- og tölvumeistarar, auk
þess sem þyrla var notuð á Skálafellsjökli. „Þetta
gekk rosalega vel og við náðum að nota þyrluna
heilmikið. Veðrið var rosalega fallegt á jöklinum
þennan dag,“ segir Einar.
Í auglýsingunni, sem þykir bráðfyndin eins og
flest verk Traktors, flýgur tölvugerða mörgæsin um
og gerir ýmsar kúnstir. Í lokin flýgur hún síðan úr
heimskautalandslaginu og lendir á sundlaugarbakka
í Kaliforníu. Þar mun einmitt tökum á auglýsing-
unni ljúka á næstunni. - fb
Rándýr Pepsi-auglýsing á Íslandi
PEPSI-TÖKUR Frá tökum á Skálafellsjökli fyrir Pepsi-auglýsing-
una sem leikstjórahópurinn Traktor stendur á bak við.
„Já, það hefur eitthvað verið
um það að þýfi hafi verið selt á
Barnalandi og ekki bara þar held-
ur á þessum söluvefjum eins og
haninn.is og kassi.is,“ segir Frið-
rik Smári Björgvinsson yfirlög-
regluþjónn. Gestir Barnalands,
eða www.er.is ráku upp stór augu
fyrr í vikunni þegar tilkynn-
ing frá lögreglunni birtist á for-
síðunni þar sem notendur voru
hvattir til að vera á varðbergi
gagnvart þýfi. Ólafur G. Emils-
son, aðstoðaryfirlögregluþjónn
hjá forvarnardeild lögreglunn-
ar, segir lögregluna hafa fengið
nokkur mál á sitt borð þar sem
þýfi var selt í gegnum smáaug-
lýsingar. „Við höfðum samband
við alla þessi vefi þar sem hægt
er að auglýsa varning til sölu og
báðum þá um að koma tilkynn-
ingu frá okkur á framfæri. Fólk
á að reyna að spyrja um uppruna
vörunnar og komast að því hvað-
an hún er fengin áður en samið
er um kaup. Fyrir stuttu kom upp
mál þar sem hnökkum var stolið
úr hesthúsum og þegar við höfð-
um hendur í hári þjófanna hafði
hluti hnakkanna verið seldur í
gegnum smáauglýsingar.“
Ólafur segir ástandið slæmt.
„Það er innbrotafaraldur í gangi
sem staðið hefur yfir síðan í nóv-
ember og við verðum einhvern
veginn að koma í veg fyrir að
þýfið sé selt. Það virðast ekki vera
nein takmörk fyrir því hverju er
stolið um þessar mundir.“ - jma
Reyna að selja Barnalandskonum þýfi
EKKERT ER ÓHULT Þjófar stela öllu steini léttara um þessar mundir að sögn Ólafs G.
Emilssonar aðstoðaryfirlögregluþjóns. Stafrænar myndavélar og GPS-staðsetningar-
tæki eru þar mjög vinsæl. FRÉTTABLAÐIÐ/VALLI
Hjónin Ástrós Gunnarsdóttir
dansari og Þorfinnur Ómarsson,
upplýsingafulltrúi viðskiptaráðu-
neytisins, leita nú logandi
ljósi að heimili fyrir
köttinn sinn Lubbu og
mun það vera vegna
hugsanlegra flutninga.
Heyrst hefur að þau líti
jafnvel hýru auga yfir
hafið og þá til annarra
heimsálfa.
Leikhópurinn Vestur-port gerði
góða ferð til Hong Kong nýverið
þar sem hann setti upp Hamskipt-
in í samstarfi við hið enska Lyric
Hammersmith-leikhús. Athygli vakti
að sýningin var þýdd á
hið forna tungumál,
mandarínsku og var
textanum varpað á
stórt tjald við hlið
sviðsins. Vesturp-
ort fer næst til
andfætlinga í
Ástralíu en þar
munu hjóna-
kornin Björn
Thors og
Unnur Ösp
Stefánsdóttir sameinast hópnum
enda er gert ráð fyrir 25 sýningum
á þessari mögnuðu uppfærslu.
Bjarni Harðarson ætlar að halda
uppi merkjum gamalla Framsókn-
argilda með sérframboði sínu.
Einhverjir hafa haft á orði að til hafi
staðið að listabókstafur framboðs
hans yrði R. En þegar hann hringdi
inn tilkynningu um framboðið
hafi konan á hinum enda línunnar
misheyrt ósk Bjarna þó hún hafi
spurt hann í tvígang um hvort ekki
væri rétt að um L
væri að ræða:
„Nei, R,“ mun
Bjarni hafa sagt
en konan svaraði:
„Já, einmitt. L.“
- jma, jbg
FRÉTTIR AF FÓLKI
VEISTU SVARIÐ?
Svör við spurningum á síðu 8.
1 Geir Þorsteinsson.
2 Milan Milutinovic.
3 Axel Hallkell Jóhannesson.
LÁRÉTT: 2. romm, 6. óm, 8. nei, 9.
mat, 11. ðð, 12. sjálf, 14. ópera, 16.
án, 17. gas, 18. les, 20. mn, 21. asía.
LÓÐRÉTT: 1. dóms, 3. on, 4. með-
fram, 5. mið, 7. majónes, 10. táp, 13.
leg, 15. asni, 16. ála, 19. sí.