Morgunblaðið - 23.01.2007, Page 28

28 ÞRIÐJUDAGUR 23. JANÚAR 2007 MORGUNBLAÐIÐ
UMRÆÐAN
MIKIÐ hefur gengið á innan
Frjálslynda flokksins undanfarið og
þingmenn flokksins, sem og sumir ný-
ir meðlimir hans, virðast hafa fengið
skotleyfi á Margréti Sverrisdóttur
undanfarnar vikur. Það hefur ekki
verið vilji Margrétar að
fara út í eitthvert skít-
kast við þessa aðila
heldur hefur hún lagt
til við stuðningshóp
sinn innan flokksins að
falla ekki í sömu gryfju
og þessi hópur gerir
með málflutningi sín-
um. Það eina sem þess-
ir menn eiga eftir að
gera er að reisa henni
níðstöng á áberandi
stað.
Ég get ekki lengur
orða bundist. Á haust-
dögum varð alvarlegur
trúnaðarbrestur milli
miðstjórnar flokksins
og þingflokksins. Þeg-
ar lagt var til að Nýtt
afl sameinaðist Frjáls-
lynda flokknum með
pomp og prakt var
meirihluti miðstjórnar
andvígur sameiningu. Mörg málefni
flokkanna tveggja voru ólík og áhugi
var ekki fyrir því hjá meirihluta mið-
stjórnar að fara að taka upp okkar
ágætu málefnahandbók og sjóða sam-
an einhvern bastarð úr mál-
efnahandbók flokkanna tveggja sem
enginn yrði sáttur við. Auk þess sáum
við ekki að innganga Nýs afls væri
flokknum til framdráttar í komandi
kosningum þar sem Nýtt afl hafði
barist hatrammlega gegn Frjálslynda
flokknum í síðustu alþingiskosningum
og hlotið vægast sagt slæma útreið
hjá kjósendum. Meirihluti mið-
stjórnar kvað því upp úr með það að
félagar úr Nýju afli væru velkomnir
sem einstaklingar í Frjálslynda flokk-
inn, eins og allir aðrir sem ekki eru
skráðir í annan stjórnmálaflokk og
eru tilbúnir til að samþykkja grund-
vallarstefnu flokksins og vinna að
framgangi hennar.
Þetta átti þingflokkurinn og nokkr-
ir áhangendur hans innan miðstjórnar
erfitt með að sætta sig við. Atburða-
rásin fór af stað. Nýtt afl var lagt nið-
ur sem stjórnmálaflokkur, eða hvað?
Jón Magnússon kynnir sig enn sem
formann Lýðræðisflokksins Nýs afls
á heimasíðu sinni.
Næsta skrefi var stillt upp þannig
að félagar úr flokknum sendu saman
inngöngubeiðni í Frjáls-
lynda flokkinn, send var
út fréttatilkynning um
að Nýtt afl hefði verið
lagt niður sem stjórn-
málaflokkur og liðsmenn
hvattir til að ganga í
Frjálslynda flokkinn.
Þetta var hálfspaugileg
tilkynning um ekki sam-
einingu en samt samein-
ingu Nýs afls og Frjáls-
lynda flokksins.
Meirihluti miðstjórnar
hafði sérstaklega lagst
gegn því að það yrði
gerður fjölmiðlasirkus í
kringum inngöngu ein-
stakra félaga úr Nýju
afli. Þessi gjörð var því
þvert á það sem meiri-
hluti miðstjórnar lagði
upp með. Síðar kom í
ljós að þessi frétta-
tilkynning var samin af
Jóni Magnússyni og hlaut hún bless-
un formanns og varaformanns Frjáls-
lyndra.
Á þessari stundu voru komnir al-
varlegir brestir í samband meirihluta
miðstjórnar og þingflokksins. Mar-
grét Sverrisdóttir var ötull talsmaður
okkar hóps og stóð hún þétt við bakið
á okkur. Þarna byrjaði núningur þing-
flokksins og Margrétar. Hún stóð fast
á sínu og stóð með meirihluta mið-
stjórnar gegn þessum gerræðislegu
vinnubrögðum þingflokksins.
Á næstu vikum gerðust atburðir
sem flestum er kunnugt um. Jón
Magnússon skrifaði fræga grein í
Blaðið sem hann nefndi „Ísland fyrir
Íslendinga?“ Mikil fjölmiðlaumfjöllun
fór í gang. Margir úr flokknum og þar
á meðal sá hluti miðstjórnar sem
hafnaði sameiningu við Nýtt afl var
ósáttur við þann málflutning sem fór í
gang þar sem okkur fannst hallað á
einn trúarhóp umfram annan í um-
ræðunni sem annars var nauðsynleg.
Margrét varð öflugasti talsmaður
okkar og hlaut bágt fyrir.
Nú byrjuðu nornaveiðarnar fyrir
alvöru. Rógsherferð gegn Margréti
fór í gang þar sem Útvarp Saga var
notuð sem málpípa þessara manna
sem mest höfðu sig í frammi.
Harðar umræður fóru fram á mið-
stjórnarfundum og orð sem hafa verið
látin falla á þeim fundum ætla ég ekki
að hafa eftir, en stundum hef ég efast
um dómgreind og heilindi sumra
þingmanna flokksins eftir þessa fundi.
Í fjölmiðlum undanfarið hafa þing-
menn vegið að Margréti og segja hana
vera að hanna þessa atburðarás sem
fór af stað með innflytjendaumræð-
unni til þess að búa til ágreining innan
flokksins með það að markmiði að
geta „hjólað í forystumenn flokksins á
landsþingi“. Þetta er rangt. Ég hef
verið að spyrja Margréti annað slagið
síðastliðin tvö ár, eða frá því að hún
fékk áskorun á síðasta landsþingi um
að gefa kost á sér í varaformanns-
sætið, hvort hún ætlaði að gefa kost á
sér á næsta landsþingi. Það hefur af
hálfu Margrétar aldrei annað komið
til greina en að flokkurinn færi án
þeirra átaka inn í næstu kosningar.
Þar til núna nýlega. Tilkynning Mar-
grétar um væntanlegt framboð til for-
ystu flokksins er afleiðing af þeirri
orrahríð sem hún hefur mátt þola
undanfarið.
Völd eru vandmeðfarin og þeim
fylgir mikil ábyrgð. Ekki er öllum
treystandi til að fara með völd og alls
ekki þeim sem gera hvað sem er til
þess að ná þeim.
Ég hvet alla flokksmenn Frjáls-
lynda flokksins til að flykkjast á
landsþingið hinn 27. janúar.
Alvarlegur trúnaðarbrestur
milli miðstjórnar og þingflokks
Sólborg Alda Pétursdóttir
skrifar um Frjálslynda flokkinn
» Völd eruvandmeð-
farin og þeim
fylgir mikil
ábyrgð.
Sólborg Alda
Pétursdóttir
Höfundur situr í miðstjórn Frjáls-
lynda flokksins og býður sig fram í
embætti ritara flokksins á komandi
landsþingi.
PARKET...FLÍSAR...PARKET...FLÍSAR.
...FLÍSAR...PARKET...FLÍSAR...PARKE
PARKET...FLÍSAR...PARKET...FLÍSAR.
...FLÍSAR...PARKET...FLÍSAR...PARKE
PARKET FLÍSAR PARKET FLÍSAR... ... ... .
...FLÍSAR...PARKET...FLÍSAR...PARKE
PARKET...FLÍSAR...PARKET...FLÍSAR.
...FLÍSAR...PARKET...FLÍSAR...PARKE
PARKET...FLÍSAR...PARKET...FLÍSAR.
Ú LÞúsundir fermetra
af flísum með
20-70% afslætti
Plastparket
frá 790 kr/m 2
Viðarparket
frá 1990 kr/m 2
ÞANN 11. janúar sl. var skrifað
undir merkan samning um kennslu
og rannsóknir við Háskóla Íslands.
Undirbúningur þessa samnings er
langur og hefur há-
skólasamfélagið lagt
mikla vinnu í hann.
Að baki samningsins
býr mikill metnaður,
bæði Háskólans og
stjórnvalda. Með
þessum samningi
skapast forsendur
fyrir því að Háskóli
Íslands verði háskóli í
fremstu röð í heim-
inum. Samningurinn
er til fimm ára eða til
ársins 2011 og á því
tímabili hækka rann-
sóknaframlög um 640
milljónir árlega eða
um tæpa 3 milljarða í
lok tímabilsins.
Fyrsta skrefið til
eflingar HÍ var stigið
við fjárlagaafgreiðslu
fyrir árið 2007, en þá
voru framlög til skól-
ans hækkuð um 300
milljónir. Mjög at-
hyglivert var að
stjórnarandstaðan sat
hjá í þeirri atkvæðagreiðslu. Það
gefur vísbendingar um stefnu
hennar í málefnum Háskóla Ís-
lands. Það eru hins vegar mörg
spennandi efnisatriði í þessum
samningi. Sem dæmi má nefna að
stefnt er að því að fimmfalda fjölda
brautskráðra doktora og tvöfalda
fjölda brautskráðra meistaranema.
Námskeið í framhaldsnámi verða
fleiri og sum þeirra í samvinnu við
erlenda háskóla. Afköst í rann-
sóknum verða meiri og efla á gæði
þeirra. Oft er rætt um að mælistika
rannsókna sé fjöldi birtra vís-
indagreina og þar stendur Háskóli
Íslands sig afar vel. Um 80% af
slíkum birtingum íslenskra vísinda-
manna eru verk starfsmanna Há-
skóla Íslands.
Á þeim tíma þegar
ég átti sæti í há-
skólaráði var það
draumur okkar að á
móti hverri krónu sem
kæmi inn fyrir kennslu
kæmi einnig króna í
rannsóknir. Manni
þótti þetta dálítið fjar-
lægt, en alls ekki úti-
lokað. Nú er sá draum-
ur að rætast vegna
þess að í lok samnings-
tímans verður hlutfallið
komið yfir 100% en það
er 43% í dag. Þetta er
stórkostlegur áfangi og
hef ég heyrt af mikilli
ánægju með þetta í há-
skólasamfélaginu, sem
og þjóðfélaginu öllu.
Annar draumur sem
við áttum okkur var að
Vísindagarðar Háskóla
Íslands myndu taka til
starfa sem fyrst. Þessi
samningur kveður á
um að starfsemi Vís-
indagarðanna hefjist
fyrir lok ársins 2007. Með því er
verið að skapa vettvang fyrir sam-
starf ýmissa aðila sem tengjast ný-
sköpun, hátækni og rannsóknum.
Slíkir vísindagarðar hafa fyrir
löngu sannað tilvist sína og hefur
Háskólinn unnið lengi að stofnun
þeirra. Þeir verða mikil lyftistöng
fyrir samfélagið og munu veita
stúdentum tækifæri sem ekki eru
til staðar í dag.
Mörg önnur atriði eru í þessum
samningi og öll verða þau til þess
að efla Háskólann sem framsækinn
þjóðskóla. Hér er um að ræða arð-
bæra fjárfestingu sem mun skila
sér til samfélagsins alls. Ég vil hér
að lokum óska okkur öllum til ham-
ingju með þessi tímamót.
Stórsókn
Háskóla Íslands
Dagný Jónsdóttir skrifar um
eflingu Háskóla Íslands
Dagný
Jónsdóttir
» Oft er rættum að mæli-
stika rannsókna
sé fjöldi birtra
vísindagreina og
þar stendur Há-
skóli Íslands sig
afar vel.
Höfundur er varaformaður mennta-
málanefndar Alþingis.
Oft er sagt: Hann gat sér góðan orðstý.
Betra þætti: Hann gat sér góðan orðstír.
Rétt væri: Hann kaus Valtý Guðmundsson.
(Ath.: tír merkir sæmd; týr merkir hetja eða goð.)
Gætum tungunnar