Tíminn - 29.09.1993, Blaðsíða 2

2 Tíminn
Miðvikudagur 29. september 1993
Ríkið eignast
hluta af
Látrabjargi
stjómin hefur samþykkt til-
Össurar Skarphéðinssonar
Rflcisst
lögu
umhverfisráöherra um að kaupa
Bæjarbjarg í Rauðasandshreppi.
Bjargið er hluti af Látrabjargi og
hefur að geyma meira en helming
af sjófuglabyggð í Látrabjargi.
Kaupverðið er einungis 800 þús-
und krónur.
Látrabjarg er stærsta fuglabjarg í
Norður-Atlantshafi. Bjargið er á
náttúruminjaskrá. Það þýðir að rík-
ið á forkaupsrétt þegar viðskipti eiga
sér stað með slík svæði. í sumar stóð
til að selja Bæjarbjargið, en Nátt-
úruvemdarráð óskaði eftir því við
umhverfisráðherra að hann hlutað-
ist til um að ríkið gengi inn í samn-
inginn.
„Náttúruvemd er einna efst á for-
fmgslista þessa umhverfisráðherra.
g tel þetta mjög mikilvægan
áfanga að því markmiði að ná tökum
á bjarginu þannig að hægt verði að
stjóma nytjum og umferð að bjari
inu,“ sagði Össur. -E'
w Friðargæsla og kosningaeftirlit:
Islendingar út
á vegum SÞ
Tveir íslendingar, Nagnús Bjama-
son og Björn Jónsson, voru nýlega
ráðnir til fríðargæslustarfa á vegum
Sameinuðu þjóðanna í Júgóslavíu
og Sómalíu. Þeir voru valdir af lista
sem íslensk stjóravöld komu á
framfæri við Sameinuðu þjóðiraar í
kjölfar óska um tilnefningar fólks
Framsóknarkonur:
Gegn
heilsu-
korta-
skatti
til starfa við borgaraleg friðar-
gæslustörf.
Þá hefur Ólafur Þ. Harðarson,
stjómmálafræðingur við Háskóla ís-
lands, verið valinn af Sameinuðu
þjóðunum til að taka þátt í kosn-
ingaeftirliti og fylgjast með fyrstu
ftjálsu kosningunum í Eritreu í Afr-
íku. Ólafur Þ. Harðarsson hafði fyrr
á þessu ári verið tilnefndur af utan-
ríkisráðuneytinu sem aðili héðan
sem gæti tekið þátt í slíku kosninga-
eftirliti. -BG
Islenski dansflokkurinn.
20. starfsár íslenska dansflokksins:
3 uppfærslur á árinu
Tuttugasta starfsár íslenska dansflokksins hófst 1. september
meö æfingum á Coppelíu, sem sýnd verður í íslensku Óper-
unni í október og nóvember. Auk dansara flokksins taka um 30
nemendur skólans þátt i sýninunní og 23 manna hljómsveit.
Coppelía var frumsýnd sl. vor undir stjóm Evu Evdokimova og
var sýningunni vel tekið.
Eftir áramót verður flokkurinn með
sýningu í Þjóðleikhúsinu. Á efnisskrá
verða fjögur ólík verk. Ballettamir
Sundances og Adieu eru eftir Lamros
Lambrou. Lambrou er ættaður frá
Kýpur en býr í Bandaríkjunum.
Sundances er samið fyrir 12 dansara
við tónlist eftir Grikkjann Markopol-
us. Adieu var samið nú í haust og
frumsýnt af Ballet Austin í Texas þar
sem Lambrou hefur verið listdans-
stjóri undanfarin ár. Verkið er samið
fyrir 6 dansara við tónlist eftir Chop-
in, Barböru Streisand, Smith og
Mascagni. Frumsýning er áætluð
upp úr miðjum febrúar.
Auk verka Lambrous verða tvö ný
dansverk á efnisskránni sem sérstak-
lega eru samin fyrir íslenska dans-
flokkinn, eftir þær Maríu Gísladótt-
ur, listdansstjóra ogAuði Bjamadótt-
ur, danshöfund og kennara.
Þriðja uppfærsla dansflokksins á
þessu starfsári verður sýning á Lista-
hátfð í Reykjavík í júní. Þremur ís-
lenskum danshöfundum, þeim Helga
Tómassyni, Hlíf Svavarsdóttur og
Nönnu Ólafsdóttur hefúr verið boðið
að semja fyrir flokkinn að því tilefni.
Fjórir nýir dansarar komu til liðs
við íslenska dansflokkinn í haust,
þau Andrew Mitchell og Paola Vill-
anova á fúllan samning en Jóhann
Björgvinsson og Katrín Ingvadóttir
voru ráðin á nemendasamning til
áramóta.
Framkvæmdastjóm Landsam-
bands framsóknarkvenna ákvað á
fundi sínum fyrir skömmu að
mótmæla harðlega hugmyndum
Guðmundar Áma Stefánssonar,
heilbrigðisráðherra um útgáfu
svonefndra heilsukorta. í ályktun
LFK kemur fram að landsamband-
ið telur að hér sé um nýja skatt-
heimtu að ræða sem óhjákvæmi-
lega muni bitna verst á þeim sem
lakast em settir í þjóðfélaginu.
„Stjóm LFK telur að nær væri að
beina aukinni skattheimtu að stór-
eignamönnum og hátekjufólki í
stað þess að seilast dýpra í vasa
þeirra sem minna mega sín,“ segir
í ályktun framsóknarkvennanna.
-BG
Sameinuð sterk sveitarfélög eru líklegri til að ráða við atvinnuleysisvandann en lítil. Þing
Sambands launafólks á Suðurnesjum:
Lágu launin eru eitt
mesta þjóöfélagsbölió
Jóhann Geirdal, formaður Verslunarmannafélags Suðurnesja og
formaður Sambands launafólks á Suðurnesjum, segir að það sem
brennur einna mest á launafólki um þessar mundir sé atvinnuleys-
ið, vandamál sem skapast vegna lágra launa, fyrirhugaðar álögur
stjómvalda í heilbrígðismálum en síðast en ekki síst aðfarir at-
vinnurekenda að réttindum launafólks.
Nýverið hélt Samband Iaunafólks á
Suðumesjum, SLS, sitt fyrsta þing
en sambandið var stofnað í apríl sl.
Innan vébanda þess eru átta stéttar-
félög á Suðurnesjum með hátt í 5
þúsund félagsmenn, eða sem nemur
um þriðjungi íbúa á svæðinu. „Þetta
eru valdalaus regnhlífasamtök, en
afar mikilvæg sem sameiginlegur
vettvangur fyrir stéttarfélögin," seg-
ir formaðurinn.
f ályktunum þingsins er m.a. skor-
að á alla aðila sem koma nálægt at-
vinnumálum á Suðurnesjum að búa
sig undir stórátak á því sviði, enda sé
atvinnuleysið alvarlegasti vandinn
Uthlutun úr Bamaverndarsjóöi
Fyrsta úthlutun úr Bamavemdarsjóði hefur farið fram. Auglýst var
eftir umsóknum og bámst sjóönum samtals 11 umsóknir um fjár-
stuðning tii margra áhugaverðra verkefna. í Ijósi þess hversu sjóð-
urinn er enn sem komiö er ekki mikils megnugur, treysti sjóðs-
stjómin sér einungis til þess að styrkja þrjú verkefni. Þau em:
1. Gerð fræðslumyndbands um
bamavemd á íslandi. 600 þús. kr.
styrkur til Plús film.
2. Leikgerð úr bókinni „Gúmmí-
endur synda ekki“ sem fjallar um
áhrif alkóhólneyslu foreldra á börn.
50 þús. króna styrkur til Súsönnu
Svavarsdóttur og Eddu Björgvins-
dóttur.
3. Undirbúningur verkefnisins
„Geram bæinn betri fyrir böm“. 50
þús. króna styrkur til Slysavama-
deildarinnar Ingólfs með vilyrði um
viðbótarstyrk á næsta ári ef sam-
vinna næst á breiðum grandvelli
um framkvæmd verkefnisins.
Bamavemdarsjóður var stofnaður
á síðastliðnu ári í tilefni af 60 ára af-
mæli Bamavemdarráðs íslands af
framlögum sem Bamavemdarráði
höfðu borist úr Líknarsjóði íslands
og Barnaverndarsjóði Knuds Knud-
sen. Markmið sjóðsins er að stuðla
að forvömum á sviði bamavemdar
og að upplýsa almenning um barna-
vemd.
Tekjur sjóðsins era gjafir og áheit.
Aðsetur sjóðsins er á skrifstofu
Barnavemdarráðs íslands.
Stjóm Bamavemdarsjóðs skipa
þau Vilhjálmur Árnason heimspek-
ingur, Rannveig Jóhannesdóttir
kennari og Þórann J. Hafstein lög-
fræðingur. Varamenn í stjóm era
þau Ólöf Sigurðardóttir kennari og
Jón Kristinsson læknir.
sem takast verður á við. Viðbúið sé
að fækkun starfsmanna á Keflavík-
urflugvelli geti aukið enn á vandann
ef ekki verður bragðist rétt við og í
tíma. Bent er á að sameinuð sterk
sveitarfélög séu líklegri til að ráða
við atvinnuleysisvandann en lítil.
Jafnframt megi ekki togstreita um
staðsetningu og tekjur fyrirtækja
spilla fyrir þeirri uppbyggingu.
Þá telur þingið mjög athugandi að
tengja störf atvinnumálanefnda
beint við skipulagða vinnumiðlun,
sem starfar fyrir öll Suðumes og
hefur framkvæði að nýsköpun, og
t.d. tengdri starfsemi Atvinnuþróun-
arfélagsins og Eignarhaldsfélagsins.
Að mati þingsins era lágu launin
eitt mesta þjóðfélagsbölið sem veld-
ur margvíslegum félagslegum
vanda. Eðlilegar áhyggjur launa-
fólks af afkomu sinni og fjölskyldna
getur haft áhrif á mætingu fólks til
vinnu og afköst sem hlýtur að vera
umhugsunarefni fyrir atvinnurek-
endur. Lagt er til að forgangskrafan í
næstu samningum verði hækkun
lægstu launa.
Þingið mótmælir auknum álögum
á fólk sem leita þarf aðstoðar í heil-
brigðisþjónustuni og telur fram-
komnar tillögur um heilsukort með
öllu óásættanlegar.
Þá varar þingið eindregið við þeirri
þróun sem virðist færast í vöxt að at-
vinnurekendur notfæri sér erfið-
leika launafólks til að neyða það til
að afsala sér áunnum réttindum, t.d.
með því að gerast „verktakar". Við
það missir fólk nauðsynlegar trygg-
ingar s.s. í slysa- og veikindatilfell-
um, orlofs- og lífeyrisréttindi.
-grii
Engar regl-
ur til um
öryggi sund-
gesta
Engar reglur eru til um öryggi
sundlaugargesta og Vinnueftirliti
ríkisins hefur ekki verið falið að
taka út eða gegna eftirlitshlut-
verki á þessu sviði. Vinnueftiriitið
segir það því vera misskilning að
það hafi tekið út vatnsinntak
rennibrautar í sundlauginni í
Kópavogi. Því hefur ítrekað verið
haldið fram, í tengslum við slysið
sem varð í Kópavogslaug fyrir
helgi, að það hafi Vinnueftirlitið
gert
í menntamálaráðuneytinu er ver-
ið að undirbúa gerð reglna um ör-
yggi sundlaugargesta. Við gerð
þeirra verður leitað samráðs hjá
ýmsum aðilum þar á meðal hjá
Vinnueftirlitinu. -EÓ