Morgunblaðið - 26.06.2006, Blaðsíða 4

4 MÁNUDAGUR 26. JÚNÍ 2006 MORGUNBLAÐIÐ
FRÉTTIR
Heimsferðir bjóða ótrúlegt tilboð á
síðustu sætunum til Króatíu í júlí.
Króatía hefur svo sannarlega slegið
í gegn hjá Íslendingum. Þú bókar
og tryggir þér sæti og 4 dögum
fyrir brottför færðu að vita hvar
þú gistir.
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Verð kr.44.990
Netverð á mann, m.v. 2 í herbergi/
stúdíó/íbúð í viku. Flug, skattar,
gisting og íslensk fararstjórn.
Aukavika kr. 10.000.
Síðustu sætin
Stökktu til
Króatíu
5. júlí
frá kr. 34.990
Verð kr.34.990
Netverð á mann, m.v. hjón með 2
börn, 2-11 ára, í íbúð í viku. Flug,
skattar, gisting og íslensk fararstjórn.
Aukavika kr. 10.000.
TIL greina kemur að Hitaveita Suð-
urnesja (HS) fari í mál við varn-
arliðið, takist ekki að semja um
greiðslu vegna uppsagnar varnar-
liðsins á samningi við HS, en varn-
arliðið sagði honum upp 30. mars
síðastliðinn. Júlíus Jónsson, for-
stjóri Hitaveitunnar, segir HS hafa
óskað eftir viðræðum við varnarliðið
um þessi mál, en það telji sig ekki
þurfa að ganga til þeirra.
Júlíus segir að árið 1998 hafi verið
gerður viðauki við hitaveitusamning
HS við varnarliðið. Þar komi fram
að það megi minnka magnkaup sín
hjá HS um 4% á ári. Í viðaukanum
sé einnig kveðið á um að aðilar semji
um ákveðna greiðslu, fari varnarlið-
ið frá landinu. Engin ákveðin upp-
hæð sé nefnd í viðaukanum.
Bréf sent í síðustu viku
„Okkar rök núna eru að annað-
hvort gildi ákvæðið um að þeir
minnki kaup sín um 4% á ári, eða,
sem við teljum miklu eðlilegra, að
það verði samið um ákveðna upp-
hæð,“ segir Júlíus og bendir á að
Hitaveita Suðurnesja hafi óskað eft-
ir viðræðum um þessi mál við varn-
arliðið 30. mars síðastliðinn, sama
dag og samningi þess við HS var
sagt upp. „Þeir hafa sagt að þeir
telji sig ekki þurfa þess. Við það sit-
ur ennþá en við sendum þeim bréf í
síðustu viku. Þar tíndum við til, með
aðstoð lögfræðinga, öll rök og máls-
atvik,“ segir hann. Nú bíði Hitaveit-
an eftir viðbrögðum varnarliðsins.
„En við teljum að það þurfi að
semja um það með hvaða hætti þeir
hætta viðskiptum við okkur,“ segir
Júlíus. „Við höfum ekki sett fram
aðrar kröfur en þá að þeir viður-
kenni að það þurfi að semja um
þetta,“ bætir hann við. „Við teljum
okkar rétt kláran og munum leita
allra lagalegra leiða ef á þarf að
halda,“ segir hann enn fremur. Ekki
sé hægt að segja til um það enn sem
komið er hvort hugsanlega verði af
málaferlum, enda sé viðbragða
varnarliðsins við umleitan HS nú
beðið.
Varnarliðið og Hitaveita Suðurnesja
Telja sig ekki
þurfa að ganga til
samninga við HS
ÍSLENSK erfðagreining (ÍE) hef-
ur hafið prófanir á sjúklingum á
nýju tilraunalyfi fyrirtækisins við
æðakölkun í fótleggjum, svoköll-
uðum útæðasjúkdómi. Markmið
prófananna er að kanna öryggi
lyfsins og þol meðal sjúklinga og
áhrif mismunandi skammtastærða
á samloðun blóðflagna og styrk
ýmissa sameinda í blóðvökva sem
vitað er að tengist æðakölkun.
Í tilkynningu frá ÍE segir að
stefnt sé að því að 150 íslenskir
sjúklingar taki þátt í þessum lyfja-
prófunum. Hluti þeirra er með
áhættuarfgerð erfðavísis sem vís-
indamenn ÍE hafa sýnt fram á að
valdi aukinni hættu á æðakölkun í
fótleggjum.
Þátttakendum í lyfjaprófuninni
verður skipt í þrjá jafnstóra hópa.
Sjúklingar í einum hópnum munu
taka 100 mg af lyfinu tvisvar á
dag, í öðrum 400 mg tvisvar á dag
og þriðji hópurinn mun fá lyfleysu
til viðmiðunar. Hver þátttakandi
mun taka lyf eða lyfleysu í fjórar
vikur. Verður þátttakendum raðað
í meðferðarhópa með tilviljana-
kenndum hætti og hvorki þátttak-
endur né stjórnendur rannsókn-
anna munu vita fyrirfram hvaða
meðferðarflokki hver þátttakandi
tilheyrir.
Rannsóknir lofa góðu
Haft er eftir Kára Stefánssyni,
forstjóra fyrirtækisins, að rann-
sóknir sem gerðar hafi verið á lyf-
inu fram að þessu, með þátttöku
heilbrigðra einstaklinga, lofi góðu.
Tugmilljónir manna um allan
heim, eða um 10% fullorðinna í
vestrænum löndum, þjást af út-
æðasjúkdómi að sögn forstjórans
en sjúkdómurinn eykur verulega
líkurnar á öðrum hjarta- og æða-
sjúkdómum.
Íslensk erfðagreining
prófar lyf við æðakölkun
Morgunblaðið/Kristinn Ingvarsson
HÁSKÓLI Íslands ætlar með mark-
vissum hætti að virkja þau tengsl
sem íslenskir vísindamenn hafa
myndað á alþjóðavettvangi til þess
að efna til alþjóðlegra samstarfs-
verkefna við háskóla sem eru í
fremstu röð.
Þetta kom fram í ræðu Kristínar
Ingólfsdóttur, rektors HÍ, við braut-
skráningu kandídata frá skólanum á
laugardag. Kristín lagði í ræðunni
mikla áherslu á Háskóla Íslands sem
alþjóðlega vísindastofnun. Rakti hún
nokkur alþjóðleg samstarfsverkefni
við erlenda vísindamenn og stofn-
anir. Þar á meðal eru Columbia-
háskóli, Harvard og Ohio State Uni-
versity. Greindi hún meðal annars
frá því að í undirbúningi væri sam-
starf við Harvard-háskóla um nám-
skeið á meistarastigi í rekstr-
arhagfræði.
Kristín sagði að á sama tíma og
HÍ legði mikið upp úr alþjóðlegu
samstarfi, væri áhersla lögð „á
fræðigreinar sem treysta sjálfs-
mynd okkar Íslendinga sem þjóðar
og auðvelda okkur að móta og
treysta hér þá samfélagsmynd sem
við kjósum“.
Þá vék rektor að því markmiði HÍ
að skipa skólanum í röð sjö bestu há-
skóla á Norðurlöndunum, en það
fæli sjálfkrafa í sér að hann kæmist í
hóp hundrað bestu háskóla í heim-
inum. „Þessi markmiðasetning hefur
vakið miklar og jákvæðar umræður
um málefni Háskólans í vetur,“ sagði
Kristín og bætti við að mestu skipti
að ekki ríkti ágreiningur um þessi
markmið. „Það má heita að allir séu
þar á einu máli,“ sagði hún.
Hins vegar væru þeir til sem settu
„spurningarmerki við getu Íslend-
inga og burði til þess að ná þessu há-
leita markmiði. Það eru vitaskuld
eðlilegar vangaveltur,“ sagði Krist-
ín. Hún væri þess þó fullviss að Ís-
lendingar hefðu bæði getu og burði
til þess að sækja að þessu markmiði.
Það væri ekki síst vegna þess að
þjóðin væri fámenn sem hún yrði að
setja þetta markmið og sækja að því
af fullum krafti.
Með lokaeinkunnina 9,83
Við útskriftina á laugardag var
meðal brautskráðra Sveinn Hákon
Harðarson sem lauk meistarastigi
frá læknadeild í líf- og læknavís-
indum með lokaeinkunnina 9,83. Að-
eins einu sinni áður hefur nemandi
hlotið svo háa einkunn við skólann.
Sveinn hefur þegar hafið dokt-
orsnám en hann er í hópi þeirra sem
fengu fyrstu styrkina úr Há-
skólasjóði Eimskips fyrr á árinu.
Morgunblaðið/Kristinn Ingvarsson
David Attenborough, sem gerður var að heiðursdoktor HÍ við brautskrán-
ingu á laugardag, ávarpaði gesti Laugardalshallar frá Galapagos.
HÍ virki alþjóðleg tengsl
íslenskra vísindamanna
Kristín Ingólfsdóttir, rektor Háskóla Íslands, flytur ávarp sitt í Höllinni.
Djúpivogur | Það vildi heldur illa til
þegar hraðfiskibáturinn Anna GK,
sem er gerður út frá Djúpavogi,
var á landleið í gær en þá steytti
báturinn á boða út af Krossi í
Berufirði með þeim afleiðingum að
mikill leki kom að bátnum.
Bátsverjum tókst þó að sigla
bátnum upp í fjöru til þess að forð-
ast það að hann sykki. Því fór bet-
ur en á horfðist í fyrstu. Bæði
björgunarsveit og slökkvilið frá
Djúpavogi voru kölluð út og tókst
þeim að komast til bráðabirgða
fyrir lekann.
Báturinn var síðan dreginn á flot
og til hafnar á Djúpavogi þar sem
skemmdir verða kannaðar nánar.
Ljósmynd/Andrés Skúlason
Bátsstrand í Berufirði