Fréttablaðið - 21.04.2009, Side 27

5
Hvað dró þig í pólitíkina?
Mér blöskraði sleifarlag stjórnmálamanna við
úrlausn efna hagshrunsins í haust, m.a. Icesave-
deilunnar og hryðjuverkalaganna. Í framhaldi af
því fengu nokkrir góðir menn á Austurlandi þá
hugmynd að biðja mig um að sækjast eftir því að
verða formaður Framsóknarflokksins. Það gekk
eftir og hér er ég.
Hverjar verða áherslur þínar sem
formanns?
Áherslan verður á samvinnu, enda var Fram-
sóknarflokkurinn myndaður um samvinnu. Nú
þurfum við svo sannarlega á samvinnu ólíkra
hópa að halda. Við munum leita eftir ráðum til
þeirra sem best þekkja til á hverju sviði, hvort sem
þeir eru framsóknarmenn eða ekki, og ekki hafna
góðum hugmyndum á grundvelli þess hvaðan
þær koma. Það hefur verið svekkjandi að verða
var við að sumir flokkar eru enn fastir í skotgrafa-
hernaðinum og líta ekki við því sem kemur frá
öðrum en eigin flokksmönnum.
Um hvað verður kosið á laugardaginn?
Í stuttu máli má segja að kosið verði um það hvort
hér eigi að koma efnahagslífinu af stað með raun-
hæfum aðgerðum eins og Framsókn hefur lagt til,
eða að bíða þar til þjóðarbúið verður komið í þrot
eins og allt stefnir nú í. Við höfum möguleika til
að stöðva hrunið, spurningin er hvort tækifærið
verður nýtt. Þar er skuldaleiðrétting upp á 20
prósent lykilatriði, auk þess að koma bönkunum
af stað og leysa gjaldmiðilskrísuna. Allt þetta er
hluti af efnahagstillögum Framsóknar sem legið
hafa fyrir í tvo mánuði.
Er ekki 20% leiðin of dýr?
Nei. Það er alrangt sem fulltrúar stjórnarflokkana
hafa haldið fram að kostnaður falli á ríkið og þar
með skattgreiðendur. Í fyrsta lagi er ekki um fjár-
magn ríkisins að ræða og í öðru lagi felur tillagan
það ekki í sér að auka kostnað heldur að lágmarka
tap. Þetta er spurning um að þeir sem skuldi njóti
nokkurs af afskriftum kröfuhafa, ekki afskriftum
ríkisins. Þannig kemst hagkerfið aftur af stað
og meira skilar sér á endanum bæði til ríkisins,
í formi meiri skatttekna, og til kröfuhafa sem þá
fá greiðslur sem þeir fengju ekki með því að keyra
hagkerfið í þrot.
Hvað með þá sem hefðu ekki þurft
leiðréttingu eða skulda ekkert?
Grundvallarhugmyndin á bak við 20% leiðrétt-
ingu er að koma efnahagslífinu af stað. Með
leiðréttingunni komast fleiri í hóp þeirra sem
geta tekið þátt í að byggja upp efnahagslífið og
þar með breytast aðstæður til batnaðar fyrir alla.
Voru það mistök að verja stjórn
Samfylkingarinnar og VG falli?
Nei, það var rétt ákvörðun út frá hagsmunum
þjóðarinnar að koma á starfhæfri ríkisstjórn þótt
það hefði eflaust skilað Framsóknarflokknum
meira fylgi að aðhafast ekkert og horfa á upp-
lausnina. Við vorum mjög meðvituð um að taka
þjóðarhagsmuni fram yfir flokkshagsmuni. Það
var reynt að mynda þjóðstjórn án árangurs svo
þetta var eini kosturinn sem eftir var. Það er
svo annað mál að Samfylkingin og Vinstri græn
brugðust algerlega í því að grípa til raunhæfra
aðgerða til bjargar heimilum og fyrirtækjum
landsins. Það voru mikil vonbrigði og við ræddum
það oftar en einu sinni í þingflokknum hvort við
ættum að falla frá því að verja stjórnina falli. Það
hefði hins vegar verið óábyrgt úr því sem komið
var.
Þú sinnir erilsömu starfi, er tími fyrir
tómstundir?
Nei, ekki frá því að ég tók við. Ég hef ekki einu
sinni náð að sinna tölvupóstinum og á mörg
hundruð ósvöruð tölvubréf í pósthólfinu mínu.
Það verður forgangsverkefni að bæta úr því
strax eftir kosningar. Þá vonast ég líka til að
hafa dálítinn tíma til að sinna áhugamálum,
m.a. skipulagsmálunum sem vonandi verða bæði
áhugamál og vinna enda hef ég áhuga á að gera
ýmislegt á því sviði á vettvangi stjórnmálanna.
Blöskrar sleifarlag í stjórnmálum
Sigmundur Davíð Gunnlaugsson leggur áherslu á samvinnu ólíkra hópa í þjóðfélaginu.
REYKJAVÍK NORÐUR – 1. SÆTI
1. SÆTI Í REYKJAVÍK SUÐUR Sigmundur Davíð Gunnlaugsson LJÓSMYND/BALDUR KRISTJÁNSSON
Ríkisstjórn Sjálfstæðisflokks og Sam-
fylkingarinnar brást þjóð sinni á
ögurstundu. Sjálfstæðisflokkurinn er í
sárum, frjálshyggjubyltingin hefur étið
börnin sín. Samfylkingin er verðlaunuð
fyrir aðgerðaleysið örlagaríka.
Ráðherra sem brást
Samfylkingin segist nú geta bjargað
þjóðinni með sama fólkinu og brást.
Ráðherra bankamála í bankahruni,
Björgvin Sigurðsson, sem stakk við-
vörunarskýrslum ofan í skúffu, talaði
ekki við Seðlabankann og var ekki
treyst fyrir upplýsingum af eigin
félögum er nú á leið inn á Alþingi á
ný. Sá hinn sami vermir efsta sætið í
Suðurkjördæmi sem gefur honum til-
kall til að verða bankamálaráðherra á
nýjan leik komist Samfylkingin í ríkis-
stjórn eftir kosningar sem flest bendir
til. Er nema von að Íslendingar séu
rúnir öllu trausti alþjóðasamfélagsins?
Sama fólkið, sömu mistökin.
Málið snýst um trúverðugleika
heillar þjóðar, ekki persónur og góða
drengi.
Ráðherra sem sparkar í
lausnara sinn
Jóhanna Sigurðardóttir, sem getur
þakkað Framsókn fyrir að vera fyrsta
konan í embætti forsætisráðherra á
Íslandi, sparkar stöðugt í þessa sömu
Framsókn fyrir það að dirfast að koma
með nauðsynlegar tillögur til bjargar
heimilunum í landinu.
Þrátt fyrir háværar kröfur á Austur-
velli um breytingar lítur út fyrir að
Samfylkingin, besti vinur útrásar-
víkinganna, verði verðlaunuð sem
stærsti stjórnmálaflokkurinn, verð-
launuð fyrir að hafa hunsað viðvaranir
og brugðist þjóð sinni í nauð. Undarleg
þessi stjórnmál.
Traustsins verðir
Framsókn leysti þjóðina úr viðjum
stjórnleysis Sjálfstæðisflokks og Sam-
fylkingarinnar og bauð að verja nýja
minnihlutastjórn vantrausti svo lág-
marka mætti skaðann fram að kosn-
ingum. Nú lítur út fyrir að kjósendur
ætli að refsa Framsókn fyrir að verja
ríkisstjórnina, ef marka má skoðana-
kannanir. Undarleg þessi stjórnmál.
Framsókn kom því til leiðar að
þjóðin fær að kjósa nýtt Alþingi þann
25. apríl nk.
Framsókn kom því til leiðar að
þjóðin fær að velja nýja stjórnmála-
menn sem hún treystir til þess að leiða
þjóðina í gegnum erfið ár.
Hverjum treystir þú í raun?
Birgir Þórarinsson skrifar:
Löskuð þjóð úr viðjum stjórnleysis
Birgir Þórarinsson er guðfræðingur og MA
í alþjóðasamskiptum. Hann skipar 3. sætið
fyrir Framsóknarflokkinn í Suðurkjördæmi.