Morgunblaðið - 20.09.2006, Blaðsíða 13

MORGUNBLAÐIÐ MIÐVIKUDAGUR 20. SEPTEMBER 2006 13
ÚR VERINU
Morgunblaðið/Kristinn
Viðskipti Starfsemi Alfesca kynnt. Eins og sjá má er vöxtur í framleiðsl-
unni. En hér er verið að kynna starfsemi franska dótturfyrirtækisins Blini.
Eftir Hjört Gíslason
hjgi@mbl.is
„VIÐ teljum að fyrirtækið sé komið í
mjög skemmtilega stöðu. Við urðum
fyrir barðinu á ákaflega óheppileg-
um og ófyrirsjáanlegum utanaðkom-
andi áhrifum. Þau virðast vera að
baki og okkur finnst við nú vera
komnir í nokkuð vel reimaða hlau-
paskó. Ef ytri aðstæður verða okkur
sæmilega hagstæðar, eigum við að
geta verið í ágætum málum,“ segir
Ólafur Ólafsson, stjórnarformaður
Alfesca.
Alfesca hélt kynningarfund um
starfsemi félagsins í gær. Þar lagði
forstjóri fyrirtækisins, Xavier Gov-
are, áherzlu á að reksturinn gengi
vel eftir miklar breytingar. Innri
vöxtur væri hjá öllum helztu meg-
instoðum félagsins, en mjög hátt
verð á hráefni, einkum laxi, hefði
gert fyrirtækjunum erfitt fyrir. Verð
á laxinum hefði nú lækkað verulega
og væri ekki gert ráð fyrir að það
hækkaði á ný. Þetta háa verð hefði
verið langt umfram áætlanir og ekki
hefði tekizt að koma hækkuninni
nema að litlu leyti út í afurðaverðið.
Það hefði haft mjög neikvæð áhrif á
reksturinn, en á móti hefði komið
góður árangur á öðrum sviðum.
Stefnt væri að vexti í framleiðslu og
sölu á afurðum úr öndum og gæsum,
á blini, sem eru meðal annars smur-
kæfur og á ferskri rækju, en þar hef-
ur verið mikill vöxtur. Hins vegar
væri ætlunin að halda að sér höndum
í framleiðslu á afurðum úr laxi.
„Rekstur verksmiðja félagins og
sala afurða gengur nokkuð vel,“ seg-
ir Ólafur Ólafsson. „Það eru eitt til
tvö verkefni sem bíða okkar sem lúta
að því ná góðum tökum á rekstrin-
um. Í Skotlandi og víðar hefur náðst
feiknagóður árangur.
Ég tel því að framtíðin sé ágæt.
Við fórum af stað með ákveðnar
grunnhugmyndir og þær hafa geng-
ið að mestu eftir fyrir utan áföll
vegna hins háa hráefnisverðs. Það
hefur seinkað ferli okkar um eitt til
eitt og hálft ár. Engu að síður erum
við sæmilega bjartsýnir.“
Draga úr áhættu
Hvað um ytri vöxt, stendur til að
kaupa fleiri fyrirtæki og sameina
þau Alfesca?
„Eins og fram kom í kynningunni
hér ætlum við að leggja áherzlu á
þrjár af þessum meginstoðum, sem
rekstur fyrirtækisins stendur á. Við
gerum okkur vonir um að geta styrkt
stöðu þessara eininga. Við höfum
verið að skoða mikið af tækifærum
og munum halda áfram að gera það.
Síðan er okkar stóra tækifæri að
leita að fjárfestingum sem draga úr
áhættu í hráefnisöflun og þeim árs-
tíðabundnu sveiflum sem eru í
rekstri fyrirtækisins. Við höfum
skoðað ýmsa kosti, en meðan við vor-
um að fara í gegnum þetta breyt-
ingaskeið og erfiðar ytri aðstæður
töldum við rétt að ná fyrst tökum á
rekstrinum og borga upp okkar
skuldir til að vera betur í stakk búnir
til að takast á við frekari tækifæri
síðar.“
Það virðist vera mest aukning í
sölu á ferskum rækjuafurðum í Bret-
landi. Mun hugsanlegur vöxtur fyr-
irtækisins verða á því sviði?
„Já, það er mikil aukning á þessu
sviði og það er eitt af því sem við
kynntum í upphafi og ætlum að
skoða. Vonandi getum við sagt frá
einhverju þar fljótlega, en við ætlum
að reyna að nota þá reynslu og góða
árangur sem við höfum náð með
brezka fyrirtækið okkar, Lyons Sea-
food, í Frakklandi til frekari sóknar.
Við erum bara sæmilega bjartsýnir,
en það er alltaf gott að ganga hægt
um gleðinnar dyr,“ segir Ólafur.
Höfum verið að skoða
mörg tækifæri til vaxtar
VERÐ á laxi stóð í stað á erlendum
mörkuðum í síðustu viku. Þetta
kemur fram í tölum norsku hagstof-
unnar. Laxverðið hafði lækkað
hratt í sjö vikur í röð en með-
alverðið í síðustu viku stóð hins veg-
ar í stað frá vikunni á undan. Verð á
ferskum útfluttum laxi frá Noregi
var 28% lægra í síðustu viku, 31,2
norskar krónur á kíló, miðað við
verðið í lok júní, 43,1 norskar krón-
ur, þegar það náði hámarki. Norð-
menn eru stærstu einstöku fram-
leiðendur á eldislaxi í heiminum og
því er útflutningsverðið frá Noregi
lýsandi fyrir heimsmarkaðsverð á
laxi. Þótt meðalverðið hafi lækkað
skarpt undanfarnar vikur er það
enn fremur hátt í sögulegu ljósi og
vel ásættanlegt fyrir framleiðendur.
Flestar spár gera ráð fyrir auknu
framboði af laxi frá framleiðendum
á næsta ári sem ætti að öðru
óbreyttu að pressa á verðið til frek-
ari lækkunar.
Verðlækkunin undanfarið
hagstæð fyrir Alfesca
Frá þessu var greint í Morg-
unkorni Glitnis og segir þar enn-
fremur: „Verðlækkunin á laxi und-
anfarnar vikur hefur komið sér vel
fyrir fullvinnslufyrirtæki. Alfesca
er eitt af þeim fyrirtækjum sem
finna fyrir verðbreytingum á laxa-
furðum þar sem dótturfyrirtæki
þess, Labeyrie, Delpierre og Vensy
eru stórir kaupendur á laxi, m.a. frá
Noregi. Framundan er mikilvægur
tími fyrir Alfesca þar sem félagið
kaupir á haustmánuðum inn mikið
magn af laxi til að selja fyrir mik-
ilvægasta sölutímabil félagsins, jóla-
söluna.“










 
!"
!
#"
#
"

"

"

'

 (
)

#

*
 
+
+





 4C! 4C  D   * &# ,  4! <-
  
 4C! 4C  D  
!$ "$"
!#$
# $%
#$
Stöðugt verð á
laxi á mörkuðum
Gert er ráð fyrir auknu framboði
hjá flestum framleiðendum næsta ár
Samherjaskipið Margrét EA 710
landaði nýlega norsk-íslenzkri síld
hjá Síldarvinnslunni í Neskaupstað.
Auk hennar lönduðu Aðalsteinn
Jónsson SU og Hákon EA. Margrét
var með um 800 tonn sem fór allt í
flökun til manneldis. Aðalsteinn
Jónsson var með fullfermi af síld
bæði frosinni og í bræðslu, rúm
2.000 tonn. Síðan kom Hákon með
svipaðan skammt eða um 2.000 tonn
en þeir eru saman á partrolli, Að-
alsteinn og Hákon.
Veiðarnar hafa gengið þokkalega
að undanförnu. Alls hafa veiðzt tæp
130.000 tonn, en kvótinn er 154.000
tonn. Nú hefur um 85.000 tonnum
verið landað til vinnslu af íslenzkum
skipum og 7.000 tonnum af erlend-
um skipum. Verksmiðjurnar hafa
því tekið á móti um 92.000 tonnum,
samkvæmt upplýsingum frá Sam-
tökum fiskvinnslustöðva. Lang-
mestu hefur verið landað hjá Síld-
arvinnslunni, ríflega 57.000 tonnum.
Nóg af síld
Morgunblaðið/Þorgeir Baldursson
Veiðar Síld landað í Neskaupstað, Margrét EA og Aðalsteinn Jónsson SU.
Fagmennska í fFagmennska í fyrirrúmi
jaga vatnshitablásarar í úrvali
smáir sem stórir • 5 - 50 kW
með jaga-AVS loftdreifikerfi
®
Gæði • Reynsla • Þjónusta
Skútuvogi 6 • 104 Reykjavík • Sími 510 4100 • www.danfoss.isDanfoss hf
Skólavörðustíg 13
Sími 510 3800
Fax 510 3801
www.husavik.net
Reynir Björnsson
lögg. fasteignasali
Húsavík – þar sem gott orðspor skiptir máli
Falleg 162,7 fm sérhæð með bílskúr á þessum vinsæla stað í vogunum. Á
neðri hæð er forstofa, snyrting, eldhús, búr, borðstofa, stofa, svalir og síma-
hol. Parket á stofum og gangi. Á efri hæð er baðherb. með sturtu, þvotta-
hús, svalir með útsýni og 3 rúmgóð herbergi með skápum. Stutt í Vog-
askóla, Menntaskólann v/Sund og alla þjónustu. Bílskúr er næstur húsinu.
Eignin er laus. Verð 29,9millj.
Sölumaður Húsavíkur tekur vel á móti gestum milli kl. 18 og 20 í dag.
Teikningar á staðnum.
Opið hús milli kl. 18 og 20 í dag
Skeiðarvogur 25 - Sérhæð m/bílskúr- Laus
Lækkað verð