Skinfaxi - 01.02.1977, Page 24

slæma fjárhagsstöðu sambandsins, og
samþykkti þingið að lækka stjórnun-
arkostnað úr tæpum tveim milljónum
í 600 þúsund krónur. Sambandið mun
því ekki hafa framkvæmdastjóra á
launum fyrst um sinn. Stjórnarmenn
munu hins vegar hafa viðtalstíma í
Skarphéðinssal, Eyrarvegi 15, Sel-
fossi, á þriðjudögum og föstudögum
milli kl. 5 og 7 síðdegis.
Nokkrar breytingar voru gerðar á
lögum sambandsins, þær helstu að
myndað yrði sambandsráð er saman
stæði af formönnum allra ungmenna-
félaga á sambandssvæðinu, er komi
saman til fundar a.m.k. einu sinni
á ári.
Samþykkt var á þinginu að HSK
tæki að sér að halda 15. Landsmót
UMFÍ á næsta ári, á Selfossi.
Þingið samþykkti áskorun þess efn-
is að alþingismenn felldu framkomna
breytingartillögu á áfengislögunum
um heimild til bruggunar áfengs öls
á íslandi. Þá samþykkti þingið að
fela stjórn sambandsins að gera könn-
un á íþróttalegri aðstöðu sambands-
félaganna og senda niðurstöður þeirr-
ar könnunar til félaganna og sveitar-
félaganna.
í stjórn sambandsins voru kosnir:
Kristján Jónsson, form., Hreinn Er-
lendsson, ritari, Kristján Ágústsson,
gjaldk., Finnbogi Jóhannsson og Páll
Björnsson, meðstjórnendur.
Stjórnin kaus á fyrsta fundi sínum
4 menn í Landsmótsnefnd: Þá Jó-
hannes Sigmundsson, form., Hjörleif
Jóhannsson, Gísla Magnússon og Má
Sigurðsson; fimmti maðurinn í nefnd-
inni er tilnefndur af UMFÍ.
Afmælisrit. Ungmennafélag
Selfoss 40 ára
í nóvember sl. kom út á vegum Umf.
Selfoss mjög myndarlegt afmælisrit,
sem gefið er út í tilefni 40 ára afmælis
félagsins sem var á því ári. Ritstjóri
er Páll Lýðsson bóndi í Litlu-Sandvík.
Þetta myndarlega afmælisrit er 320
blaðsíðna bók, prýdd fjölda mynda og
prentuð í Prentsmiðju Suðurlands á
Selfossi. Káputeikning er eftir Ólaf
Th. Ólafsson teiknara á Selfossi.
Ritstjóri á mikinn heiður skilið fyr-
ir vandvirknisleg vinnubrögð og
hversu mikla vinnu hann hefur lagt
í það að sannreyna ýmsa atburði sem
greint er frá í fundargerðum og öðrum
rituðum frásögnum af félagsstarfinu.
Þessi persónulegu viðtöl ritstjórans
við ýmsa félagsmenn gera bókina
einkar skemmtilega aflestrar og glæð-
ir hana lífi. Afmælisritið greinir mjög
vel frá hinu umfangsmikla og fjöl-
þætta starfi sem unnið hefur verið að
á vegum Umf. Selfoss og forvera
þess, Umf. Sandvíkurhrepps.
24
SKINFAXI