Tíminn - 29.06.1994, Blaðsíða 6
6
Mi&vikudagur 29. júní 1994
UR HERAPSFRETTABLÖÐUM
VESTMANNAEYJUM
Fleiri farþegavél-
ar lentu í Eyjum
en Keflavík í fyrra
Sé mibað viö íbúafjölda er flug-
umferð um Vestmannaeyjaflug-
völl sú langmesta á landinu, en
sé litið framhjá höfðatölunni er
hann þriðji stærsti innanlands-
flugvöllurinn með 78.599 far-
þega á síöasta ári. Aöeins
Reykjavíkurflugvöllur og Akur-
eyrarflugvöllur geta státað af
fleiri farþegum.
Um Vestmannaeyjaflugvöll
fóru 12% allra farþega í innan-
landsflugi 1993 eða 78.599
manns, sem er 5% fækkun frá
árinu á undan. Um Reykjavík-
urflugvöll fóru 282.469 farþeg-
ar, sem er 43% hlutdeild, og
113.667 farþegar um Akureyrar-
flugvöll, 17,4%, en á báðum
þessum völlum fækkaði farþeg-
um um 11%. Hlutur Vest-
mannaeyja í innanlandsfluginu
hefur vaxið mikið undanfarin
ár, á meðan hlutur stærstu vall-
anna hefur minnkaö. Sést það
af því aö árið 1990 fór 61.101
farþegi um Vestmannaeyjaflug-
völl, 297.299 um Reykjavíkur-
flugvöll og 120.305 um Akur-
eyrarflugvöll.
Til gamans má geta aö flugtök
og lendingar farþega- og leigu-
flugvéla á Keflavíkurflugvelli
voru 9.146 eða 1586 færri en á
flugleiöunum í Eyjum.
Rábist til atlögu
vib uppblástur í
Molda og Heima-
kletti
Nýlega flutti þyrla Landhelgis-
gæslunnar 3,5 tonn af fræi og
áburði upp í.Molda og 350 kg í
Heimakíett og er ætlunin að
græða upp svæði sem blásið
hafa upp á undanförnum árum.
Ragnar Baldursson, verkstjóri
hjá bænum, sagði að svæðið í
Molda ofan við Friðarhöfn
hefði blásið mikið upp á undan-
förnum árum, en nú sé ætlunin
að snúa vörn í sókn. „Fyrst
verða rofabörö átungin niður og
síðan sáð í og áburður borinn á.
Einnig er ætlunin að sá í gróð-
urlendið sem eftir er, til aö
styrkja gróðurinn og reyna
þannig að stöðva uppblástur-
inn. Þetta var gert í Sæfjalli fyrir
nokkrum árum með góðum ár-
angri.
Þetta verk er eitt af átaksverk-
efnum sumarsins og verður fólk
af atvinnuleysisskrá ráðiö til
verksins. í Heimaklett fara 350
kg og ætla lundakarlar í Klettin-
um og áhugamenn um upp-
græðslu að sá í hann norðan-
veröan og einhverju ætla þeir
að sá í Miðklett," sagöi Ragnar.
Gróðureyðing í Molda, Heima-
kletti, Miökletti og fleiri stöðum
í Heimaey hefur verið mörgum
þyrnir í augum, en nú á að snúa
þessari óheillaþróun við og ráð-
ast að rótum vandans. Hlýtur
þetta aö vera mörgum Eyja-
manninum gleðiefni.
Þyrlan tekur áburö og frœ, sem
hún flutti upp á Molda og
Heimaklett.
Quðurnesja
gTTiR
Söfnunarátak Brossins:
1,5 milljón á ein-
um degi
Rúmlega ein og hálf milljón
safnabist í söfnunarátaki Bross-
ins og Rauðakrossdeildarinnar á
Suðurnesjum handa því fólki,
sem missti eigur sínar í brunan-
um í stóru blokkinni á dögun-
um.
Söfnunin stóð yfir í átta tíma
og tókst í alla staði mjög vel.
Fólk gat komið meö bein fram-
lög til Rauða krossins og einnig
var hægt að hringja inn og
kaupa sér lag til spilunar á Bros-
inu eða kaupa út önnur.
Guðmundur R.J. Guðmunds-
son, formaður neyðarnefndar
R.K. á Suðurnesjum, sagðist
mjög ánægður með söfnunina.
Hann sagði að peningarnir yrðu
notaðir til að hjálpa þeim sem
hefðu verið með allt sitt ótryggt
í brunanum, tryggingarnar
myndu bæta tjón hinna. „Nú
förum við bara í það ab meta
sjálfir hjá hverjum hinna
ótryggðu tjónib var mest og
deila síban út peningum í sam-
ræmi við það," sagði Guðmund-
ur.
Jóhann Geirdal, formaður hús-
G ubbrandur Einarsson útvarps-
stjóri afhendir Císla Vibari Harb-
arsyni afrakstur söfnunarinnar.
stjórnar blokkarinnar, sagði að
hann væri mjög þakklátur íbú-
um á Suðurnesjum fyrir góö
viðbrögö í söfnuninni. Hann
sagði aö þessi eina og hálfa
milljón væri aö meðaltali 600
kr. á hvert heimili í Keflavík og
Njarðvík, sem væri mjög gott,
sérstaklega á þessum erfiðu tím-
um, þegar þröngt er í búi hjá
mörgum. Endurbygging blokk-
arinnar gengur vel.
Þess má geta að nú er talið að
alls hafi tæpar fimm milljónir
safnast í átakinu til að bæta hag
þeirra, sem verst urðu úti í
brunanum.
Hrafna-Flóki mál-
abur grænn
Einhverjir aðilar máluðu dag-
inn fyrir 17. júní fætur marm-
arastyttunnar af Hrafna-Flóka
græna. Styttan, sem gefin var ís-
lensku þjóðinni af listamannin-
um Mark Ebbert og Vamarlð-
inu, stendur á reit við gömlu
flugstöðina.
Að sögn Friðþórs Eydal, blaða-
fulltrúa Varnarlibsins, er nú ver-
ið að rannsaka hverjir voru
Frá afhendingu styttunnar.
þarna að verki, en varnarliðs-
mönnum finnst þessi verknaður
mjög miður.
Davíð Oddsson forsætisráð-
herra tók á móti gjöfinni fyrir
nokkru fyrir hönd íslensku
þjóðarinnar við hátíðlega at-
höfn.
Gjaldþrotum
fjölgar stórlega
Fjöldi gjaldþrotabeibna hjá
Héraösdómi Norðurlands vestra
hefur aukist gífurlega frá síðasta
ári. Þegar hafa borist 11 fleiri
beibnir en allt árið í fyrra, eða
35 að tölu. Samþykktar hafa
verið 24 gjaldþrot, eða sami
fjöldi beiðna og barst allt síð-
asta ár.
Sex beiðnir hafa verið aftur-
kallaðar eða felldar niður.
Nokkrar bíða afgreiðslu.
Samkvæmt upplýsingum Hall-
dórs Hallssonar héraösdómara
er bæöi um fyrirtæki og einstak-
linga að ræba nokkuð jöfnum
höndum.
Gjaldþrotabeiðnirnar komu
flestar úr Húnavatnssýslum, 23
að tölu, 8 frá Siglufirbi og 4 úr
Skagafjarðarsýslu.
Unglingar á
Skagaströnd læra
til sjós
Björgunarskóli sjómanna í
skipinu Sæbjörgu var staddur á
Skagaströnd á dögunum. Auk
þess var efnt til námskeiða fyrir
sjómenn á smærri og stærri bát-
um í öryggis- og björgunarmál-
um. Skólinn er með nýjungar í
farteskinu, svokallaðan sjó-
mannaskóla fyrir unglinga, og
eru um 26 ungmenni á Skaga-
strönd á aldrinum 15-18 ára að
iæra til sjómennsku á fiskibát-
um.
Námsefniö er miöað við að
gera unglingunum grein fyrir
lífinu um borð i fiskibátum
fyrstu daga sjómennskunnar og
kynna þeim umhverfið, sem
blasir við þeim á sjónum.
Námskeib í jóga
og hugleiöslu
Russell og Gunilla Bradshaw
efna til námskeiðs í jóga og
hugleiðslu í Sri Chinmoy-setr-
inu að Hverfisgötu 76 dagana
30. júní til 2. júlí. Aðgangur að
námskeiðinu er ókeypis og eru
allir velkomnir me&an hús-
rúm leyfir.
Kennslan fer fram kl. 20-22, en
á laugardaginn er jafnframt
kennt milli kl. 15-17. M.a. verð-
ur fjallaö um það hvernig jóga
og hugleiðsla samrýmast guð-
fræði og sálfræði, auk þess sem
farið er í einbeitingar- og hug-
leiðsluæfingar^
Russell Bradshaw er prófessor í
sálarfræði við City University í
New York, en Gunilla kona
hans, sem starfar við Ijóðaþýð-
ingar, er með guöfræðipróf frá
háskólanum í Uppsölum. SÍ.
fimmtán ár hafa þau hjónin ver-
ið lærisveinar jógameistarans Sri
Chinmoys í New York, að því er
segir í fréttatilkynningu.
Sri Chinmoy-samtökin á ís-
landi voru stofnsett 1973 og
störfuðu þá í nokkur ár. Síðan lá
starfsemin niðri um nokkurt
skeið, en hefur nú fariö fram
óslitið frá 1986.
Nánari upplýsingar um nám-
skeibið eru veittar í símum
25676 o
Sri Cinmoy.
Styrktarfélag krabbameinssjúkra barna hyggst kanna
andleg og líkamleg eftirköst lœknismebferbar:
Mörg börn fá eftir-
köst eftir krabba-
meinsmeðferð
Styrktarfélag krabbameins-
sjúkra barna í Noregi baub
nýlega fulltrúum félaganna
annars staðar á Norðurlönd-
um til ráðstefnu um eftirköst
krabbameins og krabba-
meinsmeðferðar hjá börn-
um. Félögin munu nú í
fyrsta sinn beina sjónum sín-
um að þeim hópi barna, sem
hefur fengiö ýmis eftirköst,
bæði andleg og líkamleg, eft-
ir krabbameinsmeöferð.
„Um þessi vandamál hefur
lítið verið fjallað fram að
þessu, en vegna framfara í
læknavísindum læknast æ
fleiri börn af krabbameini,"
segir í fréttatilkynningu frá
Styrktarfélagi krabbameins-
sjúkra barna á íslandi. „Hins
vegar fá mörg þeirra eftirköst,
sem valda því að þau geta ekki
lifað jafneblilegu Iífi og ef þau
hefðu ekki fengið sjúkdóm-
inn."
Könnun hefur farið fram á
þessu í Noregi og stefnt að
samsvarandi könnunum á
hinum Norðurlöndunum.
Áformað er að safna því, sem
ritað hefur veriö um eftirköst
barna og ungmenna. Farið
verður fram á að sjúklingar fái
upplýsingar um meðferð sína,
þegar henni lýkur. Og síðast
en ekki síst eru fyrirhugaðir
fundir með ungmennunum og
því fólki sem tengist meðferð
krabbameinssjúkra barna. ■
Sjö manna heim-
ili fyrir aldraba
Heimili fyrir aldraða með
heilabilunareinkenni hefur
veriö opnað aö Logafold 56
í Reykjavík. Reykjavíkur-
deild Rauða krossins rekur
heimiliö í samvinnu viö Fé-
lagsmálastofnun Reykjavík-
urborgar, en þar veröa sjö
manns.
í fréttatilkynningu frá Rauða
krossinum kemur fram aö
heimili af þessu tagi þyki besti
kostur í umönnun aldraðra
sem hafi einkenni heilabilun-
ar, en geti ekki dvalist í
heimahúsum. Síðan segir:
„Þessir einstaklingar eiga oft
í miklum erfibleikum með að
bjarga sér hjálparlaust í hinu
flókna neysluþjóðfélagi nú-
tímans, sérstaklega þó þeir
sem eru einstæðingar og njóta
ekki aöstoðar fjölskyldu eða
vandamanna. Oft eiga þeir
ekki annarra kosta völ en ab
fara á stofnanir, sem ekki eru
sniðnar fyrir þarfir þeirra og
henta þeim illa sökum stærð-
ar og margmennis.
Þessum sömu einstaklingum
hentar best umhverfi, sem lík-
ist sem mest venjulegu heim-
ili þar sem þeir njóta daglegr-
ar aðstoðar við daglegar þarf-
ir. Þörfin fyrir þjónustu af
þessu tagi er mjög mikil hér-
lendis. Talið er að ekki veiti af
að minnsta kosti 10 slíkum
heimilum í Reykjavík til að
mæta núverandi þörfum.
Á vegum Reykjavíkurdeildar
Rauða kross íslands eru nú
reknar tvær dagvistarstofnanir
fyrir aldraða: Múlabær, sem er
dagvistun fyrir aldraða og
fatlaða og rekin í samvinnu
við SÍBS og Félag eldri borg-
ara, og Hlíðabær, sem er dag-
vistun eingöngu ætluð öldr-
uðum með heilabilunarein-
kenni."