Morgunblaðið - 02.05.2007, Qupperneq 18

18 MIÐVIKUDAGUR 2. MAÍ 2007 MORGUNBLAÐIÐ
LANDIÐ
Kirkjubæjarklaustur | „Ný samþykkt frum-
varp um stofnun Vatnajökulsþjóðgarðs hefur
gríðarlega þýðingu fyrir byggðarlagið hér í
Skaftárhreppi. Ég sé fyrir mér enn meiri
fjölgun ferðamanna og í tengslum við gesta-
stofu þjóðgarðsins sjáum við möguleika á
uppbyggingu öflugs þekkingar- og fræðaset-
urs,“ sagði Jóna Sigfríð Sigurbjartsdóttir,
oddviti Skaftárhrepps, sem gegnt hefur starfi
sveitarstjóra undanfarna mánuði.
„Við höfum nú þegar Kirkjubæjarstofu, en
þar hefur orðið til vísir að háskólasamfélagi,
þar er til húsa Landgræðslan, Suðurlands-
skógar, Búnaðarsamband auk starfsmanns
Kirkjubæjarstofu og Þjóðgarðsins. Við erum í
góðu samstarfi við Háskólasetrið á Höfn, og
eins við sveitarfélagið Hornafjörð, en Vatna-
jökull tengir okkur saman. Við ætlum ekki að
láta þau tækifæri sem við teljum felast í þjóð-
garðinum ganga okkur úr greipum. Tækifæri
Skaftárhrepps liggja í náttúrunni og sögunni.
Skaftárhreppur er stórt sveitarfélag, næstum
7% af öllu landinu. Hér er mjög fallegt og frá-
bært að búa svo ég tali ekki um að ala upp
börn. Staða sveitarfélagsins er alveg ásætt-
anleg, en því miður hefur íbúum farið fækk-
andi undanfarin ár og atvinnutækifæri eru
einhæf,“ sagði Jóna.
Mikil uppbygging í ferðaþjónustu
„Landbúnaður hefur gegnum tíðina verið
helsti atvinnuvegurinn. Störfum, tengdum
þjónustu, fjölgaði þó eftir að hringvegurinn
var opnaður 1974. Á síðustu árum hefur mikil
uppbygging átt sér stað í ferðaþjónustunni,
störfum í ferðaþjónustu hefur fjölgað mjög á
undanförnum árum. Sagan er hér lifandi við
hvert fótmál, saga Skaftárelda og móðuharð-
inda, saga klausturhalds, og svona mætti
lengi telja. Ég er ekki í nokkrum vafa um að
Skaftárhreppur á framtíðina fyrir sér, hér býr
harðduglegt fólk, sem hefur trú á svæðinu og
því sem það hefur uppá að bjóða, náttúrufeg-
urð, frjósemi og veðursæld,“ sagði Jóna.
Jóna tók fyrst sæti í sveitarstjórn árið 1998,
en var varamaður 1994–1998. Atvikin höguðu
því svo að hún varð tímabundið sveitarstjóri
um áramótin síðustu, þegar sveitarstjórinn
sem ráðinn hafði verið eftir kosningar í sum-
ar, óskaði eftir að láta af störfum. „Ég gerði
fyrst ráð fyrir að vera sveitarstjóri í einn
mánuð eða svo, en vikurnar liðu og það lítur
út fyrir að ég gegni þessu starfi að hluta til
allavega fram til 1. júní nk. Það er í senn gef-
andi, krefjandi og erfitt að vera í sveitar-
stjórn. Sveitarfélagið er víðfeðmt, en hér búa
aðeins tæplega 500 manns. Við verðum að
veita eins góða þjónustu og önnur sveitarfélög
sem eru fjölmennari, það getur á stundum
verið erfitt, og stundum þarf að taka ákvarð-
anir sem eru ekki vinsælar. En ef maður er
hreinskilinn og heiðarlegur er bæði auðveld-
ara að fá fólk til að sætta sig við ákvarð-
anirnar og maður á sjálfur auðveldara með
standa með sjálfum sér. Það getur líka verið
ansi erfitt að manna stöður í fámenninu, en
hlutirnir hafa þó alltaf tilhneigingu til að
ganga upp. Það eru forréttindi að fá að starfa
fyrir sveitarfélagið sitt, og þetta er einhver
besti skóli sem ég hef gengið í, ég er afar
þakklát fólkinu sem hratt mér út í djúpu laug-
ina, eins og ég hef gjarnan orðað það þegar ég
varð sveitarstjóri tímabundið. Ég held og
vona að ég hafi allavega haldið mér og sveitar-
félaginu mínu á floti, en ég hef sannarlega
ekki verið ein því með mér starfar gott fólk,
sem er gaman að vinna með. Og þegar ég læt
af störfum sem sveitarstjóri, verð ég vonandi
betri sveitarstjórnarmaður en fyrir nokkrum
mánuðum,“ sagði Jóna.
Lærður hárgreiðslumeistari
Jóna lærði hárgreiðslu í Iðnskólanum í
Reykjavík og fékk meistararéttindi í iðninni
árið 1975. Hún hefur allar götur síðan starfað
við þá iðn, ýmist í fullu starfi eða hlutastarfi
og lengst af verið með eigin rekstur. Hún bjó
og starfaði í Kaupmannahöfn á árunum 1975
til 1980, þar starfaði hún einnig við fagið. Á
Kirkjubæjarklaustur flutti hún árið 1983 og
er gift Gunnari Þorkelssyni héraðsdýralækni.
Hún segist alla tíð hafa verið mikill félags-
málafíkill. „Ég hef svo mörg áhugamál, að ég
veit varla hvar ég á að byrja. Við hjónin eigum
tvær dætur og eitt barnabarn, þriggja ára
snáða og hann er áhugamál númer eitt. Svo er
ég gamall áhugaleikari og það er baktería sem
ekki er hægt að losna við. Menningarmál í
heild sinni eru mínar ær og kýr. Ég veit fátt
betra en hlusta á tónlist og sækja tónleika, að
leikhúsunum ólöstuðum. Auðvitað hef ég líka
gaman af að ferðast og allra helst fara í borg-
arferðir og sækja þar tónleika eða leiksýn-
ingar. Ég hef mjög gaman af því að lesa góðar
bækur, og er alltaf með eina eða tvær bækur á
náttborðinu, þó stundum nái ég ekki að lesa
margar blaðsíður á kvöldi. Og þótt ótrúlegt
megi virðast hef ég líka gaman af handavinnu,
þó tími til að sitja við hannyrðir sé af skornum
skammti,“ sagði Jóna Sigfríð Sigurbjarts-
dóttir, oddviti og starfandi sveitarstjóri í
Skaftárhreppi.
Tækifæri Skaftárhrepps liggja ekki
síst í náttúrunni og sögunni
Morgunblaðið/ Sigurður Jónsson
Sveitarstjóri Jóna S. Sigurbjartsdóttir, oddviti og starfandi sveitarstjóri í Skaftárhreppi.
Höfn | Magnús Stefánsson félags-
málaráðherra og Hjalti Þór Vignis-
son, bæjarstjóri Hornafjarðar, hafa
undirritað þjónustusamning milli fé-
lagsmálaráðuneytisins og Sveitarfé-
lagsins Hornafjarðar. Síðastliðin 10
ár hefur slíkur samningur verið í
gildi milli þessara aðila.
Þjónustuþegar eru samtals 18 á
aldrinum 7–72 ára. Á þessum tíu ár-
um hefur þjónustuþegum fjölgað og
öll þjónusta aukist til muna. Árið
1997 voru tveir starfsmenn í 1,2
stöðugildum en eru nú 12 í 5,5 stöðu-
gildum í liðveislu, frekari liðveislu og
dagvist. Dagvist fyrir fatlaða var
opnuð í febrúar árið 2000. Árið 2006
fékkst styrkur úr Framkvæmdasjóði
fatlaðra til að endurnýja 4 íbúðir í al-
mennri íbúðarblokk. Þar af er ein
íbúð ætluð fyrir skammtímavistun
fyrir börn og fullorðna og sem
skrifstofa fyrir starfsmenn og þrjár
íbúðir eru leigðar út til fatlaðra.
Það er skoðun heimamanna að vel
hafi tekist til með framkvæmd þjón-
ustunnar á þessu 10 ára tímabili.
Bæði hefur þetta orðið til að efla
þjónustuna og færa hana nær not-
endum. Þjónusta við fatlaða er þann-
ig samþætt annarri félagsþjónustu í
sveitarfélaginu og sami aðili ber
ábyrgð á allri þjónustunni. Gott sam-
starf er milli félagsþjónustu sveitar-
félagsins og Heilbrigðisstofnunar
Suðausturlands, sem rekin er af
sveitarfélaginu, um þjónustu við fatl-
aða og er að því ótvíræður ávinning-
ur.
Nýr samningur mun gilda til loka
ársins 2012. Það er trú heimamanna
að áframhaldandi samstarf ríkis og
sveitarfélags muni hér eftir sem
hingað til reynast vel og að áfram
verði unnið að uppbyggingu á þjón-
ustu við þá sem hana þurfa að nýta.
Gengu frá nýjum þjón-
ustusamningi til 2012
Undirritun Magnús Stefánsson félagsmálaráðherra og Hjalti Þór Vignis-
son, bæjarstjóri Hornafjarðar, undirrituðu þjónustusamninginn.
Morgunblaðið/Sigurður Mar
Húsavík | Þorgerður Katrín Gunn-
arsdóttir menntamálaráðherra var
á ferðinni á Húsavík á dögunum og
kom m.a. við í Hvalasafninu. Þar
undirritaði hún ásamt Ásbirni
Björgvinssyni, forstöðumanni
Hvalasafnsins, styrktarsamning
menntamálaráðuneytisins við safn-
ið.
Að þessum samningi hefur verið
unnið í fjölmörg ár eða allt frá því
safnið komst í endanlegt húsnæði
við Húsavíkurhöfn. Ásbjörn segir
samninginn vera Hvalasafninu afar
mikilvægan enda feli hann í sér
fjárhagsstuðning upp á 30 milljónir
króna á næstu þremur árum. Samn-
ingurinn tryggir það að hægt verð-
ur að ljúka núverandi uppbyggingu
og stækkun safnsins ásamt því að
greiða niður þann stofnkostnað sem
lagt var í vegna uppbyggingar
safnsins undanfarin áratug en
Hvalasafnið fagnar tíu ára afmæli á
þessu ári. Ásbjörn sagði Hvalasafn-
ið vilja þakka menntamálaráðherra
sérstaklega hlý orð í garð safnsins
og fyrir þá viðurkenningu að vilja
styðja þessa frumkvöðlastarfsemi
sem í dag skapar allt að fjórtán
störf á svæðinu yfir sumartímann,
þ.e. frá því í maí fram í september.
„Það er von okkar að þessi stuðn-
ingur og viðurkenning efli enn frek-
ar ferðaþjónustuna á Norðurlandi
og stuðli að enn frekari heimsókn-
um Íslendinga á Hvalasafnið en á
síðustu árum hefur gestafjöldinn
verið borinn uppi af erlendum
ferðamönnum,“ sagði Ásbjörn og
bætti við að á síðasta ári hefðu
komið rúmlega 20 þúsund gestir í
safnið og von væri á enn fleiri gest-
um í sumar ef allt fer sem horfir.
Á safninu hafa verið settar upp
beinagrindur af hvölum. Þar má sjá
hnúfubak, norðsnjáldra, búrhval,
hrefnur, skugganefju, grindhval,
háhyrning og andarnefju. Gestum
gefst kostur á að skoða grindur í
návígi.
Mikilvægur stuðning-
ur við Hvalasafnið
Morgunblaðið/Hafþór
Hvalasafn Ásbjörn Björgvinsson sagði að stuðningur menntamálaráðu-
neytisins væri mjög mikilvægur. Með honum á myndinni er Þorgerður
Katrín Gunnarsdóttir menntamálaráðherra.
Gerir styrktar-
samning við
menntamála-
ráðuneytið
Í HNOTSKURN
»Hvalasafnið á Húsavík erfræðslumiðstöð um hvali,
hvalaskoðun og hvalveiðar og
hefur verið starfandi frá 1997.
Gestir safnsins voru rúmlega
20 þúsund í fyrra.
»Tilgangur safnsins er aðupplýsa almenning sem og
ferðamenn um hvali og sjáv-
arspendýr við Ísland með sér-
stakri áherslu á lífríkið í
Skjálfandaflóa.