Skinfaxi - 01.12.2004, Blaðsíða 13

VETRARLEIKAR UMFÍ
Skíðasvæðið í Tungudal verður aðalvettvangur Vetrarleikanna á Isafirði í mars á næsta ári. Mynd: Hrafn Snorrason.
Vetrarleikar UMFI 2005
Hugmyndin að vetraríþróttahátíð
kviknaði innan Skíðafélags Isfirðinga
og var kynnt á skíðaþingi sl. vor.
Gengur hún út á það að víkka út
unglingalandsmótið á skíðum, en
það verður fellt inn í hátíðina sem
haldin verður á Isafirði 18.-21. mars
2005.
Gunnar Þórðarson framkvæmda-
stjóri HSV segir að hugmyndin hafi
verið kynnt fyrir stjórn UMFI í haust.
„Þar var hugmyndinni þunglega tekið
en hún var ef til vill ekki sett rétt fram
þar. Síðan fór formaður HSV Ingi Þór
Agústsson með endurbætta útgáfu
hugmyndarinnar á Sambandsþing
UMFÍ að Laugum í Sælingsdal í
október þar sem viðtökur snérust
algerlega við," segir Gunnar.
Sambandsþingið samþykkti svo-
hljóðandi ályktun vegna Vetrar-
íþróttahátíðarinnar: "34. sambands-
ráðsfundur UMFÍ haldinn ló.október
2004 að Laugum í Sælingsdal óskar
Héraðssambandi Vestfirðinga (HSV)
til hamingju með framkomnar hug-
myndir varðandi Vetrarleika UMFI.
Fundurinn vill beina þeim tilmælum
til stjórnar að hún styðji við HSV til að
koma hugmyndinni í framkvæmd."
Helsti kostnaðurinn við hátíðina
verður kynningarkostnaður en
Gunnar segir að slagkraftur UMFI og
samband þess við aðildarfélög verði
notaður til að koma hátíðinni á
framfæri.
En fyrir hverja er þessi hátíð? „Hún
er fyrir íbúa ísafjarðarbæjar og það
keppnisfólk sem kemur og fjölskyldur
þeirra," segir Gunnar. Keppendur
verða frá fermingaraldri til 16 ára.
„Hugmyndafræðin við þessa hátíð er
sótt í Unglingalandsmót UMFÍ. Það
módel hefur tekist frábærlega vel en
þar svífur ungmennafélagsandinn
yfir vötnum. Ekki er aðalatriðið að
sigra heldur að vera með." Þau félög
sem standa að þessari Vetrarhátíð
eru auk Skíðafélags Isfirðinga,
Körfuknattleiksfélag Isafjarðar, Bl 88,
Sæfari, Golfklúbbur ísafjarðar og
síðast en ekki síst Iþróttafélagið Ivar
sem heldur utan um íþróttir fatlaðra í
Isafjarðarbæ. A þeirra herðum hvílir
t.d. keppni á skíðasleðum og boccia.
Ef gluggað er í drög af dagskrá
Vetraríþróttahátíðarinnar eru
keppnisgreinar margar óvenjulegar
auk hefðbundinna skíðaíþrótta. Má
þar nefna keppni á skíðasleðum,
ísfótbolta, mýrarfótbolta, snjógolf og
úti-boccia. En það verður ekki bara
keppni í gangi því á kvöldin verður
boðið upp á glæsilega skemmti-
dagskrá sem krydduð verður með
varðeldi, grilli, stórdansleik og
flugeldasýningu.
„Keppnisgreinar eru þannig upp
byggðar að margir eiga möguleika
og þetta verður fyrst og fremst
skemmtun þar sem foreldrar geta
tekið þátt með börnum sínum," segir
Gunnar Þórðarson að lokum.
Karl Jónsson fyrir Skinfaxa á
ísafirði
13
SKINFAXI - tímarit um íþróttir