Skinfaxi - 01.02.1977, Page 15

Eða hlökkum við svona óskaplega
til að geta skammað hvern annan fyr-
ir aulaskapinn eftir að glötunin er
vís, að við megum bara ómögulega
missa af svo konunglegu rifrildi?
Kannski spyr einhver hinna virtu
þjóðmálaskörunga á móti: Erum við
ekki að efla sjálfstæði þjóðarinnar
með allri þeirri uppbyggingu, sem
flokkurinn okkar hefur staðið að í
gegnum árin?
Já, það var lóðið. „Flokkurinn sér
um að vernda sjálfstæðið. Haf þú
engar áhyggjur drengur minn. Láttu
okkur bara hafa atkvæðið þitt og þá
mun okkur öllum vel farnast“.
Á seinni árum hefur ungmennafé-
lagshreyfingin látið sig þjóðfélagsmál
litlu sem engu skipta. Allar tilraunir
til að hefja slíkar umræður innan
hreyfingarinnar hafa verið þaggaðar
niður af ótta við að hreyfingin sundr-
ist.
Ótti þessi er að líkindum ekki á-
stæðulaus.
En þá vil ég enn spyrja: Á að láta
stjórnmálaflokka hafa einkaleyfi á
slíkri umræðu? Sér ekki allur lýður
hve staðreyndum er stórlega ruglað
í meðförum pólitíkusanna?
Vonandi hefur stjórnmálaöflunum
ekki enn tekist að sundra þjóðinni
svo gjörsamlega að útilokað sé að
ræða sameiginleg hagsmunamál
hennar í einlægni. Ef svo væri, treysti
ég mér ekki til að spá sj álfstæði hinn-
ar íslensku þjóðar langra lífdaga.
Hlutleysi íslendinga hvarf út í veð-
ur og vind án þess að þjóðin tæki yf-
irleitt eftir því, fljótlega eftir að lýð-
veldið var stofnað. Ætli sjálfstæðið
geti ekki horfið sjónum okkar á sama
hátt, án þess að við verðum þess vör.
Sigurjón Bjarnason.
r~----------------------------------------------------—----\
FLEIRI ÁSKRIFENDUR
Leggið hreyfingunni lið — Eflið málgagn hennar —
Safnið áskrifendum —
Ég undirritaður óska eftir að gerast áskrifandi að
Skinfaxa
Nafn
Heimili
Sveitarfélag
Sýsla
Einnig er hægt að gerast áskrifandi í síma 1 25 46.
v__________________________________________________________/
SKINFAXI
15