Sjómannablaðið Víkingur - 01.02.1940, Qupperneq 14

£MIL JÓNSSON, vitamálastjóri:
Vitabyggingar 1940
Samkvæmt ósk ritstjórans fer hér á eftir
stutt yfirlit yfir nýjarvitabyggingar,sem vænt-
anlega verða re.istar á yfirstandandi ári.
Á fjárlögum fyrir árið 1940 eru veittar til
nýrra vitabygginga 65,000,00 kr. Er það sama
upphæðin og veitt hefir verið undanfarin ár í
þessu skyni. Atvinnumálaráðherra ákveður
svo, að fengnum tillögum vitanefndarinnar, en
í henni eiga sæti skólastjóri Stýrimannaskól-
ans, forseti Fiskifélagsins og undirritaður, hvar
þessi fjárveiting skuli notuð.
Nefndin hefir nú lagt til og ráðherra sam-
þykkt, að fjárveiting ársins 1940 verði notuð
þannig:
1. Til að fullgera Þrídrangavitann við Vest-
mannaeyjar, en bygging hans var hafin árið
sem leið, og vitahúsið þá steypt upp og gengið
frá því að fullu. Ljóstækin hafa líka þegar
verið fengin til hans mest öll. Vantar aðeins
ljósakrónuna, sem von er á með næstu skipum.
Verður þá fyrsta tækifæri notað, sem gefst, til
að ganga frá vitanum.
Vitabyggingin í Þrídrang er fyrir margra
hluta sakir all-merkileg. Kletturinn virð.ist við
fyrstu sýn all-óárennilegur, um 40 metra hár
þar sem hann er hæstur, en um 33 metra þar
sem vitinn stendur. Þverhnýptur er hann á
alla vegu og tiltölulega lítill um sig, aðeins uin
50 m. á lengd og tæpir 20 m. á breidd, sam-
kvæmt lauslegri mælingu, sem gerð var uppi
á klettinum haustið 1938, þegar ákveðið var að
hefjasL handa um bygginguna.
Engin tök eru á því að hafa stöðuga gæzlu
í vitanum af mörgum ástæðum. Vitinn verð-
ur því sjálfvirkur, og eins tryggilega frá hon-
um gengið og frekast eru föng á.
2. Til að byggja nýjan vita á Rauðanesi inn-
arlega í Borgarfirði.
Á Miðfjarðarskeri í Borgarfirði utanverðum
var árið sem leið reistur viti, sem ætlað er að
lýsa yfir mynni fjarðarins og allt ,inn á móts
við Borgareyjar. En til þess að f jörðurinn megi
teljast sæmilega lýstur vantar enn smáljós fyr-
ir innsta hluta hans. Hefir því nú verið ákveðið
að reisa lítinn vita á Rauðanesi norðan fjarð-
ar, sem tekur við þegar Miðfjarðarskersvita
sleppir. Er honum ætlað að ná saman við jnn-
sigiingaljós Borgarneshafnar.
Siglingarnar í Borgarnes eru svo miklar nú
orðið, síðan áætlunarferðir hófust þaðan til
Norðurlands, að samkvæmt skýrslu, sem mér
hefir borizt um þetta efni má gera ráð fyrir
að um 20 þúsund manns fari þarna um á ári
hverju, að minnsta kosti. Þegar svo er komið,
og tillit er tekið til þess hversu leiðin er hættu-
leg, bæði krókótt og grunn, virðist með fullu
óafsakanlegt að reyna ekki að koma upp vit-
um á þessari le.ið.
Um hitt má vitaskuld deila hvor leiðin verði
heppilegri fyrir þessa fiutninga norður, Akra-
nessleiðin eða Borgarnessleiðin, eða jafnvel
enn aðrar leiðir. En úr því, sem komið er, virð-
ist mega ganga út frá því vísu að veruleg umj
ferð verði um þessa leið framvegis eins og
hingað til.
3. Til að endurbyggja vitann á Kálfshamars-
vík. Þar er nú lítill viti með mjög litlu ljós-
magni og stendur auk þess mjög lágt, enda
hafa tíðar kvartanir borizt yfir honum. Svæð-
ið fyrir utan og norðan vitann er líka allhættu-
legt, þar sem er Skallarifið, og af þeim or-
sökum er mjög nauðsynlegt að hafa all-sterkt
VÍKINGUR
14