Morgunblaðið - 18.12.2007, Blaðsíða 45
MORGUNBLAÐIÐ ÞRIÐJUDAGUR 18. DESEMBER 2007 45
Hin norska Silvía Nótt vartil umfjöllunar á síðumMorgunblaðsins fyrr í
mánuðinum. Öllu lúmskari þó en
Silvía, ekki eins augljóst að verið
er að fíflast en þó með alvarlegum
undirtóni. Pia Haraldsen heitir sú
og er víst mjög vinsæl í Noregi,
sér um grínfréttaþáttinn Rikets
Røst. Grínið gengur út á að taka
viðtöl við ráðherra, bankastjóra
og aðrar stórar fígúrur, láta eins
og um alvarlegt viðtal sé að ræða
en spyrja kjánalegra spurninga. Á
endanum átta viðmælendur sig
yfirleitt á því að verið er að atast í
þeim, en þó ekki alltaf.
Þessi hugmynd er síður en svo
ný af nálinni og þetta hefur marg-
oft verið leikið eftir. Borat er
sjálfsagt grínfréttamanna fræg-
astur, skapari hans Sasha Baron
Cohen hefur fengið ráðamenn
heillar þjóðar, Kasaka, upp á móti
sér með þeim karakter. Borat
spyr oft á tíðum afhjúpandi spurn-
inga og í svörum hinna saklausu
fórnarlamba felast oft fordómar
og fáfræði. Fleiri persónur
Cohens fara í þessa skó, t.d. tísku-
sjónvarpsmaðurinn Bruno og Ali
G.
Færri þekkja hins vegar tilannars bresks grínista, Chris
nokkurs Morris. Ef mönnum
finnst Cohen hafa gengið langt í
gríninu ættu þeir að horfa á þætti
Morris, Brass Eye, sem sýndir
voru á bresku sjónvarpsstöðinni
Channel 4 árið 1997 (um svipað
leyti og fór að bera á Cohen) og
svo aftur fjórum árum síðar. Stíll
Morris er gjörólíkur stíl Cohens, í
raun æsifréttastíll. Morris hleypur
í mörg hlutverk í þáttunum;
stjórnar hringborðsumræðum,
færir fréttir sem fréttaþulur, leik-
ur fórnarlömb, glæpamenn o.s.frv.
Brass Eye var gervi-fréttaskýr-
ingaþáttur sem tók á viðkvæmum
umræðuefnum eins og sifjaspell-
um, kynþáttahatri, eiturlyfjasölu
og alnæmi. Fjölmargir komu að
gerð þáttanna og í þeim komu
fram leikarar sem síðar gerðu
garðinn frægan í gamanþáttum á
borð við Green Wing og Smack
the Pony. Morris vildi með þátt-
unum gera grín að fyrrnefndum
æsifréttastíl og hvernig fjölmiðlar
tækju á viðkvæmum málum. Þetta
tókst honum svo vel að viðmæl-
endur tóku þátt í upploginni bar-
áttu gegn útbreiðslu ímyndaðs eit-
urlyfs, „Cake“, m.a. þingmaðurinn
David Amess. Hann var plataður í
að vara við Cake á myndbandi og
hélt þar á stórri, gulri köku. Ekki
nóg með það heldur hélt Amess
ræðu um ógnina sem stafaði af
Cake á breska þinginu.
Í öðrum þætti taldi Morris við-
mælendum sínum trú um að fíll
nokkur í dýragarði væri með höf-
uðið fast uppi í eigin endaþarmi (!)
og að Afganar stunduðu það að
skjóta kúm úr fallbyssum.
Sá þáttur sem mest fór fyrirbrjóstið á Bretum og breskum
fjölmiðlum fjallaði um kynferðis-
legt ofbeldi gagnvart börnum.
Hann var sýndur árið 2001 og ætl-
aði þá allt um koll að keyra í Bret-
landi, meðal annars kallaði breska
dagblaðið The Sun þáttinn mesta
viðbjóð sem sýndur hefði verið í
sjónvarpi. Og vissulega dansaði
Morris á línunni þó svo undirtónn-
inn hafi verið alvarlegur, að ekki
væri hægt að losna við jafnalvar-
legt samfélagsmein með einföld-
um aðferðum.
Morris plataði í þeim þætti bæði
Gary Lineker og Phil Collins, lét
þá koma fram á myndbandi og
styðja góðgerðarsamtökin Nonce
Sense, sem auðvitað voru ekki til
(orðið „nonce“ er breskt slangur
yfir kynferðisafbrotamann). „I’m
talkin Nonce Sense!“ sagði Collins
grafalvarlegur, fór bókstaflega
með tóma þvælu.
Útvarpsmaðurinn Neil Fox fór
einnig með þá þvælu, mataður af
Morris, að erfðamengi barnaníð-
inga og krabba væru mjög svipuð.
Breski grínistinn og sjónvarps-
maðurinn Richard Blackwood hélt
því fram að barnaníðingar næðu
til fórnarlamba í gegnum lykla-
borð á tölvum, gætu sent í þau
eiturgufur og sljóvgað börnin.
Blackwood þefaði meira að segja
af lyklaborði á myndbandinu!
Morris er sjálfsagt umdeildastigrínisti Bretlands, án þess
að undirritaður hafi fyrir því vís-
indalegar sannanir. Hann virðist
líka ætla að halda þeim titli því
sjónvarpsstöðin Channel 4 stað-
festi fyrr á þessu ári að Morris
myndi leikstýra kvikmynd fyrir
stöðina, grínmynd um sjálfsvígs-
árásarmenn. Sögupersónur eru
„nokkrir Pakistanar sem búa í
Bretlandi“. Hvað svo sem mönnum
finnst um Morris má í það minnsta
búast við því, þegar sú mynd verð-
ur frumsýnd, að allt verði gjör-
samlega kolvitlaust.
Látúnsaugað alsjáandi
» „I’m talkin NonceSense!“ sagði Collins
grafalvarlegur, fór bók-
staflega með tóma
þvælu.
Tónlistarmaðurinn Phil Collins.
helgisnaer@mbl.is
AF LISTUM
Helgi Snær Sigurðsson
Húmoristinn Chris Morris. Borat Eða bara Sacha Baron Cohen. Knattspyrnumaðurinn Gary Lineker.
Jólasöngvar Dómkórsins
í Dómkirkjunni miðvikudaginn 19. desember kl. 22.00
Hugljúfir kvöldtónleikar
með fallegri jólatónlist eftir Eccard,
Praetorius, Brahms o.fl.
Aðgangur ókeypis.
Dómkórinn í Reykjavík.
M
b
l 9
50
53
1
■ Vínartónleikar
Hinn árlegi og ómissandi gleðigjafi Sinfóníuhljómsveitarinnar í
ársbyrjun. Vinsælustu valsarnir, óperettuaríur, fjör og frábær
skemmtun.
Hljómsveitarstjóri: Ernst Kovacic.
Einsöngvari: Auður Gunnarsdóttir.
Fim. 3. janúar kl. 19.30 nokkur sæti laus,
fös. 4. janúar 19.30 örfá sæti laus og
lau. 5. janúar kl. 17 örfá sæti laus og kl. 21, laus sæti.
■ Fim. 10. janúar kl. 19.30
Ungir einleikarar
Sigurvegarar í einleikarakeppni Listaháskóla Íslands og
Sinfóníuhljómsveitarinnar þreyta frumraun sína með
hljómsveitinni.
Sinfóníuhljómsveit Íslands óskar tónlistarunnendum og
landsmönnum öllum gleðilegra jóla og farsældar á nýju ári.
Miðasala
S. 545 2500
www.sinfonia.is