Tíminn - 16.02.1993, Blaðsíða 6
6 Tíminn
Þriöjudagur 16. febrúar 1993
Viðskiptaráðherra fagnar frumkvæði lífeyrissjóðanna og segist munu
beita sér fyrir viðræðum um lækkun vaxta:
Stjómvökl hvetja
til viðræðna
um lækkun vaxta
Jón Sigurðsson viðskiptaráðherra hefur ritað samtökum lífeyrissjóðanna
bréf þar sem hann fagnar samþykkt framkvæmdastjómar Sambands al-
mennra lífeyrissjóða og stjómar Landssambands lífeyrissjóða, en í henni er
hvatt til samráðs um lækkun vaxta. Viðskiptaráðherra segir stjóravöld vera
tilbúin til viðræðna um lækkun vaxta og muni beita sér fyrir því að af þeim
verði.
Viðskiptaráðherra skrifaði lífeyris-
sjóðunum bréf fyrir skömmu, strax
og honum barst í hendur samþykkt
framkvæmdastjómar Sambands al-
mennra lífeyrissjóða og stjórnar
Landssambands lífeyrissjóða. í bréf-
inu fagnar ráðherra þeirri afstöðu
lífeyrissjóðanna að vilja efna til við-
ræðna um vaxtamál sem miði að
lækkun vaxta.
Viðskiptaráðherra og fjármálaráð-
herra áttu í nóvember á síðasta ári
fundi með forystumönnum lífeyris-
sjóðanna um hlut þeirra í fjármögn-
un íslenskra atvinnuvega og um
vaxtamál. Viðskiptaráðherra sagðist
líta svo á að nú sé verið að taka þráð-
inn upp að nýju í samræmi við það
sem þá var um rætt.
Jón sagði að stjómvöld muni á
næstunni gera tillögu um frekari
viðræður við lífeyrissjóðina og jafn-
framt beina því til annarra lána-
stofnana að þær komi inn í viðræð-
urnar.
„Ég hef trú á því að það sé mjög
mikilvægt núna að menn glöggvi sig
á þeim almennu atriðum í málinu,
sem stuðlað geta að raunhæfri lækk-
un vaxta. Þar em allmörg atriði, sem
hægt er að ræða og sem em að ein-
hverju leyti á valdi hins opinbera og
að einhverju leyti á valdi þátttakend-
anna á lánamarkaðinum," sagði Jón.
Jón sagði að minni lánsfjáreftir-
spum hins opinbera sé að sjálfsögðu
lykilatriði í viðleitni manna við að
ná niður vöxtum.
Hann sagði hins vegar að það sé
fleira sem skipti máli en lánsfjáreft-
irspurn ríkisins, þegar menn ræði
um háa vexti. Þessi atriði þurfi
menn að ræða. Hann sagðist því
fagna mjög fmmkvæði lífeyrissjóð-
anna í þessu máli.
-EÓ
Þau undirrituðu samstarfssamning VISA fsland og SVG. Frá
vinstri: Bjarni I. Árnason í stjóm SVG, Einar S. Einarsson fram-
kvæmdastjóri VISA ísland, Erna Hauksdóttir framkvæmdastjóri
SVG, og Wilhelm Wessmann formaður SVG.
Samstarfssamningur VISA ísland og Sam-
bands veitinga- og gistihúsa:
Island kynnt
gegnum VISA
Samband veitinga- og gistihúsa og
VISA ísland hafa gert með sér samn-
ing um að vinna sameiginlega að
landkynningu á víðum gmndvelli,
með það að markmiði að efla veg ís-
lands sem eftirsótts áfangastaðar og
ferðamannalands. Báðir aðilar leggja
til fé í sérstakan þróunarsjóð. Upp-
hafsframlag VISA ísland er tvær
milljónir kr.
Frumsýning í íslensku óperunni næstkomandi föstudag:
Sardasfurstynjan í óperunni
íslenska óperan frumsýnir óper-
ettuna Sardasfurstynjuna föstu-
daginn 19. febrúar. í helstu hlut-
verkum eru Signý Sæmundsdóttir,
Bergþór Pálsson, Þorgeir J. Andr-
ésson, Jóhanna G. Linnet, Sigurð-
ur Björnsson, Kristinn Hallsson,
Sieglinde Kahmann og Bessi
Bjarnason. Hljómsveitarstjóri er
Páll P. Pálsson, leikstjóri er Kjartan
Ragnarsson, leikmyndir gerði Sig-
urjón Jóhannsson og búninga
Hulda Kristín Magnúsdóttir. Þýð-
endur textans eru Flosi Ólafsson og
Þorsteinn Gylfason og höfundur
dansa er Auður Bjarnadóttir.
Sögusvið Sardasfurstynjunnar
eru Vínarborg og Búdapest árið
1915 þar sem aðallinn í Austurrísk-
ungverska keisaradæminu lætur
ógnir fyrri heimsstyrjaldarinnar
lítt á sig fá, en stundar skemmtan-
ir og dansiböll af kappi.
Edwin Ronald furstasonur verður
ástfanginn af hinni frægu og vin-
sælu kabarettsöngkonu Sylva Var-
escu, en föður hans líst miður á og
vill gifta strákinn Anastasíu greifa-
dóttur. Skapast af þessu bralli ýms-
ar flækjur.
Bergþór Pálsson syngur hlutverk Bonifaciusar greifa, sem kann best viö sig í hópi fagurra kvenna.
Tímamynd Sigursteinn
Hlutverk þróunarsjóðsins er m.a. að
stuðla að útgáfu kynningarefnis um
land og þjóð, sem í verði t.d. létt get-
raun um íslensk málefni þar sem vinn-
ingar verði ferðir til íslands. VISA ís-
land ætlar í gegnum alþjóðleg sam-
bönd sín við VISA- fyrirtæki um heim
allan sjá um að kynningarbæklingum
verði dreift til markhópa í öðrum
löndum. Byrjað verður á að senda slík-
an bækling til 500.000 VISA-gullkort-
hafa á Ítalíu. Síðar verður sami háttur
hafður á við gullkorthafa í Belgíu, Hol-
landi, Spáni, Bretlandi og hugsanlega
einnig í Japan og S-Afríku. Samhliða
þessu hafa VISA ísland og SVG gengið
frá samningi um sérstök fríðindi VISA
gull- og farkorthafa hjá hótelum og
gististöðum innan SVG. Þeim munu
standa til boða bestu kjör á gistirými
viðkomandi hótela, forgangsþjónustu,
uppfærslu í betra herbergi og að halda
herbergjum sínum lengur fram á
brottfarardag, sé þess kostur. Þá hafa
verið gerðir sérsamningar við einstaka
veitingastaði um afsláttarkjör, sé greitt
með VISA gull- eða farkorti.
Lögguklippurnar
komnar á loft
Eigendur óskoðaðra bfla mega fara að
vara sig, því þessa dagana klippir lög-
reglan í Reykjavík og nágrenni númerin
af þeim í gríð og erg. Nokkur hundruð
bíla hafa þannig misst númerin síðustu
sólarhringa.
Tálið er að mörg hundruð bílar séu
óskoðaðir eða að ekki hafi verið mætt
með þá til endurskoðunar. Þar af eru
fleiri en áður í heillegu ásigkomulagi,
eins og fulltrúi lögreglu komst að orði.
Eigendur geta orðið fyrir verulegum
óþægindum, þar sem númer bifreiðanna
eru send inn í Bifreiðaskoðun. Þangað
verða eigendur að koma og greiða rúm-
ar 3.000 kr. í skoðunargjald og einhverja
sekt til viðbótar.
Matthías Bjarnason um sparnaðarleiðir núverandi heilbrigðisráðherra:
EINKENNAST AF LOSARABRAG
,JHér finnst allt of mikill losarabragur á því, sem verió er að gera. Það er eitt
í dag og annað á morgun. Fólk er orðið svo ruglað í þessu," segir Matthías
Bjaraason, alþingismaður og fyrrum heilbrigðisráðherra, um sparaaðar-
leiöir núverandi heilbrigðisráðherra.
Hann telur að það hefði átt að lög-
binda réttargeðdeild innan geð-
deildar Kleppsspítalans, í stað þess
að reisa hana á Sogni.
,>lér finnst margt hafa verið gert
öfugt við það sem ég hefði viljað í
heilbrigðismálum," bætir Matthías
við. Hann bendir á lokun bæklunar-
deildar Landspítalans í þrjá mánuði
í haust sem dæmi. Þá finnst Matthí-
asi að sífelldar breytingar á reglu-
gerðum ráðuneytisins bera vott um
hringlandahátt. „Mér finnst það ekki
nógu „stabílt" sem þeir eru að gera.
Það er gefin út reglugerð og eftir
stuttan tíma er allt gjörbreytt. Það
þarf að hugsa til lengri tíma um það
sem er nauðsynlegt að gera. Ég hef
ekkert á móti því að reynt sé að
spara í heilbrigðiskerfinu, en það
dugar ekki að draga það mikið úr
þjónustunni að það komi niður á
sjúklingum," segir Matthías.
Hann víkur talinu að málefnum
aldraðra og öryrkja. „Menn segja að
öryrkjar og aldraðir eigi ekki að
borga nema eitthvað takmarkað. Þá
er að meira og minna leyti farið í
kringum það. Sum Iyf, sem þessir
sjúklingar þurfa á að halda, eru ekk-
ert niðurgreidd af samfélaginu. Þess
vegna finnst mér að eitt kort ætti að
sýna allan þann kostnað sem fólk
þyrfti að greiða. Þegar honum er
náð, á samfélagið að taka við,“ segir
Matthías.
Matthías hefði farið öðruvísi að
með réttargeðdeildina að Sogni í
Ölfusi.
„Það er komið ofboðslega mikið
fjármagn í þetta," segir Matthías og
á við stofnkostnað, breytingar og
rekstrarkostnað, en sú upphæð
nemur samtals hátt í 160 millj. kr.
Þess má geta að 18 gæslumenn gæta
7 vistmanna á þessari stofnun, sam-
kvæmt upplýsingum frá Heilbrigð-
isráðuneytinu í haust sem leið.
„Þessi breyting og rekstrarkostnað-
ur er óhemju mikill í kringum ekki
fleiri sjúklinga. Ég tel að það hefði
verið hægt að binda í lög aö deildin
yrði staðsett á Kleppsspítala. Það er
ekki sama álag og áður var á geð-
sjúkrahúsum landsins. Með nýjum
lyfjum þarf fólk ekki liggja eins mik-
ið inni og áður var. Það var sjálfsagt
að velja þá leið sem var ódýrust, í
stað þess að fara út í þetta bákn,“
segir Matthías.