Morgunblaðið - 02.05.2007, Qupperneq 20

menntun
20 MIÐVIKUDAGUR 2. MAÍ 2007 MORGUNBLAÐIÐ
Þegar unglingar taka samræmduprófin, þau sem lögð eru fyrir í 10.bekk og flestir taka, er ákveðnumáfanga brátt að ljúka í lífi þeirra;
grunnskólanum. Það er því viss stemning
sem fylgir samræmdu prófunum, bæði und-
irbúningnum og í prófvikunni sjálfri. Það
bregst t.d. ekki að sólin byrjar þá yfirleitt
að skína,“ segir Guðrún Þóra Vilhjálms-
dóttir, námsráðgjafi í Árbæjarskóla.
Hún segir flesta nemendur vel stemmda
og prófkvíða ekki áberandi hjá nemendum
Árbæjarskóla enda hafi með ágætum ár-
angri verið unnið að því að kenna nem-
endum markvisst góða námstækni. ,,Við
megum heldur ekki gleyma því að í sam-
ræmdu prófunum, er verið að prófa úr efni
sem nemendur hafa verið að tileinka sér á
mörgum skólaárum. Þegar prófatörnin
sjálf stendur yfir, þar sem sumir fara í próf
dag eftir dag, þá er mjög mikilvægt að ein-
beita sér að aðalatriðunum. Það nær enginn
að lesa allt námsefnið sem er til prófs á ein-
um degi og ætti ekki að reyna það. Það er
hins vegar mjög gott að lesa yfir allar glós-
ur auk þess að fara yfir verkefni, spurn-
ingar og svör þar sem það við á eða annað
efni sem nemendur hafa fengið hjá kenn-
urum. Það er mjög gott að gera skriflega
áætlun um próflesturinn þessa prófdaga.
Þannig geta nemendur betur tryggt að
þeir komist yfir það sem þeir ætla sér fyrir
prófið og hvernig. Það er líka alltaf góð til-
finning þegar hægt er að strika yfir það á
áætluninni sem búið er að fara yfir,“ segir
námsráðgjafinn.
– En ef nemendum finnst einhver göt
vera í þekkingu sinni eða eitthvað óljóst?
„Þá er hægt að fletta þeim upp í náms-
bókunum eða ræða þau við samnemendur
en þeir ættu að vara sig á því að láta um-
ræðurnar fara út í vangaveltur um hversu
mikið eða lítið þeir eru búnir að læra. Það
getur oft haft áhrif á sjálfstraustið að
óþörfu.“
– Áttu einhver góð ráð gegn prófkvíða?
Hugarfarið er mjög mikilvægt og það að
hugsa jákvætt um sjálfan sig og frammi-
stöðu sína í prófunum. Undir álagi eiga
neikvæðar tilfinningar og hugsanir sem
greiðari aðgang að sumum og það er mjög
mikilvægt að leyfa þeim ekki að ná yf-
irhöndinni. Bara það, að hugsa um sjálfan
sig á jákvæðan hátt, getur haft áhrif á ár-
angur og því er um að gera að vera dugleg-
ur að hrósa sjálfum sér í samræmdu próf-
unum, klappa sér svolítið á bakið. Góður
undirbúningur, góð hvíld og slökun fyrir
próf ásamt jákvæðni eru allt þættir sem
draga úr prófkvíða.“
Morgunblaðið/G.Rúnar
Undirbúin Það er alltaf svolítil stemning í kringum próflestur eins og samræmdu prófin. Þessir nemendur Hamraskóla telja sig ágætlega undir þau búin og kvíða prófunum ekki mikið.
Í samræmdum prófum
Morgunblaðið/G. Rúnar
Ráð Guðrún Þóra námsráðgjafi segir máli skipta að fara í próf með jákvætt hugarfar.
Næstu daga sleikja unglingar
í 10. bekkjum landsins ekki
sólina, hvar sem hún skín. Í
dag hefjast nefnilega sam-
ræmdu prófin. Unnur H.
Jóhannsdóttir tók púlsinn á
námsráðgjafa og nemendum.
ANDLEGT og líkamlegt úthald skipta máli í þeirri próf-
ahrinu sem framundan er hjá unglingunum. Foreldrar
og forráðamenn ættu líka að hafa það í huga og dekra
sérstaklega við þá þessa daga.
Guðrún Þóra námsráðgjafi segir góðan svefn vera lyk-
ilatriði því hvert próf sé þrír klukkutímar og úthvíldir
séu unglingarnir bæði betur upplagðir í prófunum sjálf-
um og hafa betra úthald. „Það er ekki skynsamlegt að
lesa fram á nætur því í prófunum reynir á einbeitingu og
athygli. Próflesturinn sjálfan er nauðsynlegt að brjóta
upp með einhverri hreyfingu, eins og að fara í sund eða í
göngutúr en það stuðlar líka að betri svefni.
Mörgum finnst gott að borða oft og lítið í einu þegar
þeir eru í prófum. Foreldrar ættu í prófunum að huga að
mataræði barna sinna eins og hvíldinni. Þeir sem eru í
prófum borða gjarnan dálítið af sætindum og drekka gos
en allt er best í hófi og sjálfsagt að hvetja nemendur til
þess að borða hollan og góðan mat.“
Svefninn mjög mikilvægur
FÉLAGARNIR Andrés Valur Jóhanns-
son og Gunnar Pétur Harðarson ætla
báðir að taka fjögur samræmd próf.
,,Við tökum íslensku, stærðfræði, ensku
og dönsku,“ segja þeir og eru að-
spurðir ekki haldnir neinum prófkvíða.
„Þetta verður áreiðanlega svolítið
strembið en ég er ekkert sérstaklega
kvíðinn,“ segir Andrés og Gunnar bæt-
ir við: „Ég held að það sé svolítið ýkt
hvað þessi próf séu erfið. Ég held að
þau séu ekki eins erfið og margir eru
að segja. Ég er ekkert mjög kvíðinn
heldur.“
Andrés hóf að undirbúa sig fyrir
tveimur mánuðum og hefur unnið mjög
skipulega. „Það þýðir ekkert annað. Ég
er búinn að gera skipulag yfir prófdag-
ana.“
Gunnar tekur undir orð félaga síns
en segist þó ekki hafa byrjað formlega
undirbúninginn fyrr en í páskafríinu.
„Við höfum líka alltaf lært jafnt og
þétt svo við erum ágætlega und-
irbúnir,“ segja félagarnir en að loknum
grunnskólanum stefnir Andrés í húsa-
smíði og Gunnar að læra til kokks.
Morgunblaðið/G. Rúnar
Félagarnir Gunnar og Andrés voru á því að þeir
yrðu kannski ekki alveg eins samræmdir í sam-
lestrinum og á þessari mynd.
Enginn
prófkvíði
ÁSTA Sólhildur Þorsteinsdóttir og Fríða
Sóley Hjartardóttir ætla að taka öll sam-
ræmdu prófin nema náttúrufræði. „Það
er ekki okkar fag,“ segja þær en báðar
hafa þær hug á að fara á félagsfræði-
braut í framhaldsskóla og Fríða Sóley
jafnvel á listdansbraut. Ásta Sólhildur
tók reyndar samræmda prófið í ensku
þegar hún var 9. bekk sem kemur sér vel
núna því hjá henni líður þá alltaf dagur á
milli prófa. „Það eru margir sem taka
samræmdu prófin í ensku og dönsku í 9.
bekk og það hentaði mér vel.“
Þær segjast vera ágætlega búnar und-
ir prófin og hafi alltaf lært jafnt og þétt.
„Við byrjuðum að lesa í páskafríinu og
höfum reynt að nýta tímann síðan. Samt
finnst manni alltaf að maður hefði getað
verið aðeins duglegri.“
Þær segjast ekki vera mjög stressaðar
fyrir prófin nema kannski stærðfræðina
og telja að þetta séu ekki jafnsvakaleg
próf og sumir vilja halda fram. ,,En ann-
ars er prófkvíðinn svolítið skrýtinn,
hann kemur svona allt í einu,“ segir
Fríða Sóley og Ásta Sólhildur kinkar
samþykkjandi kolli.
Morgunblaðið/G. Rúnar
Lestrarblíða Ásta Sólhildur og Fríða Sóley líta í
bækurnar í blíðunni en þær telja prófin ekki eins
svakaleg og sagt er.
Allt nema
náttúrufræði
SAMRÆMD próf eru próf sem þreytt eru á sama tíma,
með sama hætti og við sambærilegar aðstæður á landinu
öllu og sæta síðan samræmdu mati. Þeim er ætlað að
veita nemendum, foreldrum/forráðamönnum og kenn-
urum upplýsingar um stöðu nemenda í viðkomandi náms-
greinum auk þess sem því er ætlað ákveðið hlutverk við
mat á skólakerfinu. Niðurstöður samræmdra prófa
byggjast á því að meta stöðu hvers nemanda með sam-
anburði við jafnaldra hans á landinu öllu.
Í tíunda bekk er prófað í sex greinum, íslensku, stærð-
fræði, ensku, dönsku (norsku eða sænsku), samfélags-
fræði og náttúrufræði. Um 4.500 nemendur þreyta nú
samræmd próf við lok grunnskóla, flestir í íslensku eða
um 4.200 en fæstir í samfélagsfræði eða um 1.900. Nær
4.000 hafa ákveðið að taka ensku, 3.300 dönsku eða ann-
að norrænt mál og um 2.400 sitja prófið í náttúrufræði.
2. maí samræmd próf í íslensku
3. maí samræmd próf í ensku
4. maí samræmd próf í dönsku
7. maí samræmd próf í samfélagsgreinum
8. maí samræmd próf í náttúrufræði
9. maí samræmd próf í stærðfræði
4.500 nemendur
í próflestri