Morgunblaðið - 11.09.2006, Page 21

MORGUNBLAÐIÐ MÁNUDAGUR 11. SEPTEMBER 2006 21
Heimili, hönnun og lífsstíll
Glæsilegt sérblað um heimili, hönnun og lífsstíl
fylgir Morgunblaðinu föstudaginn 15. september.
Meðal efnis eru ráðleggingar innanhússarkitekts
um litaval á veggjum, ýmsar nýjungar fyrir
baðherbergi, nýjungar í rúmum, heimsóknir á
hugguleg heimili, hönnun á útipöllum, umfjöllun
um lausar eldhúsinnréttingar, LCD sjónvörp og
hljómtæki og margt fleira.
Auglýsendur! Pantið fyrir kl. 17.00
þriðjudaginn 12. september.
Allar nánari upplýsingar
veitir Katrín Theódórsdóttir
í síma 569 1105 eða kata@mbl.is
ER ÞAÐ mögulegt að vera eins
heppnir í stjórnmálum eins og Bush
og Blair? Þegar Bretar og Banda-
ríkjamenn eru undir meiri gagnrýni
en nokkru sinni fyrr, vegna stuðn-
ings Bandaríkjamanna
og Breta við morð-
árásir Ísraela á sak-
laust fólk í Líbanon. Þá
koma fréttir um að
Bretum og Banda-
ríkjamönnum hafi tek-
ist að koma í veg fyrir
ætlaðar hryðjuverka-
árásir. Þegar gagn-
rýnin er sem mest á
USA og Breta, kemur
eins og himnasending
frétt af hryðjuverka-
mönnum, sem hafa
undirbúið að sprengja
farþegaflugvélar á leiðinni frá Bret-
landi til USA. Þvílík heppni! Nú
snerist öll fjölmiðlaathyglin frá ótrú-
legum fjöldamorðum Ísraela á sak-
lausu fólki í Líbanon. Hið heilaga
stríð Bandaríkjaforseta snýst um
baráttu gegn hryðjuverkamönnum
og Ísraelar nota sér það til að ráðast
á Hizbollah-samtökin í Libanon, en
hika samt ekki við að leggja landið í
rúst og myrða þúsundir saklausra
Líbana. Það er þessi ótrúlega tíma-
setning, sem gerir alla þessa sögu
um hugsanlega hryðjuverkaárás
mjög ólíklega. Þegar litið er á aðrar
hryðjuverkaárásir, sem hafa verið
gerðar undanfarin ár, hafa þær alltaf
verið gerðar á tímapunkti, þegar
enginn gat átt von á þeim. Dæmi um
þetta er t.d. hryðjuverkaárásin á
turnana í New York, hryðjuverka-
árásin í London og í Madrid. Ég
hreinlega trúi því ekki að hryðju-
verkasamtök skuli skipuleggja árás,
þegar þeir hafa alla fjölmiðla með
sér og þegar allur heimurinn for-
dæmir slátrun Ísraela á alsaklausu
fólki í Líbanon. Slátrun, sem er gerð
með samþykki og stuðningi Breta og
Bandaríkjamanna. Markmið hryðju-
verka er að fá fjölmiðlaathygli, til að
vekja athygli umheimsins á því
óréttlæti og mismunun sem á sér
stað í heiminum og sérstaklega gegn
hinum múslímska heimi. Vegna
tímasetningarinnar á hinum hugs-
anlegu hryðjuverkaárásum og hvers
vel það kom forseta Bandaríkjanna
(sbr. niðurstöðu Gallup könnunar á
vinsældum Bandaríkjaforseta) og
Tony Blair forsætisráðherra Breta
til að réttlæta slátrunina á gömlu
fólki og börnum í Líbanon, gerir mig
mjög tortrygginn á sannleiksgildi
þessara frétta. Leyniþjónustum
þessara landa er í lófa lagið að skapa
svo kölluð „sönnunargögn“ og með
tilliti til hvernig Bandaríkjamenn
hafa haldið meintum hryðjuverka-
mönnum í fangelsi án dóms og laga.
Einnig með tilliti til hvernig Banda-
ríkjamenn hafa rekið leynileg fang-
elsi í Evrópu og víðar.
Þessi skortur á eðli-
legri réttarmeðferð,
gerir mig ennþá meira
tortrygginn á að þessar
meintu hryðjuverka-
árásir hafi verið yf-
irvofandi og að sönn-
unargögnin séu ekta.
Staða Bandaríkja-
forseta hefur aldrei
verið verri heimafyrir
en núna og vinsældir
hans aldrei minni. All-
ur stríðsreksturinn
hefur aldrei verið eins
mikið gagnrýndur í Bandaríkjunum
eins og núna. Hversvegna ættu
hryðjuverkasamtökin að taka þessa
áhættu og snúa öllu almenningsáliti í
heiminum gegn sér?
Einnig er ég farinn að efast um til-
urð hinna frægu hryðjuverka-
samtaka Al Queda vegna þess að þau
haga sér allt öðruvísi en öll önnur
hryðjuverkasamtök í heiminum. Öll
hryðjuverkasamtök hafa einhvern
blaðafulltrúa til að koma skilaboðum
til almennings. Þau vilja koma á
breytingu og eru að vinna fyrir
ákveðin stjórnmálaleg sjónarmið eða
trúarbrögð. Með tilliti til þessa, er
það óskiljanlegt að Al Queda skuli
ekki afneita þessum hugsanlegu
hryðjuverkaárásum til að draga úr
áhrifamætti þessarar fréttar (áróð-
urs) frá Heathrow. Ég hef það á til-
finningunni að þessi ákveðnu
hryðjuverkasamtök, sem Osama Bin
Laden á að veita forstöðu, séu líka
tilbúningur Bandaríkjamanna, til að
réttlæta stríðið gegn Írak.
Það má ekki gleyma því að enginn
glæpur var framinn. Það voru engar
flugvélar sprengdar í háloftunum.
Það er ekki hægt að dæma menn
fyrir hugsanir sínar, eða hugsanlega
glæpi sem þeir hugsanlega vildu
framkvæma. Allir sjá að ekki er
hægt að ásaka alla menn, sem eiga
kúbein um að hugsanlega undirbúa
innbrot í einhverja verslun eða íbúð
og að kúbeinið er sönnunargagnið.
Hinsvegar er það hugsanlegt að ein-
hver velti þeirri hugsun fyrir sér en
framkvæmir hana aldrei og fram-
kvæmir þar af leiðandi engan glæp.
Hinar raunverulegu ástæður
átakanna í Mið-Austurlöndum eru
fyrst og fremst af trúarlegum ástæð-
um. Grundvallarsjónarmið múslíma
er að trúarbrögð og stjórnmál eru
samofin eins og var á Íslandi á land-
námsöld. Æðsti klerkurinn og for-
sætisráðherrann er sami maðurinn
og þegar hinn kristni heimur reynir
að þvinga á múslíma „okkar“ stjórn-
málakerfi (kirkja og ríki aðskilið),
endar það bara með stríði. Heim-
urinn hefur aldrei verið eins nærri 3.
heimsstyrjöldinni eins og núna og
þökk sé að kjarnorkusprengjur Ír-
ana eru ekki tilbúnar, þá varð ekkert
úr 3. heimsstyrjöldinni. Við verðum
að skilja íslam til að geta lifað með
þeim. Heiðni og íslam fyrir Mu-
hammed, voru nær sömu trúar-
brögðin og það er ekkert stig til í
þessum trúarbrögðum sem er milli
vinar og óvinar. Annaðhvort ertu
vinur eða óvinur. Bandaríkjaforseti
hefur í raun lýst yfir stríði gegn hin-
um íslamska heimi, með stuðningi
við Ísrael, sem stöðugt á í ófriði við
hina múslímsku nágranna sína.
Ímyndaðir hryðjuverkamenn
á Heathrow
Steinþór Ólafsson
skrifar um hryðjuverk »Ég hef það á tilfinn-ingunni að þessi
ákveðnu hryðjuverka-
samtök, sem Osama Bin
Laden á að veita for-
stöðu, séu líka tilbún-
ingur Bandaríkja-
manna, til að réttlæta
stríðið gegn Írak.
Steinþór Ólafsson
Höfundur er leiðsögumaður.
Heyrst hefur: Rætt var um viðskipti við Flugleiði.
RÉTT VÆRI: … viðskipti við Flugleiðir.
Gætum tungunnar
Páll Jóhann Einarsson skrifar
um trú og vísindi.
Gunnar Jóhannesson skrifar
um trú, vísindi.
Guðjón Sveinsson: Rík þjóð
en fátæk í anda.
Aðsendar greinar á mbl.is
www.mbl.is/greinar
TOSHIKI Toma, prestur innflytj-
enda, ritar grein í Mbl. 3. sept. sl.
undir fyrirsögninni
Eru múslímar verra
fólk en kristið?
Hann vitnaði í
greinar Skúla Skúla-
sonar og Söru Krist-
ínar Finnbogadóttur í
Morgunblaðinu ný-
lega, en greinarnar
fjalla meðal annars um
þjóðarmorð í Líbanon
og voðaverk öfgasinn-
aðra múslima o.fl.
Presturinn telur að
Skúli haldi fram í
greinum sínum nei-
kvæðri skoðun á íslam
og múslimum.
Hann nefnir í grein
sinni að kristnir prest-
ar hafi lagt blessun
sína yfir voðaverk,
sem hann telur álíka
hræðileg, og nýleg of-
beldisverk öfgasinn-
aðra múslima, sem
Skúli nefnir í grein
sinni.
Það má allavega
deila um hvaða verk
eru vond og verri, eða
hafi verið vond á sín-
um tíma.
Ég er að vísu ósammála flestu af
því sem í öllum þessum greinum
stendur, en þessi skrif mín fjalla
ekki um það.
Heldur fjalla þau um skoð-
anafrelsi og málfrelsi á Íslandi.
Í lokaorðunum í grein prestsins
spyr hann nefnilega ritstjórn Morg-
unblaðsins, í vandlætingatón, hvort
blaðið sé skyldugt til að taka á móti
öllum greinum og einnig hvort mað-
ur megi skrifa hvað sem er og senda
inn? Einnig spyr hann hver siðferði-
legi mælikvarðinn sé …
Það er nefnilega það.
Ég get upplýst prestinn um að
heimilt er á Íslandi að skrifa hvað
sem er og birta svo lengi sem það
beinlínis brýtur ekki lög.
Síðan geta þeir, sem telja á sig
hallað haldið ræður og skrifað í blöð
landsins sjálfum sér og skoðunum
sínum til framdráttar. Siðfræðina
eiga þeir við sjálfa sig.
Svo einfalt er nú það.
Blöð á Íslandi þola gagnrýni
Morgunblaðið og ýmis önnur blöð
á Íslandi hafa einmitt þann siðferði-
lega styrk að birta greinar, þó þær
stangist á við stefnu blaðsins og
stangast jafnvel á við viðurkenndar
skoðanir samtímans. Já, einnig þó
greinarnar séu beinlínis blóðugar
skammir um viðkomandi blað og rit-
stjórnarstefnu þess.
Ritskoðun er ljótt orð
í huga Íslendinga, og er
ekki beitt.
Eða, svo ég verði svo-
lítið andstyggilegur,
ætlar presturinn nú að
bæta hér úr og ákveða
fyrir okkur hin hvað má
segja og skrifa á Íslandi
og hvað ekki? En það
gerði hann einmitt
sjálfur þegar hann
dæmdi skoðun annars
manns í grein sinni.
Eða ætlar hann að
ákveða siðferðilega
mælikvarða á skoðanir
fólks og umræðu um
menn og málefni.
Þó presturinn meini
sjálfsagt vel og hafi
lært sitthvað í siðfræði,
veit hann auðvitað að
slíkt getur hæglega
snúist upp í andhverfu
sína.
Íslendingar hafa öld-
um saman ekki látið
múlbinda skoðanir sín-
ar, hverjar sem þær eru
og ekki heldur um-
ræðuna og verður svo
vonandi ekki í bráð.
Ef einhverjum líkar það ekki
verður bara að hafa það. En auðvit-
að getur sá hinn sami samt sem áður
viðrað þær skoðanir sínar hvar sem
er, líka í blöðum landsins. – Það kall-
ast skoðanafrelsi og málfrelsi.
Um skoðanafrelsi og
málfrelsi á Íslandi
Pétur Jónsson fjallar um
skoðanafrelsi og málfrelsi
Pétur Jónsson
» Íslendingarhafa öldum
saman ekki látið
múlbinda skoð-
anir sínar,
hverjar sem
þær eru og ekki
heldur um-
ræðuna og verð-
ur svo vonandi
ekki í bráð.
Höfundur er framkvæmdastjóri
og fyrrverandi borgarfulltrúi.