Morgunblaðið - 27.10.2007, Side 14

14 LAUGARDAGUR 27. OKTÓBER 2007 MORGUNBLAÐIÐ
FRÉTTIR
Hvernig hefur rjúpan það?
Kaffispjall með Ólafi K. Nielsen, fuglafræðingi,
sunnudaginn 28. október kl. 14:00 í Gerðubergi.
Ólafur fjallar um ástand rjúpnastofnsins og sjúkdóma
í stofninum. Einnig fjallar hann um afrán rándýra og
áhrif þeirra á rjúpuna. Að erindi sínu loknu mun Óla-
fur svara spurningum fundarmanna.
www.skotvis.is
Fundurinn hefst kl. 14:00 - sunnudaginn
28. október í Gerðubergi.
Stjórn Skotvís
SKÓGRÆKTARFÉLAG Reykjavík-
ur leggst alfarið gegn tillögu að nýju
deiliskipulagi vegna athafnasvæðis á
Hólmsheiði. Skorar stjórn félagsins á
borgarstjórn að endurskoða Aðal-
skipulag Reykjavíkur frá grunni. Það
verði gert með það að leiðarljósi að
finna aðrar lausnir á þróun borgar-
innar en að ganga á það verðmæta
útivistarsvæði sem skógivaxnar aust-
urheiðarnar eru fyrir borgarbúa.
Deiliskipulagstillagan vegna at-
hafnasvæðis A3 á Hólmsheiði fór í
kynningu 12. september sl. Svæðið er
norðan Suðurlandsvegar og er á milli
Hafravatnsvegar og hesthúsasvæðis-
ins í Almannadal. Heildarstærð svæð-
isins er 170 hektarar og er gert ráð
fyrir að lóðir af ýmsum stærðum verði
á um 100 hekturum á svæðinu. Svan-
dís Svavarsdóttir, nýr formaður
skipulagsráðs, benti á að frestur til að
gera athugasemdir við deiliskipulags-
tillöguna væri nýliðinn en hann rann
út miðvikudaginn 24. október. Hún
sagði að nýtt skipulagsráð myndi taka
afstöðu til þeirra athugasemda sem
fram hefðu komið.
Stjórn Skógræktarfélagsins byggir
afstöðu sína einkum á þeirri miklu
skóggræðslu sem fram hefur farið á
austurheiðum borgarinnar frá
miðjum 9. áratugnum. Hún hefur ver-
ið unnin í náinni samvinnu félagsins
og Reykjavíkurborgar og fór embætti
borgarverkfræðings með yfirstjórn
verksins. Félagið bendir á að þótt
þessi 170 hektara reitur sem um ræð-
ir og nú er fullgróðursettur trjám hafi
verið afmarkaður sem mögulegt
framtíðarbyggingarsvæði á Aðal-
skipulagi frá 1984, hafi á þeim tíma
verið mikil gagnrýni á þá skipulagn-
ingu svæðisins vegna sprunguhættu
og eins vegna sjónarmiða náttúru-
verndar og vatnsverndar.
Fjöldi reykvískra ungmenna í
Vinnuskóla Reykjavíkur hefur unnið
að skóggræðslu þarna undanfarin 20
sumur. Auk þess gróðursettu skóla-
börn tré á svæðinu í tengslum við
verkefni Skólaskóga á árunum 1989-
94. Þá hafa verið lagðir þarna göngu-
stígar svo nemur tugum kílómetra.
Ræktun þykir hafa tekist framar
björtustu vonum og uppvaxandi skóg-
ur afar fallegur og í örum vexti.
Skógræktarfélagið segir að verði
byggt á svæðinu fari forgörðum öll
vinnan við skóggræðsluna og um hálf
milljón trjáplantna. Þar eð jarðvegur
er afar grýttur verði óvinnandi vegur
að flytja trjáplöntur af svæðinu.
Nánast alger eyðilegging
Stjórn Skógræktarfélagsins telur
að þrátt fyrir góð áform um að leitast
verði við að taka mið af skóglendinu í
deiliskipulagi svæðisins verði eyði-
legging svæðisins með hliðsjón af
skógræktarsjónarmiðum nánast al-
ger. Í því sambandi er bent á hvernig
tókst að halda loforð um að taka „sér-
stakt tillit til trjágróðurs“ við upp-
byggingu í Ártúnsholti og Grafar-
holti.
Þá telur stjórn Skógræktarfélags
Reykjavíkur að þessi framkvæmd sé
aðeins upphafið að því að leggja allar
austurheiðar borgarlandsins undir
byggð á næstu árum og áratugum.
Stjórnin mælir því eindregið með
heildarendurskoðun á Aðalskipulagi
fyrir austurheiðarnar sem taki meira
tillit til félagslegs og umhverfislegs
gildis skógarins. Þá varar stjórnin
borgaryfirvöld „við óafturkræfum
skaða og við því að fremja skemmd-
arverk á borgarskógum Reykvík-
inga“.
Hálf milljón trjáa í
hættu á Hólmsheiði
Stjórn Skógræktarfélags Reykjavíkur leggst gegn skipulagi
FRÉTTASKÝRING
Eftir Bjarna Ólafsson
bjarni@mbl.is
VINNU við endurskoðun á skrán-
ingarferli hlutafjár í evrur hjá Verð-
bréfaskráningu Íslands er að ljúka
og er búist við því að fyrirtæki í
Kauphöll geti hafið skráningu á
hlutafé sínu í þeirri mynt í nóvem-
ber. Farið var í þessa vinnu í kjölfar
athugasemda Seðlabanka Íslands
við fyrirhugaða skráningu Straums-
Burðaráss á hlutafé sínu í evrur, en
þær komu fram nokkrum dögum áð-
ur en skráningin átti að fara fram
hinn 20. september síðastliðinn.
Kemur þetta fram í samtali Einars
S. Sigurjónssonar, framkvæmda-
stjóra Verðbréfaskráningar, við
Morgunblaðið.
Þeim félögum fjölgar sífellt sem
hafa sýnt áhuga á að breyta upp-
gjörsmynt sinni úr krónum í erlenda
gjaldmiðla og í nýbirtri spá greining-
ardeildar Kaupþings segir að líklegt
sé að innan tveggja ára muni félög,
sem samanlagt telja 94% af mark-
aðsvirði félaga á Aðallista Kauphall-
ar OMX á Íslandi, gera upp í annarri
mynt en íslenskum krónum. Nú þeg-
ar gerir Bakkavör upp í breskum
pundum, Össur í dollurum og Al-
fesca, Exista, FL Group, Hf. Eim-
skipafélagið, Straumur-Burðarás
auk annarra félaga í evrum.
Áhrif til lækkunar krónu
Í nýrri skýrslu Fjármálaeftirlits-
ins (FME) um reikningsskil í er-
lendri mynt segir að tækju íslensku
viðskiptabankarnir upp uppgjör í er-
lendri mynt gæti myndast tíma-
bundinn þrýstingur til lækkunar á
gengi krónunnar á umbreytingatím-
anum. Ástæðan sé sú að bankarnir
þyrftu að kaupa mikið af erlendri
mynt fyrir krónur til að koma á við-
eigandi gjaldeyrisjöfnuði. Erfitt sé
hins vegar að meta hversu mikil
áhrifin yrðu á gengi krónunnar og
hve langvarandi þau yrðu. Færi það
m.a. eftir því hve margir bankanna
tækju upp erlenda mynt, tímalengd
umbreytingatímabilsins, vaxtamun-
ar milli Íslands og annarra landa,
stöðu viðskiptajafnaðar og gjaldeyr-
isforða.
Þau eru öllu færri félögin sem hafa
lýst því yfir opinberlega að þau hafi
hug á að skrá hlutafé sitt í erlendri
mynt, en í gær kynnti stjórn Kaup-
þings þau áform sín að leggja það til
við hluthafafund að hlutafé bankans
verði breytt í evrur og áður höfðu Al-
fesca og Straumur lýst áhuga sínum
á hinu sama og hafði síðarnefnda fé-
lagið í raun lokið vinnu við þá skrán-
ingu þegar Seðlabankinn gerði at-
hugasemdir, sem áður hefur verið
greint frá.
Í skýrslu (FME) er einnig fjallað
um skráningu hlutafjár í öðrum
gjaldmiðli en krónu. Kemur þar
fram að skráning og viðskipti með
verðbréf í kauphöll feli í raun í sér
þrjá meginþætti sem geti verið með
mismunandi hætti hvað varði ís-
lenskar krónur og erlenda mynt. Í
fyrsta lagi er um að ræða skráningu
og verðmyndun í kauphöll, í öðru lagi
skráningu á eignarhaldi hjá Verð-
bréfaskráningu og í þriðja lagi
greiðsluuppgjör í Seðlabankanum.
Skráningarkerfi kauphallarinnar er
ekki sögð nein hindrun fyrir skrán-
ingu hlutabréfa í erlendri mynt, en
skráning á eignarhaldi hjá Verð-
bréfaskráningu geti hins vegar, eins
og er, aðeins farið fram í íslenskum
krónum og hið sama eigi við um
greiðsluuppgjör hjá Seðlabanka.
Aðeins hægt í evrum
Áðurnefndar athugasemdir Seðla-
bankans sneru, a.m.k. að hluta til, að
greiðsluuppgjörinu og vildi Seðla-
bankinn láta athuga hvort það stæð-
ist lög að aðrar stofnanir en Seðla-
bankinn sæju um greiðsluuppgjör
viðskipta með hluti Straums.
Strax í kjölfar þessara athuga-
semda hófst vinna hjá Kauphöllinni
og Verðbréfaskráningu við aðlögun
uppgjörskerfisins í samræmi við at-
hugasemdir Seðlabankans og segir
Einar að þeirri vinnu verði líklega
lokið af hálfu Verðbréfaþings í
næstu viku. Þá þurfi samstarfsaðilar
þingsins, Seðlabanki og viðskipta-
bankarnir að líta yfir ferlið og leggi
þeir blessun sína yfir það þá geti
skráning hlutafjár í evrum hafist í
kjölfarið.
Eins og stendur verður aðeins
hægt að skrá hlutafé í evrum, en ekki
í annarri erlendri mynt og er það
m.a. vegna þess að þá þyrfti að finna
annan aðila til að sjá um greiðslu-
uppgjör viðskipta.
Töluverð umræða hefur spunnist
um uppgjör fjármálafyrirtækja og
skráningu hlutafjár þeirra í erlendri
mynt og hefur sitt sýnst hverjum.
Upphafið má rekja til frétta, frá því í
desember í fyrra, af því að Straum-
ur-Burðarás og Kaupþing hefðu
breytt stórum hluta eigin fjár síns í
erlenda mynt og í kjölfarið lýsti
Straumur-Burðarás því yfir að hann
hygðist breyta uppgjörsmynt sinni í
evrur. Þá velti fólk því fyrir sér hvort
Kaupþing ætlaði að feta sömu slóð
eða jafnvel skrá hlutafé sitt í erlendri
mynt.
Formaður bankastjórnar Seðla-
bankans, Davíð Oddsson, lagðist
gegn slíkum áformum og sagði með-
al annars á vaxtaákvörðunarfundi
hinn 21. desember 2006 að heimild í
lögum til handa fyrirtækjum til að
gera upp í evrum hefði ekki verið
hugsuð fyrir fjármálafyrirtæki og
sagði óheppilegt að slík fyrirtæki fet-
uðu slíka leið.
Hinn fjórtánda febrúar var svo
sett reglugerð, 101/2007, frá fjár-
málaráðuneytinu þar sem meðal
annars er kveðið á um að vilji fjár-
málafyrirtæki gera upp í annarri
mynt en íslenskri krónu þurfi það að
leita umsagnar Seðlabankans.
Uppgjör í evrum gæti valdið
tímabundinni lækkun gengis
Reuters
Uppgjör Þegar rætt er um að íslensk fyrirtæki taki að gera upp í erlendri
mynt er í flestum tilfellum átt við evruna, en þó eru dæmi um annað.
Reuters
Eftir Arnór Gísla Ólafsson
arnorg@mbl.is
SÚ ÁKVÖRÐUN stjórnenda Kaup-
þings banka að gera upp í evrum
og leggja til við hluthafafund að
breyta hlutafé
bankans í evrur
kemur ekki á
óvart, segir Árni
Mathiesen fjár-
málaráðherra.
„Þetta er gert
í samræmi við
þær reglur sem í
gildi eru að því
er ég best veit.
Við höfum gert ráð fyrir því að
fyrirtæki gætu þróast á þennan
veg, þ.e. þegar viðskipti þeirra
væru að svo miklu leyti í erlendum
gjaldmiðlum að það sé eðlilegra að
gera þau upp í erlendum myntum
en íslenskri krónu. Reikningar
eiga að endurspegla viðskiptin
þannig að það er ekkert óeðlilegt
við það,“ segir Árni. Aðspurður
um hvernig mál um skráningu
hlutafjár í evrum standi svarar
Árni því til að það sé mál milli
Kauphallarinnar og Seðlabankans
og hann viti ekki annað en verið sé
að vinna að tæknilegri lausn þess
og ekki hafi verið talið nauðsyn-
legt að gera lagabreytingar vegna
þess.
Hvað varðar spá greiningar-
deildar Kaupþings um að helm-
ingur félaga á Aðallista verði kom-
inn í evrur á næstunni og 94%
markaðsvirðis félaga á aðallista
verði í erlendri mynt innan tveggja
ára segist Árni ekki hafa sérstakar
áhyggjur af þeirri þróun, svo fremi
sem þetta verði í samræmi við við-
skiptin sem félögin eigi í. „Ef þessu
er þann veg farið og fyrirtækin
uppfylla þessi lög og reglur, sem
við höfum sett, er þetta ekki hlutur
sem ég hef áhyggjur af.“
Árni segir heldur ekkert nýtt í
því þó starfsmenn þessara fyrir-
tækja geti þegið laun í evrum, það
hafi alltaf verið möguleiki og fjöldi
fólks sé farinn að taka lán í erlend-
um gjaldmiðlum.
Kemur
ekki á
óvart
Árni Mathiesen