Morgunblaðið - 26.06.2006, Blaðsíða 2

2 MÁNUDAGUR 26. JÚNÍ 2006 MORGUNBLAÐIÐ
FRÉTTIR
Gildir til 4. ágúst 2006
eða á meðan birgðir endast.
200 þús. kr. úttekt frá
Ellingsen með völdum
Mitsubishi Pajero,
Outlander og Pajero Sport.
Útivistartilboð
200.000 kr.
DÝR FYLGDARÞJÓNUSTA
Reikningur vegna fylgdarþjón-
ustu varð að lokum til þess að Jón
Ásgeir Jóhannesson, Kristín Jó-
hannesdóttir og Jóhannes Jónsson
féllu frá málsókn á hendur Jóni Ger-
ald Sullenberg í Flórída í júní 2003.
Reikningurinn nam 19 þúsund
Bandaríkjadölum eða tæpri einni og
hálfri milljón króna.
Frekari aðgerðir mögulegar
Starfsmenn IGS á Keflavík-
urflugvelli útiloka ekki frekari að-
gerðir fái þeir ekki launaleiðréttingu
og betri vinnuaðstöðu. Aðgerðir
þeirra stóðu frá fimm til átta í gær-
morgun en höfðu ekki mikil áhrif á
áætlunarflug. Forstjóri Icelandair
segir óljóst hverjar kröfur starfs-
fólksins séu.
Leita mannræningja
Lögregla rýmdi hús og lokaði veg-
um í úthverfi Stokkhólms í gær
vegna manns sem var með sprengju-
belti um sig miðjan. Honum hafði
verið rænt og haldið í þrjá sólar-
hringa og beltið fest á hann. Margar
klukkustundir tók að ná beltinu af
honum. Einn maður var handtekinn
í gær grunaður um aðild að mann-
ráninu og annars var leitað.
HÍ hyggst virkja tengslanet
Alþjóðleg samstarfsverkefni á
sviði vísinda eru það sem koma skal
hjá Háskóla Íslands (HÍ). Þetta kom
fram í ræðu rektors við brautskrán-
ingu frá skólanum og sagði rektor að
HÍ vildi með markvissum hætti
virkja tengsl sem íslenskir vís-
indamenn hefðu myndað á al-
þjóðavettvangi.
Kynnti þjóðarsátt
Nuri al-Maliki, forsætisráðherra
Íraks, kynnti í gær tillögur um þjóð-
arsátt í landinu en með þeim er von-
ast til að náist að draga úr óöldinni
sem þar ríkir. Samkvæmt þeim
verður uppreisnarmönnum sem ekki
hafa gerst sekir um morð eða mann-
dráp gefnar upp sakir.
Réðust á ísraelska herstöð
Herskáir palestínskir byssumenn
felldu tvo ísraelska hermenn og
rændu hinum þriðja í árás á herstöð
í suðurhluta Ísraels nálægt landa-
mærunum við Gaza í gær. Þrír
byssumannanna féllu. Höfðu þeir
grafið göng undir landamærin og
komist þannig yfir til Ísraels.
Y f i r l i t
Í dag
Sigmund 8 Hestar 28/29
Fréttaskýring 8 Dagbók 30/32
Vesturland 11 Myndasögur 30
Úr verinu 14 Víkverji 30
Viðskipti 15 Staður og stund 31
Erlent 116 Menning 33/37
Daglegt líf 17 Leikhús 33
Umræðan 18/23 Bíó 34/37
Forystugrein 20 Ljósvakar 38
Viðhorf 22 Veður 39
Minningar 24/25 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann
Björnsson, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Magnús
Finnsson, fulltrúi ritstjóra, magnus@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri,
sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Í tilefni af opnun Forvarnahúss Sjóvár, í húsnæði
gömlu prentsmiðju Morgunblaðsins í Kringlunni, var
efnt til fjölskylduhátíðar um helgina.
Gafst gestum færi á að prófa veltibíllinn, ökuherm-
inn, beltasleðann og annan útbúnað Forvarnahússins.
Þá var boðið upp á pylsur, gos og ís.
Morgunblaðið/ÞÖK
Forvarnir á fjölskylduhátíð
RÁÐHERRAFUNDUR EFTA-
ríkjanna hefst á Höfn í Hornafirði
í dag, en fundinum lýkur á morg-
un. Valgerður Sverrisdóttir utan-
ríkisráðherra stýrir fundinum en
Ísland fer nú með formennsku í
EFTA. Í tilkynningu utanríkis-
ráðuneytisins vegna fundarins seg-
ir að þar muni ráðherrarnir meðal
annars ræða samskipti EFTA-
ríkjanna, fríverslunarsamninga
EFTA við þriðju ríki, samskipti
EFTA-ríkjanna við ESB og áhuga
Færeyinga á að hljóta aðild að
EFTA. „Á fundinum munu utan-
ríkisráðherrar Íslands, Noregs og
Liechtenstein ennfremur undirrita
fríverslunarsamning EFTA við
tollabandalag Suður-Afríkuríkja.
Verður þetta fyrsti fríverslunar-
samningur sem EFTA-ríkin gera
við ríki í Afríku, sunnan Sahara.
Stefnt er að því að undirritun
samnings ljúki á í næsta mánuði.
Ráðherrarnir munu einnig eiga
fund með þingmanna- og ráðgjaf-
arnefndum EFTA,“ segir í tilkynn-
ingu ráðuneytisins. Auk Valgerðar
Sverrisdóttur sækja fundinn
Joseph Deiss efnahagsráðherra
Sviss, Odd Eriksen viðskipta- og
iðnaðarráðherra Noregs og Rita
Kieber-Beck, utanríkisráðherra
Liechtenstein.
Utanríkisráðherra átti í gær
fund með sendinefnd frá samtök-
unum Nippon Keidanren, sem eru
stærstu samtök atvinnurekenda í
Japan, en Odd Eriksen viðskipta-
og iðnaðarráðherra Noregs og
William Rossier framkvæmdastjóri
EFTA sátu fundinn einnig, auk
fulltrúa frá Sviss og Liectenstein.
Áhugi á að hefja fríverslunar-
viðræður við Japan
Í tilkynningu frá utanríkisráðu-
neytinu segir að á fundinum hafi
verið rætt um hvernig megi efla
samskipti EFTA-ríkjanna við Jap-
an. „Utanríkisráðherra fór yfir
starfsemi EFTA, samskipti
EFTA-ríkjanna við Evrópusam-
bandið og fríverslunarsamninga
EFTA við þriðju ríki. Ítrekaði ut-
anríkisráðherra áhuga EFTA-
ríkjanna á því að hefja fríversl-
unarviðræður við Japan,“ segir í
tilkynningunni.
Þar kemur fram að heimsókn
sendinefndar Nippon Keidanren
hingað til lands er hluti af ferð
samtakanna til EFTA-ríkjanna og
Póllands. Fyrir sendinefndinni fer
Hiromasa Yonekura, stjórnarfor-
maður Sumitomo Chemical, en
ásamt honum eru í sendinefndinni
fulltrúar frá Toyota, Japan Air-
lines, Toshiba og Mitsubishi auk
fleiri japanskra fyrirtækja.
EFTA-fundur á Höfn í dag
Morgunblaðið/ÞÖK
Valgerður Sverrisdóttir utanríkisráðherra á fundi með sendinefnd frá
Kína og EFTA í ráðuneytinu í gær. Ísland fer nú með formennsku í EFTA.
MIKILL erill var hjá lögregl-
unni á Hvolsvelli í fyrrinótt
vegna fólksfjölda í Þórsmörk.
Einn var fluttur í fanga-
geymslu eftir að hafa gengið
berserksgang og barn var flutt
með sjúkrabíl á sjúkrahús eftir
að það datt í bálköst. Mat
hjúkrunarfræðingur meiðsl
barnsins svo að rétt væri að
senda það til aðhlynningar á
sjúkrahúsi.
Alls voru um 1.500 manns á
Þórsmerkursvæðinu, þar af um
ellefu hundruð í Básum, en mik-
ill fjöldi göngufólks var þarna,
enda vinsælt að ganga Fimm-
vörðuháls um sumarsólstöður.
Að sögn lögreglu var almenn
ölvun á svæðinu, en allt fór þó
að mestu vel fram.
Búist er við fjölmenni í Þórs-
mörk um næstu helgi, enda er
Þórsmörk jafnan vel sótt fyrstu
helgi júlímánaðar.
Féll í bál-
köst í
Þórsmörk
ÞRÍR af hverjum fjórum vilja frem-
ur að fjármunum verði varið til end-
urbóta og breikkunar hringvegarins
milli Eyjafjarðar- og höfuðborgar-
svæðisins en að gerður verði vegur
um Kjöl. Þetta kemur fram í skoð-
anakönnun Gallup sem unnin var
fyrir Leið ehf. dagana 27. apríl til 31.
maí sl. og greint er frá á vef Leiðar.
61% myndi nýta sér veg þótt
greiða þyrfti veggjald
Þar segir að tveir þriðju að-
spurðra í könnuninni hefðu fremur
viljað að leiðin milli Eyjafjarðar- og
höfuðborgarsvæðisins yrði stytt um
13 km með nýjum vegi sem myndi
liggja um það bil 7 km sunnan við
Blönduós en að vegurinn lægi áfram
um Blönduós. Loks sögðu samtals
61% aðspurðra að þeir myndu oft eða
stundum nýta sér slíkan veg sunnan
Blönduóss þótt þeir þyrftu að greiða
300 kr. í veggjald fyrir hverja ferð.
60% íbúa á Norðurlandi vilja
fremur breikka hringveg
Úrtakið í könnun Gallup var 6.000
manns og alls svöruðu 3.516 manns
könnuninni. Á vef Leiðar segir að ef
einungis þeir svarendur sem búa á
Norðurlandi, þ.e. frá Húnavatns-
sýslum til og með Þingeyjarsýslum,
eru taldir sé niðurstaðan sú að um
60% vilji fremur verja fé til endur-
bóta og breikkunar á hringveginum
en til gerðar vegar um Kjöl. „75,9%
kusu fremur að gerður yrði nýr veg-
ur sunnan Blönduóss sem stytti leið
um 13 km en að hann lægi um
Blönduós eins og nú er og loks kváð-
ust 75% oft eða stundum mundu nýta
sér slíkan veg ef greiða þyrfti 300 kr.
veggjald,“ segir á vef Leiðar.
Fremur hring-
veg en Kjalveg
Fé í endurbætur hringvegarins