Réttur - 01.01.1943, Qupperneq 36

40
RÉTTUR
sem leynast í djúpum alþýðunnar og háð hafa sína þöglu baráttu
gegn nazismanum árum saman. Þá verður reynt að brennimerkja
sjálfstjórn fólksins í hinum endurheimtu löndum sem „bolsévisma“
og byltingu! Hinir þýzku nazistar eru þegar farnir að búa sig undir
þessi tíðindi. Aldrei hafa þeir í áróðri sínum hampað bolsagrýl-
unni af slíkurn ákafa sem nú. Tilgangurinn er auðsær. Það á að
hræða hin engilsaxnesku stórveldi með hinni gömlu barnagrýlu
bolsévismans og gera þau tillátssamari í viðskiptum við hina naz-
isku valdhafa á degi dómsins.
Af þessu er auðsætt, hvaða hlutverk bíða hinna lýðræðissinnuðu
þjóða á næstunni.
í fyrsta lagi, að stofna til nýrra vígstöðva á meginlandi Evrópu.
Það er hernaðarleg krafa líðandi stundar, sem ekki þolir neina bið.
I annan stað verða allir sannir lýðræðissinnar hinna stríðandi
þjóða að treysta fylkingar sínar, auka árvekni sína og eftirlit með
valdhöfunum heima fyrir, og bindast traustum samtökum við hin
lýðræðissinnuðu alþýðuöfl meginlandsins og stuðla að sköpun al-
þýðufylkingar meðal hinna undirokuðu þjóða, er geti tekið í sín-
ar hendur nýskipun álfunnar. Að öðrum kosti verður þessi styrj-
öld sem hinn fyrri heimsófriður skynlaus hefndarstyrjöld, sem
þyrmir hinum seku, en hengir hina saklausu. Heimurinn stendur
á krossgötum. Hin lýðræðissinnaða alþýða verður að ráða ferðinni.
Ritað í marz 1943
Sverrir Krisljánsson