Skinfaxi - 01.02.1972, Blaðsíða 23

F erðahappdrætti
Svipmynd frá héraðsþingi UMSB.
fulltrúum, um að UMSB vandaði vel til
alls undirbúnings, að aðstaða öll yrði til
reyðu í tæka tið.
Ávörp fluttu á þinginu þeir, Hafsteinn
Þorvaldsson, formaður UMFÍ, Gisli Hall-
dórsson, forseti ÍSÍ og Sigurður Geirdal
framkvæmdastjóri UMFÍ.
Undirritaður telur að 50 þing UMSB
hafi verið til sérstakrar fyrirmyndar hvað
starfshætti og skipulag snerti, skörulegar
en stuttar framsöguræður voru fluttar,
mál gengu hratt fyrir sig, menn tóku lag-
ið og stökum var laumað til þingforseta,
þannig að menn gáfu sér tíma til að
brosa ofurlítið þótt málum þingsins væri
tekið af alvöru og ábyrgðartilfinningu.
Á þingi UMFÍ að Húnavöllum var
Kristófer Þorgeirsson sæmdur starfs-
merki UMFÍ og afhenti Hafsteinn Þor-
valdsson honum merkið á þinginu og
greindi í fáum orðum frá störfum Kristó-
fers i þágu Ungmennafélagshreyfingar-
innar i Borgarfirði.
í stjórn UMSB eiga nú sæti eftirtaldir
menn:
Vilhjálmur Einarsson, formaður,
Ófeigur Gestsson,
Sigurður R. Guðmundsson,
Gisli V. Halldórsson,
Jón Guðbjörnsson.
Framkvæmdastjóri UMSB er Matthías
Ásgeirsson.
UMFÍ 1971
Þegar ákveðið hafði verið að efna til
utanferðar íþróttafólks að loknu 14.
landsmótinu, varð að hefjast handa með
öflun farareyris. Vonast var lengi vel
eftir ýmsum styrkjum og stuðningi, en
þegar ekkert varð úr því og komið fram
á síðustu stund var efnt í hinni mestu
skyndingu til happdrættis. Ákveðið var
að hafa þetta allt eins viðráðanlegt og
hægt væri, miðar tiltölulega fáir og ódýr-
ir og aðeins lítið sent til sambandsaðila,
en treyst á þegnskap þeirra til skjótra
viðbragða. Prentaðir voru 4.700 miðar og
var verð hvers þeirra kr. 50.— en í verð-
laun voru þrjár flugferðir til K.hafnar og
heim aftur ásamt 8 daga dvöl á Hóteli.
Eysteinn Þorvaldsson hafði yfirumsjón
með happdrættinu og vann við það
ásamt skrifstofu UMFI.
Salan gekk allvel víðast hvar, og eiga
sum minni héraðssambönd og ung-
mennafélög sérstakar þakkir skildar, þar
sem þau áttu sum enga von í, að þeirra
íþróttafólk kæmist með í förina en ekkert
þeirra lá á liði sínu við að selja sinn
skammt af miðum. Árangurinn af þessu
happdrætti í heild gerði samtökunum
kleift að standa undir margháttuðum
kostnaði við ferðina. Er öllum þeim, sem
að happdrættinu unnu, hér með færðar
jiakkir fvrir þann áhuga er þeir sýndu í
verki.
SKINFAXI
23