Morgunblaðið - 06.10.2007, Blaðsíða 24

24 LAUGARDAGUR 6. OKTÓBER 2007 MORGUNBLAÐIÐ
AKUREYRI
ÁRBORGARSVÆÐIÐ
Eftir Sigurð Jónsson
Ölfus | „Við höfum fengið mikil
viðbrögð við þessari hugmynd og
það eflir okkur í framhaldinu.
Þetta verður heilt þorp sem
þarna verður til á milli Hvera-
gerðis og Selfoss og væntanlega
lítið og gott samfélag sem fólk
skapar í kringum sig,“ sagði Sig-
urður Másson, einn þriggja eig-
enda að 200 hektara landi í Ölf-
usi, austan Suðurlandsvegar við
Kotströnd.
Svæði með góða tengingu
Sigurður og viðskiptafélagar
hans, Sigurður Fannar Guð-
mundsson og Guðmundur Sig-
urðsson í hlutafélaginu Fjallasöl-
um, keyptu landið út úr jörðunum
Kotströnd og Akurgerði og eru
að vinna deiliskipulag þar sem
gert verður ráð fyrir 300 stórum
einbýlishúsalóðum með 2 til 3.000
fermetra lóðum. Einnig er gert
ráð fyrir 20 lóðum næst Suður-
landsveginum fyrir verslunar- og
þjónustustarfsemi. Þær lóðir
verða um 15 þúsund fermetrar að
stærð og gera þeir félagar ráð
fyrir að byggingar þar verði mjög
áberandi. „Í því efni erum við að
hugsa um aðila sem þurfa mikið
pláss og vilja vera sýnilegir,“
sagði Sigurður Másson.
„Við erum í góðu samstarfi við
Sveitarfélagið Ölfus og gerum ráð
fyrir að sjá um alla uppbyggingu
gatna í einkaframkvæmd en þjón-
usta við íbúana verður á hendi
sveitarfélagsins Ölfuss, svo sem
skólar, leikskólar og fleira. Nú er-
um við að samræma skipulagið og
vegtengingu vegna tvöföldunar
Suðurlandsvegar en samkvæmt
drögum er gert ráð fyrir vegteng-
ingu nálægt Kotströnd. Okkar
áætlanir gera ráð fyrir því að
hefja framkvæmdir síðla vetrar
og hefja sölu lóða á vormánuðum
2008. Byggðin hefur fengið nafnið
Fjallaskjól og göturnar munu
bera heiti trjáa og enda á
hvammur svo sem Reynihvamm-
ur og Birkihvammur,“ sagði Guð-
mundur Sigurðsson.
„Við eignuðumst þetta land og
sáum að mikið framboð er af
venjulegum lóðum í þéttbýli, 700
fermetra lóðum fyrir íbúðarhús.
Svo er líka mikið framboð af
mjög stórum lóðum til sveita sem
eru allt að 10 þúsund fermetrar
að stærð. Við viljum með þessu
hverfi eða þorpi fara mitt á milli í
þessu framboði og bjóða 2 til
3.000 fermetra lóðir þar sem
heimilt verður að byggja 800 til
1.000 fermetra hús. Með þessu
býðst fólki einnig að hafa mjög
rúmt um sig, sumir vilja ekki
endilega vera í stóru húsi en geta
skapað sér sitt manngerða um-
hverfi með fallegum garði. Þannig
verður þetta að spennandi val-
kosti fyrir fólk sem er í þeim hug-
leiðingum að búa aðeins utan við
þéttbýlið og vill losna frá umferð-
arþrönginni sem þar er oft á tíð-
um. Þetta svæði er í góðri teng-
ingu við þéttbýlisstaðina
Hveragerði og Selfoss og verður
síðan í þjónustutengingu við
Sveitarfélagið Ölfus. Tvöföldun
vegarins gerir það að verkum að
svæðið er bara steinsnar frá þess-
um stöðum og Reykjavík,“ sagði
Sigurður Fannar Guðmundsson,
framkvæmdastjóri Fjallasala ehf.,
um ástæðu þess að þeir félagar
stefna á að reisa heilt þorp á milli
Hveragerðis og Selfoss og hræð-
ast ekki offramboð á bygginga-
möguleikum.
Öflugt sveitarfélag
„Sveitarfélagið Ölfus er gríð-
arlega öflugt sveitarfélag og þar
er margt spennandi að gerast í
atvinnumálum og mikil uppbygg-
ing framundan í þeim efnum og
sveitarstjórnin er mjög virk þeg-
ar kemur að nýjum möguleikum
og öll ákvarðanataka hefur geng-
ið hratt og vel fyrir sig. Við erum
með mjög góðan möguleika fyrir
þá sem vilja búa svona aðeins úti
í sveit en njóta samt kosta þétt-
býlisins og þess að vera í öflugu
sveitarfélagi. Sveitarstjórn Ölfus
skilur mjög vel að nauðsynlegt er
að í boði séu sem fjölbreytileg-
astir búsetukostir hér á Árborg-
arsvæðinu sem er í reynd eitt
þjónustusvæði af sjónarhóli
þeirra sem sækjast eftir búsetu
hérna,“ sagði Sigurður Másson,
stjórnarformaður Fjallasala ehf., í
samtali við Morgunblaðið.
Fjölbreytni eykst
í búsetukostum á
Árborgarsvæðinu
Þorpið Fjallaskjól mun rísa
við Suðurlandsveg í Ölfusi
Morgunblaðið/Sigurður Jónsson
Nýtt þorp Sigurður Másson, stjórnarformaður Fjallasala, Guðmundur
Sigurðsson og Sigurður Fannar Guðmundsson framkvæmdastjóri.
Selfoss | Samningur um samstarfsverk-
efni varðandi samstarf þriggja stofnana
um starf iðjuþjálfa á Suðurlandi var und-
irritaður á dögunum. Heilbrigðisstofnun
Suðurlands greiðir fyrir 60%, Svæðis-
skrifstofa um málefni fatlaðra á Suður-
landi fyrir 20% og Skólaskrifstofa Suður-
lands fyrir 20%. Mun iðjuþjálfi sjá um
greiningu, ráðgjöf og meðferð barna á
aldrinum eins til átján ára á Suðurlandi.
Samninginn undirrituðu Magnús Skúla-
son, framkvæmdastjóri Heilbrigðisstofn-
unar Suðurlands, Þorvarður Hjaltason,
framkvæmdastjóri Samtaka sunnlenskra
sveitarfélaga og Laufey Jónsdóttir, fram-
kvæmdastjóri Svæðisskrifstofu um mál-
efni fatlaðra á Suðurlandi.
Samið um fullt
starf iðjuþjálfa
Hveragerði | Sig-
urður Dagur
Hjaltason, 5 ára
strákur í Hvera-
gerði, veiddi
fyrsta laxinn, svo-
nefndan Maríulax,
fyrir skömmu.
Hann sýndi laxinn
sinn og var
ánægður með
dagsverkið.
Sigurður Dagur veiddi undir hand-
leiðslu afa síns, Sigurðar Þórs Sigurðs-
sonar, í Laxá í Nesjum. Laxinn var 5
pund að stærð. „Þetta var mjög gaman.
Stráksi vildi fá eitthvað að gera og
kastaði útí og skömmu síðar kallaði
hann og sagði að það væri fast hjá sér
en þá var laxinn kominn á. Sá stutti dró
fiskinn og tókst á við hann nokkra
stund og síðan aðstoðaði ég hann við
löndunina eins og háttur er hjá veiði-
leiðsögumönnum. Auðvitað var ánægja
okkar beggja mjög mikil í lokin,“ sagði
Sigurður Þór.
Fimm ára strákur
fékk Maríulaxinn
STARFSEMI Norðanflugs á Akur-
eyri liggur niðri um þessar mundir
vegna þess að Flugmálastjórn setti
bann á það, af öryggisástæðum, að
flugvélin, sem fyrirtækið hefur not-
að, athafni sig hér á landi.
Um er að ræða rússneska AN-12
vél, sem komin er nokkuð til ára
sinna. Norðanflug hefur lagt fram
stjórnsýslukæru á hendur Flug-
málastjórn og er hún nú til meðferð-
ar í samgönguráðuneytinu. Þaðan
fengust ekki upplýsingar um það í
gær hvar málið væri statt í kerfinu.
Valdís Ásta Aðalsteinsdóttir, upp-
lýsinga- og kynningarfulltrúi Flug-
málastjórnar Íslands, vildi í gær
ekki tjá sig um þetta einstaka mál en
staðfesti þó að stjórnsýsluskæra
hefði borist ráðuneytinu.
Flugu fram á sumar
Ekki náðist í forsvarsmenn Norð-
anflugs í gær en haft var eftir
Unnari Jónssyni, forstöðumanni
flutningasviðs Samherja og stjórnar-
formanni Norðanflugs, í Vikudegi að
þetta hefði komið sér mjög illa fyrir
Samherja og sett allar áætlanir úr
skorðum.
Starfsemi Norðanflugs hófst í árs-
byrjun þegar AN-12 vélin hóf sig til
flugs í fyrsta skipti frá Akureyrar-
flugvelli með 11 tonn af ferskum
fiskflökum frá Samherja, en flogið
var til Oostende í Belgíu. Vélin flaug
síðan reglulega þessa sömu leið,
þrisvar í viku, fram á sumar.
Í haust, þegar flug átti að hefjast á
nýjan leik að loknu sumarleyfi í fisk-
vinnslu Samherja á Dalvík, ákvað
Flugmálastjórn að veita ekki leyfi
fyrir því að vélin fengi að lenda hér á
landi.
Þegar starfsemin hófst sögðust
forsvarsmenn Norðanflugs sjá mikil
tækifæri í fragtflugsrekstri um Ak-
ureyrarflugvöll og vélin, AN-12, ætti
sér langa sögu í fragtflugi og hentaði
aðstæðum á Akureyri vel með tilliti
til skjótrar hleðslu og afhleðslu.
Bann sett á vél
Norðanflugs af
öryggisástæðum
Morgunblaðið/Skapti
Á loft Vél Norðanflugs hefur sig til
flugs í fyrsti skipti á Akureyri í vor.
Í HNOTSKURN
»Fyrsta ferð Norðanflugs fráAkureyri var 3. janúar á
þessu ári, nákvæmlega 70 árum
eftir að Flugfélag Akureyrar var
stofnað. Flogið var með 11 tonn
af fiski til Belgíu.
»Stofnendur Norðanflugs ogeigendur eru Samherji, Eim-
skip og Saga Capital.
LÖGREGLAN á Akureyri hefur
fylgst með hjálmanotkun nemenda
við Glerárskóla undanfarið og í ljós
kom að henni er mjög ábótavant.
Hafa skólayfirvöld hvatt foreldra til
að brýna fyrir börnum sínum mik-
ilvægi þess að vera með hjálm þegar
stigið er á bak reiðhjóli. Nú síðast í
vikunni kom hjálmur í veg fyrir að
barn slasaðist alvarlega á höfði.
Samkvæmt landslögum er óheim-
ilt að vera á hjóli nema með hjálm
fram að sextán ára aldri og það var
eins gott að þrettán ára stúlka í
Glerárskóla hafði lögin í heiðri í vik-
unni. Hún var á hjóli sínu á leið niður
brekku þegar annar fóturinn flækt-
ist í hjólinu með þeim afleiðingum að
hún steyptist fram fyrir sig. Stúlkan
handleggsbrotnaði og skrámaðist í
andliti en fullyrt er að hjálmurinn
hafi komið í veg fyrir að hún slas-
aðist alvarlega á höfði.
Þorsteinn Pétursson, lög-
reglumaður á Akureyri, hefur sinnt
forvarnarmálum af miklum krafti
síðustu ár og hann segir í bréfi til
foreldra að þótt allir geti lært að
hjóla og börn séu fljót að ná góðu
valdi á hjólinu séu börn undir tíu ára
aldri að jafnaði ekki fær um að meta
allar aðstæður í umferðinni „og
yngri en sjö ára eiga aldrei að hjóla
þar nema í fylgd fullorðins.“ Þeim
tilmælum hefur verið beint til for-
eldra að börn í 1. til 4. bekk komi
ekki í skólann á hjóli og segir Þor-
steinn að foreldrar hafi virt það.
En hvers vegna er svona mik-
ilvægt að nota hjálm? Þorsteinn –
Steini Pje – svarar því:
„Höfuðmeiðsl eru alvarlegustu
áverkar sem hljótast af hjólreiða-
slysum. Notkun hlífðarhjálms kem-
ur ekki í veg fyrir slysin en dregur
úr alvöru þeirra og minnkar líkurnar
á alvarlegum höfuðmeiðslum um allt
að 80%. Hjálmur getur skilið á milli
heilahristings og höfuðkúpubrots og
jafnvel lífs og dauða. Sérstaklega er
mikilvægt að börn noti hlífðarhjálm
við hjólreiðar enda eru höfuð þeirra
minni og viðkvæmari en þeirra sem
eldri eru.
Þar sem okkur er umhugað um
öryggi barnsins þíns og vitum að svo
er um þig einnig hvetjum við þig ein-
dregið til að stuðla að því að barnið
noti framvegis hlífðarhjálm,“ segir
hann í bréfinu til foreldranna.
Of fáir krakkar með hjálm
Hjálmur forðaði barni frá alvarlegum meiðslum í vikunni
Morgunblaðið/Skapti Hallgrímsson
Með allt á hreinu! Þessir strákar voru á hjólunum sínum við Síðuskóla í rigningunni síðdegis í gær og auðvitað
allir með hjálm, enda sögðu þeir það nauðsynlegt. Þetta eru, frá vinstri, Haukur, Ómar, Sævar og Hrannar.