Morgunblaðið - 20.09.2006, Blaðsíða 2
2 MIÐVIKUDAGUR 20. SEPTEMBER 2006 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t
Innlent
Heiti laga um opinber mál verður
breytt og þau löguð að gildandi lög-
um um meðferð einkamála, nái nýtt
frumvarp, sem samið hefur verið á
vegum réttarfarsnefndar að til-
hlutan dómsmálaráðherra, fram að
ganga. Í athugasemdum með frum-
varpinu segir að því sé ætlað að
koma í stað laga um meðferð op-
inberra mála sem hafi verið breytt
18 sinnum frá 1991 og því orðin
nokkuð brotakennd. Einnig segir að
þótt lögin hafi á sínum tíma falið í
sér löngu tímabærar lagfæringar á
íslensku sakamálaréttarfari þjóni
sum ákvæði þeirra ekki lengur kalli
tímans. » 10
Verulegar tafir urðu á umferð í
Austurbæ Reykjavíkur í kjölfar um-
ferðaróhapps sem varð neðarlega í
Ártúnsbrekku laust fyrir kl. 11 í
gærmorgun. Vöruflutningabíll á
austurleið valt með þeim afleið-
ingum að farmur hans, um tuttugu
tonn af gleri, dreifðist um veginn og
þurfti að loka Miklubraut til austurs
frá Grensásvegi. Langar bílaraðir
mynduðust um aðliggjandi vegi og
voru dæmi um að ökumenn sætu
fastir í bílum sínum í rúma klukku-
stund. » 4
Að minnsta kosti þrír grunaðir
menn voru handteknir í gær í barna-
klámsmálum sem fjögur lögreglu-
embætti á landinu hafa nú til rann-
sóknar eftir ábendingu frá
alþjóðalögreglunni Interpol. Málin
eru til rannsóknar hjá lögreglunni í
Reykjavík, Selfossi, Ísafirði og
Kópavogi. Lögreglumenn fóru í
samstilltar húsleitir á þessum stöð-
um með húsleitarheimildir frá hér-
aðsdómstólum á hverjum stað. » 52
Erlent
Yfirmaður taílenska hersins lýsti
því yfir í gær að herinn hefði framið
valdarán og tekið yfir stjórn lands-
ins. Yfirlýsingin kom eftir að hópur
hermanna á skriðdrekum umkringdi
bústað forsætisráðherrans í höf-
uðborginni Bangkok. » 1
Viðskipti
Sænska kauphallarsamstæðan
OMX hefur gert samning við eig-
endur Kauphallar Íslands um að
OMX kaupi íslensku kauphöllina.
Kaupverð nemur um 2,4 milljörðum
króna og verður greitt með hlutafé í
OMX. » 12
BJÖRN Bjarnason dómsmálaráð-
herra lýsir yfir undrun sinni á orðum
Sigurðar Gylfa Magnússonar sagn-
fræðings sem sagði í Morgunblaðinu
í gær að undarlegt væri hvernig
dómsmálaráðuneytið hefði farið með
beiðni Ragnars Aðalsteinssonar lög-
manns um að fá aðgang að gögnum
um símhleranir.
„Mér er ekki kunnugt um að hann
hafi leitað neinna upplýsinga hjá mér
eða öðrum í dóms- og kirkjumála-
ráðuneytinu um það hvernig að af-
greiðslu á beiðni Ragnars Aðal-
steinssonar lögmanns var staðið.
Hvað hann hefur fyrir sér, þegar
hann telur afgreiðslu þessa máls
mjög undarlega, kemur því miður
ekki fram í orðum hans,“ segir Björn
og bætir því við að hann hefði að
fyrra bragði ætl-
að að sagnfræð-
ingar fögnuðu því
þegar skjöl væru
afhent söfnum til
varðveislu. „Í um-
ræðum um þessi
mál hefur einmitt
verið að því fund-
ið að sagnfræð-
ingar virðist hafa
meiri aðgang að gögnum Þjóðskjala-
safns en aðrir.“
Snertir ekki störf mín
Sigurður Gylfi segir málið ekki
síst einkennilegt þar sem Björn sé
óbeinn aðili að málinu en faðir
Björns, Bjarni Benediktsson, var
einn af þeim sem stóðu að hlerunum
þegar hann var dómsmálaráðherra.
„Um óbeina aðild mína að þessu máli
er það eitt að segja að hér er um
skjöl að ræða frá því fyrir fjörutíu til
næstum sextíu árum, sem ber að
fara með í samræmi við opinber lög
og reglur. Þótt faðir minn, Bjarni
Benediktsson, hafi þá gegnt ráð-
herraembætti og tekið ákvarðanir á
þeim tíma, sem síðan voru bornar
undir dómara til endanlegrar niður-
stöðu, snertir það störf mín sem
dómsmálaráðherra árið 2006 alls
ekki neitt.“
Björn segist vilja ítreka það, sem
hann hefur margsagt, að birta eigi
öll gögn úr sögu kalda stríðsins í
samræmi við reglur um birtingu op-
inberra gagna, og ekki eigi að mis-
muna mönnum í því sambandi.
Dómsmálaráðherra undr-
ast orð Sigurðar Gylfa
Björn Bjarnason
Taldi sagnfræðinga mundu fagna því að gögn færu á söfn
!
"
#
$
%
&
'() *
+,,,
Eftir Hjálmar Jónsson
hjalmar@mbl.is
ILLUGI Gunnarsson hagfræðingur
hefur ákveðið að gefa kost á sér í 3.
sætið í prófkjöri um framboðslista
Sjálfstæðisflokksins í Reykjavík
vegna þingkosninganna í vor.
„Miklu máli skiptir að á listann
veljist öflugur hópur og sigurstrang-
legur. Hann þarf að vera í stakk bú-
inn til þess að verja þann mikla ár-
angur, sem náðst hefur á umliðnum
árum, en umfram allt reiðubúinn til
þess að fást við ný og krefjandi úr-
lausnarefni samfélagsins. Í því starfi
vil ég leggja mitt af mörkum,“ segir
meðal annars í yfirlýsingu af þessu
tilefni.
Illugi sagði í samtali við Morgun-
blaðið að hann hefði starfað í stjórn-
málum á undanförnum árum. „Ég tel
að það séu verkefni framundan í
samfélaginu sem kalla mjög eftir því
að Sjálfstæðis-
flokkurinn taki
afgerandi forystu
á ýmsum sviðum,
til dæmis í um-
hverfis- og
menntamálum og
ég vil gjarnan
leggja mín lóð á
þær vogarskál-
ar,“ sagði Illugi.
„Þarna eru á ferðinni mjög brýn
úrlausnarefni sem kalla á nýja hugs-
un og nýjar aðferðir, sem ég tel að
Sjálfstæðisflokkurinn eigi að hafa
forystu um í okkar samfélagi.“
Hann sagðist hlakka til prófkjörs-
baráttunnar og ekki efast um að hún
yrði drengileg og myndi ekki skilja
eftir sig sár. Að henni lokinni myndu
sjálfstæðismenn Reykjavík snúa sér
samhentir að því að vinna kosning-
arnar í vor.
Illugi sagði aðspurður að stjórn-
málin væru spennandi vettvangur
fyrir ungt fólk, að sínu mati, jafnvel
meira spennandi en áður, þó oft væri
talað um þau óverðskuldað á niðr-
andi hátt. „Verkefni stjórnmálanna
eru mjög stór og það skiptir miklu
máli að þau séu vel af hendi leyst. Til
að mynda skiptir það óhemju miklu
hvernig við högum verndun um-
hverfisins og um leið nýtingu þess og
menntamálin, svo ég taki dæmi af
þeim málaflokkum sem ég nefndi áð-
ur, skipta óskaplega miklu máli til að
tryggja jafnrétti í samfélaginu og
einnig okkar stöðu í samkeppni þjóð-
anna.“
Illugi var aðstoðarmaður Davíðs
Oddssonar í fimm ár, fyrst í fjögur ár
í forsætisráðuneytinu og síðan í eitt
ár í utanríkisráðuneytinu. Hann var
einnig virkur í háskólapólitíkinni og
ungliðastarfi flokksins og var meðal
annars formaður Heimdallar áður en
hann fór utan til náms.
Illugi Gunnarsson gefur
kost á sér í þriðja sætið
Illugi Gunnarsson
EKKI liggur fyrir á þessu stigi hver
kostnaður Actavis verður af fyrirhug-
aðri yfirtöku króatíska samheitalyfja-
fyrirtækisins Pliva. Halldór Krist-
mannsson, framkvæmdastjóri Innri
og ytri samskipta Actavis, segir að
kostnaður vegna verkefnisins sé um-
talsverður en ekki liggi fyrir á þessu
stigi hversu hár hann verði, enda
verkefninu ekki endanlega lokið.
Hann segir ferlið hafa verið flókið og
eitt það flóknasta sem samstarfsaðil-
ar félagsins hafi tekið þátt í.
„Til að mæta háum kostnaði þá má
áætla að talsverður söluhagnaður
myndist við sölu þeirra bréfa sem við
eigum í Pliva en eignarhlutur okkar í
dag nemur um 21%,“ segir Halldór.
„Þó ber að taka tillit til þess að ekki
rennur allur væntanlegur hagnaður
af þeim bréfum sem við eigum kaup-
rétt á beint til okkar, heldur er þeim
hagnaði skipt. Bréfin hafa hækkað
um rúmlega 10% frá því að þau voru
keypt og kaupréttarsamningar gerð-
ir. Það hefur hins vegar engin ákvörð-
un verið tekin um sölu á hlut félagsins
eða á hvaða verði hann væri falur og
því ekki hægt að segja til um hver
hagnaðurinn af honum gæti orðið. Við
teljum hins vegar ljóst að væntanleg-
ur söluhagnaður muni ekki ná upp í
allan kostnað vegna verkefnisins.“
Góður söluhagnaður
Actavis tilkynnti í fyrradag að fé-
lagið myndi ekki hækka tilboð sitt í
Pliva eftir að bandaríska lyfjafyrir-
tækið Barr lagði fram 3% hærra til-
boð en Actavis hafði gert.
Actavis keypti á sínum tíma um
10% hlut í Pliva og gerði kauprétt-
arsamninga um önnur 10% á genginu
723 króatískar kúnur á hlut. Tilboð
Barr í hlutabréf félagsins hljóðar hins
vegar upp á 820 kúnur á hlut. Með
hliðsjón af því má ætla að töluverður
hagnaður hafi myndast, en ekki hafa
þó verið gefnar út upplýsingar um
hvernig væntanlegum hagnaði af sölu
kaupréttarbréfa verður skipt milli
Actavis og fyrri eigenda bréfanna.
Umtalsverður kostn-
aður af tilboði í Pliva
Í dag
Sigmund 8 Forystugrein 26
Staksteinar 8 Umræðan 28/30
Veður 8 Bréf 30
Fréttaskýring 11 Minningar 31/35
Viðskipti 12 Staðurstund 38/47
Ver 13 Af listum 41
Erlent 14/15 Leikhús 42
Menning 16/17 Myndasögur 44
Höfuðborgin 18 Dægradvöl 45
Akureyri 18 Dagbók 48
Suðurnes 19 Velvakandi 48
Landið 19 Bíó 46/49
Daglegt líf 20/25 Ljósvakamiðlar 50
* * *
SÍÐASTA varnarliðsþyrlan var flutt á brott í gær í
C-17 flutningavél bandaríska hersins til Englands þar
sem þyrlusveitin er staðsett og rekin sem ein heild. Um
150 manns, bæði varnarliðsmenn og starfsmenn liðsins
eru eftir á vellinum og munu þeir síðustu hverfa af
landi brott um aðra helgi. Þá er síðasti vinnudagur nær
500 íslenskra starfsmanna varnarliðsins á föstudaginn
næstkomandi.
Víkurfréttir/Ellert Grétarsson
Síðasta þyrlan á brott