Skinfaxi - 01.12.1977, Blaðsíða 25

Hvetur þingið til að áfram verði haldið
á sömu braut.
2. Þingið telur að verulegur árangur hafi
náðst með fræð'slustarfi og námskeiðs-
haldi hjá hreyfingunni á liðnum árum.
Þingið hvetur stjórn samtakanna til
að halda áfram á sömu braut, en
bendir á að æskilegast væri að ráða
fastan starfsmann til að sinna félags-
málafræðslunni. Þingið hvetur sam-
bandsaðila til virkrar þátttöku og
þakkar ÆRR góða samvinnu og stuðn-
ing við Félagsmálaskóla UMFÍ.
3. Þingið fagnar aðild UMFÍ að Bréfa-
skólanum og væntir góðs árangurs af
þátttöku hreyfingarinnar í starfi skól-
ans. Þingið bendir á, að nauðsyn beri
til að kynna betur starfssemi skólans,
með útgáfu leiðbeiningabæklinga eða,
eftir öðrum leiðum, sem stjórn UMFÍ
þætti vænlegastar til árangurs.
D. FRÁ ALLSHERJARNEFND:
1. 30. sambandsþing UMFÍ haldið á Þing-
völlum 10. og 11. sept. 1977 lýsir
ánægju sinni yfir framkvæmdum
UMFÍ í Þrastaskógi og starfrækslu
Þrastalundar undanfarin ár. Þingið
felur sambandsstjórn að vinna að
heildarskipulagi í Þrastaskógi varð-
andi ræktun og mannvirkjagerð. —
í heildarskipulagningunni verði m.a.
stefnt að byggingu orlofs- og æfinga-
búða í eigu ungmennafélaganna, auk-
inni íþróttaaðstöðu og ferðamanna-
þjónustu.
2. Þingið lýsir yfir ánægju sinni með yf-
irstandandi herferð gegn reykingum
og væntir vaxandi samstarfs og ár-
angurs af því starfi. — Þingið minnir
á það mikla ófremdarástand sem nú
ríkir í áfengismálum þjóðarinnar, sér-
staklega þá sorglegu staðreynd að
áfengisneysla nær í sívaxandi mæli til
unglinga og barna. Því hvetur þingið
ungmennafélögin til öflugrar baráttu
gegn sivaxandi neyslu áfengis og ann-
arra eiturefna. Jafnframt lýsir þingið
yfir stuðningi sinum við stóraukið eft-
irlit og hert viðurlög af hálfu ríkis-
valdsins gagnvart óleyfilegri sölu og
meðferð fikniefna.
3. Þingið hvetur sambandsaðila UMFÍ til
að efla af mætti ungmennabúða- og
vinnuskólarekstur og eða koma á slík-
um rekstri. Þingið bendir sambands-
aðilum á, að við slíkan rekstur verði
kannaðir allir hugsanlegir samstarfs-
möguleikar m.a. til að tryggja fjár-
hagslegan grundvöll þessa starfs.
4. Þingið beinir því til umsjónaraðila fé-
lagsheimila og samkomuhúsa, að sam-
ræma reglur um aldurstakmark, lög-
gæslu, lokunartíma og fleiri þau atriði
er slíkum stöðum eru sameiginleg.
5. Þingið minnir á sjálfstæðisbaráttu
þjóðarinnar þegar ungir sem aldnir
sameinuðust i baráttu fyrir þeirri hug-
sjón að íslendingar mættu verða hús-
bændur í eigin landi, óháðir erlendu
valdboði. Þingið skorar á ungmenna-
félaga að standa vörð um, jafnt nú
sem fyrr fjárhagslegt og menningar-
legt sjálfstæði þjóðarinnar. Því minnir
þingið á yfirlýsta stefnu allra stjórn-
málaflokka og fyrri samþykkta sam-
bandsþinga UMFÍ að hér á landi verði
ekki her á friðartimum.
6. Þingið lýsir ánægju sinni með auglýs-
ingaherferð ungmennafélaganna árið
1976 og telur hana hafa orðið til veru-
legs gagns. — Þingið beinir því til
stjórnar UMFÍ að kanna möguleika
á að hefja auglýsingastarfsemi til
styrktar aukinni sölu á íslenskum
landbúnaðarafurðum, sem hvert ung-
mennafélag og ungmennasamband
UMFÍ taki þátt i, enda hafi verið leit-
að til viðkomandi aðila. Skrifstofa
UMFÍ annist skipulagningu og inn-
SKINFAXI
25