Tíminn - 11.01.1995, Síða 6

6<~

Mi&vikudagur 11. janúar 1995
UR HERAÐSFRETTABLOÐUM
SlMriim Irinm-1 mmglyilmtmblmilS * ímimrmnJmM
KEFLAVIK
Stórgjöf til Sjúkrahúss
Suöurnesja:
Kvibsjá sem
veldur byltingu í
skurbabgerbum
Nýtt kvi&sjártæki sem gef-
ib hefur verið til Sjúkrahúss
Suðurnesja veldur byltingu í
skurðaögerðum á sjúkrahús-
inu. Þetta sagði Ólafur
Hákansson, læknir við SHS,
við formlega móttöku tækis-
ins fyrir skömmu. Það eru
Lionsklúbbur Keflavíkur, Ki-
wanisklúbbur Keflavíkur og
Lionessuklúbbur Keflavíkur
sem gáfu tækið en heildar-
verð þess er metið tæpar 3,3
milljónir króna.
Kviðsjártækið saman-
stendur af fullkominni
myndbandsupptökuvél sem
sett er upp á tilheyrandi
sjónpípu, öflugur ljósgjafa,
loftgjafa, sjónvarpsskjám og
myndbandstæki. í stuttu
máli þá gerir tækið læknum
kleift ab gera aðgeröir í
gegnum lítil „hnappagöt" á
sjúklingum í stað þess að
þurfa að skera stóra skurbi.
Nú rýna læknarnir í Keflavík
í sjónvarpsskjái í stað þess.
Með kviðsjártækinu er
hægt ab skoða liði, loftrúm í
höfbi, kviðinn og í raun alla
staði mannslíkamans þar
sem hægt er ab fara inn með
„kíki".
Lobnuflokkunarstöð og
stálþil í Helguvík:
Framkvæmdir
ganga vel
Framkvæmdir við bygg-
ingu loðnuflokkunarstöbvar
í Helguvík ganga mjög vel.
Um er að ræða 600 fermetra
stálgrindarhús. Lokið hefur
verið við stálgrind og klæð-
ingu og verið er að steypa
gólfplötuna.
Við hliðina á flokkunar-
stöbinni er síðan að hefjast
bygging á tveimur tvö þús-
und tonna loönutönkum.
Það eru Helgavíkurmjöl hf.
og SR-mjöl hf. sem standa að
byggingu flokkunarstöðvar-
innar.
Þorsteinn Erlingsson hjá
Helguvíkurmjöli hf. er
ánægður meb gang mála en
sagði kraftaverk ef fram-
kvæmdum lyki fyrir mibjan
febrúar eins og að var stefnt.
T.d. vantar enn rafmagn á
svæðið.
Enn er verið að vinna í
kaupum á loðnuverksmiðju
frá Noregi og nú er fulltrúi
frá íslandi í viðræðum fyrir
Helgavíkurmjöl við norska
Fulltrúar félaganna sem gáfu kviösjártœkiö ásamt stjórnarformanni
Sjúkrahúss Suöurnesja.
eigendur loðnubræðslu.
Loönuverksmiðjan verður
staðsett niðri á hafnarsvæð-
inu og verður því ekki sýni-
leg nema frá sjó.
Neskaupstaður:
íslensk getspá
styrkir mæbra-
styrksnefndir
í desember sl. afhenti ís-
ensk getspá mæðrastyrks-
nefnd Kvenfélagsins Nönnu
fimmtíu þúsund krónur ab
gjöf, en alls gaf íslensk get-
spá eina milljón króna til
mæbrastyrksnefnda um allt
land. Þetta er í annað sinn
sem ísensk getspá styrkir
mæðrastyrksnefndir með
fjárframlagi.
Menningarsjóbir
Austur- kaftfellinga:
Karlakórinn og
Leikfélagib
fengu hæstu
styrkina
Nýlega var úthlutað úr
Menningarsjóbi Austur-
Skaftfellinga en það er kaup-
félagið sem ávaxtar þann
sjóð. Alls var úthlutab 620
þúsundum króna til 17 að-
ila.
Hæstu styrkina fengu
Karlakórinn Jökull og Leikfé-
lag Hornafjarðar.
Jökull fékk styrk vegna
karlakóramóts í maí nk. og
Leikfélagib til framkvæmda
vib aðsetur félagsins. Hvor
aðili um sig fékk 100 þúsund
krónur.

Séö yfir hafnarsvœöiö íHelguvík ofan afberginu. Bygging stálgrindar-
hússins gengur vel.
AKUREYRI
Innanlandsflug Flugleiba:
Aukning í far-
þegaflutningum
til og frá Akureyri
Veruleg aukning var á far-
þegaflutningum til og frá
Akureyri á vegum Flugleiða
árið 1994. Alls voru fluttir
106.656 farþegar en árið
1993 voru þeir 100.374 sem
er aukning um 6.2%. Einnig
var aukning í fraktflutning-
um á þessari leið. Árið 1994
voru flutt 574 tonn af frakt
en árib ábur 560 tonn.
Samkvæmt upplýsingum
frá Bergþóri Erlingssyni, um-
dæmisstjóra Flugleiða á
Norðurlandi, eru ástæður
þessarar aukningar betri
markaðssókn bæði erlendis
og innanlands og stundvísi.
Aukning varð alla mánuði
ársins nema í janúar en þá
gekk illa að fljúga. Flug féll
niður 10 daga á árinu, þar af
5 daga í janúar.
Á síðasta ári fluttu Flug-
leiðir 258.070 farþega innan-
lands á máti 250.211 árið
1993. Þar af voru flutningar
til og frá Norðurlandi tæp-
lega 49% af heildarflutning-
unum en voru 45% árið
1993.
Sauðárkrókur:
Hegranes SK ann-
ar aflahæsti ísfisk-
togari landsins
ísfisktogarar Skagfirðings
hf. á Sauðárkróki öfluðu
mjög vel á árinu eða alls
7.656 tonn og heildarafla-
verömæti 854 milljónir
króna. Hegranes SK-2 var
aflahæst með 2.263 tonn og
aflaverðmæti 244.1 millj.
króna og er togarinn annar
aflahæsti ísfisktogari lands-
ins samkvæmt þeim tölum
sem liggja fyrir.
Aflahæstur er „gamla"
Gubbjörg ÍS- 46 frá ísafirði
með 2.859 tonn og 254.1
millj. kr. aflaverðmæti en þó
var togarinn aðeins á veið-
um til 16. september.
Næstaflahæstur Saubár-
krókstogaranna er Skagfirð-
ingur SK-4 með 1.932 tonn
og 238 milljónir í aflaverð-
mæti. Skafti SK-3 með 1784
tonn og 210 milljónir króna
og loks Drangey SK-1 með
1677 tonn og 161.5 millj. kr.
aflaverðmæti. Sá togari var
bæði frá í einn mánuð vegna
viðhalds og eins var minni
útflutningur á afla af þeim
togara en hinum þremur.
Frá undirritun samninga á dögunum.
Scaniaumboðið
verður hjá Heklu
Þann 19. desember síðastlibinn
var undirritaður í Södertálje í
Svíþjób umboðssamningur
milli Scania og Heklu hf.
Samninginn undirrituðu fyrir
hönd Scania, Göran Löfgren
forstjóri og Urban Erdtman
framkvæmdastjóri, og fyrir
hönd Heklu þeir Sigfús Sigfús-
son forstjóri og Sverrir Sigfús-
son framkvæmdastjóri.
Samningurinn tekur gildi þann
11. febrúar n.k. og felur í sér sölu
á Scania vörubifreibum, hópbif-
reiðum og strætisvögnum hér-
lendis ásamt viðgerða- og vara-
hlutaþjónustu því samfara.
Scania hefur átt miklum vin-
sældum að fagna á íslandi og eru
nú á skrá samtals 1.041 vörubif-
reiðir, hópbifreiðir og strætis-
vagnar á öllu landinu, eða um
30% af heildarflotanum. Scania-
verksmibjurnar eru þekktar fyrir
afar vandaða framleiðslu og hafa
sérhæft sig í smíði stórra vörubíla
og dráttarbíla, frá 16 tonnum að
heildarþunga og þar yfir, með
hreyfla sem afkasta frá 210-500
hestöflum.
Undirbúningur er nú þegar
hafinn hjá Heklu til þess að
tryggja að sem best verbi ab því
staðið að veita eigendum Scania-
bíla á íslandi sem besta þjónustu.
Meðal annars hefur verið byggt
nýtt 850 m2 verkstæði, búið full-
komnustu tækjum til að þjóna
Scania-bifreiðum.
Áætlanaflutning-
ar Eimskips
aukast um 15%
Á síðastliönu ári voru heildar-
flutningar meb skipum Eim-
skips 1.018 tonn, en þeir voru
990 þúsund tonn árib 1993.
Þetta er í fyrsta skipti, sem
flutningar með skipum félags-
ins eru meiri en ein milljón
tonna.
Umtalsverð aukning varð á
flutningum meb áætlanaskipum
Eimskips í inn- og útflutningi til
og frá Islandi, sem eru mikilvæg-
ustu þættirnir í flutningastarf-
semi félagsins. Þessir flutningar
jukust úr 500 þúsund tonnum í
um 575 þúsund tonn, eða um
15%. Mest aukning hefur oröiö í
útflutningi, sem er í samræmi
við aukinn útflutning þjóðarbús-
ins, meðal annars á sjávarafurð-
um. Flutningar milli erlendra
hafna jukust jafnframt verulega,
eða um 23%, og voru þeir sam-
tals tæp 100 þúsund tonn á ár-
inu. Flutningar Eimskips með
stórflutningaskipum í inn- og út-
flutningi hafa hins vegar dregist
saman um 16%.
Á libnu ári voru starfsmenn
Eimskips og dótturfélaga þess að
meðaltali um 760, en þar af störf-
ubu um 160 erlendis. Starfs-
mönnum hefur fjölgað nokkuð
frá árinu 1993, en þá voru þeir að
meðaltali 746. Þessi fjölgun átti
sér stað á starfsstööum Eimskips
erlendis, en á undanförnum tíu
árum hefur verið unnið mark-
visst að uppbyggingu á starfsemi
Eimskips utan Islands. Á liðnu
ári jukust umsvif erlendu starf-
seminnar umtalsvert og varb
veltuaukningin um 12%. Eigin
skrifstofur félagsins erlendis eru
nú 14 talsins í 10 löndum í Evr-
ópu og N.-Ameríku.
Eimskip rekur nú 10 skip og
eru átta þeirra í áætlanaflutning-
um, en tvö í stórflutningum. Öll
skipin eru mönnuö með íslensk-
um áhöfnum.
Sameiginlegt umferöarátak á Suövesturlandi:
Fylgst meö umferð
hesta- og vélsleöafólks
Lögreglan á Suðvesturlandi
verbur meb sameiginlegt um-
ferðarátak dagana 16.-22.
janúar næstkomandi, sem
beinist ab þessu sinni ab um-
ferð hesta- og vélsleðafólks,
auk þess sem fylgst veröur
með búnaði á dráttarkerrum.
Ætlunin er að gefa eftirliti
meb þessum þáttum meira
vægi í umferðareftirliti, reyna
að vekja athygli hlutaðeigandi
á reglum sem lúta að þessum
þáttum og fá þá til samstarfs
um ab framfylgja þeim eftir því
sem kostur er. ■