Réttur - 01.07.1982, Page 39

Kerfisbundin ógnarstjóm.
bændanna og þannig komst mest allt land
í eigu tiltölulega fámennrar yfirstéttar.
Síðan hefur hún ráðið mestu um stjórn
landsins með stuðningi hers og Bandaríkj-
anna. 14 fjölskyldur voru fljótlega orðnar
stærstu eigendur landsins og létu ánauð-
uga alþýðu þræla á ökrunum, þarsem
framleitt var til útflutnings fáum til góða
öðrum en yfirstéttinni sjálfri.
Þessar fjórtán fjölskyldur sem læstu
klónum í landið hafa ekki sleppt heljartak-
inu síðan og nú eiga 2% íbúanna 60% alls
lands. Á meðan eiga 90% þjóðarinnar um
20% landsins. Landbúnaðarverkamenn
voru orðnir að fjölmennri stétt uppúr
aldamótunum, en þeir unnu aðallega á
stórum kaffiplantekrum gósseigendanna.
Fyrstu verkalýðsfélögin voru sett á lagg-
irnar á þriðja áratugnum og verkalýðs-
flokkar tóku til starfa. í kreppunni varð
mikið verðfall á kaffi, en markaðssveiflur
þess hafa ævinlega mikil pólitísk áhrif í
E1 Salvador (sbr. þorskur hér). Og eins
og venjulega bitnaði kreppan fyrst og
fremst á fátækum almúga.
Árið 1932 gerðu landbúnaðarverka-
menn og meira og minna ánauðugir smá-
bændur uppreisn, þarsem verkalýðsfélög
og Kommúnistaflokkur landsins höfðu
forystu. Herinn kæfði þessa uppreisn í
blóði og yfir þrjátíu þúsund manns létu
lífið. Herinn undir stjórn hins alræmda
167