Réttur - 01.01.1943, Page 28

32
RÉTTUR
yggi ríkjanna liafði beðið. Nazismanum voru opnaðar allar gáttir.
Nazisminn hafði einn kunnað að deila og drottna. Nú uppskar hann
sín sigurlaun. Skriðdrekasveitir hans óku makindalega yfir megin-
land Evrópu frá Norðurhöfða til Biskajaflóa, frá Ermarsundi aust-
ur í Pólland og suður á yztu nafir Balkanskaga.
2
Slík sigurför var dæmalaus í annálum sögunnar. Menn stóðu
undrandi og horfðu á þessar aðfarir, þar sem allt virtist fallvalt
nema styrjaldaráætlun þýzku hersljórnarinnar. Óskeikulleiki svefn-
gengilsins í Berchtesgaden virtist' ekki aðeins lengur vera lygasaga
frá áróðursráðuneyti Göbbels, heldur söguleg staðreynd. En hin
sögulega gifta er eins og hverflynd kona. Og hún brá trúnaði við
Adolf Ilitler leiðtoga á þeirri stundu, er hann þóttist hafa unnið
ástir hennar allar.
Þegar þýzki herinn réðist inn í Rússland 22. júní 1941 var hafin
hin langþráða krossferð gegn bolsévismanum. Adolf Hitler hafði
hafizt til valda í Þýzkalandi á bolsagrýlunni. Árum saman hafði
hann veifað henni framan í hinar elliæru auðvaldsstéttir umheims-
ins og unnið með henni margan sigur. Enn einu sinni gekk þessi
riddari án ótta og ámælis fram fyrir stórauðvaldið og hauð því
þjónustu sína. Miljónaher Þýzkalands, grár fyrir járnum, fetaði nú
í slóð hinna gömlu þýzku riddara og hugðist ætla að leggja lönd
hamarsins og sigðarinnar, hin eilífu tákn hins vinnandi mannkyns,
undir merki Þórsfánans. En grýlan hafði misst töframáttinn. Eng-
land gekk ekki að kostum Hitlers að veita honum setugrið meðan
hann gengi af Rússlandi dauðu. Bandalag Rússlands og Bretlands,
sem farizt hafði fyrir árið 1939, varð fullburða sumarið 1941.
Raunar bjuggust flestir valdamenn Bretlands við því, að Rússland
mundi ekki lengi standast sviptingarnar við þýzka herinn. Þeinr
skjátlaðist. En engum skjátlaðist eins hrapallega og hinum óskeik-
ula páfa nazismans. Því að í Rússlandi mætti þýzki herinn í fyrsta
skipti jafnoka sínum. Rauðiherinn var eini landher í heinri, sem
gat átt fangbrögð við nazistaherinn. Hann var búinn tækni ekki