Morgunblaðið - 15.09.2007, Blaðsíða 39

MORGUNBLAÐIÐ LAUGARDAGUR 15. SEPTEMBER 2007 39
heimum kl. 14.30 og í Heilbrigð-
isstofnun Suðurlands kl. 15.15.
Kirkjukór Selfosskirkju syngur
við messur og aðrar athafnir í
kirkjunni. Kórinn leggur fram
fórnfúst og óeigingjarnt starf, sem
ekki verður fullþakkað. Skemmti-
legt félagsstarf fylgir með. Æfing-
ar eru að jafnaði á fimmtudags-
kvöldum. Stjórnandi kórsins er
organisti kirkjunnar, Jörg E. Son-
dermann.
Barnakór Selfosskirkju starfar í
tveimur deildum, 8 til 10 ára og 11
til 12 ára, og kemur m.a. fram við
messur og guðsþjónustur á sjúkra-
stofnunum. Æfingar eru tvisvar
sinnum, tvær í viku hverri. Stjórn-
andi er Edith Molnár, tónlist-
armaður.
Unglingakór Selfosskirkju er
skipaður 13 til 15 ára unglingum.
Kórinn syngur m.a. við messur í
kirkjunni. Æft er tvisvar í viku.
Stjórnandi er Jörg E. Sondermann,
organisti.
September-tónleikar verða að
venju haldnir alla þriðjudaga í sept-
ember á vegum Tónlistarráðs Sel-
fosskirkju, og auglýstir jafnóðum.
Orgelstundir verða í kirkjunni
síðdegis á sunnudögum samkvæmt
auglýsingum. Þá leikur organisti
kirkjunnar tónverk ýmissa þekktra
höfunda.
Tólf spora námskeið var haldið í
fyrra og verður væntanlega aftur í
vetur. Ástæða er til þess að hvetja
fólk til þess að skoða þennan
áhugaverða möguleika, sem er
raunhæf leið til skilnings út frá
kristnum viðhorfum. Leiðtogar eru
Eygló J. Gunnarsdóttir, djákni,
Þorvaldur Halldórsson, söngvari og
Margrét Scheving, félagsráðgjafi.
Alfa-námskeið svonefnt var hald-
ið í vetur leið. Stefnt er að því að
svo verði einnig nú. Leiðbeinandi
var síra Axel Árnason, sókn-
arprestur í Stóranúps-prestakalli.
Hjónanámskeið eru á hverjum
vetri haldin í Skálholti á vegum Ár-
nesprófastsdæmis. Öll hjón, sem
gefin hafa verið saman á starfs-
árinu, eru sérstaklega velkomin, en
námskeiðið er að öðru leyti öllum
opið.
Geisli, félag um sorg og sorg-
arviðbrögð, starfar með líku sniði
og undanfarin ár. Fundir standa yf-
irleitt í klukkustund, framsaga er
flutt, en síðan umræður og kaffi-
sopi.
Selfosskirkja hefur samstarf við
Kristbjörgu Gísladóttur, áfengis-
og vímuefnaráðgjafa, Margréti
Scheving, félagsráðgjafa og sr.
Yrsu Þórðardóttur, sálgreini, er
leiðbeina sóknarfólki í samráði við
sóknarprest.
Stefnt er að því, að hvert sókn-
arbarn komi til kirkju fjórum sinn-
um á ári hið minnsta. Og eru þá
fermingar, jól og jarðarfarir ekki
talin með!
Fyrsta messa í kapellu
Ástjarnarsóknar
Kapellan í nýju húsnæði Ástjarn-
arsóknar í Hafnarfirði verður tekin
í notkun með messu sunnudaginn
16. september kl. 11. Sunnudaga-
skólinn byrjar á sama tíma Kap-
ellan og safnaðarheimilið stendur
við Kirkjuvelli 1. Nýtt hús safnaðar-
ins samanstendur af kapellu sem
tekur 50 manns í sæti, fund-
arherbergi, skrifstofu prests, skrif-
stofu æskulýðsfulltrúa og eldhús-
aðstöðu. Dr. Gunnar Kristjánsson
predikar, sr. Bára Friðriksdóttir
þjónar fyrir altari, organisti Skarp-
héðinn Þór Hjartarson. Sókn-
arnefndarfólk tekur þátt í mess-
unni. Messukaffi að lokinni athöfn.
Allir eru hjartanlega velkomnir og
eru Hafnfirðingar í Ás- og Valla-
hverfi sérstaklega hvattir til að
mæta.
Opið hús í
safnaðarheimili
Akureyrarkirkju
Vetrarstarfið í Akureyrarkirkju
hefst með fjölskylduguðsþjónustu
sunnudaginn 16. september kl. 11.
Að henni lokinni er opið hús í safn-
aðarheimilinu þar sem kynningar
verða á öllu starfi vetrarins; barna-
og unglingastarfi, ferming-
arhópum, 12 sporum, Vímulausri
æsku, kórastarfi, æðruleys-
ismessum, starfi Kvenfélags Ak-
ureyrarkirkju og fleiru og fleiru.
Stúlknakórinn syngur nokkur lög
og léttar veitingar í boði. Hvetjum
alla til að koma og líta við og kynna
sér það sem er á dagskrá í vetur.
Kirkjuritið er
komið út
Fyrsta hefti 73. árgangs Kirkjurits-
ins, rits Prestafélags Íslands, er
komið út. Að þessu sinni er ritið til-
einkað dr. theol. Sigurbirni Ein-
arssyni biskupi.
Í fréttatilkynningu segir m.a.: „Í
stuttum greinum er leitast við að
skoða starfsvettvang hans út frá
mismunandi sjónarhornum. Kveð-
skapur og nýortir sálmar eru birtir,
auk viðtals, sem Ævar Kjartansson
dagskrárgerðarmaður tók nýlega
við dr. Sigurbjörn. Veigamesti hluti
ritsins er hins vegar ítarleg skrá yf-
ir allt útgefið efni hins afkasta-
mikla kirkjuleiðtoga, allt frá
bernskuárum til þessa dags, frá því
er hann, ellefu ára gamall, árið
1922, fékk birta grein í Ljósber-
anum, til ársins 2007, eða í 85 ár.
Þessi ritaskrá er með lengstu
ritaskrám sem gefnar hafa verið út
á Íslandi. Verk þetta vann Ragn-
hildur Bragadóttir upplýsingafræð-
ingur og sagnfræðingur. Ritið fæst
í Kirkjuhúsinu, Laugavegi 31 og
kostar 2.000 kr.“
Morgunblaðið/Kristinn
Selfosskirkja.
SIGURSTRANGLEGASTI
keppandinn á heimsmeistaramótinu
í skák sem hófst í Mexíkóborg sl.
fimmtudag er Indverjinn Wisvanat-
han Anand að mati Garrij Kasp-
arovs. Þetta álit lét heimsmeistarinn
fyrrverandi í ljós í viðtali við ind-
verskt dagblað á dögunum. Kasp-
arov kann að hafa rétt fyrir sér því
þrátt fyrir ágæti Vladimir Kram-
niks, sem kemur næstur á listanum,
er stíll Anands skarpari og betur til
þess fallinn að vinna skákir án mik-
illa orkuútláta. Mótið verður geysi-
lega spennandi því ekki er hægt að
útiloka neinn. Ljóst er að Vladimir
Kramnik ætlar sér ekkert annað en
sigur en auk Anands telja margir að
Armeninn Aronian muni blanda sér í
baráttuna um heimsmeistaratitilinn
og einnig er Peter Leko oft nefndur
á nafn. Hinir fjórir þykja af ýmsum
ástæðum ekki jafn líklegir. Kepp-
endalistinn lítur svona út:
Vladimir Kramnik, Viswanathan
Anand, Peter Svidler, Alexander
Morozevich, Peter Leko, Boris Gelf-
and, Levon Aronian og Alexander
Grischuk.
Í síðasta pistli var fyrirkomulag
keppninnar rakið en undirstrikað
skal að sigurvegarinn nú verður um-
deildur heimsmeistari. Gallinn við
keppnina er vitaskuld sá að það vant-
ar Topalov sem vann fyrir tveim ár-
um. Hvað sem því líður verður
keppnin afar skemmtileg og má bú-
ast við harðri baráttu í nánast hverri
einustu skák.
Eyjamenn hársbreidd frá sigri
Eins og rakið var skilmerkilega í
skákþætti Morgunblaðsins sl.
þriðjudag tefldu þrjár íslenskar
sveitir á hinum ýmsu stigum Norð-
urlandamóts í skólaskák um síðustu
helgi. Ekki verður annað sagt en að
árangurinn hafi verið vel viðunandi.
Sveit Menntaskólans í Reykjavík
tefldi í Lundi í Svíþjóð og freistaði
þess að verja meistaratitil sinn frá
því í fyrra. Þótt MR-ingar hafi verið
með svipaða sveit og þá með Guð-
mund Kjartansson á 1. borði náði
hún sér ekki á strik að þessu sinni og
hafnaði í 4. sæti með 6½ vinning af 16
mögulegum. Hilmar Þorsteinsson
náði bestum árangri hlaut 3 vinninga
af fjórum mögulegum.
Sveit Laugalækjarskóla vann ein-
dreginn og glæsilegan sigur í eldri
flokki Norðurlandamóts grunnskóla,
sem fram fór í Lavia í Finnlandi,
hlaut 16½ vinning af 20 mögulegum.
Matthías Pétursson gerði sér þar lít-
ið fyrir og vann allar fimm skákir
sínar.
Í fyrsta sinn í 20 á tók sveit úr
skóla utan Reykjavíkursvæðisins
þátt í Norðurlandamóti grunnskóla.
Að Grunnskóli Vestmanneyja hafi
áunnið sér þátttökurétt fyrir Íslands
hönd þarf ekki að koma á óvart mið-
að við hið kröftuga starf Taflfélags
Vestmannaeyja undanfarin misseri.
Sá sem þessar línur ritar var liðs-
stjóri sveitarinnar ytra. Fararstjóri
var sýslumaður Eyjamanna og for-
maður TV, Karl Gauti Hjaltason en
tveir synir hans Alexander og Krist-
ófer eru báðir í fararbroddi meðal
ungra skákmanna í Eyjum. Nökkvi
Sverrisson tefldi á 1. borði, Alexand-
er á 2. borði, Sindri Guðjónsson á 4.
borði, Hallgrímur Júlíusson 4. borði
og hinn 10 ara gamli Kristófer var
varamaður. Aðeins munaði ½ vinn-
ingi að Eyjamenn næðu efsta sæti en
eftir harða keppni við grunnskólann
í Öresundsbro höfðu Svíarnir betur
og hlutu 14 vinninga en Eyjamenn 13
½ vinning af 20 mögulegum.
Sindri Guðjónsson gerði sér lítið
fyrir vann allar skákir sínar fimm að
tölu. Hallgrímur Júlíusson tapaði
fyrstu skák sinni en vann þær fjórar
sem eftir voru. Hann var nýkominn
úr stigamóti Golfsambands Íslands
þar sem hann er efstur á blaði meðal
unglinga enda standa að honum
margir landsfrægir golfleikarar, Júl-
íus faðir hans og bróðir hans Þor-
steinn, Hallgrímur alnafni hans og
afi og Haraldur „gullskalli“ Júl-
íusson.
Ljóst er á úrslitum þessa móts að
Eyjamenn eru til alls líklegir á næst-
unni. Margir öflugir aðilar styðja við
bakið á skákinni í Eyjum en fjár-
stuðningur bæjarins mætti vera
meiri.
Af mörgum skemmtilegum skák-
um Eyjamanna er eftirfarandi skák
úr fjórðu umferð í úrslitaviðureign-
inni við grunnskólann í Öresundsbro
valin. Ítalski leikurinn var býsna vin-
sæll í skákum Eyjamanna. Skákin er
að sumu leyti dæmigerð fyrir skákir
þessa aldurshóps þar sem efnis-
hyggjan er í fyrrirúmi; 18. … Bxa2
er vitaskuld ekki góður leikur betra
er 18. … Bd7. Eftir 20 leiki stendur
Hallgrímur á krossgötum. Hann vel-
ur að hirða hrókinn í stað þess að
leika 21. Rf5 sem er sterkara. Í 23.
leik gat svartur leikið Bc4 og þá dug-
ar ekki 24. Hd2 vegna 24. … Dxg2
25. Hg1 Dxg1+ og mátar en betra er
24. Hd3! Bxd3 25. cxd3 Dxd3 26.
Bxf6! Db1+ 27. Kd2 Dxh1 28. Rd4!
og hvítur á að vinna. Í endataflinu
sem upp kemur fer Hallgrímur sér
að engu óðslega og teflir af miklu ör-
yggi.
NM grunnskóla; 4. umferð:
Hallgrímur Júlíusson – Johannes
Ålander
Ítalskur leikur
1. e4 e5 2. Rf3 Rc6 3. Bc4 Bc5 4.
Rc3 Rf6 5. d3 d6 6. Bg5 h6 7. Bh4 g5
8. Bg3 De7 9. h4 gxh4 10. Bxh4 Be6
11. Bb5 0–0–0 12. Bxc6 bxc6 13. De2
Hdg8 14. Df1 Bb4 15. Hd1 Hg6 16.
d4 exd4 17. Rxd4 Bxc3+ 18. bxc3
Bxa2 19. Da6+ Kd7 20. Dxc6+ Kd8
21. Da8+ Kd7 22. Dxh8 Dxe4+ 23.
Re2 Re8 24. Dd4 Dxc2 25. De3 He6
26. Dd3 Dxd3 27. Hxd3 Bc4 28. Hd2
a5 29. Kd1 a4 30. Rd4 He5 31. He1
f6 32. Hxe5 fxe5 33. Rc2 c5 34. Ra3
Be6 35. Hb2 Bb3+ 36. Ke2 c4 37.
Hb1 d5 38. Bg3 Ke6 39. Hh1 d4 40.
Hxh6+ Kd5 41. cxd4 Kxd4 42. Hh4+
Kc3 43. Bxe5+ Kb4 44. Bb2 Kc5 45.
g4 Kd6 46. g5 Ke6 47. Hf4 Ba2 48.
Kf3 Rd6 49. g6 Rf5 50. Kg4 Rh6+
51. Kh5 Rg8 52. g7
– og svartur gafst upp.
Hraðskákmót Íslands í Bolung-
arvík um helgina
Fjölmargir sterkir skákmenn hafa
skráð sig til leiks á Íslandsmótið í
hraðskák sem fram fer í Bolungarvík
um helgina. Bolungarvík á sér
merka skákhefð og þaðan hafa fjöl-
margir þekktir meistarar komið.
Vestfirskir félagsmálamenn innan
skákhreyfingarinnar eru reyndar
ekki síður þekktir og má þar nefna
Einar S. Einarsson, Högna Torfa-
son, Daða Guðmundsson, Guðfinn
Kjartansson og Snæbjörn Guðfinns-
son. Mótið hefur hlotið nafnið Stór-
mót Kaupþings og Sparisjóðs Bol-
ungarvíkur en bæjarfélagið með
hinn vinsæla bæjarstjóra Grím Atla-
son í broddi fylkingar tekur einnig af
krafti þátt í mótshaldinu.
Mikið verður um dýrðir í Bolung-
arvík á meðan á mótinu stendur og
höfðinglega tekið á móti þátttakend-
um. Glæsileg verðlaun eru í boði,
bæði fyrir sterkari skákmeistara
sem og byrjendur. Mótið hefst kl. 13
laugardaginn 15. september í
Íþróttamiðstöðinni Árbæ í Bolung-
arvík og lýkur um kl. 19. Síðar um
kvöldið verður slegið upp dansleik
og skemmtan að hætti heimamanna.
Kasparov spáir Anand sigri
Tveir góðir Kasparov og Anand stinga saman nefjum á heimsmótinu í Kópavogi árið 2000.
SKÁK
Heimsmeistaramótið í Mexíkó
12.-29. september
Helgi Ólafsson
helol@simnet.is