Skinfaxi - 01.12.1973, Page 3

SKINFAXI
L--------------------------
Tímarit Ungmennafélags Islands — LXIV. árgangur — 5.-6. hefti 1973 — Ritstjóri Eystelnn
Þorvaldsson — Út koma G hefti á ári hverju.
LANDIÐ ÞITT
Allt frá árdögum íslenzku ungmennafé-
lagshreyfingarinnar heíur það verið eitt af
höfuðmarkmiðum félagsskaparins að vekja
íslenskan æskulýð til umhugsunar um land-
iS sitt, landnytjar og hina einstæðu náttúru-
auðlegð þess. Jafnframt því hafa forystu-
menn félaganna skipað sér i hóp ræktun-
armanna í víðtækustu merkingu þess orðs,
og jafnan haft að lelðarljósi hin sígildu kjör-
orð hreyfingarinnar: „Rækiun lands og lýðs“
og „Islandi allt“ sem undirstrika vilja, stefnu,
og markmið hennar í þessum efnum.
Mönnum verður nú sífellt betur Ijóst hvers
virð.'s það er að eiga land og nýta það á
skynsamlegan hátt, og talið snýst ekki ein-
göngu um vonir og óskir í þeim efnum held-
ur um raunhæfar aðgerðir, sem byggðar eru
á undanfarandi rannsóknum, svo og að-
gerðum til lausnar ýmsum vanda, sem and-
varaleysi fyrri ára hefur leitt yfir okkur. Sam-
starf hefur tekist milli hinna ýmsu fram-
kvæmdaaðila sem um meðferð landsins
fjalla, og náttúruverndarmanna, en í hópi
þeirra eru bæði vísindamenn og áhugamenn
sem hafa augun opin og skilja hvers virði
það er að halda sem eðlilegustu jafnvægi í
ríki náttúrunnar, jafnframt því að nýta auð-
lindir hennar innan skynsamlegra marka.
Góðir ungmennarfélagar, við eigum þetta
land, og verði því spillt fyrir aðgerðir mis-
vlturra manna eða vegna fljótræðis gróða-
sjónarmiða, er það óbætanlegt.
Skipum okkur öll í sveitir þeirva manna
sem skilja hvers virði það er að nota land-
ið okkar og nýta að viti.
Ungmennafélögin eiga að mynda varð-
sveitir um landið sitt þvert og endilangt.
Þau hafa þegar tekið landgræðslustarfið upp
á sína arma og víða snúið vörn í sókn, nú
er það varðveisla hverskonar náttúrverð-
mæta og almenn náttúruvernd sem við þurf-
um að s'nna og hefja fræðslu um innan fé-
laganna með fyrirlestrahaldi, og beinni
fræðslu úti í náttúrunni sjálfri undir leiðsögn
kunnáttumanna. í varðstöðu góðir ung-
mennafélagar. „ísland allt“. H. Þ.
skinfaxi
3