Morgunblaðið - 15.09.2007, Blaðsíða 12
12 LAUGARDAGUR 15. SEPTEMBER 2007 MORGUNBLAÐIÐ
FRÉTTIR
www.cubatravel.cu www.vivacuba.se
Eftir Egil Ólafsson
egol@mbl.is
BÚIÐ er að setja kúabú í Eyjafirði í einangrun
eftir að hringskyrfi greindist í nautgrip frá bæn-
um. Sjúkdómurinn hefur greinst í aðeins einum
grip en verið er að gera ítarlega skoðun á ná-
grannabæjum og dýralæknar um allt land hafa
verið beðnir um að vera á varðbergi gagnvart
sjúkdómnum.
Hringskyrfi er smitandi húðsjúkdómur í búfé
sem orsakast af sveppum (Tricophytus verrucos-
um). Oft smitast fólk af sjúkum dýrum og mynd-
ast hárlausir blettir á líkama sjúklings en einnig
fylgir kláði smitinu.
Hefur þrisvar greinst hér á landi
Hringskyrfi hefur aðeins greinst í fáein skipti
hér á landi, árið 1933 í Þerney, 1966 á Grund í
Eyjafirði og 1987 á Mið-Grund í Vestur-Eyja-
fjallahreppi. Bæði í Eyjafirði og undir Eyjafjöll-
um barst smitið á marga bæi þrátt fyrir var-
úðarráðstafanir. Að lokum tókst þó í öllum
tilfellum að útrýma smitinu með róttækum að-
gerðum.
Landbúnaðarstofnun hefur lagt til við land-
búnaðarráðuneytið að það fyrirskipi víðtækari
aðgerðir til að hindra útbreiðslu og útrýma sjúk-
dómnum á grundvelli laga um dýrasjúkdóma og
hefur lagt fram ákveðnar tillögur í því efni.
Ólafur Jónsson, héraðsdýralæknir í Eyjafirði,
sagði eftirlitsdýralækni hafa komið auga á blett á
nautgrip í sláturhúsi og rannsóknir á Keldum og
á Dýralæknarannsóknarstofunni í Danmörku
hefðu staðfest að um hringskyrfi var að ræða.
Hann sagði að sjúkdómurinn væri skaðlaus eða
skaðlítill, en ef ekki væri gripið til aðgerða leiddi
hann til varanlegra breytinga á húð. Sjúkdóm-
urinn væri smitandi og gæti borist í menn. Í þeim
tilvikum sem sjúkdómsins varð vart hér á landi á
árum áður barst hann í menn.
Telja sig hafa stjórn á málum
Ólafur sagði að það væri vissulega alvarlegt
mál að þessi sjúkdómur skyldi hafa greinst hér á
landi. „En við teljum okkur hafa stjórna á þessu.“
Ólafur sagði að ekkert annað tilvik hefði
greinst á bænum og ekkert benti til þess að heim-
ilisfólk á bænum hefði smitast af þessum sjúk-
dómi. Hann sagði að engin skýring hefði fundist á
því hvernig sjúkdómurinn hefði borist í fjósið.
Gripið hefur verið til aðgerða á bænum til að
koma í veg fyrir smit. „Aðgerðirnar fela í sér
sótthreinsun, þrif, lífdýrabann og takmarkanir á
aðgengi að búinu og frá því,“ sagði Ólafur og
bætti við að þessar aðgerðir gætu varað í tals-
verðan tíma.
Á bænum sem um ræðir er talsvert stórt
kúabú og nýlegt fjós. Ólafur tók fram að gott heil-
brigðisástand væri á bænum og umgengni góð.
Bær settur í einangrun
eftir að smit greindist
Sjúkdómurinn hringskyrfi hefur greinst í sláturgrip frá bæ í Eyjafirði
Alvarlegt mál að mati dýralæknis sem gripið hefur til víðtækra aðgerða
Í HNOTSKURN
»Árið 1966 var heimilisfólk að Grund íHrafnagilshreppi vart við hring-
skyrfi í kúm. Talið var að smitið hefði
borist með erlendum vinnumanni. Smitið
breiddist hratt út í hreppnum vegna sam-
gangs nautgripa á fleiri bæjum. Auk þess
varð vart við hringskyrfi í sauðfé og
hrossum og stór hópur manna fékk út-
brot.
»Hringskyrfi er í B-flokki, þ.e. flokkisjúkdóma sem koma á eftir alvarleg-
ustu sjúkdómunum. Í nágrannalöndum
okkar er barist gegn sjúkdómnum með
bólusetningu.
IKEA á Íslandi og Garðabær, fyrir hönd
Hönnunarsafns Íslands, hafa gert með sér
samning um að IKEA kosti stöðu kennslu-
ráðgjafa og kynningarfulltrúa í list-,
verk- og iðnhönnun.
Markmið samningsins er að stuðla að
aukinni vitund hjá skóla- og menning-
arstofnunum Garðabæjar á þróun hönn-
unar og gildi hennar fyrir ímynd bæj-
arfélagsins. Garðabær mun ráða
sérstakan kennsluráðgjafa og kynning-
arfulltrúa til að vinna að markmiðum
samningsins.
IKEA á Íslandi greiðir allan kostnað
sem til fellur vegna verkefnisins. Aðilar
eru sammála um að með ráðningu
kennsluráðgjafa og kynningarfulltrúa og
byggingu nýs húsnæðis fyrir Hönn-
unarsafn Íslands í nýjum miðbæ Garða-
bæjar, verði til ákjósanlegar aðstæður til
að skapa jákvætt umhverfi fyrir list-,
verk- og iðnhönnun í bænum, segir í
fréttatilkynningu.
IKEA kostar starf
kennsluráðgjafa í
skólum í Garðabæ
Samkomulag Samningur um kostnað við
starf kennsluráðgjafa undirritaður í gær.
Morgunblaðið/G.Rúnar
GUÐMUNDUR B.
Ólafsson, fyrrv. for-
stjóri, lést á hjúkrunar-
heimilinu Sóltúni að-
faranótt 14. september.
Guðmundur fæddist
hinn 12. september árið
1924 á Valshamri í A-
Barðastrandarsýslu.
Hann var sonur Ólafs
Elías Þórðarsonar,
bónda og Bjarneyjar S.
Ólafsdóttur.
Guðmundur varð
stúdent frá MA árið
1944 og lauk kandídats-
prófi í viðskiptafræði
frá H.Í. árið 1948. Hann hóf störf hjá
Sambandi íslenskra Samvinnufélaga
árið 1948 en árin 1951 til 1953 starfaði
hann hjá Alþjóðabankanum í Wash-
ington. Eftir komuna til Íslands starf-
aði Guðmundur um áratugaskeið hjá
Framkvæmdabanka Ís-
lands, Seðlabanka Ís-
lands og Framkvæmda-
stofnun Íslands.
Guðmundur gegndi
starfi forstjóra Fram-
kvæmdasjóðs Íslands
frá árinu 1985 til 1992.
Guðmundur sat í
ýmsum stjórnum. Hann
sat m.a. í stjórn Álafoss
h.f., Fjárfestingarfélags
Íslands og Norður-
stjörnunnar hf. Hann
var um tíma fulltrúi Ís-
lands í stjórn Viðreisn-
arsjóðs Evrópuráðsins.
Guðmundur var félagi í Frímúrara-
reglunni og Lionsklúbbnum Frey.
Eftirlifandi eiginkona Guðmundar
er Hrefna Ásgeirsdóttir. Þau eignuð-
ust þrjú börn: Hlyn Geir, Karólínu
Björk og Ólaf Reyni.
Andlát
Guðmundur B. Ólafsson
GÍSLI Rafn Ólafsson,
einn af fulltrúum Slysa-
varnafélagsins Lands-
bjargar í UNDAC, er nú
á leið til Ghana til þess að
aðstoða stjórnvöld í að
meta umfang mikilla
flóða sem þar hafa verið
undanfarið, skoða að-
stæður á vettvangi og
samhæfa viðbrögð al-
þjóðasamfélagsins auk
þess að styðja við bakið á
almannavörnum landsins.
UNDAC (United Nations Disaster As-
sessment and Coordination) teymi Sam-
einuðu þjóðanna var kallað út vegna flóð-
anna í Vestur-Afríku. Ástandið er slæmt,
sér í lagi í Ghana, þar sem um 275 þúsund
manns eru á vergangi. Talið er að um 20
manns hafi þegar látist í flóðunum. Nú eru
fimm sérþjálfaðir UNDAC-liðar á vegum
Slysavarnafélagsins Landsbjargar reiðu-
búnir til útkalls.
Aðstoðar við mat á
flóðunum í Ghana
Gísli Rafn
Ólafsson
„ÉG lít á þetta sem líkamsrækt.
Þetta er svolítill göngutúr og far-
inn í öllum veðrum,“ segir Anna
Þóra Karlsdóttir myndlistarmaður
sem ber út Morgunblaðið á Blika-
stíg á Álftanesi, en hún varð hlut-
skörpust í blaðberakapphlaupi
ágústmánaðar. Anna Þóra hlaut
25.000 krónur frá Icelandair í við-
urkenningarskyni fyrir fram-
úrskarandi blaðburð í mánuðinum.
„Ég er mjög ánægð með að rífa
mig af stað á morgnana og bera
út,“ segir Anna Þóra, en eig-
inmaður hennar aðstoðar hana
stundum við blaðburðinn. Það sé
mikil upplifun að bera út blöðin við
Blikastíg á morgnana, enda sé
náttúrufegurðin mikil á Álftanesi.
Anna Þóra hyggst láta viðurkenn-
ingarféð renna upp í ferð sem þau
hjónin ætla að fara til Hamborgar í
haust, en þar ætla þau að heim-
sækja æskuvinkonu Önnu Þóru.
Á myndinni er Anna Þóra, t.v.,
og María L. Viðarsdóttir, frá dreif-
ingardeild Árvakurs.
Blaðberi mánaðarins fékk 25.000 króna gjafakort hjá Icelandair
Góð morg-
unganga