Morgunblaðið - 02.05.2007, Page 11

MORGUNBLAÐIÐ MIÐVIKUDAGUR 2. MAÍ 2007 11
FRÉTTIR
· Álftanes
· Garðabær
· Hafnarfjörður
· Kjós
· Kópavogur
· Mosfellsbær
· Seltjarnarnes
Virkjum kraft
eldri borgara
Geir H. Haarde og Þorgerður Katrín Gunnarsdóttir
verða með morgunverðafund um málefni eldri
borgara föstudaginn 4. maí. Fundurinn verður
í Hlíðarsmára 3 (Avion húsinu) og hefst kl.08.15
og lýkur kl.09.15.
Boðið verður upp á morgunverð.
Allir velkomnir
Eftir Steinþór Guðbjartsson
í Winnipeg
steinthor@mbl.is
MIKIL ánægja var með „Núna“
(now), listahátíð ungs fólks frá Ís-
landi og Manitoba, sem fór fram í
Winnipeg í tengslum við þing Þjóð-
ræknisfélags Íslendinga í Norður-
Ameríku og lauk um síðustu helgi.
Um 50 ungir listamenn tóku þátt í
hátíðinni og meðal íslensku lista-
mannanna voru söngkonurnar
Fabúla, Ólöf Arnalds og Ragnheiður
Gröndal og myndlistarmaðurinn
Ragnar Kjartansson, auk þess sem
sýndar voru kvikmyndir eftir Egil
Eðvarðsson og Ásdísi Sif Gunnars-
dóttur. Sýningar og aðrir viðburðir
voru víða í Winnipeg og var lista-
fólkið mjög ánægt með hátíðina sem
slíka og viðbrögðin.
Inga Torfadóttir myndlistarmað-
ur hefur búið í Kanada síðan 1976 og
haldið nokkrar einkasýningar auk
þess sem hún hefur verið með í
mörgum samsýningum. ,,Mér finnst
þessi listahátíð alveg frábær, stór-
kostleg,“ segir hún og bætir við að
hún sé viss um að hátíðin eigi eftir
að hafa mikil og jákvæð áhrif á ungt
listafólk. ,,Hún eflir samskiptin milli
Íslendinga og Kanadamanna, sér-
staklega á listrænu sviði.“
Ragnar Kjartansson sýndi þrjú
málverk og tók auk þess þátt í
þriggja daga hópvinnu, þar sem
margir listamenn tóku sameiginlega
þátt í sköpun listaverka. ,,Þessi sam-
vinna var mjög skemmtileg og það
var ánægjulegt að vera með í þessu
verkefni,“ sagði hann.
Ásdís Sif Gunnarsdóttir tók í sama
streng, en hún tók m.a. þátt í stutt-
myndasýningu. ,,Þetta hefur verið
mjög gaman,“ sagði hún.
Atli Ásmundsson, aðalræðismaður
Íslands í Winnipeg, átti frumkvæðið
að hátíðinni en hugmyndin er að hún
fari fram árlega og þá í tengslum við
þjóðræknisþingið. Ungt listafólk af
íslenskum ættum í Manitoba er í list-
ráði hátíðarinnar og valdi verkin og
viðburðina en stjórn hátíðarinnar sá
um fjárhagslegu hliðina. Meðal
helstu styrktaraðila voru FL Group,
Baugur, Icelandair, Glitnir og Ice-
land Naturally.
Íslenskir listamenn
ánægðir í Winnipeg
Morgunblaðið/Steinþór
Listahátíð Boðið var upp á fjölbreytta hátíð á „Núna“ (now) í Winnipeg. Á myndinni eru Tristin Tergesen for-
maður listráðsins, Erika McPherson, Ólafur Ragnar Grímsson, forseti Íslands, Freya Olafson, Steven Matijcio og
Atli Ásmundsson aðalræðismaður við verk eftir Huldu Stefánsdóttur.
MORGUNBLAÐIÐ er í kosn-
ingaham. Í leiðara Morgun-
blaðsins í gær gagnrýnir rit-
stjóri þess tillögur Samfylking-
arinnar um að leysa bráðavanda
um 900 barna og aldraðra, sem
bíða á biðlistum ríkisstjórnar-
innar. Hann gagnrýnir tillög-
urnar fyrir að fjalla ekki um
rekstrarform og samkeppni,
sem var ekki tilgangur þeirra.
Samtals bíða þúsundir veikra
Íslendinga á biðlistum ríkis-
stjórnarinnar. Samfylkingin
hefur tekið saman yfirlit yfir
verstu listana og birt á
www.samfylking.is.
Þegar Samfylkingin setur nú
fram kostnaðargreindar og vel
útfærðar tillögur um hluta þess-
ara biðlista; vill losa tæplega
500 börn úr gíslingu biðlista eft-
ir greiningu á geðröskunum eða
þroskafrávikum og skapa 400
öldruðum sem bíða veikir heima
í brýnni hjúkrunarþörf lág-
marksöryggi, þá kýs ritstjóri
Morgunblaðsins að gagnrýna
tillögurnar fyrir það, að þar sé
ekkert um ný rekstrarform eða
samkeppni í heilbrigðiskerfinu.
Sæmra hefði verið að beina
gagnrýni að ríkisstjórninni sem
hirðir ekki um bráðavanda þess-
ara veiku barna og aldraðra.
Að vinna
heimavinnuna sína
Hefði ritstjórinn unnið heima-
vinnuna sína, þá hefði hann
kynnt sér afstöðu Samfylking-
arinnar til nýrra rekstrarforma
og valkosta í heilbrigðisþjón-
ustu og lesið nýjar landsfunda-
samþykktir flokksins, sem vitn-
að er til hér að neðan og eru
öllum aðgengilegar á heimasíðu
okkar. Hefði ritstjóri Morgun-
blaðsins bara lagt það á sig að
lesa tillögurnar um að eyða bið-
listunum, tillögur sem voru af-
hentar blaðamanni Morgun-
blaðsins sl. sunnudag, þá hefði
hann séð að þar er líka gert ráð
fyrir því að fara nýjar leiðir í
framkvæmd: Sérfræðistofnanir
um geðraskanir og þroskafrávik
barna fái heimild til að kaupa
greiningarþjónustu frá sjálf-
stætt starfandi sérfræðingum
utan stofnananna. Að gerðir
verði kostnaðargreindir og ár-
angursmiðaðir samningar um
þjónustuna. Að keypt verði á
sams konar rekstrargrunni sól-
arhrings hjúkrunarþjónusta fyr-
ir aldraða ýmist frá hjúkrunar-
heimilum, sem flest eru utan
opinbera kerfisins eða frá Land-
spítala sem nú þegar veitir 20
öldruðum slíka þjónustu.
Jafnt aðgengi,
gæði og hagkvæmni
Á landsfundi fyrir tveimur
vikum samþykkti Samfylkingin
mikilvæg grundvallaratriði um
rekstrarform og valkosti í heil-
brigðisþjónustu: M.a. að „kostn-
aðargreina heilbrigðisþjónustu
og taka upp blandaða fjármögn-
un […] þar sem fjármagn fylgir
sjúklingum“. Ennfremur […]
„að auka vægi útboða og þjón-
ustusamninga í heilbrigðisþjón-
ustu þar sem við á, en tryggja
ætíð aðgengi að þjónustunni
óháð efnahag“ og loks „auka
valfrelsi í þjónustu og endur-
hæfingu í heilbrigðiskerfinu“.
Samfylkingin hefur einnig fyrir
allnokkru samþykkt ítarlegar
og velútfærðar tillögur um
rekstrarform í almannaþjón-
ustu. Tillögur sem eiga að
tryggja aðgengi allra að al-
mannaþjónustu, samhliða því að
stuðla að gæðum og hag-
kvæmni. Tillögur sem einkenn-
ast af fordómaleysi gagnvart
markaðslausnum, en forðast að
gera þær að því trúaratriði sem
þær virðast því miður vera á rit-
stjórnarskrifstofum Morgun-
blaðsins.
Um vanda 900
veikra barna
og aldraðra
Til ritstjóra Morgunblaðsins
Margrét S. Björnsdóttir sat í
starfshópi Samfylkingarinnar um
raunhæfar lausnir á bráðavanda
barna og aldraðra á biðlistum
ríkisstjórnarinnar.