Skinfaxi - 01.04.1973, Blaðsíða 11

— Er landgræðslustarfið ekki misjafnt
eftir landshlutum?
— Jú, það er nokkuð misjafnt og
breytilegt. Starfið var á síðasta ári mest í
Suður-Múlasýslu, á Snæfellsnesi, í Suð-
or Þingeyjarsýslu og á Suðurnesjum og í
Kjalarnesþingi. Þeir sem leggja mest af
mörkum af fjármagni eru enn sem kom-
ið er sveitarfélögin í grennd við Reykja-
vík. Við miðum okkar áætlun við það
að sveitarfélögin á viðkomandi stöðum
leggi fram jafnmikið fé til efniskaupa
og við ráðstöfum á hverjum stað. Fé frá
hinu opinbera sem við ráðstöfum, verð-
ur minna í ár en í fyrra.
■— Hefur orðið einhver breyting á
starfi samtakanna að undanförnu?
— Starfið tekur að sjálfsögðu breyt-
iogum frá ári til árs í samræmi við nýj-
ar aðstæður og ný viðhorf, sem alltaf
geta komið upp. Starf Landverndar er
ekki einskorðað við gróðurvemd og
landgræðslu, heldur sinna samtökin
Velgrcsið gegnir veigamiklu lilutverki í upp-
Sræðslu landsins.......
......og sjálfboðavinna við söfnun melfræs
er mikilvæg.
í stöðugt vaxandi mæli umhverfismálum
almennt og hafa um margt haft for-
göngu í þeim efnum hér á landi. Þá hef-
ur samstarf Landvemdar og Land-
græðslu ríkisins aukizt, og væntir Land-
vernd góðs af því samstarfi.
— Upphaflega var fræi og áburði að-
allega dreift í óbyggðum. Hefur orðið
breyting á því?
—Fyrir nokkrum árum voru gerðar
tilraunir til uppgræðslu örfoka lands á
afréttarsvæðum, og þlað er vissulega
hægt að ná árangri með uppgræðsluna
í allt að 600 m hæð yfir sjó. Þarna er
sjálfsagt fyrst og fremst verkefni fyrir
dreifingu með flugvélum. En öll upp-
græðsla fyrir ofan 250 metra hæð yfir
sjó er ótryggari, og aukinn kostnaður
hlýzt af því að fara svo langt upp úr
byggðum. Raunin er líka sú, að í byggð-
um landsins eru stór og nærtæk verkefni
fyrir landgræðslustarf. Gróðurlausir
SKINFAXI
11