Morgunblaðið - 02.04.2008, Síða 18

18 MIÐVIKUDAGUR 2. APRÍL 2008 MORGUNBLAÐIÐ
HÖFUÐBORGARSVÆÐIÐ
HEIMASÍÐURITARAR stóru
íþróttafélaganna tveggja á Ak-
ureyri buðu upp á „stórfréttir“ í
gær.
 Þórsarar sögðu frá því að síðdeg-
is yrði tekin fyrsta skóflustungan að
stækkun íþróttahúss Síðuskóla í
Þórshverfinu, en mjög var deilt um
það fyrir nokkrum árum, þegar hús-
ið var byggt, að ekki skyldi gert ráð
fyrir áhorfendastæðum. Voru Þórs-
arar hvattir til að vera viðstaddir
hinn merkilega viðburð.
 Á heimasíðu KA voru ekki sögð
ómerkari tíðindi en þau að núver-
andi formaður og framkvæmda-
stjóri Þórs hefði verið ráðinn fram-
kvæmdastjóri KA. Umsækjendur
hefðu verið átta að sögn en Sigfús
Ólafur Helgason hlotið einróma
stuðning stjórnar KA. Formaður
Þórs sagði einfalda ástæðu fyrir því
að hann hefði sótt um: „Ég hef alltaf
haft sterkar taugar til KA, þó svo að
ég sé formaður Þórs. Það vill svo til
að mínir uppáhalds litir eru gulur
og blár! Þessu hef ég haldið hjá mér,
hef af eðlilegum ástæðum ekki flík-
að því mikið! En nú er mér óhætt að
láta það flakka.“
Þess ber að geta, til öryggis, að í
gær var fyrsti dagur aprílmánaðar.
Formaður
Þórs til KA?
Flottur Sigfús Ólafur Helgason for-
maður Þórs í KA-búningnum.
ÁRNI Björn Árnason, sem var
starfsmaður Slippstöðvarinnar á Ak-
ureyri í 40 ár, heldur úti heimasíðu á
netinu þar sem hann hyggst safna
saman öllum hugsanlegum upplýs-
ingum um skipa- og bátasmíðar við
Eyjafjörð og honum hefur þegar
orðið töluvert ágengt. Árni Björn hóf
grúskið eftir að hann hætti formlega
að vinna 2004.
Lengi hafa verið til listar yfir báta
sem smíðaðir voru við fjörðinn en
ekki hvar, né hverjir smíðuðu. „Ég
var einhvern tíma spurður hvort ég
vildi ekki skrá þetta en ég gerði ekk-
ert með það fyrr en 2004. Þá fór ég
að taka það saman að gamni mínu og
fékk bara ódrepandi áhuga á þessu.
Ég hef verið í þessu síðan með
hléum,“ sagði Árni Björn í samtali
við Morgunblaðið.
Listinn er orðinn töluvert langur;
tæpir þúsund bátar. En verkefnið
þróaðist. Þetta er ekki bara upptaln-
ing. „Ég fór að spá í skipasmíðasög-
una vegna þess að hún hefur gengið í
miklum bylgjum. Annaðhvort erum
við efst í öldufaldinum eða lengst
niðri í öldudalnum; þannig hefur það
gengið nærri því frá örófi alda. Ég er
svo óforskammaður að vilja meina að
stjórnvöld hafi oft og tíðum drepið
skipasmíðar niður. Stjórnvaldsað-
gerðir hafa, eins og fram kemur í því
sem ég skrifa, haft afgerandi áhrif á
það hvort hægt var að reka fyrirtæki
sem störfuðu að þessu. Hér á Akur-
eyri unnu á tímabili mörg hundruð
manns í þessum iðnaði en nú er hann
nánast dauður.“
Þetta er mikil saga, segir Árni
Björn. „Ótæmandi saga.“ Hann
skráir upplýsingar úr ýmsum gögn-
um, bæði á Héraðsskjalasafninu og
þá hafa upplýsingar frá Siglinga-
málastofnun hjálpað honum mikið en
Árni vonast eftir hjálp allra áhuga-
manna. Segist rekast á ýmsar villur
og sleppi auðvitað ekki við að gera
þær sjálfur. „Því vil ég setja þetta á
netið til að sem flestir geti farið yfir
hlutina, bent á villur og bætt við upp-
lýsingum. Aðalmálið er að sem flest-
ir lesi þetta til þess að hægt verði að
skrá söguna eins rétta og hægt er.“
„Ég fékk bara ódrep-
andi áhuga á þessu“
Sögulegt Sigurbjörg ÓF 1 sett á flot í Slippstöðinni 1966; fyrsta stálskipið
sem smíðað var við Eyjafjörð og það stærsta á Íslandi fram að þessu.
Í HNOTSKURN
»Árni BjörnÁrnason
starfaði í Slipp-
stöðinni á Akur-
eyri í nákvæm-
lega 40 ár: byrjaði
1. desember 1964
og hætti 1. desem-
ber 2004. Hann
var verkstjóri í vélvirkjadeild,
svo yfirverkstjóri viðgerða og
síðan verkefnastjóri.
»Draumur Árna Björns er sáað sem flestir skoði vefinn,
geri athugasemdir og sendi hon-
um fróðleik sem vantar. Þannig
verði hægt að koma upp góðu
fróðleikssafni um viðfangsefnið.
Árni Björn
Árnason
Safnar fróðleik um
báta- og skipa-
smíðar í Eyjafirði
TENGLAR
..............................................
www.aba.is
Eyjafjarðarsveit | Guðmundur Jó-
hannsson frá Akureyri var í gær ráð-
inn í stöðu sveitarstjóra Eyjafjarð-
arsveitar. Hann
tekur við starfinu
í næsta mánuði af
Bjarna Kristjáns-
syni, sem hefur
gegnt því sl. 10
ár. Guðmundur
er Akureyringur,
fæddur 1957,
kvæntur Evu
Þórunni Ingólfs-
dóttur og eiga
þau fjögur börn.
Guðmundur sagði í gær að hann
hlakkaði mikið til að taka við starfinu
og taldi að sveitarfélagið byggi yfir
miklum möguleikum sem spennandi
yrði að takast á við. Alls sóttu 33 um
stöðuna.
Guðmundur hefur búið í Banda-
ríkjunum tvö undanfarin ár en áður
starfaði hann sem þjónustustjóri
Símans á Norðurlandi.
Guðmund-
ur ráðinn í
stað Bjarna
Guðmundur
Jóhannsson
AKUREYRI
MISLÆG vegamót eru fyrirhug-
uð á hringveginum við Leirvogs-
tungu/Tungumela í Mosfellsbæ og
hefur Skipulagsstofnun borist til-
laga Leirvogstungu ehf. og Ístaks
hf. að matsáætlun vegna mats á
umhverfisáhrifum við fram-
kvæmdirnar. Tillagan liggur
frammi hjá Skipulagsstofnun,
Laugavegi 166, í Reykjavík. Öllum
er frjálst að gera athugasemdir en
þær þurfa að vera skriflegar og
berast Skipulagsstofnun fyrir 15.
apríl. Stefnt er að því að ákvörðun
Skipulagsstofnunar um tillögu
framkvæmdaraðila að matsáætl-
uninni liggi fyrir 25. apríl.
Mikil uppbygging er þegar haf-
in í Leirvogstungu í Mosfellsbæ.
Vestan hringvegar og á athafna-
svæði við Tungumela austan
hringvegar er fyrirhugað að
tengja þessi svæði betur saman og
auka umferðaröryggi þeirra sem
um hringveg og þessi svæði þurfa
að fara, með gerð mislægra vega-
móta.
Í aðalskipulagi Mosfellsbæjar
2002-2024 er gert ráð fyrir um 430
íbúða byggð í Leirvogstungu á um
44,2 ha svæði vestan hringvegar
og atvinnustarfsemi á athafna-
svæði á Tungumelum austan
hringvegar.
Ístak hf. hefur flutt þjónustu-
miðstöð sína á Tungumela og haf-
ið sölu á húsum fyrir atvinnustarf-
semi þar. Í aðalskipulaginu er
gert ráð fyrir mislægum vegamót-
um við vegamót hringvegar og
tengibrauta að Leirvogstungu og
Tungumelum.
Tvöföldun vegarins
mun rúmast undir brúnni
Fyrir liggur að vegamót í plani
á núverandi hringvegi við
Leirvogstungu og Tungumela
munu ekki afkasta þeirri umferð
sem áætluð er á vegamótunum
þegar svæðin sem nú eru skipu-
lögð í Leirvogstungu og á Tungu-
melum eru fullbyggð.
Fyrirhugað er að lækka hring-
veginn og brúa hann þannig að
tengibrautir við aðliggjandi hverfi
munu liggja yfir hringveg á brúm,
sem mislægt hringtorg. Við lækk-
un á Hringvegi verður veginum
jafnframt hliðrað og við lækkun
vegarins næst einnig fram góð
skermun fyrir umferðarhávaða frá
hringvegi við nærliggjandi byggð.
Vegamótin verða byggð yfir ein-
faldan hringveg en þannig að tvö-
földun vegarins rúmist undir brú
þegar og ef hringvegur verður
tvöfaldaður.
Haraldur Sveinsson, bæjar-
stjóri Mosfellsbæjar, segir að í að-
alskipulagi sé gert ráð fyrir nýjum
vegi frá Leirvogstungu, svoköll-
uðum Tunguvegi, sem anna eigi
samgöngum innan bæjarins.
„Hann tengist við miðbæ Mos-
fellsbæjar og sá vegur er í skipu-
lagsferli,“ segir Haraldur. Unnið
hefur verið umhverfismat áætlana
fyrir þann veg og sú deiliskipu-
lagsvinna er núna á leið í kynn-
ingarferli.
1.100-1.200 íbúar
Gert er ráð fyrir að í fullbúnu
Leirvogstunguhverfi verði um
1.100-1.200 íbúar í 430 íbúðum.
Haraldur segir að um leið og
Skipulagsstofnun hefur lokið um-
hverfismatsferlinu verði hafist
handa um framkvæmdir á vænt-
anlegum mislægum gatnamótum.
„Ístak og Leirvogstunga ehf. sjá
um þessa framkvæmd fyrir Vega-
gerðina. Þetta er þjóðvegur nr. 1
og Vegagerðin hefur umráð yfir
þeim vegi og sér um framkvæmd-
ir á honum,“ segir Haraldur.
„Þessi mislægu gatnamót munu
tengja íbúðasvæðið í Leirvogs-
tungu og athafnasvæði á Leir-
vogstungumelum.“
Samningur er í gildi milli
Leirvogstungu ehf. og Mosfells-
bæjar um uppbyggingu í Leir-
vogstungu. Leirvogstunga selur
byggingarréttinn en landið mun
ganga til bæjarins þegar bygging-
arréttur hefur verið seldur. Að
sögn Haraldar er verkið á undan
áætlun og uppbygging hefur
gengið hraðar en gert var ráð fyr-
ir í upphafi. „Það er gert ráð fyrir
að verkinu verði lokið í kringum
2010-2011,“ segir Haraldur.
Tillagan að matsáætlun vegna
mislægu gatnamótanna er í heild
á www.alta.is.
Mislæg vegamót við Leir-
vogstungu í umhverfismati
Tunguvegur á að
anna innanbæjar-
umferð frá Leir-
vogstungu í miðbæ
Mosfellsbæjar
 


  
 




 
 
 


 

 
   
   

   
„ÞAÐ er alveg hroðalegt,“ segir Guðni
Hannesson, yfirverkstjóri gatnahreins-
unar Reykjavíkurborgar, um ástandið á
götum Reykjavíkur eftir veturinn. Ástæð-
una segir hann vera að svo lítið hafi verið
hægt að hreinsa á milli þess sem snjóalög
tók upp sl. vetur. „Það er búið að sanda
svo mikið og það var ekkert hægt að sópa í
milli. Það var stöðugt snjór og frost,“ seg-
ir Guðni. Þannig hefur sandurinn safnast
upp í allan vetur, en ekki er hægt að sópa
á meðan frost er.
Hinn 15. mars hófst hreinsun í borginni
og nú stendur hreinsun yfir á milli Lauga-
vegar og Miklubrautar. Guðni segir að
reynt verði að standa við dagsetningar en
áætlunin var að ljúka hreinsun vestan
Kringlumýrarbrautar fyrir 15. apríl og 1.
maí austan hennar.
Undanfarna morgna hefur ekki verið
hægt að sópa út af frosti, að sögn Guðna,
og alltaf er betra að sópa í rigningu. „Við
notum alltaf vatn þegar við erum að sópa
og það gengur betur með sópana þegar
það er blautt.“ Guðni segir mikið um að
fólk hringi og óski eftir því að hreinsað
verði hjá því strax, en biður fólk að skilja
að erfiðlega hafi gengið vegna frosts.
Fjöldi manns vinnur nú við að tína rusl,
bæði úr trjám og af götunum. Það segir
Guðni vera hefðbundið vorverk, en götu-
sópunin standi yfir allt sumarið, þó að
mest þurfi að sópa í fyrstu yfirferð.
Borgin kemur
illa undan vetri
Morgunblaðið/Jim Smart
♦♦♦
DR. Carole Seyfrit, Fulbright-
styrkþegi við Háskólann á Ak-
ureyri á vormisseri, flytur í dag
fyrirlestur á Félagsvísindatorgi.
Seyfrit, sem er félagsfræðingur frá
University of Maryland, fjallar um
mikilvæg atriði fyrir nemendur
sem hafa hug á framhaldsnámi við
bandaríska háskóla, m.a. þær kröf-
ur sem gerðar eru til umsækjenda
um skólavist í viðurkenndum há-
skólum í Bandaríkjunum.
Svo þig langar í
framhaldsnám?