Skinfaxi - 01.12.2004, Blaðsíða 10
UR STARFINU
Gunnarssyni
sl. sumar á heimsmeistaramótið í
Finnlandi. Þar heilluðumst við
gjörsamlega af íþróttinni og í
framhaldinu var ákveðið að prófa
hér heima. Menn voru reyndar ekki
alveg með okkur til þess að byrja
með en létu til leiðast og á endanum
voru fjögur lið skráð til leiks. Við
byrjuðum snemma dags og hituðum
upp á gervigrasinu en fórum síðan í
alvöru boltann og skemmtu menn
sér hið besta í drullusvaðinu," segir
Jón Páll.
Eins og nafnið gefur til kynna þarf
að spila mýrarknattspyrnu í alvöru
mýri en hana bjuggu heimamenn á
ísafirði einfaldlega til. „Við fengum
svæði til afnota hjá golfklúbbi
bæjarins en þar var búið að fjarlægja
þökur. Við plægðum því moldina og
fengum í framhaldinu slökkviliðið á
staðinn en þeir dældu einhverju
tonni af vatni upp úr Engidalsánni.
Það er jú þannig að því meiri drulla,
því betra. Enda hefur mýrar-
knattspyrna ekkert með knattspyrnu-
hæfileika að gera. Þarna er á
ferðinni hrein og klár villimennska og
því dýpri sem drullan er því betra.
Texti: Guðný Jóhannesdóttir
Myndir: Páll Önundarson, Flateyri.
Eins og sjá má er þetta í meira lagi skítugt sport.
Stórir strákar í skítugum leik
Mýrarknattspyrna á rætur sínar að
rekja til sumaræfinga finnskra
gönguskíðakappa sem vildu fá
fjölbreytni í æfingar sínar yfir
sumartímann. Það er skemmst frá því
að segja að þessi óvenjulega íþrótt
sló rækilega í gegn úti í Finnlandi og
hefur nú teygt anga sína alla leið til
íslands og það vestur á ísafjörð.
Skinfaxi ákvað að forvitnast örlítið
betur um þessa skemmtilegu
íþróttagrein.
í skóglendi Norður-Finnlands er
að finna talsverð mýrlendi en það var
einmitt á einu slíku svæði sem byrjað
var að iðka hina svokölluðu Mýrar-
knattspyrnu. í upphafi var þetta
eingöngu til skemmtunar hjá
þröngum hópi en þróaðist fljótlega
yfir í keppni þar sem lítil mót voru
haldin á svæðinu. Það er skemmst
frá því að segja að vinsældir
íþróttarinnar uðru meiri og meiri og
fyrir fjórum árum var byrjað að
skipuleggja stærra mót í kringum
þessa íþróttagrein sem er í dag orðið
einn stærsti viðburðurinn í N-
Finnlandi yfir sumartímann. 270 lið
taka þátt í „heimsmeistaramótinu"
og þarna koma saman hátt í 10
þúsund manns í einni allsherjar
skemmtihelgi, þar sem menn
skemmta sér við mýrarknattspyrnu
og fleira. Áhugasömum er bent á
heimasíðu keppninnar
www.swampsoccer.net.
Reglur Mýrarknattspyrnu eru ein-
faldar og fylgja í megindráttum
venjulegum knattspyrnureglum.
Spilað er á velli sem er ca. 60m x
35m. Leiktími er 2x12 mín og sex
leikmenn eru ( hverju liði. Ollum inn-
köstum og hornum ersparkað inn en
markmaður má taka með höndum
þrjá metra frá marki.
Eitt tonn af vatni
og völlurinn er klár
Fyrsta Islenska mótið í Mýrar-
knattspyrnu var haldið á ísafirði á
haustdögum og var þátttaka mjög
góð. Blaðamaður Skinfaxa á svæðinu
heyrði í Jóni Páli Flreinsyni sem veit
allt um vesfirskan Mýrarbolta.
„Forsaga málsins er sú að
Isafjarðarbær er þátttakandi í stóru
verkefni sem snýr að því að efla
viðburðatengda ferðamennsku. Það
var því á vegum þess verkefnis sem
ég fór ásamt Jóhanni Bæring
UMFÍ - Ræktun lýðs og lands
10