Réttur - 01.07.1982, Qupperneq 42

Sæmilegt húsnæði er munaður sem almenningur
getur sjaldnast veitt sér.
stjórnin setti fram nokkrar tillögur til
úrbóta. En eins og fyrr og síðar varð lítið
úr framkvæmdum á þeim tillögum sem
fólu í sér jarðnæðisskiptingu til smábænda
og landbúnaðarverkamanna. í það sinnið
átti að taka 4% jarða til skiptingar en að
vanda varð lítið úr efndum. Hins vegar
vænkaðist hagur strimpu fyrir fjölþjóðaleg
fyrirtæki, sem tóku nú að fjárfesta sem
aldrei fyrr í landinu. Erlendar fjárfesting-
ar tvöfölduðust á árunuin 1970 til 1975.
Auðhringirnir fjárfestu sérstaklega á frí-
verslunarsvæðinu San Bartolo, þar sem
verkföll eru bönnuð og engir skattar eru
við lýði. En um leið urðu hagsmunir
Bandaríkjamanna mikilvægari og þar með
þjóðinni hættulegri en áður.
Eftir sigur Sandinista í nágrannaríkinu
Nicaragua tók bandaríkjastjórn að veitast
erfiðara að styðja hina ruddalegu ríkis-
stjórn Rómerós hershöfðingja sem þá var
við völd. Því skipuleggja þau hallarbylt-
ingu í E1 Salvador og koma frjálslyndari
hershöfðingjum í valdasæti (Majano og
Gutiérrez). í kjölfar þess eru óbreyttir
borgarar teknir inn í stjórnina (október
1979), fulltrúar sósíaldemókrata, komm-
únistaflokksins, kristilegra demókrata og
fleiri. Boðaðar eru endurbætur, skipting
lands, og virðing mannréttinda, funda-
frelsi og m.fl. En allt kom fyrir ekki,
fundafrelsi var takmarkað, hægri morð-
sveitir landeigenda réðust gegn þeim
bændum sem vildu taka jarðnæðisskipt-
inguna alvarlega.
í kjölfar hryðjuverka hægri manna og
ófremdarástandsins í landinu, auk þrýst-
ings frá byltingasamtökum sem áður höfðu
stutt þessa stjórnartilraun, segja komm-
únistar og sósíaldemókratar sig úr stjórn-
inni í janúar 1980 og „hrein“ herforingja-
stjórn tekur völdin.
Þjóðfylking gegn ógnarstjórn
bandarískra þýja
í júní 1980 var formlega sett á laggirnar
þjóðfylking gegn ógnarstjórninni, FDR,
byltingarsinnaða lýðræðisfylkingin. í
október sama árs er FMLN hin sameigin-
170