Morgunblaðið - 26.06.2006, Blaðsíða 10

10 MÁNUDAGUR 26. JÚNÍ 2006 MORGUNBLAÐIÐ
FRÉTTIR
EFTIRFARANDI yfirlýsingu sendi
Jón Ásgeir Jóhannesson, forstjóri
Baugs, frá sér að kvöldi laugardags
vegna viðtals við Jón Gerald Sullen-
berger í sunnudagsblaði Morgun-
blaðsins:
„Í Morgunblaðinu á morgun
[sunnudag] birtist viðtal Agnesar
Bragadóttur við Jón Gerald Sullen-
berger. Í sem stystu máli er þar
mjög frjálslega farið með staðreynd-
ir og ósannindum dælt yfir lesendur
Morgunblaðsins með stríðsfyrir-
sögnum. Þótt aðeins sé bent á eitt at-
riði, sem er unnt að sanna, þá er það
rakinn þvættingur að tölvupóstum
hafi skipulega verið eytt úr tölvu
minni og að starfsmaður tölvufyrir-
tækis hafi verið við þá iðju heilan dag
hinn 28. ágúst 2002. Þetta er rangt.
Eigandi umrædds tölvufyrirtækis
hefur mótmælt þessari ósönnu stað-
hæfingu og svo vill til að í skýrslu
dómkvaddra matsmanna, sem fyrir
liggur í „Baugsmálinu“, er kafli um
þetta atriði sem gengur gegn þess-
um fullyrðingum Jóns Geralds.
Viðtal Morgunblaðsins við Jón
Gerald Sullenberger er athyglis-
verður kafli í herför Styrmis Gunn-
arssonar og félaga, sem sumir voru
nefndir á nafn í tölvupóstsamskipt-
um hans við Jónínu Benediktsdóttur
sem birtir voru í Fréttablaðinu sl.
haust. Þar kom fram, að Styrmir tók
að sér að skipuleggja aðkomu lög-
reglu og valdamikilla manna í Sjálf-
stæðisflokknum að sakargiftum Jóns
Geralds Sullenberger í minn garð og
föður míns. Virtust þeir taka ásak-
anir hans opnum örmum vorið og
sumarið 2002 enda höfðu þeir þá um
nokkurt skeið með skipulegum hætti
reynt að grafa undan okkur feðgum
og fyrirtæki okkar, Baugi. Flestir
minnast hótana Davíðs Oddssonar í
garð fyrirtækisins í þingsölum í jan-
úar 2002. Skósveinar hans beittu
ósvífnum aðferðum við að ná undir-
tökum í Tryggingamiðstöðinni og Ís-
landsbanka skömmu síðar og setja
þar áform mín og fleiri fjárfesta í
uppnám. Einnig beitti hann áhrifum
sínum til að stöðva framgang Baugs í
erlendum fjárfestingum sínum þenn-
an sama vetur. Skemmst er að minn-
ast atgangsins í fjölmiðlamálinu og
fleiri dæmi mætti nefna.
Líkt og fram kom í tölvupóstum
Styrmis og Jónínu lögðu þau á ráðin
um aðkomu lögregluyfirvalda og
fengu til verksins Jón Steinar Gunn-
laugsson.
Kjartan Gunnarsson var þarna
með í ráðum og vísað var til „ónefnda
mannsins“. Skyldi það vera foring-
inn sjálfur? Þetta lið skapaði ásök-
unum Jóns Geralds aukna vigt gagn-
vart embætti Ríkislögreglustjóra, en
Haraldur Johannessen er handgeng-
inn Styrmi og Birni Bjarnasyni,
enda voru þeir um árabil nánustu
samstarfsmenn föður hans, Matt-
híasar, á Morgunblaðinu. Án íhlut-
unar þessara manna hefðu menn lík-
lega séð í gegnum lygavef Jóns
Geralds, enda hefur hann aldrei
haldið þræði í málinu og orðið marg-
saga hvað eftir annað. Eftir sýknu-
dóm Héraðsdóms Reykjavíkur 15.
mars sl. hefur þessum hópi orðið
ljóst, að það þyrfti að hressa upp á
trúverðugleika Jóns Geralds Sullen-
berger. Hann beið hnekki í niður-
stöðum dómsins sem ekki vildi
byggja á framburði hans.
Björn Bjarnason boðaði á heima-
síðu sinni 15. mars að þótt sýknað
hefði verið í málinu gegn mér og öðr-
um, þá myndi það halda áfram. Vís-
aði hann til þess að þó að Júlíus Ses-
ar hafi verið myrtur þá hafi
Rómaveldi lifað.
Baugsmálinu var framhaldið og
tveimur dögum síðar ritar ráðuneyti
Björns dómsmálaráðuneyti Banda-
ríkjanna bréf með beiðni um aðstoð
þarlendrar lögreglu við yfirheyrslur
tilgreindra einstaklinga í Flórída. Í
bréfinu er mjög hallað réttu máli
gagnvart mér og öðrum sakborning-
um í Baugsmálinu.
Þarna hefur gremja Björns verið
skynsemi hans yfirsterkari og hann
freistast til að hafa bein afskipti af
málinu, sem hann þykist þó aldrei
hafa gert. Styrmir beitir síðan Morg-
unblaðinu með eftirgreindum hætti,
annars vegar með því að sverta mig
og aðila sem mér tengjast og hins
vegar með því að fegra ímynd lög-
reglunnar, ákæruvaldsins og Jóns
Geralds Sullenberger eftir útreiðina
sem hann hefur fengið í dómsölum.
Í fyrsta lagi hafa Staksteinar hvað
eftir annað vegið að verjendum
málsins og stutt mál ákæruvaldsins.
Í eitt skiptið var því fagnað eftir að
nýi saksóknarinn hafði unnið kæru-
mál í Hæstarétti, að hugsanlega
hefði „stríðsgæfan“ loks snúist á
sveif með honum! Í öðru lagi hefur
Morgunblaðið hallað verulega réttu
máli í „verðkönnunum“ og reynt að
gera hlut Bónuss þar verri en hann
er í raun gagnvart samkeppnisaðil-
um. Blaðamaðurinn sem þar heldur í
taumana mun vera eiginkona Páls
Vilhjálmssonar, sem reglulega kem-
ur fram með rætin og ósönn skrif sín
í minn garð í Morgunblaðinu, nú síð-
ast í gær, föstudag.
Verðkannanir í Morgunblaðinu
voru hluti af hjali Jónínu og Styrmis
skv. tölvupóstunum. Taldi hún mik-
ilvægt að verðkannanir sýndu hlut
Bónuss verri en samkeppnisaðila.
Í þriðja lagi hefur Morgunblaðið í
fréttum sínum augljóslega dregið
taum embættis Ríkislögreglustjóra.
Þangað hefur embættið lekið upplýs-
ingum, nú síðast í fyrradag, þegar
rangt var farið með tölur úr skatt-
rannsókninni, sem ég mátti sæta og
lauk með endurálagningu nú í vetur.
Endurálagningin er nú til meðferðar
í yfirskattanefnd. Samstarf Morgun-
blaðsins og Ríkislögreglustjóra birt-
ist einnig í þeirri ófrægingarherferð
sem embættið hefur markvisst
stundað með „leka“ um framgang
rannsóknarinnar og nú síðast með
röngum upplýsingum í Morgun-
blaðinu um skattamál mín. Svo virð-
ist vera sem boðunarbréfið hafi verið
sent út daginn áður en réttarhöld
áttu að fara fram um frávísun máls-
ins í Héraðsdómi Reykjavíkur og
síðan hefur átt að „leka“ því í Morg-
unblaðið. Þannig hefur átt að draga
upp dökka og villandi mynd af mér í
þann mund sem dómari tæki málið
til úrskurðar. Morgunblaðið og hinir
innvígðu vinir Styrmis hjá Ríkislög-
reglustjóra óttast auðvitað að málinu
verði vísað frá öðru sinni vegna slæ-
legra vinnubragða ákæruvaldsins og
lögreglunnar.
Í fjórða lagi er síðan reynt að
fegra ímynd Jóns Geralds Sullenber-
ger með löngu viðtali í Morgun-
blaðinu. Þetta kemur einmitt í kjöl-
far rangra frétta af skattamáli mínu
og tilgangurinn er augljóslega að
treysta trúverðugleika hans. Þetta
segi ég vegna þess að Agnes Braga-
dóttir hafði samband við mig fyrir
nokkru og spurði hvort ég teldi að
deilan um hvort leiða ætti dómstjóra
og hinn nýja saksóknara sem vitni,
myndi leiða til þess að málflutningi
um frávísun yrði frestað. Hafði
Styrmir greinilega í hyggju að birta
viðtal hennar við Jón Gerald í
tengslum við þau réttarhöld.
Illt er að etja kappi við slíkan hóp
en sem betur fer er veldi þeirra á
fallanda fæti.
London, 24. júní 2006.
Jón Ásgeir Jóhannesson.“
GUÐMUNDUR Ingi Hjartarson,
framkvæmdastjóri Netheims hf.,
sendi frá sér eftirfarandi yfirlýs-
ingu vegna viðtalsins við Jón Ger-
ald Sullenberger í sunnudagsblaði
Morgunblaðsins:
„Vegna fréttar í Morgunblaðinu
um að fyrirtæki í eigu minni hafi
eytt tölvupóstum úr tölvu Jóns Ás-
geirs Jóhannessonar og Tryggva
Jónssonar óska ég að taka eftirfar-
andi fram:
Fyrirtæki mitt hefur ekki á neinn
hátt komið að því að eyða tölvu-
póstum af netþjónum fyrirtækisins
eða með öðrum hætti úr tölvum
Jóns Ásgeirs Jóhannessonar né
Tryggva Jónssonar. Tölvupóstur
Tryggva Jónssonar hefur ekki ver-
ið vistaður hjá fyrirtækinu.
Ég er eigandi að netþjónustu sem
veitir hundruð einstaklinga og
fyrirtækja þjónustu og hef fjölda
manns í vinnu. Það er varhugavert
að ásakanir af þessu tagi séu birtar
opinberlega áður en leitað er við-
bragða þeirra sem eiga í hlut. Um-
fjöllunin er atvinnurógur af verstu
gerð og skaðar fyrirtækið og
starfsmenn þess. Það er sorglegt að
búa við aðstæður sem þessar í at-
vinnurekstri og að Morgunblaðið
skuli leyfa sér að vega úr launsátri
með jafn illum hætti á mig og fyrir-
tæki mitt.“
Yfirlýsing frá
framkvæmda-
stjóra Netheims
Yfirlýsing frá Jóni Ásgeiri Jóhannessyni vegna viðtals við Jón Gerald Sullenberger í Morgunblaðinu
Samantekin ráð hinna
innvígðu og innmúruðu?
Morgunblaðið/Ómar
Jón Ásgeir Jóhannesson
HVORKI Síminn né OgVodafone
hafa sótt um leyfi fyrir þriðju kyn-
slóðar farsímakerfi, en að sögn for-
stjóra félaganna er ástæðan fyrst og
fremst sá mikli kostnaður sem upp-
setning kerfisins útheimtir.
Nýlega greindi Morgunblaðið frá
því að fjárfestingafélag Björgólfs
Thors Björgólfssonar, Novator, hefði
fengið tilraunaleyfi fyrir þriðju kyn-
slóðar farsímakerfi og hyggist setja á
fót nýtt símafyrirtæki næsta haust.
„Þriðja kynslóðin hefur verið í
skoðun hjá Símanum í þó nokkurn
tíma enda teljum við að kerfið verði
tekið upp hér á landi í náinni fram-
tíð,“ segir Brynjólfur Bjarnason, for-
stjóri Símans. „Við höfum fylgst
grannt með þróuninni í Evrópu og
verið lengi í startholunum.
Hingað til höfum við hins vegar
ekki talið ástæðu til að ráðast í þessa
fjárfestingu með flýti, t.a.m. var það
fyrst í fyrra sem lög um þriðju kyn-
slóðar farsíma voru samþykkt,“ segir
Brynjólfur.
Kostnaðarsamar kvaðir
Lögin sem Brynjólfur vísar til eru
lög nr. 8 sem samþykkt voru í febr-
úar 2005. 3. grein laganna fjallar um
lágmarks útbreiðslu sem rétthafar
leyfisins verða að uppfylla, en þjón-
ustan verður að ná til 60% íbúa í
hverjum landsfjórðungi. 4. grein lag-
anna kveður á um það tíðnigjald sem
rétthöfum ber að greiða. Gjaldið er
190 milljónir króna en 10 milljóna
króna afsláttur er veittur fyrir
hverja hundraðshluta íbúa umfram
60% útbreiðslu utan höfuðborgar-
svæðisins.
Árni Pétur Jónsson, forstjóri Og-
Vodafone, segir að vegna þess hve
Ísland sé fámenn þjóð og dreifð geri
úbreiðslukrafa laganna það að verk-
um að kostnaðurinn við að koma upp
kerfinu hér á landi sé umtalsvert
hærri en í þeim borgum Evrópu þar
sem kerfið sé komið í notkun.
„Það er einfalt að æða fram og full-
yrða að það sé engum erfiðleikum
bundið að koma upp kerfinu hér á
landi og að menn hafi einfaldlega
ekki viljað ráðast í þetta. Þessar
kvaðir gera það að verkum að mjög
kostnaðarsamt er að leggja út í
þetta,“ segir Árni Pétur.
Hleypur á milljörðum
Brynjólfur segir að í kjölfar gild-
istöku laganna hafi Síminn gert
könnunarútboð milli þriggja birgja
um búnað fyrir þriðju kynslóðina.
„Við höfum farið í gegnum allan
þennan feril og gerum okkur því
grein fyrir kostnaðinum. Hann hefur
farið minnkandi ár frá ári, en hleypur
enn á milljörðum króna. […] Eins og
er teljum við ekki tímabært að ráðast
í [fjárfestingarnar] að svo stöddu,“
segir Brynjólfur.
Símafyrirtækin um þriðju kynslóðina
Ekki tímabært
sökum kostnaðar
okkar og Íslendingar hafa nytjað
selastofna við landið um aldir. Land-
selur og útselur hafa veitt birtu og yl
í ýmsum skilningi. Þessar nytjar af
selnum hafa verið misjafnlega nauð-
synlegar eftir árferði og það þótti
líka kannski misjafnlega fínt eftir
landshlutum eða jafnvel efnahag
manna hvort nýting á sel væri aðeins
bjargráð fátæka mannsins eða eðli-
leg nýting og sjálfsögð eins og með
aðra dýrastofna okkar.
Í seinni tíð hafa kannski tískan og
náttúruverndin mest að segja um
hvort eða hvernig við nýtum selina.
En við getum verið sammála um að
Íslendingar eru ekki lengur háðir
því að nýta seli sér til lífsviðurværis.
Við getum hins vegar umgengist sel-
ina og tilgangur Selasetursins er
líka að ýta undir þau einstöku tæki-
færi sem við höfum á Vatnsnesi til að
skoða selina í náttúrulegu umhverfi
sínu. Selalátur eru víðast hvar að-
gengileg og er mikilvægt í þessu
sambandi að við stýrum umferð um
þessi svæði og takmörkum rask á
viðkvæmum vistkerfum.“
STURLA Böðvarsson samgöngu-
ráðherra opnaði í gær formlega
Selasetur Íslands á Hvammstanga.
Aðsetur þess er í húsi Sigurðar
Pálmasonar þar sem löngum var
rekin verslun.
Í Selasetri Íslands má sjá muni
sem tengjast selveiðum og nýtingu
sela, myndir og teikningar af selum
og fróðleik um þær tvær selateg-
undir sem eiga heimkynni við Ís-
land, landsel og útsel. Einnig er þar
fróðleikur um aðra seli sem hingað
koma sem flækingar. Með safninu er
leitast við að fræða gesti um seli og
búsvæði þeirra við landið og hvernig
unnt er að umgangast þá.
Sturla Böðvarsson flutti ávarp við
opnun setursins auk þess sem Einar
K. Guðfinnsson sjávarútvegsráð-
herra sagði nokkur orð og kvaðst
hafa áhuga á því að Hafrannsókna-
stofnun kæmi við sögu rannsókna á
selum. Skúli Þórðarson, sveitarstjóri
Hvammstanga, mælti einnig nokkur
orð svo og Karl Sigurgeirsson sem
sagði fjölskyldu Sigurðar Pálmason-
ar mjög ánægða með að Selasetur
Íslands skyldi hafa fengið inni í hús-
inu sem hefði verið smekklega og vel
endurnýjað. Forstöðumaður Sela-
seturs Íslands er Hrafnhildur Ýr
Vilhjálmsdóttir.
Selurinn mikilvægur
Sturla Böðvarsson sagði meðal
annars í ávarpi sínu: ,,Selurinn hefur
verið mikilvægur þáttur í búsetu
Samgönguráðherra opnaði
Selasetur á Hvammstanga
Morgunblaðið/jt
Sturla Böðvarsson samgönguráðherra opnaði Selasetur Íslands með því að
klippa á borða við inngang safnsins í húsi Sigurðar Pálmasonar.