Lesbók Morgunblaðsins - 06.09.2008, Blaðsíða 13
á ólíkar hliðar í þessum bransa. En New York
er erfið borg ef maður hefur lítið á milli hand-
anna og kaupið sem ég fékk sem aðstoð-
armaður var ekki hátt. Ég gat því ekki leyft
mér annan munað en þann að fara í bíó og
ganga um göturnar og mynda. Eftir tæpt ár var
ég búinn að fá nóg og ákvað að koma heim.“
Bragi hefur tekið ljósmyndir fyrir íslensk tíma-
rit í hátt í tuttugu ár. Síðustu tíu árin hefur
hann myndað einna mest fyrir Hús og híbýli en
einnig fyrir Mannlíf, Vikuna og fleiri íslensk
tímarit. Auk þess tekur hann reglulega að sér
verkefni fyrir erlend tímarit og hefur m.a. ný-
verið tekið myndir fyrir Wallpaper um Reykja-
vík.
Reykjavíkurmyndir
Síðastliðinn tuttugu ár hefur Bragi myndað
ólíkar hliðar borgarinnar. Hluti af þeim mynd-
um birtist í Reykjavíkurbók sem bókaforlagið
Skrudda gaf út í vor. Illugi Jökulsson skrifar
texta í bókina sem að hluta til er unninn út frá
myndum Braga. Þannig spila texti og myndir
saman og draga upp ákveðna sýn á borgina. „Í
bókinni dreg ég upp ólíkar hliðar á Reykjavík,
sýni bæði úthverfi og miðbæinn, byggingarlist
og mannlíf,“ segir Bragi um leið og hann sýnir
mér próförk að bókinni. Ljósmyndirnar eru
teknar í borg sem er bæði ægifögur og ein-
staklega fráhrindandi. „Með bókinni vil ég sýna
hversu Reykjavík á sér margar hliðar, bæði nei-
kvæðar og rómantískar. Mér fannst mjög mik-
ilvægt að mynda úthverfin vel og nágranna-
byggðarlögin ekki síður en miðborgina því að
þau eru stór hluti af borginni og lífi íbúanna.“ Í
bókinni má bæði sjá karakterlitlar blokk-
arbyggingar í Fellahverfinu, börn að leik við
bílastæði í úthverfi borgarinnar og glaðlega
fjölskyldu í gróðursælu umhverfi í útjaðri
Reykjavíkur. Bæði sjónarhornið og birtan leika
stórt hlutverk í myndunum. „Birtan finnst mér
vera mjög mikilvæg og mér þykir gaman að
mynda í spennandi ljósi. Ljósmyndirnar í
Reykjavíkurbókinni eru þó ekki allar teknar í
sól og fallegu veðri. Á þeim má bæði sjá bókina
á blautum rigningardegi, snjóbyl og fallegum
sumardegi.“ Bragi segist þó ekki líta á verk sín
sem heimildaljósmyndun. „Þetta er fyrst og
fremst mín sýn á borgina og hugsanlega deili ég
þeirri sýn með öðrum en bókin er ekki tæmandi
úttekt á borginni. Bókinni er skipt upp í kafla
eftir hverfum en auk þess er í henni kafli sem
sýnir sögulega hlið á borginni og annar sem
fjallar sérstaklega um byggingarlist.“ Í starfi
sínu fyrir Hús og híbýli hefur Bragi myndað
mikið af byggingum í borginni, bæði að innan
og utan, og hefur auk þess tekið fjölda mynda
fyrir arkitektastofur. Ljósmyndirnar birta okk-
ur fögur form bygginga, útlínur sem koma sam-
an og kallast á. Með ljósmyndum má skoða
form bygginga í nýju ljósi og Bragi notar
myndavélina til að draga fram sjónarhorn sem
augað greinir ekki ætíð í flæði tímans.
Stafræn tækni ýtir undir
sköpunarkraftinn
Bragi vinnur jöfnum höndum með stafrænar
ljósmyndir og filmur. Þegar hann tekur á filmu
vinnur hann þó nær eingöngu með breiðformat.
„Ég nota þetta format þegar ég vil fanga um-
hverfi á þann hátt að það líkist því sem augað
sér. Með breiðformati eins og ég nota það
breytist fjarvídd ekki á sama hátt og þegar
unnið er með stafræna ljósmyndun.“
Flestar myndir sínar tekur Bragi þó á staf-
ræna vél og ítrekar að stafrænu tækninni fylgi
aukið frelsi. „Stafræn tækni hefur í raun gefið
ljósmyndinni nýtt líf,“ segir hann og bætir við:
„Stafræn tækni hefur breytt minni ljósmyndun
mjög mikið og allar breytingar skapa forsendur
fyrir nýtt líf.“ Bragi segist taka mun meira af
myndum eftir að stafræna tæknin kom til sög-
unnar og er óhræddari að prófa sig áfram með
ný sjónarhorn. „Í stað þess að hætta þegar
maður telur sig vera kominn með nægilega
góða mynd þá heldur maður áfram að mynda
og prófa eitthvað nýtt, annað sjónarhorn eða
aðra lýsingu. Stafræna tæknin gerir það einnig
að verkum að ljósmyndarinn er mun hreyf-
anlegri. Áður þurfti maður að staðsetja sig ná-
kvæmlega eftir lýsingunni og var kannski ragur
við að breyta um sjónarhorn eftir að hafa tekið
mikinn tíma í að stilla upp ljósum og þvíumlíku.
Þetta breyttist allt með stafrænu tækninni.
Núna er ég óhræddur við að breyta lýsingu því
að ég sé strax á myndavélarskjánum hvort það
virkar eða ekki auk þess sem það er lítið mál að
breyta lýsingunni að vissu marki í tölvu eftir á
eða leggja saman tvær eða fleiri myndir og ná
þannig fram fjölbreyttari lýsingartónum. Að
þessu leyti má segja að stafræna tæknin hafi
rsendur fyrir nýtt líf
lkjaslæfjk læfjk slækjf læskjf læk
ȃg hef alveg jafngaman af
því að mynda og ég hafði
fyrir tuttugu árum og ef eitt-
hvað er þá hef ég bara æ meira
gaman af því með hverju árinu.
gefið ljósmyndurum meira frelsi og gert þeim
kleift að vera meira skapandi í sinni vinnu.“
Bragi nefnir sem dæmi að stafræn tækni hafi
gert honum kleift að vinna með portrettmyndir
á nýjan hátt. Hann sýnir mér meðal annars
ljósmynd af Mugison þar sem áhersla er á að
draga fram karakter tónlistarmannsins með því
að skapa stemningu sem fæst með því að breyta
litatónum og skerpa ljós og skugga. „Mér finnst
mjög gaman að vinna portrettmyndir en geri
það þó mest í tengslum við vinnu mína fyrir
tímaritin. Portrettið er síbreytilegt og alltaf
hægt að þróa það áfram en útkoman fer mjög
mikið eftir því hvernig sambandi maður nær við
persónuna sem verið er að mynda.“
Bragi hefur verið einn af afkastamestu og
áhrifamestu ljósmyndurum á Íslandi á síðustu
tuttugu árum. Ljósmyndir hans af persónum,
landslagi og byggingum hafa birst í fjölda tíma-
rita og í óvæntu samhengi í opinberu rými
borgarinnar, til dæmis í verslunum og á al-
menningsstöðum ekki síður en á listasöfnum og
þannig haft áhrif á sýn fjölda fólks á borgina og
mannlífið. Í ljósmyndum Braga sameinast yf-
irburða tæknikunnátta og næm sýn á umhverf-
ið. Ljósmyndun er hans ástríða. „Ég hef mjög
sterka þörf fyrir að mynda. Ljósmyndun er fyr-
ir mér sprottin af djúpri þörf fyrir að tjá mig
um það sem ég upplifi og sé í umhverfi mínu.
Ég hef alveg jafngaman af því að mynda og ég
hafði fyrir tuttugu árum og ef eitthvað er þá hef
ég bara æ meira gaman af því með hverju
árinu. Eftir allan þennan tíma er ég orðinn
öruggari með myndavélina og nýt þess að prófa
mig áfram. Það er sífellt hægt að þróa ljós-
myndina áfram, prófa sig áfram og skapa eitt-
hvað nýtt.“
MORGUNBLAÐIÐ LAUGARDAGUR 6. SEPTEMBER 2008 13