Réttur - 01.01.1943, Page 4

8
RÉTTUR
einni einkunn við þær mörgu, sem Einari hafa verið gefnar: Hann
er fyrirmyndar tugthúsfélagi!
Einhverntíma, þegar saga alþýðunnar er orðin aðalþáttur ís-
landssögunnar, mun þykja fróðlegt að fletta fyrstu árgöngunum
af Rétti, eftir að Einar Olgeirsson tók við ritstjórn hans, þá tutt-
ugu og þriggja ára.
Sjálfsagt hefur það ekki vakið mikla athygli árið 1926, þótt ung-
ur stúdent, horfinn frá bókmenntanámi, tæki við tímariti, sem
nokkrir þingeyskir bændur stofnuðu vegna þess að þeir höfðu boð-
skap að flytja þjóðinni, boðskap sem ekki fékk inni 1 tímaritum og
blöðum lærðu mannanna fyrir sunnan. En vel gæti þess orðið
minnzt, þegar allir stjórnmálaviðburðir ársins 1926 eru gleymdir.
Einar Olgeirsson vissi hvað hann vildi. Hann og félagar hans
höfðu boðskap að flytja þjóðinni, boðskap, sem ekki fékk inni í
tímaritum þeim og blöðum, sem fyrir voru, boðskap kommúnism-
ans um markmið alþýðunnar og leiðirnar sem færar eru í frelsis-
baráttu hennar.
Einmitt þarna eru áfangaskil. Kommúnistarnir í Alþýðuflokknum
eignast málgagn, er verður tengiliður þeirra, eflir stefnunni fvlgi
um allt land og undirbýr næsta áfanga, stofnun Kommúnistaflokks
íslands.
Það fór vel, að tímaritið fékk að ritstjóra þennan tuttugu og
þriggja ára stúdent. Miklu veldur hver á heldur. Þegar í fyrsta
árganginum sem Einar stjórnar, koma fram þau helztu einkenni,
er síðan eru kunn oröin af stjórnmálaferli hans. Flestum öðrum
betur lætur honum að tjá þá víðsýni og bjartsýni, sem einkennir
sósíalismann í boðun beztu forvígismanna. Það var engin hætta,
að fræðslu- og baráttumálgagn kommúnismans á íslandi yrði þurrt
og kreddukennt í höndum hans. Árgangur Réttar 1926 hefst með
greininni Erlendir menningarstraumar og lslendingar, og fer þar
saman heiöríkja alþjóðahyggjunnar og djúp þjóðrækni. Boðun
sósíalismans er tengd íslenzkri sögu og baráttu íslenzkrar alþýðu
Bókmenntir og önnur menningarmál taka mikið rúm, skáldin eru
látin kveðja sósialismanum hljóðs. Ýtarleg frágreining erlendra