Morgunblaðið - 18.12.2007, Blaðsíða 2

2 ÞRIÐJUDAGUR 18. DESEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
BÆJARRÁÐ Hafnarfjarðarbæjar fjallaði um sölu
á rúmlega 15,4% hlut bæjarins í Hitaveitu Suður-
nesja til Orkuveitu Reykjavíkur á fundi í gær. Þar
lögðu fulltrúar Samfylkingar og Vinstri grænna
fram sameiginlega tillögu um að selja allt að 95%
hlutafjár en um leið að kanna möguleika á að kaupa
hlut í OR. Fulltrúar Sjálfstæðisflokksins lögðu fram
aðra tillögu um að allt hlutafé Hafnarfjarðar í HS
yrði selt til OR. Báðar tillögurnar gera ráð fyrir því,
að sölugengið verði 7. Rætt verður um tillögurnar á
fundi bæjarstjórnar í dag og gengur Lúðvík Geirs-
son bæjarstjóri út frá því að málið verði afgreitt á
fundinum í dag. Hann segir engan grundvallarmun
á tillögunum.
Í tillögu Samfylkingar og VG segir m.a.: „Bæj-
arstjórn samþykkir að fela starfshópi sem skipaður
er oddvitum þeirra stjórnmálaflokka sem sæti eiga í
bæjarstjórn að leita eftir samkomulagi við Orku-
veitu Reykjavíkur um hugsanleg hlutafjárskipti.
Slíkt samkomulag verði í síðasta lagi gert fyrir lok
febrúar 2008. Forsendur þeirra kaupa ráðist af því
verðmati sem liggi fyrir á Orkuveitunni og sameig-
inlegri afstöðu varðandi framtíðarskipan dreifikerf-
is rafmagns innan lögsögu Hafnarfjarðar. […]
Bæjarstjórn ítrekar að Hafnarfjarðarbær á og
rekur bæði Vatnsveitu Hafnarfjarðar og Fráveitu
Hafnarfjarðar og mun halda því eignarhaldi og
þeim rekstri áfram með óbreyttu sniði.“
Í tillögu sjálfstæðismanna segir m.a. að bæjar-
stjórn ákveði að selja OR allan hlut Hafnarfjarðar í
HS að nafnvirði 1.149.368.544 á genginu 7,0. Eru
lagðar fram tillögur um hvernig ráðstafa eigi and-
virðinu. „Söluandvirðið verður einungis notað til
greiðslu skulda og skuldbindinga Hafnarfjarðar-
bæjar og áður en kemur til einstakra greiðslna
ofangreindra lána verði það ávaxtað með tryggileg-
um hætti. Lækkun á skuldum bæjarins og vaxta-
byrði verður notað til að lækka útsvar, fasteigna-
gjöld og aðrar álögur á bæjarbúa.“
Bæjarstjórn tekur ákvörðun
um sölu á hlut í HS í dag
Samfylking og VG í Hafnarfirði vilja leita samkomulags við OR um hlutafjárskipti
Eftir Ómar Friðriksson
omfr@mbl.is
„VIÐ höfum verið með tilboð
frá Orkuveitunni frá því í
sumar um kaup á þessum hlut
í Hitaveitu Suðurnesja, á
mjög hagstæðum kjörum og
skiptir máli fyrir okkur að
nýta okkur það tækifæri. Í
annan stað er að verða mikil
breyting á öllum þessum mál-
um,“ segir Lúðvík Geirsson,
bæjarstjóri í Hafnarfirði. „Við höfum lagt
áherslu á að hafa aðkomu að þessum fyrir-
tækjum sem við kaupum þjónustu af. Við höfum
líka stofnað til samstarfs með Grindavík og
Vogum um sameiginlega hagsmuni á háhita-
svæðunum […] Má segja að við séum að tryggja
okkar stöðu og aðkomu að þeim borðum sem við
viljum sitja við.“
Tryggja okkar stöðu
LÖGREGLAN á
Selfossi telur að
annar Pólverji,
sem grunaður er
um að hafa tekið
þátt í nauðgun í
október, hafi rof-
ið farbann og yf-
irgefið landið.
Félagi hans fór
úr landi í byrjun
desember. Lýst
hefur verið eftir báðum mönnun-
um á Schengen-svæðinu.
Þriðja manninum var í gær gert
með úrskurði að leggja fram
tryggingu fyrir því að hann yrði
tiltækur lögreglu fram til 4. febr-
úar. Beðið er niðurstöðu rann-
sókna á lífsýnum og er þeirra að
vænta eftir 6 vikur.
Að mati Ólafs Helga Kjartans-
sonar lögreglustjóra hefur rann-
sókn málsins sýnt að farbann sé
veikt úrræði og þurfi að grípi til
annarra ráða. Þannig mætti vel
hugsa sér að nota nýjustu tækni í
því skyni, svo sem að skylda við-
komandi til að bera staðsetning-
artæki, auk þess að taka upp til-
kynningarskyldu.
Þá mætti taka upp þann hátt að
þeir sem sæti farbanni greiði um-
talsverða fjárhæð til tryggingar
því að þeir séu tiltækir og sæti
gæsluvarðhaldi ella.
Telja að
Pólverjinn
hafi flúið
Ólafur Helgi
Kjartansson
„HELSTA breytingin er tæplega
30% aukning frá því í fyrra á af-
greiðslu böggla vegna aukinnar
netverslunar. Því fylgir aukin
vinna sem hefur þó gengið prýði-
lega að sinna,“ segir Ágústa
Hrund Steinarsdóttir, markaðs-
stjóri Póstsins, um álag á póstþjón-
ustuna fyrir jólin. Íslendingar
virðist kaupa jólagjafir í auknum
mæli á netinu og Pósturinn finni
vel fyrir því. Líkt og undanfarin ár
hefur Pósturinn ráðið til sín fjölda
skólafólks til að anna álaginu og
segir Ágústa stemninguna
skemmtilega og jólalega.
Síðustu öruggu skiladagar
böggla og jólakorta til Evrópu eru
liðnir, en hægt er að senda pakka
með TNT-hraðþjónustu í dag og á
morgun. Síðasti öruggi skiladagur
jólapakka innanlands er á morgun,
19. desember, og vegna jólakorta
hinn 20. desember. Jólapósthúsin í
Kringlunni, Smáratorgi og á Gler-
ártorgi eru opin til kl. 22 þessa
viku. Morgunblaðið/Kristinn
Mikil aukn-
ing vegna
netverslunar
Jólavertíð Póstsins í hámarki og stemning á pósthúsum
♦♦♦
HÉRAÐSDÓMUR Reykjavíkur
hefur sýknað íslenska ríkið af kröfu
ellilífeyrisþega, sem vildi að greiða
ætti fjármagnstekjuskatt af þeim
hluta lífeyris, sem væri ávöxtun af
innborguðu iðgjaldi. Var úrskurður
skattstjóra, um að greiða skuli tekju-
skatt af lífeyri, staðfestur með
dómnum.
Dómurinn taldi, að skattlagning
lífeyristekna, með þeim hætti sem
kveðið er á um í lögum um tekju-
skatt, væri að öllu leyti lögmæt og í
samræmi við þá heimild sem löggjaf-
anum væri veitt til skattlagningar.
Hafnaði dómurinn því að skattlagn-
ingin bryti í bága við jafnræðisreglu
stjórnarskrárinnar og mannrétt-
indasáttmála Evrópu þar sem lífeyr-
isþeginn hefði ekki sýnt fram á, að
hann sætti annarri skattalegri með-
ferð en aðrir, sem eins stæði á um.
Málið var upphaflega höfðað árið
2002 en Hæstiréttur vísaði því frá
árinu 2004.
Lögmætt að
innheimta
tekjuskatt
NIÐURSTÖÐUR úr samræmdum
könnunarprófum í stærðfræði og ís-
lensku í 4. bekk og 7. bekk í ár eru
áþekkar niðurstöðunum í fyrra.
Niðurstöðurnar voru flokkaðar eft-
ir kjördæmum. Samræmdar einkunn-
ir á kvarðanum 1-10 voru mjög
áþekkar í Reykjavík, Suðvesturkjör-
dæmi og Norðausturkjördæmi en ívið
lægri í Vesturkjördæmi og Suður-
kjördæmi.
Þegar skoðaðar eru normaldreifð-
ar einkunnir á kvarðanum 0-60 kemur
í ljós að nemendur í 4. bekk og 7. bekk
í Reykjavík og Suðvesturkjördæmi
eru um eða yfir landsmeðaltali (30) í
öllum tilvikum, bæði í stærðfræði og
íslensku. Nemendur 4. bekkjar í
Norðausturkjördæmi eru yfir lands-
meðaltali í báðum námsgreinum og
nemendur 7. bekkjar í því kjördæmi
yfir landsmeðaltali í íslensku en undir
því í stærðfræði. Nemendur beggja
bekkja í Vesturkjördæmi og Suður-
kjördæmi eru undir landsmeðaltali í
íslensku og stærðfræði.
Sigurgrímur Skúlason, próffræð-
ingur og sviðsstjóri prófadeildar
Námsmatsstofnunar, sagði enga
megináherslu lagða á samanburð
milli ára í samræmdu prófunum. Ein-
staklingsniðurstöðurnar væru það
sem máli skipti og þær væru ekki fjöl-
miðlaefni. Hvað varðar landshlutanið-
urstöðurnar sagði Sigurgrímur að
honum sýndist sem mynstrið í norm-
aldreifðu einkunnunum væri mjög
áþekkt nú og undanfarin ár. „Það er í
raun óbreytt ástand,“ sagði Sigur-
grímur. Hann taldi niðurstöðurnar
einnig sýna að ekki væri mikill munur
í einkunnum á milli landshluta.
Niðurstöður samræmdu próf-
anna eru svipaðar og áður
Ekki mikill munur milli landshluta

 
 

 ! "#
$ "%&'
$ () "%&'
() "%&'
 "%&'


 
 !







*+,
*,
,,
--
 -*+

"%.&
 
 .

    
/  .&0()(()12 






*+ *
, +
 -*
"%.&
 .

 !







*-
* , 
 ,*-

"%.&
 
 .








*-+
* ,,
,
 ,*

"%.&
 .

 !
LÖGREGLAN á höfuðborgarsvæð-
inu hefur tvö kynferðisbrot til rann-
sóknar eftir liðna helgi. Líkt og
greint var frá í Morgunblaðinu í gær
leikur grunur á að konu hafi verið
nauðgað á salerni skemmtistaðar í
miðborg Reykjavíkur en engar upp-
lýsingar fengust um hitt málið þegar
eftir því var leitað hjá kynferðis-
brotadeild lögreglunnar á höfuð-
borgarsvæðinu. Þó fékkst staðfest
að ein kæra hefði borist lögreglu
vegna kynferðisbrots um helgina.
Að sögn lögreglu er rannsókn
beggja mála á frumstigi og því lítið
hægt að gefa upp. Enginn er í haldi
lögreglu vegna málanna en rætt hef-
ur verið við vitni.
Tvö kyn-
ferðisbrot
♦♦♦